ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ໃນພິທີຖະແຫຼງຂ່າວກ່ຽວກັບພະຍາດໂຄວິດ-19 ຂອງອົງການອະນາໄມໂລກ, ທ່ານໄມເຄີີນ ເຈຣີອັນ ຫົວໜ້າບໍລິຫານງານໂຄງການສຸກເສີນຂອງອົງການອະນາໄມໂລກກ່າວວ່າ: ການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ຄວນຫຼີກລ້ຽງການຫັນເປັນບັນຫາການເມືອງ.
ທ່ານກ່າວວ່າ: ບັນດາປະເທດສະມາຊິກຂອງອົງການອະນາໄມໂລກພວມປຶກສາຫາລືຢ່າງຕັ້ງໜ້າກ່ຽວກັບການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ໃນບາດກ້າວຕໍ່ໄປ, ຈະອີງໃສ່ບົດລາຍງານໄລຍະທຳອິດຂອງການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19, ຄົ້ນຄວ້າຈະເຮັດແນວໃດເພື່ອຊຸກຍູ້ວຽກງານໃນບາດກ້າວຕໍ່ໄປ. ບົດລາຍງານໄລຍະທຳອິດໄດ້ລະບຸເຖິງບັນຫາຫຼາຍຢ່າງ, ນັກຄົ້ນຄວ້າວິທະຍາສາດຈີນໄດ້ດຳເນີນການຄົ້ນຄວ້າຕື່ມອີກແລ້ວ. ອົງການອະນາໄມໂລກຄອງຄອຍຈະໄດ້ຮັບໝາກຜົນການຄົ້ນຄ້ວາໃໝ່ຈາກນັກຄົ້ນຄວ້າວິທະຍາສາດຈີນ, ຂະນະດຽວກັນກໍຫວັງວ່າວຽກງານນີ້ຈະສືບຕໍ່ດຳເນີນໄປຢູ່ຈີນ ແລະປະເທດອື່ນໆໃນໂລກ.
ທ່ານກ່າວຕື່ມວ່າ: ບັນດາປະເທດສະມາຊິກມີຄວາມເຫັນເປັນເອກະພາບກັນຢ່າງກວ້າງຂວາງ, ຄື: ຢ່າເຮັດໃຫ້ຂະບວນການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ຫັນເປັນບັນຫາການເມືອງ. ພວກເຮົາມີພື້ນຖານທີ່ຈະມີຄວາມຄືບໜ້າ ແລະສາມາດດຳເນີນການຄົ້ນຄວ້າຕ່າງໆຕື່ມອີກ.
ຄຳເຫັນ
0