ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 2 ກັນຍານີ້, ທ່ານວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ຢືນຢັນໃນກອງປະຊຸມຖະແຫຼງຂ່າວວ່າ: ກຸ່ມບໍລິສັດຊີໂນຟາມຈີນ ແລະບໍລິສັດຊີໂນແວັກຈີນຈະສະໜອງວັກຊີນ 110 ຫຼອດເຂັມໃຫ້ “ແຜນດຳເນີນງານໂຄແວກ” ຫຼື COVAX ກ່ອນທ້າຍເດືອນຕຸລາໜ້ານີ້, ຈີນຈະສືບຕໍ່ປະກອບສ່ວນເຂົ້າໃນການເຮັດໃຫ້ປະເທດພວມພັດທະນາສາມາດເຂົ້າເຖິງວັກຊີນຢ່າງຍຸຕິທຳ.
ອົງການອະນາໄມໂລກມີແຜນຈັດສົ່ງວັກຊີນທີ່ຜະລິດໂດຍບໍລິສັດຊີໂນແວັກ ແລະກຸ່ມບໍລິສັດຊີໂນຟາມຈີນ 100 ລ້ານຫຼອດໃຫ້ອາຟຣິກາ ແລະອາຊີເປັນຄັ້ງທຳອິດກ່ອນທ້າຍເດືອນກັນຍານີ້.
ທ່ານວ່າງເວີນປິ່ນໄດ້ຕອບຄຳຖາມທີ່ກ່ຽວຂ້ອງວ່າ: ຈີນໄດ້ຕັ້ງໜ້າສະໜັບສະໜູນ ແລະເຂົ້າຮ່ວມ “ແຜນດຳເນີນງານໂຄແວກ” ມາໂດຍຕະຫຼອດ, ໄດ້ສຸມໃສ່ການສົ່ງເສີມໃຫ້ປະເທດພວມພັດທະນາສາມາດເຂົ້າເຖິງ ແລະສາມາດຊື້ໄດ້ວັກຊີນ. ວັກຊີນງວດທຳອິດທີ່ມີຈຳນວນປະມານ 9 ລ້ານຫຼອດໄດ້ສົ່ງໄປເຖິງປາກິດສະຖານ ແລະບັງກາລາເດັດໃນຕົ້ນເດືອນສິງຫາທີ່ຜ່ານມາແລ້ວ. ໃນໄລຍະໃກ້ໆນີ້, ຈະມີວັກຊີນອີກເກືອບ 30 ລ້ານຫຼອດຈະຖືກສົ່ງໃຫ້ບັນດາປະເທດພວມພັດທະນາ ເຊັ່ນ: ອານເຊຣີ, ກົດດີວົວ, ນີເຊ, ກຽກກິດສະຖານ, ເວເນຊູເອລາ ແລະອື່ນໆ. ນີ້ແມ່ນການກະທຳຕົວຈິງຂອງຈີນໃນການປະຕິບັດຕາມຄຳໝັ້ນສັນຍາທີ່ຖືເອົາວັກຊີນເປັນ “ຜະລິດຕະພັນສາທາລະນະຂອງໂລກ”, ເພື່ອສົ່ງເສີມການແບ່ງປັນວັກຊີນຢ່າງຍຸຕິທຳ ແລະປະກອບສ່ວນເຂົ້າໃນການຊ່ວຍເຫຼືອຕ້ານພະຍາດໂຄວິດ-19 ໃຫ້ກັບໂລກ.
ຄຳເຫັນ
0