ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຕາມຂ່າວCRI：ວັນທີ 24 ກັນຍາປີ 2021 ນີ້, ທ່ານສີຈິ້ນຜີງ, ປະທານປະເທດຈີນໄດ້ກ່າວຄຳອວຍພອນຜ່ານລະບົບວີດີໂອທາງໄກຕໍ່ເວທີປຶກສາຫາລືຈູ່ງກວ່ນຊູ່ນ 2021.
ທ່ານສີຈິ້ນຜີງໄດ້ຊີ້ອອກວ່າ, ປັດຈຸບັນນີ້, ການປ່ຽນແປງຂອງໂລກທີ່ບໍ່ເຄີຍມີມາກ່ອນໃນຮອບ 100 ປີຜ່ານມາໄດ້ຮັບການເລັ່ງລັດໄວເຂົ້າ, ການລະບາດຂອງພະຍາດໂຄວິດ-19 ມີຜົນສະທ້ອນຢ່າງກວ້າງຂວາງແລະເລິກເຊິ່ງ, ການຟື້ນຕົວຂຶ້ນທາງດ້ານເສດຖະກິດຂອງໂລກປະເຊີນໜ້າກັບທ້າທາຍທີ່ຂ້ຽວຂາດ, ແຕ່ລະປະເທດໃນໂລກຍິ່ງຕ້ອງການເພີ່ມທະວີການເປີດປະຕູສູ່ພາຍນອກແລະການຮ່ວມມືດ້ານເຕັກໂນໂລຊີ, ຜ່ານການປະດິດສ້າງໃໝ່ດ້ານເຕັກໂນໂລຊີເພື່ອຮ່ວມກັນຄົ້ນຄວ້າຊ່ອງທາງແລະວິທີການແກ້ໄຂບັນຫາລັກສະນະທົ່ວໂລກທີ່ສຳຄັນ, ຮ່ວມກັນຮັບມືກັບສິ່ງທ້າທາຍຂອງຍຸກສະໄໝ, ຮ່ວມກັນຊຸກຍູ້ພາລະກິອັນສູງສົ່ງແຫ່ງສັນຕິພາບແລະການພັດທະນາຂອງມວນມະນຸດ.
ທ່ານສີຈິ້ນຜີງກ່າວເນັ້ນວ່າ, ຈູ່ງກວ່ນຊູ່ນແມ່ນເຂດຕົວແບບແຫ່ງການເປັນເຈົ້າການປະດິດສ້າງໃໝ່ລະດັບຊາດແຫ່ງທຳອິດຂອງຈີນ, ເວທີປຶກສາຫາລືຈູ່ງກວ່ນຊູ່ນແມ່ນເວທີລະດັບຊາດທີ່ມຸ້ງໜ້າສູ້ການແລກປ່ຽນແລະການຮ່ວມມືຂອງການປະດິດສ້າງໃໝ່ດ້ານເຕັກໂນໂລຊີໃນທົ່ວໂລກ. ຈີນສະໜັບສະໜູນໃຫ້ຈູ່ງກວ່ນຊູ່ນດຳເນີນການນຳໜ້າປະຕິຮູບຮອບໃໝ່, ເລັ່ງລັດການກໍ່ສ້າງເຂດສວນເຕັກໂນໂລຊີ ການນຳໜ້າໃນໂລກ, ປະກອບສ່ວນໃໝ່ເຂົ້າໃນການແລກປ່ຽນແລະການຮ່ວມມືຂອງການປະດິດສ້າງໃໝ່ດ້ານເຕັກໂນໂລຊີຂອງໂລກ.
ຄຳເຫັນ
0