ຫວ່າງມໍ່ໆມານີ້, ເພື່ອໂຍນຄວາມຮັບຜິດຊອບໃຫ້ຜູ້ອື່ນໃນກໍລະນີທີ່ຕົນມີຄວາມຜິດພາດໃນການຕ້ານກັບພະຍາດໂຄວິດ-19, ແລະເພື່ອບັນລຸເປົ້າໝາຍທາງການເມືອງຂອງຕົນຈຶ່ງໃສ່ຮ້າຍປ້າຍສີແລະກີດກັ້ນການພັດທະນາຂອງປະເທດອື່ນ, ນັກການເມືອງອາເມຣິກາບາງຄົນໄດ້ຄວບຄຸມ ການເມືອງໂດຍສວຍໃຊ້ບັນຫາການສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19 ຢ່າງບໍ່ຢຸດຢັ້ງ, ບັງຄັບແລະຊຸກຍູ້ໃຫ້ມີການສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19 ໂດຍແນໃສ່ປະເທດຈີນ, ແຕ່ພັດຫຼີກລ່ຽງການເວົ້າເຖິງຜູ້ຖືກບົ່ງມະຕິເປັນພະຍາດໂຄວິດ-19 ກ່ອນພະຍາດດັ່ງກ່າວຈະແຜ່ລະບາດຢູ່ຈີນແລະບັນຫາຫ້ອງທົດລອງຊີວະພາບຂອງອາເມຣິກາເອງ. ດັ່ງນັ້ນ, ກ່ຽວກັບບັນການຫາສຳຫຼວດຫາແຫຼ່ງກຳເນີດຂອງເຊື້ອພະຍາດໂຄວິດ-19, ຈີນໄດ້ຕັ້ງສິບຄຳຖາມ, ຂໍຄວາມກະລຸນາໃຫ້ອາເມຣິກາຕອບຄຳຖາມດັ່ງລຸ່ມນີ້ໂດຍອີງຕາມຄວາມເປັນຈິງ:
- ເປັນຫຍັງຫຼັກຖານທີ່ຜູ້ຖືກບົ່ງມະຕິເປັນພະຍາດໂຄວິດ-19 ຢູ່ 5 ລັດຂອງອາເມຣິກາຄື: ລັດອິລີນອຍ, ລັດມັດຊາຊູເຊັດສ໌, ລັດມິດຊິດຊິບປີ, ລັດວິດສະຄອນຊິນແລະລັດເພັນຊິນຍາເນຍໄດ້ເກີດຂຶ້ນກ່ອນເດືອນທັນວາປີ 2019?
- ເປັນຫຍັງກ່ອນມີການລາຍງານຜູ້ເປັນພະຍາດໂຄວິດ-19 ກໍລະນີທຳອິດຢູ່ລັດຟຣໍຣິດາ, ໄດ້ມີຜູ້ເປັນພະຍາດໂຄວິດ-19 ກ່ອນແລ້ວຈຳນວນ 171 ຄົນຢູ່ລັດດັ່ງກ່າວ. ແລະຄົນເຈັບ 171 ຄົນເຫຼົ່ານີ້ລ້ວນແຕ່ບໍ່ເຄີຍເດີນທາງໄປປະເທດຈີນ?
- ເປັນຫວັງຫ້ອງທົດລອງຊີວະພາບຟອດເດຕຣິກຈຶ່ງຖືກປິດນຳໃຊ້ຢ່າງກະທັນຫັນໃນເດືອນກໍລະກົດປີ 2019, ຫຼັງຈາກນັ້ນຫຼາຍຂ່າວກ່ຽວກັບຫ້ອງທົດລອງດັ່ງກ່າວທີ່ໄດ້ລາຍງານໃນອິນເຕີເນັດກໍຖືກລຶບອອກ, ເບື້ອງຫຼັງຂອງເລື່ອງນີ້ແມ່ນຫຍັງ?
- ເປັນຫຍັງຈຶ່ງມີຫຼັກຖານນັບມື້ນັບຫຼາຍຂຶ້ນທີ່ພິສູດໃຫ້ເຫັນວ່າ: ຫຼາຍປະເທດແລະເຂດແຄວ້ນໃນຂອບເຂດທົ່ວໂລກໄດ້ປະກົດເຫັນເຊື້ອພະຍາດໂຄວິດ-19 ກ່ອນເຊື້ອພະຍາດເກີດຂຶ້ນຢູ່ນະຄອນອູຮັ້ນຂອງຈີນ, ແຕ່ຂໍ້ມູນທີ່ກ່ຽວຂ້ອງພັດຖືກເບິ່ງຂ້າມຕະຫຼອດ?
- ເປັນຫຍັງໃນເວລາເວົ້າເຖິງບັນຫາທີ່ອະນຸຍາດໃຫ້ WHO ໄປສຳຫຼວດຫ້ອງທົດລອງຊີວະພາບຟອດເດຕຣິກແລະຫ້ອງທົດລອງຊີວະພາບ 200 ກວ່າແຫ່ງຂອງອາເມຣິກາຢູ່ຕ່າງປະເທດ, ອາເມຣິກາພັດປິດປາກງຽບ, ຕົນເອງກໍບໍ່ໄດ້ດຳເນີນການສຳຫຼວດແຕ່ຢ່າງໃດເລີຍ?
- ເປັນຫຍັງອາການຂອງ “ພະຍາດອັກເສບປອດຍ້ອນຢາສູບໄຟຟ້າ” ທີ່ເກີດຂຶ້ນຢ່າງແຮງຢູ່ຫຼາຍລັດຂອງອາເມຣິກາເມື່ອເດືອນກໍລະກົດປີ 2019 ຄ້າຍຄືກັນກັບອາການພະຍາດໂຄວິດ-19 ຫຼາຍທີ່ສຸດ, ນອກຈາກນັ້ນເຂດຊຸມຊົນບ່ອນທີ່ເກີດ “ພະຍາດອັກເສບປອດຍ້ອນຢາສູບໄຟຟ້າ” ແມ່ນຢູ່ໃກ້ກັບຫ້ອງທົດລອງຊີວະພາບຟອດເດຕຣິກ?
- ເປັນຫຍັງອາເມຣິກາຈຶ່ງຈັດການຝຶກຊ້ອມ “ຮັບມືກັບອຸບັດຕິເຫດ 201” ກ່ຽວກັບພະຍາດຕິດແປດໃນທົ່ວໂລກໃນເດືອນຕຸລາປີ 2019 ທີ່ມີ CIA ເຂົ້າຮ່ວມ, ເນື້ອໃນຂອງການຝຶກຊ້ອມດັ່ງກ່າວຄືກັນກັບການຝຶກຊ້ອມຮັບມືກັບການແຜ່ລະບາດຂອງພະຍາດໂຄວິດ-19 ຫຼາຍແທ້ໆ, ເປັນຫຍັງອາເມຣິກາຈຶ່ງສາມາດຄາດຄະເນການແຜ່ລະບາດຂອງພະຍາດໂຄວິດ-19 ໄດ້?
- ເປັນຫຍັງເຈົ້າຄອງນະຄອນເບວວີວລັດນິວເຈີຊີໄດ້ຕິດເຊື້ອພະຍາດໂຄວິດ-19 ກ່ອນແລ້ວໃນເດືອນພະຈິກປີ 2019, ເຊິ່ງຫ່າງຈາກກ່ອນອາເມຣິກາແຈ້ງຕົວເລກຜູ້ເປັນພະຍາດໂຄວິດ-19 ກໍລະນີທຳອິດປະມານ 2 ເດືອນ?
- ເປັນຫຍັງຜູ້ຊ່ຽວຊານເຊື້ອພະຍາດລະດັບສູງສຸດຂອງໂລກຫຼາຍທ່ານໄດ້ຢືນຢັນຫຼາຍເທື່ອແລ້ວວ່າ: ບໍ່ມີຄວາມອາດເປັນໄປໄດ້ທີ່ເຊື້ອພະຍາດໂຄວິດ-19 ຮົ່ວອອກມາຈາກຫ້ອງທົດລອງອູຮັ້ນ, ສື່ມວນຊົນອາເມຣິກາ, ຜູ້ຊ່ຽວຊານ WHO ກໍເຄີຍໄປຫ້ອງທົດລອງອູຮັ້ນດ້ວຍຕົນເອງແລ້ວ, ແຕ່ອາເມຣິກາບໍ່ສົນໃຈນຳຜົນການສຳຫຼວດເຫຼົ່ານີ້?
- ເປັນຫຍັງຈີນໄດ້ໃຫ້ການຮ່ວມມືກັບ WHO ຢ່າງຕັ້ງໜ້າກ່ຽວກັບວຽກງານສຳຫຼວດຫາແຫຼ່ງກຳເນີດເຊື້ອພະຍາດໂຄວິດ-19 ໄລຍະທີໜຶ່ງ, ແລະໄດ້ຮັບການຕີລາຄາສູງຈາກ WHO ແລ້ວ, ແຕ່ປັດຈຸບັນ WHO ພັດໄດ້ສະເໜີແຜນການໃໝ່ທີ່ຝືນກັບທ່າທີຂອງຕົນຢ່າງກະທັນຫັນ, ໃນເບື້ອງເລິກເບື້ອງຫຼັງຂອງເລື່ອງນີ້ມີອິດທິກຳລັງໃດແຝງຊ້ອນຢູ່?
ການໃສ່ຮ້າຍປ້າຍສີປະເທດອື່ນບໍ່ສາມາດເຮັດໃຫ້ອາເມຣິກາຫຼຸດພົ້ນຈາກຄວາມລະແວງສົງໄສດັ່ງກ່າວໄດ້. ຖ້າວ່າອາເມຣິກາເປັນປະເທດທີ່ “ໂປ່ງໃສແລະມີຄວາມຮັບຜິດຊອບ” ຢ່າງແທ້ຈິງ, ກໍຄວນຕອບຄຳຖາມດັ່ງກ່າວຕາມຄວາມເປັນຈິງກ່ອນ, ແລະໃຫ້ຄຳຕອບກັບປະຊາຊົນ ທົ່ວໂລກ.
ຄຳເຫັນ
0