ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນເວລາຕອບຄຳຖາມທີ່ກ່ຽວຂ້ອງກັບເຫດການ “11 ກັນຍາ”ເກີດຂຶ້ນຄົບຮອບ 20 ປີໃນກອງປະຊຸມຖະແຫຼງຂ່າວທີ່ຈັດຂຶ້ນໃນວັນທີ 10 ກັນຍານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນກ່າວເນັ້ນວ່າ: ຕ້ອງປະຖິ້ມ “ສອງມາດຕະຖານ”ໃນການໂຈມຕີລັດທິກໍ່ການຮ້າຍ, ພວກກໍ່ການຮ້າຍກໍຄື ພວກກໍ່ກໍ່ການຮ້າຍ, ຫາກກຳນົດ ໃຜເປັນພວກກໍ່ການຮ້າຍໂດຍອີງຕາມຜົນປະໂຫຍດສ່ວນຕົວທາງການເມືອງ, ໃນດ້ານທາດແທ້ກໍແມ່ນການປ່ອຍປະລະເລີຍການເຄື່ອນໄຫວກໍ່ການຮ້າຍ ເຊິ່ງຈະທຳລາຍສະພາບລວມແຫ່ງການຮ່ວມມືສາກົນເພື່ອຕ້ານການກໍ່ການຮ້າຍ.
ທ່ານຈ່າວລີ້ຈ່ຽນ ຢືນຢັນວ່າ: ສົງຄາມອັຟການີສະຖານທີ່ອາເມຣິກາກໍ່ຂຶ້ນຫຼັງເຫດການ “11 ກັນຍາ” ໄດ້ຍືດເຍື້ອມາເປັນເວລາ 20 ປີ, ເຊິ່ງບໍ່ພຽງແຕ່ບໍ່ໄດ້ກຳຈັດໄພຂົ່ມຂູ່ຈາກລັດທິກໍ່ການຮ້າຍເທົ່ານັ້ນ, ກຸ່ມກໍ່ການຮ້າຍພາຍໃນອັຟການີສະຖານແລະພວກກໍ່ການຮ້າຍຈາກຕ່າງປະເທດໄດ້ເພີ່ມຂຶ້ນຢ່າງຫຼວງຫຼາຍ. ການສິ້ນສຸດລົງຂອງການແຊກແຊງທາງການທະຫານຈາກອາເມຣິກາຄວນເປັນການເລີ່ມຕົ້ນຂອງການແບກຫາບຄວາມຮັບຜິດຊອບຢ່າງແທ້ຈິງ. ອາເມຣິກາມີພັນທະຫຼາຍກວ່າປະເທດໃດໝົດໃນການຊ່ວຍເຫຼືອປະຊາຊົນອັຟການີສະຖານໃນດ້ານເສດຖະກິດ,ຊີວິດການເປັນຢູ່ຂອງປະຊາຊົນແລະມະນຸດສະທຳ, ພາຍໃຕ້ປະຖົມປັດໄຈທີ່ເຄົາລົບອະທິປະໄຕແລະຄວາມເປັນເອກະລາດຂອງອັຟການີສະຖານ, ຊ່ວຍເຫຼືອອັຟການີສະຖານບັນລຸເປົ້າໝາຍປົກປັກຮັກສາສະຖຽນລະພາບ,ປ້ອງກັນຄວາມວຸ້ນວາຍ, ສະກັດກັ້ນໄພຂົ່ມຂູ່ຈາກລັດທິກໍ່ການຮ້າຍແລະກ້າວໄປສູ່ການພັດທະນາທີ່ດີ.
ຄຳເຫັນ
0