ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນຖານະເປັນງານວາງສະແດງສັງລວມທີ່ມີຂະໜາດໃຫຍ່ທີ່ສຸດໃນດ້ານການຄ້າການບໍລິການຂອງໂລກ, ງານຕະຫຼາດນັດການຄ້າການບໍລິການສາກົນຈີນປີ 2021 ຈະໄຂຂຶ້ນຢູ່ນະຄອນຫຼວງປັກກິ່ງແຕ່ວັນທີ 2 ຫາວັນທີ 7 ກັນຍາໜ້ານີ້. ວິສາຫະກິດທີ່ຈະເຂົ້າຮ່ວມງານວາງສະແດງຄັ້ງນີ້ມີວິສາຫະກິດຊັ້ນນຳ 500 ແຫ່ງຂອງໂລກ ແລະວິສາຫະກິດຊັ້ນນຳໃນຂົງເຂດການຄ້າການບໍລິການກວມຈຳນວນເກືອບເຄິ່ງໜຶ່ງ.
ມາຮອດປັດຈຸບັນນີ້, ງານຕະຫຼາດນັດການຄ້າການບໍລິການສາກົນຈີນຄັ້ງນີ້ສາມາດດຶງດູດຜູ້ເຂົ້າຮ່ວມງານໄດ້ 93% ແລ້ວ, ຈຳນວນວິສາຫະກິດຊັ້ນນຳ 500 ແຫ່ງຂອງໂລກ ແລະວິສາຫະກິດຊັ້ນນຳໃນຂົງເຂດການຄ້າການບໍລິການກວມ 48%. ມີອົງການຕ່າງປະເທດອົງການຮົງກົງ, ມາກາວ, ໄຕ້ຫວັນຂອງຈີນ ແລະອົງການຕ່າງປະເທດປະຈຳຈີນທັງໝົດ 165 ແຫ່ງຈາກ 108 ປະເທດ ແລະເຂດແຄວ້ນໃນໂລກໄດ້ຢືນຢັນຈະເຂົ້າຮ່ວມງານ, ໃນນີ້ ລວມທັງ 81 ປະເທດທີ່ໄດ້ເຊັນສັນຍາສ້າງ “ໜຶ່ງແລວໜຶ່ງເສັ້ນທາງ” ຮ່ວມກັນກັບຈີນ. ງານຕະຫຼາດນັດຄັ້ງນີ້ຈະຈັດຂຶ້ນໃນຮູບແບບອອຟລາຍ ແລະອ໋ອນລາຍ.
ຄຳເຫັນ
0