ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 11 ມິຖຸນານີ້, ທ່ານ ຢາງເຈສື້ ກຳມະການກົມການເມືອງສູນກາງພັກກອມມູນິດຈີນ, ຫົວໜ້າຫ້ອງການຄະນະກຳມະການວຽກງານການຕ່າງປະເທດສູນກາງຈີນໄດ້ສົນທະນາ ກັບທ່ານ ອັນໂຕນີ ບລິນເຄນ ລັດຖະມົນຕີກະຊວງການຕ່າງປະເທດອາເມຣິກາໂດຍຜ່ານທາງໂທລະສັບຕາມຄຳເຊື້ອເຊີນ.
ທ່ານ ຢາງເຈສື້ ກ່າວວ່າ: ການສົນທະນາແລະການຮ່ວມມືຄວນແມ່ນກະແສຫຼັກໃນການພົວພັນລະຫວ່າງຈີນ-ອາເມຣິກາ. ການຮ່ວມມືຄວນໃຫ້ຕ່າງຝ່າຍຕ່າງໄດ້ຮັບຜົນປະໂຫຍດ,ແກ້ໄຂບັນຫາທີ່ສອງຝ່າຍສົນໃຈຮ່ວມກັນຢ່າງມີຄວາມສະເໝີພາບກັນ. ຈີນຕັ້ງໜ້າເຂົ້າຮ່ວມແລະສະໜັບສະໜູນການຮ່ວມມືດ້ານການຕ້ານກັບພະຍາດໂຄວິດ-19 ໃນສາກົນ, ເດັດດ່ຽວຄັດຄ້ານການກະທຳຮ້າຍແຮງທີ່ໃສ່ຮ້າຍປ້າຍສີຈີນທຸກປະການໃນຂໍ້ອ້າງການແຜ່ລະບາດຂອງພະຍາດໂຄວິດ-19. ພວກຂ້າພະເຈົ້າຮຽກຮ້ອງໃຫ້ອາເມຣິກາຈົ່ງເຄົາລົບສະພາບຄວາມເປັນຈິງແລະວິທະຍາສາດ, ບໍ່ຄວນຫັນບັນຫາການຄົ້ນຫາແຫຼ່ງກຳເນີດຂອງພະຍາດໂຄວິດ-19 ເປັນບັນຫາການເມືອງ, ຄວນສຸມໃສ່ການຮ່ວມມືກັນຕ້ານກັບພະຍາດໃນສາກົນ.
ທ່ານ ອັນໂຕນີ ບລິນເຄນ ກ່າວວ່າ: ການໄປມາຫາສູ່ກັນຕ່າງໆລະຫວ່າງອາເມຣິກາ-ຈີນໃນຫວ່າງມໍ່ໆນີ້ມີຜົນດີຕໍ່ສອງຝ່າຍ, ອາເມຣິກາຄອງຄອຍເພີ່ມທະວີການຕິດຕໍ່ພົວພັນແລະການແລກປ່ຽນຂັ້ນຕ່າງໆກັບຝ່າຍຈີນ. ອາເມຣິກາປະຕິບັດນະໂຍບາຍປະເທດຈີນດຽວ, ເຄົາລົບປະຕິບັດຕາມຖະແຫຼງການຮ່ວມ 3 ສະບັບລະຫວ່າງສອງປະເທດ. ອາເມຣິກາຫວັງວ່າສາມາດຮັກສາການຕິດຕໍ່ພົວພັນແລະການປະສານງານກັບຝ່າຍຈີນໃນດ້ານບັນຫາສາກົນແລະພາກພື້ນທີ່ສຳຄັນ.
ຄຳເຫັນ
0