ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕອນບ່າຍວັນທີ 31 ກໍລະກົດແລ້ວນີ້, ກົນໄກປ້ອງກັນ ແລະ ຄວບຄຸມຮ່ວມຂອງຄະນະລັດຖະບານຈີນໄດ້ຈັດກອງປະຊຸມຂ່າວ ເພື່ອແນະນຳສະພາບກ່ຽວກັບການປ້ອງກັນ ແລະ ຄວບຄຸມພະຍາດໂຄວິດ-19 ພ້ອມທັງສະພາບການສັກວັກຊິນຂອງຈີນ.
ທ່ານຊ້າວອີ່ມີງ ນັກຄົ້ນຄວ້າ ທັງເປັນສະມາຊິກໜ່ວຍຜູ້ຊ່ຽວຊານດ້ານການຄົ້ນຄວ້າພັດທະນາວັກຊິນ ພະແນກການຄົ້ນຄວ້າວິທະຍາສາດ ຂອງສູນຄວບຄຸມພະຍາດຈີນແນະນຳວ່າ, ການຄົ້ນຄວ້າຂອງໜ່ວຍງານສ່ວນໜຶ່ງຂອງຈີນກ່ຽວກັບການຍົກລະດັບພູມຕ້ານທານສະແດງໃຫ້ເຫັນວ່າ, ຫຼັງຈາກສັກວັກຊິນຄົບ 2 ເຂັມແລ້ວ, ຖ້າສັກວັກຊິນອີກໃນເວລາຄົບ 6 ເດືອນ ແລະ ຄົບ 12 ເດືອນຈະສາມາດຍົກລະດັບພູມດ້ານທານຢ່າງເດັ່ນຊັດພາຍໃນເວລາສັ້ນໆ, ນີ້ສະແດງໃຫ້ເຫັນວ່າ, ຫຼັງຈາກສັກວັກຊິນແລ້ວ ສາມາດເຮັດໃຫ້ຮ່າງກາຍຂອງຄົນເກີດຄວາມຊົງຈຳດ້ານພູມຕ້ານທານທີ່ດີ ພ້ອມກັນນັ້ນ ຄວາມຊົງຈຳດ້ານພູມຕ້ານທານນີ້ຈະສາມາດຮັກສາຢ່າງໜ້ອຍ 1 ປີຂຶ້ນໄປ. ວັກຊິນເຊື້ອຕາຍທີ່ຈີນຜະລິດມີບົດບາດປ້ອງກັນທີ່ດີ, ມີປະສິດທິຜົນໃນລະດັບໃດໜຶ່ງໃນດ້ານການປ້ອງກັນບໍ່ໃຫ້ຕິດເຊື້ອພະຍາດໂຄວິດ-19 , ມີປະສິດທິຜົນຢ່າງຈະແຈ້ງໃນການປ້ອງກັນບໍ່ໃຫ້ພະຍາດແຜ່ລະບາດໄປວົງກວ້າງອີກ ແລະ ມີປະສິດທິຜົນຢ່າງພົ້ນເດັ່ນໃນການຫຼຸດຈຳນວນຄົນເຈັບອາການໜັກ ແລະ ຜູ້ເສຍຊີວິດ.
ຄຳເຫັນ
0