ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ໃນກອງປະຊຸມຂ່າວທີ່ຈັດຂຶ້ນໃນວັນທີ 13 ກັນຍານີ້, ເຈົ້າໜ້າທີ່ກະຊວງອຸດສາຫະກຳ ແລະ ຂໍ້ມູນຂ່າວສານຈີນໄດ້ແຈ້ງໃຫ້ຮູ້ວ່າ, ປັດຈຸບັນ, ຈີນໄດ້ສ້າງສະຖານີ 5G ສຳເລັດແລ້ວຫຼາຍກວ່າລ້ານແຫ່ງ, ກວມຫຼາຍກວ່າ 70% ຂອງໂລກ. ປະຈຸບັນນີ້,ເຄື່ອງໃຊ້ 5G ຂອງຈີນມີຫຼາຍກວ່າ 400 ລ້ານເລກໝາຍ ໂດຍມີຈຳນວນຫຼາຍທີ່ສຸດໃນໂລກ.
ມາຮອດເດືອນສິງຫາປີນີ້, ຈີນໄດ້ສ້າງສະຖານີ 5G ສຳເລັດແລ້ວ 1.037.000 ແຫ່ງ ເຊິ່ງເປັນເຄືອຂ່າຍ 5G ຂະໜາດໃຫຍ່ທີ່ສຸດໃນໂລກ ໄດ້ປົກຫຸ້ມນະຄອນທັງໝົດຂອງປະເທດຈີນ, ປົກຫຸ້ມເທສະບານເມືອງຫຼາຍກວ່າ 95% ແລະ ເທສະບານຕາແສງຫຼາຍກວ່າ 35%. ໂທລະສັບມືຖື 5G ໄດ້ພັດທະນາຢ່າງວ່ອງໄວ, ໃນ 8 ເດືອນຕົ້ນປີນີ້, ຈີນໄດ້ຜະລິດໂທລະສັບມືຖື 5G ຈຳນວນ 168 ລ້ານໜ່ວຍ, ເພີ່ມຂຶ້ນ 80% ເມື່ອທຽບໃສ່ໄລຍະດຽວກັນຂອງປີກາຍນີ້. ໂດຍສະເພາະໃນເດືອນສິງຫາແລ້ວນີ້, ມາດຕາສ່ວນຂອງໂທລະສັບມືຖື 5G ໄດ້ຖືກຍົກສູງຂຶ້ນເຖິງ 74%.
ຄຳເຫັນ
0