ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 10 ມິຖຸນານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫຼງຂ່າວວ່າ: ຈີນໄດ້ເລັ່ງທວງໃຫ້ອາເມຣິກາປະຖິ້ມແນວຄິດສົງຄາມເຢັນ ແລະເກມຜົນລວມເປັນສູນທີ່ຫຼ້າສະໄໝ, ຕີລາຄາການພັດທະນາຂອງຈີນຢ່າງພາວະວິໄສ ແລະສົມເຫດສົມຜົນ, ຢຸດຕິການຍົກເອົາຈີນຂຶ້ນມາເປັນບັນຫາຕະຫຼອດ, ຄວນປະກອບສ່ວນເຂົ້າໃນສັນຕິພາບ ແລະສະຖຽນລະພາບຂອງພາກພື້ນອາຊີ-ປາຊີຟິກຢ່າງສ້າງສັນ, ແຕ່ບໍ່ແມ່ນເຮັດໃນທິດທາງກົງກັນຂ້າມ.
ວັນທີ 9 ມິຖຸນານີ້, ທ່ານລອຍ ເຈ ອັສຕິນ ລັດຖະມົນຕີກະຊວງປ້ອງກັນປະເທດອາເມຣິກາໄດ້ອອກຄຳສັ່ງທີ່ວ່າ: ຮຽກຮ້ອງໃຫ້ເລັ່ງພັດທະນາຄວາມສາມາດຂອງກອງທັບ ແລະການທະຫານອາເມຣິກາ ເພື່ອຊ່ວຍລັດຖະບານຮັບມືກັບສິ່ງທ້າທາຍມາຈາກຈີນ.
ທ່ານວ່າງເວີນປິ່ນໄດ້ຕອບຄຳຖາມທີ່ກ່ຽວຂ້ອງວ່າ: ບາງຄົນຂອງອາເມຣິກາຍັງສືບຕໍ່ຮັກສາແນວຄິດສົງຄາມເຢັນ ແລະເກມຜົນລວມເປັນສູນ, ຖ້າເວົ້າເຖິງການສ້າງກຳລັງປ້ອງກັນປະເທດ ກໍຕ້ອງເວົ້າເຖິງສິ່ງທ້າທາຍຈາກຈີນແນ່ນອນ. ຈີນກາຍເປັນຂໍ້ອ້າງທີ່ຈຳເປັນຂອງອາເມຣິກາໃນການເພີ່ມງົບປະມານທາງການທະຫານ ແລະເປີດກວ້າງກຳລັງແຮງທາງການທະຫານ.
ງົບປະມານທາງການທະຫານຂອງອາເມຣິກາແມ່ນຢູ່ໃນອັນດັບໜຶ່ງຂອງໂລກ, ເທົ່າກັບງົບປະມານທາງການທະຫານທັງໝົດຂອງ 9 ປະເທດທີ່ຮອງຈາກອາເມຣິກາ, ແລະເທົ່າກັບປະມານ 4 ເທົ່າຂອງຈີນໃນຫຼາຍປີລຽນຕິດ. ໃຜໆກໍຮູ້ດີແລ້ວວ່າ ອາເມຣິກາມີຖານທັບຕ່າງປະເທດຫຼາຍກວ່າ 800 ແຫ່ງ, ນັບຕັ້ງແຕ່ສະຫະລັດອາເມຣິກາສະຖາປະນາປະເທດເປັນຕົ້ນມາ ມີພຽງແຕ່ 16 ປີເທົ່ານັ້ນທີ່ບໍ່ໄດ້ເຮັດສົງຄາມ. ປະເທດໃດເປັນໄພຂົ່ມຂູ່, ປະເທດໃດແມ່ນສິ່ງທ້າທາຍ, ໃຜໆກໍຮູ້ແລ້ວ.
ຄຳເຫັນ
0