ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເຫດການ “11 ກັນຍາ” ໃນ 20 ປີກ່ອນໄດ້ພາໃຫ້ອາເມຣິກາເປີດສາກໃຫຍ່ທີ່ວ່າ “ຕ້ານການກໍ່ການຮ້າຍໃນຂອບເຂດທົ່ວໂລກ”. ລັດຖະບານອາເມຣິກາໄດ້ຊູຄັນທຸງແຫ່ງການຕ້ານການກໍ່ການຮ້າຍ, ປຸກລະດົມກຳລັງການທະຫານຂອງຕົນ ແລະ ພັນທະມິດ ພ້ອມດ້ວຍ ຊັບພະຍາກອນຊະນິດຕ່າງໆ, ກໍ່ສົງຄາມ ຫຼື ກໍ່ການໂຈມຕີທາງການທະຫານຫຼາຍເທື່ອໃນຂອບເຂດທົ່ວໂລກ, ເພື່ອສົ່ງອອກອັນທີ່ວ່າ “ປະຊາທິປະໄຕ”ຂອງຕົນ ແລະ ບັງຄັບໃຫ້ປະເທດອື່ນຕ້ອງຍອມຮັບ, ຫຼາຍປະເທດເອີຣົບກໍເຄີຍເດີນຕາມອາເມຣິກາ ແລະເຂົ້າຮ່ວມ “ສົງຄາມຕ້ານການກໍ່ການຮ້າຍ”.
ທ່ານໂອເຊັນຄົບ ນັກຄົ້ນຄວ້າຂອງອົງການຄັງປັນຍາຊີເລີປະເທດເຢຍລະມັນໄດ້ດຳເນີນການຄົ້ນຄວ້າການພົວພັນສາກົນມາເປັນເວລາດົນນານ, ທ່ານກ່າວວ່າ, ອາເມຣິກາ ແລະ ພັນທະມິດໃນກຸ່ມນາໂຕໄດ້ກໍ່ສົງຄາມຕ້ານການກໍ່ການຮ້າຍທີ່ແກ່ຍາວເປັນເວລາ 20 ປີ ແຕ່ບໍ່ມີຈຸດປະສົງທີ່ແນ່ນອນ, ຄວາມສ່ຽງບົ່ມຊ້ອນຈາກລັດທິກໍ່ການຮ້າຍກໍບໍ່ສາມາດແກ້ໄຂໄດ້ ເຖິງວ່າບິນ ລາເດັນຖືກສັງຫານແລ້ວກໍຕາມ, ຢູ່ອີຣັກກໍບໍ່ໄດ້ຄົ້ນພົບອາວຸດທີ່ມີແສນຍານຸພາບລ້າງຜານສູງທີ່ອາເມຣິກາໃຊ້ເປັນຂໍ້ອ້າງໃນການກໍ່ສົງຄາມອີຣັກ. ທ່ານໂອເຊັນຄົບເຫັນວ່າ, ເຢຍລະມັນຕ້ອງການພິຈາລະນານະໂຍບາຍການພົວພັນກັບຕ່າງປະເທດຂອວຕົນຄືນໃໝ່, ບໍ່ຄວນເດີນຕາມອາເມຣິກາ ແລະ ກຸ່ມນາໂຕຢ່າງດຽວ, ເຢຍລະມັນຄວນພັດທະນານະໂຍບາຍການຕ່າງປະເທດຢ່າງເປັນເຈົ້າຕົນເອງ.
ໜັງສືພິມ “ເລ ຟີກາໂຣ” ຂອງຝຣັ່ງຊີ້ອອກວ່າ, ຊາວເອີຣົບໄດ້ຈ່າຍຄ່າຕອບແທນຢ່າງຫຼວງຫຼາຍຍ້ອນຄວາມປະລາໄຊຂອງອາເມຣິກາ, ອີງຕາມອົງການວິເຄາະການປ້ອງກັນປະເທດປະເມີນວ່າ, ໃນ 20 ປີຜ່ານມາ ອີຕາລີໄດ້ໃຊ້ຈ່າຍ 8700ລ້ານເອີໂຣເຂົ້າໃນການເຄື່ອນໄຫວທາງການທະຫານຢູ່ອັຟການິດສະຖານ, ທະຫານ 50 ກວ່າຄົນເສຍຊີວິດ, ປະມານ 700 ຄົນໄດ້ຮັບບາດເຈັບ. ນັກວິເຄາະເຫັນວ່າ, ຮອຍແຕກໃນການພົວພັນຂ້າມມະຫາສະໝຸດອັດລັງຕິກຈະຟື້ນຟູໄດ້ຍາກກວ່າເກົ່າ.
ຄຳເຫັນ
0