ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ນັກການເມືອງຈຳນວນໜຶ່ງຢູ່ປະເທດຕາເວັນຕົກເຊັ່ນ:ອາເມຣິກາໄດ້ມີເຈດຕະນາຖືເອົາບັນຫາການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ຫັນເປັນບັນຫາການເມືອງ ແລະກ່າວຖ້ອຍຄຳຕ່າງໆເພື່ອໃສ່ຮ້າຍປ້າຍສີຈີນ, ຕໍ່ກັບເລື່ອງນີ້, ທ່ານເຊຣີຟ ຊາເມີ ຟາຢັດ ກຳມະການກົມການເມືອງພັກ ເອກະພາບກ້າວໜ້າແຫ່ງຊາດເອຢິບ, ສາສະດາຈານເສດຖະສາດສັງຄົມເຫັນວ່າ: ຄວາມເປັນຈິງຂອງການຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19 ແມ່ນບໍ່ສາມາດກຳເນີດຈາກຄວາມລະແວງສົງໄສ ແລະແຮ່ງບໍ່ສາມາດແຊກແຊງໂດຍທາງການເມືອງໄດ້.
ທ່ານຟາຢັດກ່າວວ່າ: ນັກການເມືອງຂອງປະເທດຕາເວັນຕົກຈຳນວນໜຶ່ງທີ່ມີອາເມຣິກາເປັນຕົວແທນນັ້ນໄດ້ໃຊ້ວິທີໃສ່ຮ້າຍປ້າຍສີຈີນໃນບັນຫາຄົ້ນຫາແຫຼ່ງກຳເນີດຂອງເຊື້ອພະຍາດໂຄວິດ-19, ໃນຄວາມເປັນຈິງແລ້ວແມ່ນເພື່ອຮັບໃຊ້ຜົນປະໂຫຍດຂອງປະເທດຕົນ. ທ່ານກ່າວວ່າ: ເຖິງຈະແມ່ນຢູ່ໃນໄລຍະເວລາກ່ອນ ເກີດມີການແຜ່ລະບາດຂອງພະຍາດໂຄວິດ-19, ປະເທດຕາເວັນຕົກກໍໄດ້ກ່າວໂຈມຕີຈີນຢ່າງໄຮ້ເຫດຜົນໂດຍສວຍໃຊ້ວຽກງານຂອງພາກພື້ນເປັນຂໍ້ອ້າງ, ເຊິ່ງຈຸດປະສົງກໍເພື່ອສະກັດກັ້ນການພັດທະນາຂອງຈີນໃນອະນາຄົດ.
ທ່ານຟາຢັດເຫັນວ່າ: ຕໍ່ກັບສະພາບການແຜ່ລະບາດຂອງພະຍາດທຸກຊະນິດ, ການທີ່ສຸມຄວາມພະຍາຍາມທຸກຢ່າງເພື່ອຄົ້ນຫາແຫຼ່ງກຳເນີດຂອງເຊື້ອພະຍາດໃຫ້ເຖິງຖອງ ແລະສະກັດກັ້ນການແຜ່ລະບາດຂອງພະຍາດ ເປັນສິ່ງສຳຄັນທີ່ສຸດ. ແຕ່ວ່າຂະບວນການນີ້ຕ້ອງເຄົາລົບຄວາມເປັນຈິງພາວະວິໄສ ແລະບົນພື້ນຖານທີ່ຮັບປະກັນຄວາມຍຸຕິທຳ, ຜ່ານຈາກການຮ່ວມມືຫຼາຍຝ່າຍໃນສາກົນເພື່ອເຮັດໃຫ້ການຄົ້ນຫາແຫຼ່ງກຳເນີດຂອງເຊື້ອພະຍາດມີຄວາມໂປ່ງໃສແລະເປີດເຜີຍ.
ຄຳເຫັນ
0