ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ19ກັນຍາຜ່ານມາ,ທ່ານແມນນີ ປາກຽວ ນັກມວຍເກັ່ງທີ່ສຸດຂອງຟິລິບປິນ,ສະມາຊິກສະພາສູງ ໄດ້ເຂົ້າຮ່ວມກອງປະຊຸມທົ່ວປະເທດຂອງພັກພະລັງປະຊາຊົນປະຊາທິປະໄຕທີ່ນຳໂດຍທ່ານພີເມນເທວ ສະມາຊິກສະພາສູງ ແລະໄດ້ຖືກຮັບຮອງໃຫ້ເປັນຜູ້ສະໝັກຮັບເລືອກຕັ້ງປະທານາທິບໍດີຊຸດໜ້າໃນນາມພັກດັ່ງກ່າວແລ້ວ.
ທ່ານປາກຽວ ປີນີ້ອາຍຸ42ປີ ແມ່ນນັກມວຍເກັ່ງສຸດຍອດຂອງຟິລິບປິນ. ປີ2010,ທ່ານປາກຽວໄດ້ຮັບເລືອກຕັ້ງເປັນສະມາຊິກສະພາຕ່ຳເທື່ອທຳອິດ ແລະໄດ້ດຳລົງຕຳແໜ່ງອີກສະໄໝໜຶ່ງໃນປີ2013. ປີ2016,ທ່ານໄດ້ຮັບເລືອກຕັ້ງເປັນສະມາຊິກສະພາສູງ. ທ່ານປາກຽວເຄີຍເປັນພັນທະມິດກັບທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນຄົນປັດຈຸບັນ, ແຕ່ສອງຝ່າຍໄດ້ເກີດມີຄວາມເຫັນຂັດແຍ້ງກັນໃນບັນຫາຈຳນວນໜຶ່ງ.
ພັກພະລັງປະຊາຊົນປະຊາທິປະໄຕແມ່ນພັກກຳອຳນາດການປົກຄອງຂອງຟິລິບປິນ, ປັດຈຸບັນໄດ້ແຕກອອກເປັນສອງຝ່າຍ,ຝ່າຍໜຶ່ງນຳໂດຍລັດຖະມົນຕີກະຊວງພະລັງງານ, ອີກຝ່າຍໜຶ່ງນຳໂດຍທ່ານປາກຽວແລະທ່ານພີເມນເທວ ສະມາຊິກສະພາສູງ.
ຄຳເຫັນ
0