ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 13 ພຶດສະພານີ້, ທ່ານກ່າວເຟິ່ງ ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງວ່າ: ຈີນແມ່ນປະເທດທຳອິດທີ່ໄດ້ສະເໜີ ແລະຕັ້ງໜ້າຈັດຕັ້ງປະຕິບັດການຖືເອົາວັກຊີນເປັນຜະລິດຕະພັນສາທາລະນະຂອງໂລກ. ປັດຈຸບັນນີ້, ສະມາຊິກອົງການການຄ້າໂລກພວມປຶກສາຫາລືບັນຫາການເຂົ້າເຖິງວັກຊີນຂອງໂລກ.
ທ່ານກ່າວວ່າ: ຈີນເຫັນວ່າ ອົງການການຄ້າໂລກສາມາດເສີມຂະຫຍາຍບົດບາດຢ່າງຕັ້ງໜ້າໃນດ້ານນີ້. ຈີນສະໜັບສະໜູນຍັດຕິຂອງອົງການການຄ້າໂລກວ່າດ້ຽວການຍົກເລີກຊັບສິນທາງປັນຍາກ່ຽວກັບວັດຖຸຕ້ານກັບພະຍາດໂຄວິດ-19 ເຊັ່ນ: ວັກຊີນໂຄວິດ-19 ແລະອື່ນໆເຂົ້າສູ່ໄລຍະປຶກສາຫາລືເອກະສານທີ່ກ່ຽວຂ້ອງ. ໃນໄລຍະຕໍ່ໜ້າ, ຈີນຈະຮ່ວມກັບບັນດາຝ່າຍ, ຕັ້ງໜ້າປຶກສາຫາລື, ຊຸກຍູ້ໃຫ້ບັນລຸແຜນການແກ້ໄຂທີ່ກ້ຳເກິ່ງກັນ ແລະມີປະສິທິຜົນ, ເພື່ອໃຫ້ບັນດາປະເທດໄດ້ຮັບໄຊຊະນະໃນການຕ້ານກັບພະຍາດໂດຍໄວ.
ຫວ່າງມໍ່ໆມານີ້, ທ່ານນາງແຄດເທີຣິນເຊີຣີນ ໄທ ຜູ້ຕ້າງໜ້າອົງການການຄ້າອາເມຣິກາກ່າວວ່າ: ລັດຖະບານອາເມຣິກາໄດ້ສະໜັບສະໜູນການຍົກເລີກຊັບສິນທາງປັນຍາກ່ຽວກັບວັກຊີນໂຄວິດ-19, ແລະຈະຕັ້ງໜ້າເຂົ້າຮ່ວມການເຈລະຈາຂອງອົງການການຄ້າໂລກໂດຍຖືເອົາຍັດຕິນີ້ເປັນພື້ນຖານ.
ຄຳເຫັນ
0