ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 9 ມິຖຸນານີ້, ອົງການປົກຄອງເຂດບໍລິຫານພິເສດຮົງກົງກ່າວວ່າ: ອົງການກອງທຶນເງິນຕາສາກົນຫຼື IMF ໄດ້ປະກາດບົດລາຍງານ ໂດຍໄດ້ຢືນຢັນຖະນະຂອງຮົງກົງທີ່ເປັນສູນກາງທາງດ້ານການເງິນສາກົນອີກຄັ້ງໜຶ່ງວ່າ: ຮົງກົງມີລະບົບການເງິນທີ່ໝັ້ນທ່ຽງແລະເຂັ້ມແຂງ, ມີນະໂຍບາຍເສດຖະກິດມະຫາພາກທີ່ມີປະສິດທິຜົນແລະຮອບຄອບ ທັງມີການຄຸ້ມຄອງແລະລະບຽບການຕິດຕາມກວດກາທີ່ຄົບຖ້ວນ.
ບົດລາຍງາຍຍັງລະບຸວ່າ: ພາຍໃຕ້ການສະໜັບສະໜູນຈາກຄັງສຳຮອງເງິນຕາຕ່າງປະເທດຈຳນວນຫຼວງຫຼາຍ, ລະບົບອັດຕາແລກປ່ຽນເງິນຕາຕ່າງປະເທດຂອງຮົງກົງຍັງສືບຕໍ່ສະໜັບສະໜູນໃຫ້ການເງິນມີຄວາມໝັ້ນທ່ຽງ. ຜົນການກວດກາຄວາມກົດດັນຢ່າງເຂັ້ມງວດຂອງ IMF ສະແດງໃຫ້ເຫັນວ່າ: ພາຍໃຕ້ສະພາບການທີ່ຂ້ຽວຂາດທີ່ສຸດ, ລະບົບການເງິນຂອງຮົງກົງຍັງສາມາດຮັກສາຄວາມໝັ້ນທ່ຽງແລະຄວາມເຂັ້ມແຂງໄດ້.
ບົດລາຍງານໄດ້ຢືນຢັນຖະນະຂອງຮົງກົງທີ່ເປັນສູນກາງທາງດ້ານການເງິນຕົ້ນຕໍຂອງສາກົນ ແລະມີໜຶ່ງໃນຂະແໜງການການເງິນທີ່ມີຂະໜາດໃຫຍ່ທີ່ສຸດໃນໂລກ. ບົດລາຍງານຍັງລະບຸວ່າ: ຊັບສິນໃນລະບົບທະນາຄານຮົງກົງມີປະມານ 9,5 ເທົ່າຂອງ GDP ທ້ອງຖິ່ນ ເຊິ່ງແມ່ນແຫຼ່ງກຳເນີດຕົ້ນຕໍຂອງຜົນກຳໄລແລະຍອດຊັບສິນຂອງທະນາຄານສຳຄັນໃນລະບົບການເງິນຂອງໂລກຫຼາຍແຫ່ງ.
ຄຳເຫັນ
0