ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເພື່ອຕອບໂຕ້ຄຳຕຳໜິແບບໄຮ້ເຫດຜົນຂອງລັດຖະມົນຕີກະຊວງການຕ່າງປະເທດອັງກິດທີ່ກ່າວຫາຈີນ ແລະຣັດເຊຍ, ວັນທີ 13 ພຶດສະພານີ້, ທ່ານນາງຮວ້າຊຸນຢິງ ໂຄສົກກະຊວງການຕ່າງປະເທດຈີນກ່າວໃນກອງປະຊຸມຖະແຫຼງຂ່າວວ່າ, ຈີນຮຽກຮ້ອງໃຫ້ອັງກິດສຳນຶກຄືນຕໍ່ການກະທຳທີ່ຜິດພາດຂອງຕົນໃຫ້ຫຼາຍຂຶ້ນ, ປະກອບສ່ວນອັນຕັ້ງໜ້າເຂົ້າໃນການຮັກສາສັນຕິພາບ ຄວາມປອດໄພແລະ ການຮ່ວມມືໃນຂົງເຂດອິນເຕີເນັດ, ຫາກບໍ່ແມ່ນສ້າງສິ່ງກີດຂວາງກັນ.
ວັນທີ 12 ພຶດສະພານີ້, ໃນກອງປະຊຸມທີ່ຈັດຂຶ້ນຢູ່ສູນຄວາມປອດໄພດ້ານອິນເຕີເນັດແຫ່ງຊາດອັງກິດ, ທ່ານໂດມີນິກ ຣາບ ລັດຖະມົນຕີກະຊວງການຕ່າງປະເທດອັງກິດໄດ້ຕຳໜິຈີນ ແລະ ຣັດເຊຍວ່າ ແມ່ນ “ລັດຂອງລັດທິອຳນາດນິຍົມ”, ໂດຍບໍ່ໄດ້ໃຊ້ມາດຕະການເພື່ອຢຸດຢັ້ງການໂຈມຕີທາງອິນເຕີເນັດທີ່ມາຈາກປະເທດຕົນ, ທັງກ່າວວ່າ ການເລືອກຕັ້ງໄດ້ກາຍເປັນເປົ້າໝາຍແຊກແຊງຕົ້ນຕໍ, ເຊິ່ງມີຈຸດປະສົງທຳລາຍຄວາມໝັ້ນຄົງຂອງປະເທດປະຊາທິປະໄຕ.
ກ່ຽວກັບເລື່ອງນີ້, ທ່ານນາງຮວ້າຊຸນຢິງກ່າວວ່າ: “ອັງກິດອ້າງວ່າຈີນເປັນລັດຖະບານອຳນາດນິຍົມ, ທັງໃສ່ຮ້າຍປ້າຍສີວ່າ ລັດຖະບານຈີນໃຫ້ທຶນສະໜັບສະໜູນນັກໂຈລະກຳດຳເນີນການໂຈມຕີທາງອິນເຕີເນັດ ພາຍໃຕ້ສະພາບການທີ່ບໍ່ມີມູນຄວາມຈິງ, ສຳລັບການກະທຳທີ່ໃສ່ຮ້າຍປ້າຍສີປະເທດອື່ນຕາມລຳພັງໃຈແບບຂາດຄວາມຮັບຜິດຊອບນີ້, ຈີນສະແດງຄວາມຄັດຄ້ານຢ່າງເດັດດ່ຽວ. ໃນຄວາມເປັນຈິງແລ້ວ, ໃນຊຸມປີມໍ່ໆມານີ້, ອັງກິດໄດ້ເສີມສ້າງຄວາມສາມາດໃນການໂຈມຕີທາງອິນເຕີເນັດຢ່າງບັງອາດ, ໂດຍບໍ່ຕ້ອງສົງໄສເລີຍວ່າ ນີ້ຈະເປັນການເພີ່ມຄວາມສ່ຽງທີ່ຈະກໍ່ໃຫ້ເກີດມີການປະທະກັນທາງອິນເຕີເນັດ, ການກະທຳແບບນີ້ຈຶ່ງແມ່ນໄພຂົ່ມຂູ່ທີ່ແທ້ຈິງຕໍ່ສັນຕິພາບ ແລະ ຄວາມປອດໄພທາງອິນເຕີເນັດ. ”
ຄຳເຫັນ
0