ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 30 ກໍລະກົດນີ້, ທ່ານເຕໂດຣສ ຜູ້ອຳນວຍການໃຫຍ່ອົງການອະນາໄມໂລກ ຫຼື WHO ກ່າວວ່າ: ໃນໄລຍະອາທິດທີ່ຜ່ານມາ, ທົ່ວໂລກມີຜູ້ຕິດເຊື້ອພະຍາດໂຄວິດ-19 ເພີ່ມໃໝ່ເກືອບ 4 ລ້ານຄົນ, ຕາມສະພາບການໃນປັດຈຸບັນນີ້, ຄາດວ່າຈະມີຜູ້ຕິດເຊື້ອພະຍາດໂຄວິດ-19 ທັງໝົດຫຼາຍກວ່າ 200 ລ້ານຄົນໃນສອງອາທິດຕໍ່ໜ້າ.
ທ່ານເຕໂດຣສກ່າວວ່າ: ການທີ່ຈຳນວນຜູ້ຕິດເຊື້ອ ແລະຜູ້ເສຍຊີວິດເພີ່ມຂຶ້ນຢ່າງວ່ອງໄວສ່ວນຫຼາຍແມ່ນເກີດຂຶ້ນຍ້ອນເຊື້ອພະຍາດໂຄວິດ-19 ສາຍພັນເດວຕ້າທີ່ມີການແຜ່ເຊື້ອໄວ. ປັດຈຸບັນນີ້, ໃນທົ່ວໂລກມີ 132 ປະເທດ ແລະເຂດແຄວ້ນໄດ້ລາຍງານພົບຜູ້ຕິດເຊື້ອໄວຣັດສາຍພັນເດວຕ້າ. ນອກນີ້, ການເຄື່ອນໄຫວຂອງປະຊາຊົນເພີ່ມຂຶ້ນ, ມາດຕະການປ້ອງການພະຍາດໂຄວິດ-19 ຂາດຄວາມໜັກແໜ້ນ ແລະໝັ້ນທ່ຽງ, ພ້ອມດ້ວຍຄວາມບໍ່ສະເໝີພາບຂອງການແບ່ງປັນວັກຊີນກໍສົ່ງຜົນເຮັດໃຫ້ສະພາບການແຜ່ລະບາດຂອງພະຍາດໂຄວິດ-19 ຮ້າຍແຮງຂຶ້ນ.
ຂໍ້ມູນສະຖິຕິຈາກອົງການອະນາໄມໂລກໄດ້ຊີ້ໃຫ້ເຫັນວ່າ: ມາຮອດປັດຈຸບັນນີ້, ບັນດາປະເທດໃນໂລກມີພຽງປະມານເຄິ່ງໜຶ່ງໄດ້ບັນລຸອັດຕາການສັກວັກຊີນເຖິງ 10%, ມີຈຳນວນປະເທດບໍ່ເຖິງ 1 ສ່ວນ 4 ໃນໂລກໄດ້ບັນລຸ 40%, ມີພຽງ 3 ປະເທດເທົ່ານັ້ນໄດ້ບັນລຸ 70% ແລະປະຊາກອນອາຝຣິກາມີພຽງ 1,5% ເທົ່ານັ້ນໄດ້ສັກວັກຊີນໃຫ້ຄົບ 2 ເຂັມ.
ຄຳເຫັນ
0