ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆນີ້, ກອງປະຊຸມຄັ້ງທີ 48 ຂອງສະພາສິດທິມະນຸດອົງການສະຫະປະຊາຊາດ ໄດ້ຈັດການສົນທະນາກັບໜ່ວຍງານບັນຫາກັກຕົວຕາມລຳພັງໃຈ. ທ່ານ ຈຽງຢຸ້ຍ ອັກຄະລັດຖະທູດຂອງຄະນະຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດທີ່ເຊີແນວ ໄດ້ປະກອບຄຳຄິດເຫັນ ໂດຍໄດ້ສະແດງຄວາມເປັນຫ່ວງຢ່າງໜັກໜ່ວງຕໍ່ບັນຫາກັກຕົວຕາມລຳພັງໃຈຂອງປະເທດຕາເວັນຕົກ ເຊັ່ນ: ອາເມຣິກາ, ອົສຕຣາລີ ແລະ ການາດາເປັນຕົ້ນ.
ທ່ານ ຈຽງຕ່ວນ ຊີ້ໃຫ້ເຫັນວ່າ: ອາເມຣິກາໄດ້ກັກຕົວຜູ້ຖືກສົງໄສກະທຳຜິດຢູ່ຄຸກກວນຕານາໂມໂດຍບໍ່ມີເວລາຈຳກັດ, ຜູ້ຖືກສົງໄສທີ່ກ່ຽວຂ້ອງ ບໍ່ໄດ້ຜ່ານການຕັດສິນຕາມຂັ້ນຕອນກົດໝາຍ ກໍຖືກກັກຕົວເປັນເວລາຍາວນານ, ທັງໄດ້ຖືກທໍລະມານທັງກາຍແລະໃຈຢ່າງໂຫດຮ້າຍແລະຕໍ່ເນື່ອງ. ລັດຖະບານອົສຕຣາລີ ປະຕິບັດນະໂຍບາຍກັກຕົວຜູ້ຍົກຍ້າຍຖິ່ນຖານຢູ່ນອກຝັ່ງ, ເງື່ອນໄຂການຢູ່ແລະການປິ່ນປົວພະຍາດຂອງສູນກັກຕົວແມ່ນຂີ້ຮ້າຍທີ່ສຸດ, ຜູ້ຖືກກັກຕົວ ໄດ້ຖືກທໍລະມານເປັນເວລາຍາວນານ. ສ່ວນການາດາ ໄດ້ກັກຕົວທ່ານນາງ ເມີ້ງຫວານໂຈ່ວ ທີ່ເປັນພົນລະເມືອງຂອງຈີນຢ່າງບໍ່ມີເຫດຜົນຕາມລຳພັງໃຈເປັນເວລາຫຼາຍກວ່າ 1000 ມື້, ທັງໄດ້ທຳຮ້າຍພົນລະເມືອງຈີນຜູ້ອື່ນໆໃນດ້ານການເມືອງ ເພື່ອສະກັດກັ້ນການພັດທະນາຂອງວິສາຫະກິດເຕັກນິກສູງຂອງຈີນ. ຝ່າຍຈີນເລັ່ງທວງໃຫ້ປະເທດເຫຼົ່ານີ້ຈົ່ງຢຸດຕິການກະທຳທີ່ລ່ວງລະເມີດສິດທິມະນຸດຢ່າງໜັກໜ່ວງ ເຊັ່ນ: ການກັກຕົວຕາມລຳພັງໃຈເປັນຕົ້ນໃນທັນທີ.
ຄຳເຫັນ
0