ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI: ຫວ່າງມໍ່ໆມານີ້, ອົງການອາຫານແລະການກະເສດຂອງສະຫະປະຊາຊາດຫຼື ຟາວ (FAO) ໄດ້ເຜີຍແຜ່ບົດລາຍງານຫຼ້າສຸດຊີ້ອອກວ່າ,
ການລະບາດຂອງພະຍາດໂຄວິດ-19 ໄດ້ເຮັດໃຫ້ຄວາມຄືບໜ້າດ້ານການປະຕິບັດວາລະປະຊຸມປີ 2030 ຂອງອົງການສະຫະປະຊາຊາດແບບຍືນຍົງໃນເປົ້າໝາຍການພັດທະນາ ປະສົບຄວາມຫຍຸ້ງຍາກ, ຂົ່ມຂູ່ເຖິງຜົນສຳເລັດທີ່ໄດ້ຮັບໃນຫຼາຍສິບປີຜ່ານມາ.
ບົດລາຍງານໄດ້ຊີ້ອອກວ່າ, ການລະບາດຂອງພະຍາດໂຄວິດ-19 ຄາດຄະເນວ່າໄດ້ເຮັດໃຫ້ປະຊາກອນທີ່ອຶດຢາກໃນໄລຍະຍາວເພີ່ມຂຶ້ນ 83 ລ້ານຫາ 132 ລ້ານຄົນໃນປີ 2020, ເປົ້າໝາຍການລົບລ້າງຄວາມທຸກຍາກແຮ່ງຍາກທີ່ຈະບັນລຸຜົນເປັນຈິງ; ຄວາມຈຳກັດປະເທດຕ່າງໆຍ້ອນສະພາບພະຍາດແລະມາດຕະການສະກັດກັ້ນທີ່ກ່ຽວຂ້ອງເຮັດໃຫ້ການເໜັງຕີງດ້ານລາຄາສະບຽງອາຫານຮຸນແຮງກວ່າເກົ່າ; ຫຼາຍເຂດແຄ້ວນຍັງຂາດນ້ຳຢ່າງໜັກໜ່ວງ, ຂົ່ມຂູ່ເຖິງຄວາມຄືບໜ້າດ້ານການພັດທະນາແບບຍືນຍົງ; ຜູ້ຜະລິດສະບຽງອາຫານທີ່ມີຂະໜາດນ້ອຍຍັງຢູ່ໃນຖານະ.
ບົດລາຍງານໄດ້ກ່າວເນັ້ນວ່າ, ຕ້ອງການເປີດກວ້າງການລົງທຶນດ້ານກະສິກຳ; ສະໜັບສະໜູນຕໍ່ຜູ້ຜະລິດສະບຽງອາຫານທີ່ມີຂະໜາດນ້ອຍ;ຮັກສາສະບຽງອາຫານແລະຊັບພະຍາກອນສັດແລະພືດດ້ານກະສິກຳ; ນຳໃຊ້ມາດຕະການເພື່ອຮັບມືກັບການເໜັງຕີງຂອງລາຄາສະບຽງອາຫານ, ປ້ອງກັນບໍ່ໃຫ້ເຫດການໄພທຳມະຊາດທີ່ບົ່ມຊ້ອນຢູ່ກາຍເປັນໄພພິບັດຢ່າງຮອບດ້ານ.
ຄຳເຫັນ
0