ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ມິຖຸນານີ້, ກະຊວງສາທາລະນະສຸກອິນໂດເນເຊຍໄດ້ເຜີຍແຜ່ຂໍ້ມູນກ່ຽວກັບການແຜ່ລະບາດຂອງພະຍາດໂຄວິດ-19 ໂດຍສະແດງໃຫ້ເຫັນວ່າ, ໃນ 24 ຊົ່ວໂມງທີ່ຜ່ານມາ, ຢູ່ອິນໂດເນເຊຍມີຜູ້ເປັນພະຍາດໂຄວິດ-19 ເພີ່ມໃໝ່ 8892 ຄົນ, ເຊິ່ງໄດ້ສ້າງສະຖິຕິສູງສຸດ 2 ມື້ ລຽນຕິດນັບແຕ່ທ້າຍເດືອນມີນາປີນີ້ເປັນຕົ້ນມາ.
ສື່ອິນໂດເນເຊຍແຈ້ງຂ່າວວ່າ, ຈຳນວນຜູ້ເປັນພະຍາດໂຄວິດ-19ເພີ່ມຂຶ້ນໃນຫວ່າງມໍ່ໆມານີ້ອາດຈະມີສ່ວນກ່ຽວພັນເຖິງປະຊາຊົນໄປຫຼິ້ນບຸນຢູ່ບ້ານເກີດ. ນອກນີ້, ສື່ອິນໂດເນເຊຍຈຳນວນໜຶ່ງເຫັນວ່າ, ອັດຕາການກວດຫາເຊື້ອພະຍາດໂຄວິດ-19 ຍັງຕ່ຳ, ອັດຕາແມ່ນຢຳໃນການກວດຫາເຊື້ອພະຍາດບໍ່ສູງ, ປະເພດເຊື້ອພະຍາດກາຍພັນເພີ່ມຂຶ້ນ ແລະສາເຫດອື່ນໆໄດ້ເຮັດໃຫ້ຄວາມຮຸນແຮງໃນການແຜ່ລະບາດຂອງພະຍາດໂຄວິດ-19 ຖືກປະເມີນຕ່ຳ.
ເພື່ອຊຸກຍູ້ໃຫ້ສ້າງກຳແພງພູມຕ້ານທານໂດຍໄວ, ວັນທີ 9 ມິຖຸນານີ້, ທ່ານໂຈໂກ ປະທານາທິບໍດີອິນໂດເນເຊຍກ່າວຢູ່ໃນສື່ສັງຄົມອອນລາຍວ່າ, ຕ້ອງເລັ່ງລັດການສັກວັກຊິນຢູ່ປະເທດຕົນ, ເພື່ອບັນລຸເປົ້າໝາຍທີ່ສາມາດສັກວັກຊີນໃຫ້ໄດ້ 7 ແສນເຂັມໃນແຕ່ລະມື້ໃນເດືອນມິຖຸນານີ້, ແລະ ສັກວັກຊີນໃຫ້ໄດ້ 1 ລ້ານເຂັມໃນແຕ່ລະມື້ໃນເດືອນກໍລະກົດ.
ນັບມາຮອດວັນທີ 10 ມິຖຸນານີ້, ຢູ່ອິນໂດເນເຊຍມີຈຳນວນຜູ້ເປັນພະຍາດໂຄວິດ -19 ປະມານ 1.866.000ຄົນ, ຈຳນວນຜູ້ເສຍຊີວິດມີຫຼາຍກວ່າ 52000 ຄົນ, ປົວໃຫ້ຫາຍຂາດແລ້ວມີຫຼາຍກວ່າ 1.728.000 ຄົນ.
ຄຳເຫັນ
0