ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 18 ພຶດສະພານີ້, ທ່ານຈິ່ນຊຽນຕົ່ງ, ຫົວໜ້າຫ້ອງການຄົ້ນຄວ້ານະໂຍບາຍ ທັງເປັນໂຄສົກຂອງຄະນະກຳມະການການພັດທະນາ ແລະການປະຕິຮູບແຫ່ງຊາດຈີນກ່າວໃນກອງປະຊຸມຖະແຫຼງຂ່າວວ່າ: ໃນ 5 ປີທີ່ຜ່ານມາ, ຈີນໄດ້ແລ່ນຂະບວນລົດໄຟຈີນ-ເອີຣົບໄດ້ທັງໝົດ 38.000 ຖ້ຽວ, ຂະບວນລົດໄຟໄດ້ໄປເຖິງ 151 ນະຄອນຂອງ 22 ປະເທດໃນເອີຣົບ.
ໃນ 5 ປີທີ່ຜ່ານມາ, ຂະບວນລົດໄຟຈີນ-ເອີຣົບໄດ້ເລັ່ງຊຸກຍູ້ການເຄື່ອນໄຫວແບບຕ່າງຝ່າຍຕ່າງໄດ້ຮັບຜົນປະໂຫຍດ, ຊ່ວຍໃຫ້ປະເທດທີ່ຢູ່ລຽບຕາມເສັ້ນທາງລົດໄຟດັ່ງກ່າວສາມາດເຊື່ອມຕໍ່ດ້ານພື້ນຖານໂຄງລ່າງ, ລົງເລິກການຮ່ວມມືດ້ານການຄ້າ ແລະການພັດທະນາແບບເຊື່ອມຕໍ່ກັນລະຫວ່າງຂະແໜງການຕ່າງໆ.
ຂໍ້ມູນທີ່ໄດ້ເຜີຍໃຫ້ຮູ້ໃນມື້ດັ່ງກ່າວຍັງໄດ້ສະແດງໃຫ້ເຫັນວ່າ: ໃນເດືອນເມສາປີນີ້, ຈີນໄດ້ແລ່ນຂະບວນລົດໄຟຈີນ-ເອີຣົບໄດ້ 1.218 ຖ້ຽວ ເຊິ່ງໄດ້ເພີ່ມຂຶ້ນ 24% ເມື່ອທຽບໃສ່ໄລຍະດຽວກັນຂອງປີກາຍນີ້ ແລະໄດ້ຂົນສົ່ງສິນຄ້າຈຳນວນ 117.000 ຕູ້ສິນຄ້າ ເຊິ່ງໄດ້ເພີ່ມຂຶ້ນ 33% ເມື່ອທຽບໃສ່ໄລຍະດຽວກັນຂອງປີກາຍນີ້.
ຄຳເຫັນ
0