ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ອົງການການບິນອະວະກາດແຫ່ງຊາດຈີນໄດ້ຈັດກອງປະຊຸມຂ່າວຢູ່ນະຄອນຫຼວງປັກກິ່ງໃນວັນທີ 12 ມິຖຸນານີ້ ໂດຍໄດ້ແນະນຳສະພາບການໜ້າທີ່ສຳຫຼວດດາວອັງຄານຄັ້ງທຳອິດຂອງຈີນ. ທ່ານສີຮົງລ້ຽງ ໂຄສົກອົງການການບິນອະວະກາດແຫ່ງຊາດຈີນກ່າວວ່າ: ເພື່ອຮັບປະກັນຄວາມປອດໄພຂອງດາວທຽມຢູ່ຕາມວົງໂຄຈອນຂອງຍານສຳຫຼວດດາວອັງຄານ, ໃນໄລຍະມໍ່ໆມານີ້, ຈີນໄດ້ດຳເນີນການຮ່ວມມືແລກປ່ຽນຕົວເລກຂໍ້ມູນກ່ຽວກັບວົງໂຄຈອນຂອງຍານສຳຫຼວດດາວອັງຄານກັບອົງການການບິນອະວະກາດແຫ່ງຊາດອາເມຣິກາ ຫຼື NASA ແລະ ອົງການການບິນອະວະກາດເອີຣົບ.
ທ່ານກ່າວວ່າ: ການດຳເນີນການຮ່ວມມືສາກົນໃນຂົງເຂດສຳຫຼວດດວງຈັນ ແລະ ອະວະກາດຊັ້ນເລິກ ແມ່ນປະເພນີສາກົນ. ສະນັ້ນ, ຈີນພວມສ້າງແຜນວ່າ, ໃນໄລຍະພັດທະນາຂັ້ນຕໍ່ໄປ, ບໍ່ວ່າຈະແມ່ນໂຄງການສຳຫຼວດດວງຈັນໄລຍະ 4 ຫຼື ໂຄງການສຳຫຼວດດາວເຄາະນ້ອຍ ເຊິ່ງລວມທັງສະຖານີຄົ້ນຄວ້າວິທະຍາສາດດວງຈັນສາກົນ, ຈີນລ້ວນແຕ່ຈະຍຶດໝັ້ນທ່າທີເປີດປະຕູສູ່ພາຍນອກ, ດຳເນີນການຮ່ວມມືຢ່າງກວ້າງຂວາງກັບສາກົນ ຕາມຫຼັກການປຶກສາຫາລືຮ່ວມກັນ, ສ້າງສາຮ່ວມກັນ ແລະ ຊົມໃຊ້ຮ່ວມກັນ.
ຄຳເຫັນ
0