ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ13ກັນຍານີ້, ກອງປະຊຸມລະດັບລັດຖະມົນຕີກະຊວງເສດຖະກິດການຄ້າລະຫວ່າງ ຈີນ-ອາຊຽນ ຫຼື 10+1ຄັ້ງທີ20 ແລະກອງປະຊຸມອາຊຽນກັບຈີນ ຍີ່ປຸ່ນແລະສ.ເກົາຫຼີ ຫຼື 10+3ຄັ້ງທີ24ໄດ້ໄຂຂຶ້ນໃນຮູບແບບຜ່ານທາງວິດີໂອ.
ລັດຖະມົນຕີກະຊວງເສດຖະກິດການຄ້າຂອງກອງປະຊຸມ10+1ທຸກທ່ານມີຄວາມເຫັນເປັນເອກະພາບກັນວ່າ: ໃນໄລຍະ30ປີຜ່ານມານີ້ ການຮ່ວມມືດ້ານເສດຖະກິດການຄ້າລະຫວ່າງຈີນກັບອາຊຽນໄດ້ຮັບໝາກຜົນອັນໃຫຍ່ຫຼວງ, ສອງຝ່າຍຫວັງຢາກໃຫ້ອະນາຄົດ ການຮ່ວມມືແໜ້ນແຟ້ນກວ່າເກົ່າ; ກອງປະຊຸມໄດ້ກ່າວເນັ້ນວ່າຈະຈັດຕັ້ງປະຕິບັດສັນຍາການຄ້າເສລີຈີນ-ອາຊຽນຢ່າງຮອບດ້ານແລະມີປະສິດທິຜົນສູງ ແລະເພີ່ມເນື້ອໃນໃໝ່ໃສ່ອະນຸສັນຍາ,ເພື່ອບຸກເບີກຂົງເຂດອື່ນໆທີ່ມີຄວາມອາດເປັນໄປໄດ້ໃນສັນຍາການຄ້າເສລີຈີນ-ອາຊຽນໃຫ້ສົມບູນກວ່າເກົ່າ.
ທ່ານວ່າງເວີນທ່າວ ລັດຖະມົນຕີກະຊວງການຄ້າຈີນກ່າວວ່າ: ໂດຍຜະເຊີນໜ້າກັບສະພາບພະຍາດໂຄວິດ-19ທີ່ຍັງສັບສົນແລະຂ້ຽວຂາດຢູ່,ບັນດາປະເທດໃນພາກພື້ນຄວນຄັດຄ້ານກົນອຸບາຍທາງການເມືອງ,ຮ່ວມກັນຕ້ານກັບພະຍາດໂຄວິດ-19,ເລັ່ງຟື້ນຟູເສດຖະກິດຂອງພາກພື້ນໂດຍໄວ.ຈີນ ຍີ່ປຸ່ນແລະສ.ເກົາຫຼີຄວນຮ່ວມກັນເພີ່ມຄວາມເອົາໃຈໃສ່ຫຼາຍກວ່າເກົ່າຕໍ່ອາຊຽນ, ເກາະແຂນກັນຊ່ວຍສ້າງປະຊາຄົມອາຊຽນ.
ຄຳເຫັນ
0