ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 14 ກັນຍານີ້, ທ່ານຮາຣີ ໂຣກ ໂຄສົກທຳນຽບປະທານາທິບໍດີຟີລິບປິນໄດ້ປະກາດໃນກອງປະຊຸມຖະແຫລງຂ່າວປະຈຳວ່າ: ນະຄອນຫລວງມານີລາຈະຈັດຕັ້ງປະຕິບັດນະໂຍບາຍໃໝ່ທີ່ປິດລ້ອມເຂດສ່ວນໜຶ່ງ ແລະກັກບໍລິເວນໃນເຂດຊຸມຊົນທົ່ວໄປທີ່ມີລະດັບການເຕືອນໄພຂັ້ນທີ 4 ນັບແຕ່ວັນທີ 16 ກັນຍານີ້ເປັນຕົ້ນໄປ.
ຕອນຄ່ຳຂອງວັນທີ 13 ກັນຍານີ້, ລັດຖະບານຟີລິບປິນໄດ້ປະກາດນະໂຍບາຍກັກບໍລິເວນໃນເຂດຊຸມຊົນສະບັບໃໝ່. ນະໂຍບາຍດັ່ງກ່າວໄດ້ກຳນົດວ່າ: ນະໂຍບາຍກັກບໍລິເວນໃນເຂດຊຸມຊົນວົງກວ້າງ 4 ລະດັບທີ່ຟີລິບປິນພວມປະຕິບັດໃນປັດຈຸບັນນັ້ນບໍ່ເໝາະກັບສະພາບການຂອງນະຄອນຫລວງອີກ, ສະນັ້ນ, ນະຄອນຫລວງຈະທົດລອງປະຕິບັດນະໂຍບາຍກັກບໍລິເວນໃນເຂດຊຸມຊົນຕາມລະດັບການເຕືອນໄພ 5 ລະດັບ. ເຊິ່ງຈະກຳນົດຂັ້ນໂດຍອີງຕາມຈຳນວນກໍລະນີຜູ້ເປັນພະຍາດໂຄວິດ-19 ແລະຈຳນວນຄົນເຈັບທີ່ນອນໂຮງໝໍ, ໃນນັ້ນ, ລະດັບທີ 1 ແມ່ນລະດັບຕ່ຳສຸດ, ລະດັບທີ 5 ແມ່ນລະດັບສູງສຸດ. ເວລາປະຕິບັດລະດັບການເຕືອນໄພຈາກລະດັບທີ 1 ຫາລະດັບທີ 4, ຈະປິດລ້ອມເຂດສ່ວນໜຶ່ງບວກກັບກັກບໍລິເວນໃນເຂດຊຸມຊົນທົ່ວໄປ. ເມື່ອຂຶ້ນເປັນລະດັບທີ 5ແລ້ວ, ຈະປະຕິບັດຕາມນະໂຍບາຍກັກບໍລິເວນໃນເຂດຊຸມຊົນທີ່ເຂັ້ມງວດທີ່ສຸດ. ລະດັບການເຕືອນໄພດັ່ງກ່ວາແມ່ນປະກາດໂດຍກະຊວງສາທາລະນະສຸກຟີລິບປິນ, ໂດຍຈະປະເມີນອາທິດລະເທື່ອ.
ຄຳເຫັນ
0