ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 15 ພຶດສະພານີ້, ຫຼັງຈາກຍານສຳຫຼວດ “ທ່ຽນເວີ້ນ 1” ທີ່ເຮັດໜ້າທີ່ສຳຫຼວດດາວອັງຄານຄັ້ງທຳອິດຂອງຈີນ ໄດ້ລົງຈອດຢູ່ເຂດທີ່ໄດ້ກຳນົດໄວ້ ລ່ວງໜ້າຢູ່ພາກໃຕ້ທົ່ງພຽງອູໂຕເປຍຂອງດາວອັງຄານຢ່າງສຳເລັດຜົນແລ້ວ, ເລື່ອງນີ້ໄດ້ຮັບຄວາມສົນໃຈຢ່າງສູງຈາກສື່ມວນຊົນຣັດເຊຍ, ເຢຍລະມັນແລະອັງກິດ.
ຂ່າວສານອີຕາຕັສຣັດເຊຍ, ຂ່າວສານຣັດເຊຍແລະສື່ມວນຊົນອື່ນໆຫຼາຍແຫ່ງໄດ້ລາຍງານຂ່າວດັ່ງກ່າວທັນທີ, ຕົ້ນຕໍແມ່ນໄດ້ສົນໃຈນຳຂອດຫຍຸ້ງຍາກໃນເວລາທີ່ຍານສຳຫຼວດລົງຈອດຢູ່ພື້ນຜິວດາວອັງຄານ, ຂະບວນການລົງຈອດ, ພາລະກິດສຳຄັນໃນການສຳຫຼວດດາວອັງຄານແລະເນື້ອໃນດ້ານອື່ນໆ. ໂທລະພາບຫຼາຍແຫ່ງໄດ້ຖ່າຍທອດຮູບພາບທີ່ຍານສຳຫຼວດຈີນລົງຈອດຢູ່ພື້ນຜິວດາວອັງຄານ.
ສື່ມວນຊົນຫຼາຍແຫ່ງຂອງເຢຍລະມັນກໍ່ໄດ້ລາຍງານຂ່າວດັ່ງກ່າວທັນທີ, ໂດຍສະເພາະໄດ້ໃຫ້ຄວາມສົນໃຈຕໍ່ຂອດຫຍຸ້ງຍາກແລະຄວາມສັບສົນໃນການລົງຈອດຢູ່ພື້ນຜິວດາວອັງຄານ.
ນອກນັ້ນ, ສື່ມວນຊົນຫຼາຍແຫ່ງຂອງອັງກິດ ກໍ່ໄດ້ລາຍງານຂ່າວດັ່ງກ່າວ. ໜັງສືພິມ ເດີ ກາດຽນ ອັງກິດແຈ້ງຂ່າວວ່າ, ຈີນແມ່ນປະເທດທຳອິດທີ່ໄດ້ໂຄຈອນອ້ອມດາວອັງຄານ, ລົງຈອດຢູ່ພື້ນຜິວດາວອັງຄານແລະລາດຕະເວນສຳຫຼວດ ໃນເວລາປະຕິບັດໜ້າທີ່ສຳຫຼວດດາວອັງຄານຄັ້ງທຳອິດ.
ຄຳເຫັນ
0