ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ສື່ມວນຊົນຍີ່ປຸ່ນລາຍງານວ່າ: ວັນທີ9ກັນຍານີ້ ສະຫະພັນບານເຕະຍີ່ປຸ່ນໄດ້ປະກາດວ່າ: ຍ້ອນໄດ້ຮັບຜົນກະທົບຈາກສະພາບພະຍາດໂຄວິດ-19ແລະສະພາບການປ້ອງກັນແລະຄວບຄຸມພະຍາດຍັງຢູ່ໃນສະພາບສຸກເສີນ, ຍີ່ປຸ່ນໄດ້ຕັດສິນໃຈສະຫຼະສິດຈັດການແຂ່ງຂັນຂັນບານເຕະສະໂມສອນໂລກ2021ທີ່ຕາມແຜນເດີມຈະຈັດຂຶ້ນຢູ່ຍີ່ປຸ່ນໃນທ້າຍປີນີ້.
ຂ່າວແຈ້ງວ່າ: ສະຫະພັນບານເຕະໂລກແລະສະຫະພັນບານເຕະຍີ່ປຸ່ນໄດ້ປຶກສາຫາລືກັນກ່ຽວກັບສະພາບພະຍາດໂຄວິດ-19ໃນປັດຈຸບັນ. ຍ້ອນວ່າ ສະພາບການປ້ອງກັນພະຍາດໂຄວິດ-19ຢູ່ປະເທດຍີ່ປຸ່ນຍັງຂ້ຽວຂາດຫຼາຍ,ສອງຝ່າຍຈຶ່ງຕົກລົງວ່າຍີ່ປຸ່ນຈະສະຫຼະສິດຈັດການແຂ່ງຂັນຂັນບານເຕະສະໂມສອນໂລກ2021, ສະຫະພັນບານເຕະໂລກຈະພິຈາລະນາສະຖານທີ່ໃໝ່ເພື່ອຈັດການແຂ່ງຂັນຂັນບານເຕະສະໂມສອນໂລກ2021. ນີ້ຖືວ່າເປັນການຍ້າຍສະຖານທີ່ຈັດການແຂ່ງຂັນຂັນບານເຕະສະໂມສອນໂລກ2021ເປັນເທື່ອທີສອງ.
ຄຳເຫັນ
0