ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ14ກັນຍານີ້, ສະມັດຊາໃຫຍ່ອົງການສະຫະປະຊາຊາດຊຸດທີ75ໄດ້ອັດລົງ, ຊຸດທີ76ໄດ້ໄຂຂຶ້ນ. ທ່ານອັນໂດນີໂອ ກູເຕີເຣັສ ເລຂາທິການໃຫຍ່ອົງການສະຫະປະຊາຊາດ, ທ່ານອັບດູລາ ຊາຮິດ ປະທານສະມັດຊາໃຫຍ່ອົງການສະຫະປະຊາຊາດຊຸດໃໝ່ແລະທ່ານອື່ນໆໄດ້ກ່າວຄຳປາໄສໃນພິທີເປີດກອງປະຊຸມ.
ໃນພິທີອັດກອງປະຊຸມຂອງສະມັດຊາໃຫຍ່ອົງການສະຫະປະຊາຊາດຊຸດທີ75ທີ່ຈັດຂຶ້ນໃນມື້ດຽວກັນ ທ່ານກູເຕີເຣັສກ່າວວ່າ: ຍ້ອນສະພາບພະຍາດໂຄວິດ-19,ປີກາຍແມ່ນປີທີ່ອົງການສະຫະປະຊາຊາດໄດ້ຜະເຊີນກັບສິ່ງທ້າທາຍຫຼາຍກວ່າໝູ່ນັບແຕ່ສົງຄາມໂລກຄັ້ງທີສອງເປັນຕົ້ນມາ, ພາຍໃຕ້ການນຳພາຂອງທ່ານໂວຄານ ໂບສເຄີ ປະທານສະມັດຊາໃຫຍ່ຄົນເກົ່າ, ສະມັດຊາໃຫຍ່ອົງການສະຫະປະຊາຊາດໄດ້ປະກອບສ່ວນເຂົ້າໃນການສ້າງສາຄືນໃໝ່ແບບຍືນຍົງ,ບູລະນະລະບົບສາທາລະນະສຸກໃຫ້ສົມບູນຂຶ້ນ,ສືບຕໍ່ປົກປັກຮັກສາສັນຕິພາບ ຄວາມໝັ້ນຄົງແລະຄວາມສະເໝີພາບລະຫວ່າງຍິງຊາຍພາຍໃນທົ່ວໂລກ ແລະອື່ນໆ,ທ່ານໄດ້ສະແດງຄວາມຂອບໃຈຕໍ່ເລື່ອງນີ້.
ຕໍ່ມາ,ທ່ານໂບສເຄີໄດ້ສົ່ງຕໍ່ໄມ້ຄ້ອນໃຫ້ທ່ານຊາຮິດ,ແລ້ວທ່ານຊາຮິດປະກາດການເປີດສະມັດຊາໃຫຍ່ອົງການສະຫະປະຊາຊາດຊຸດທີ76. ທ່ານຊາຮິດກ່າວວ່າ: ປະຊາຄົມໂລກໄດ້ຜະເຊີນກັບສິ່ງທ້າທາຍທີ່ບໍ່ເຄີຍມີມາກ່ອນ, ສະມັດຊາໃຫຍ່ອົງການສະຫະປະຊາຊາດຕ້ອງຫາບແບກໜ້າທີ່ຮັບຜິດຊອບ. ການຫຼຸດພົ້ນອອກຈາກສະພາບພະຍາດໂຄວິດ -19 ແມ່ນວຽກງານທີ່ສຳຄັນທີ່ສຸດ.
ຄຳເຫັນ
0