ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ເກີດຕາມທຳມະຊາດໃນທົ່ງກວ້າງ, ພັດເກີດມີແຊນທີ່ສະຫຼັບຊັບຊ້ອນຫລາກຫລາຍປະເພດ, ເຊິ່ງເຮັດໃຫ້ເຂົ້າເກີດຕາມທຳມະຊາດມີຄວາມສາມາດພິເສດທີ່ປັບປຸງເຂົ້າທີ່ຄົນເຮົາປູກໃນນານັ້ນໃຫ້ດີຂຶ້ນ. ແຕ່ຄຽງຄູ່ກັບຂອບເຂດດິນປູກຝັງຂອງມະນຸດເຮົາຂະຫຍາຍກວ້າງອອກຢ່າງບໍ່ຢຸດຢັ້ງ, ນັບແຕ່ຊຸມປີ 1980 ເປັນຕົ້ນມາ, ຕະກຸນເຂົ້າເກີດຕາມທຳມະຊາດໄດ້ຫລຸດໜ້ອຍລົງຢ່າງວ່ອງໄວ, ຈົນຜະເຊີນກັບຄວາມສ່ຽງທີ່ຈະສູນພັນ, ຖືກປຽບເໝືອນວ່າເປັນ “ໝີແພນດາໃນປະເພດພືດ”. 20 ກວ່າປີມານີ້, ທ່ານ ຢາງຊີ້ງເວີນ ນັກຄົ້ນຄວ້າຂອງສະຖາບັນຄົ້ນຄວ້າວິທະຍາສາດພັນພືດທີ່ສັງກັດສະຖາບັນວິທະຍາສາດກະສິກຳຈີນໄດ້ນຳພາໜ່ວຍງານຄົ້ນຄວ້າໄປຊອກຄົ້ນຢູ່ທົ່ງກວ້າງ, ໂດຍໄດ້ເກັບກຳຂໍ້ມູນລະອຽດຂອງຕະກຸນເຂົ້າເກີດຕາມທຳມະຊາດທັງໝົດໃນທົ່ວປະເທດຈີນ. ເພື່ອພະຍາຍາມປົກປັກຮັກສາແຊນຂອງຕະກຸນເຂົ້າເກີດຕາມທຳມະຊາດບໍ່ຖືກຜົນກະທົບຈາກເຂົ້ານາປູກຝັງ, ຄົນເຮົາຕ້ອງກຳນົດເຂດສະຫງວນເພື່ອປົກປັກຮັກສາເຂົ້າເກີດຕາມທຳມະຊາດ.
15.000 ປີກ່ອນ, ມະນຸດເຮົາກໍເລີ່ມປູກເຂົ້ານາ ເຊິ່ງແມ່ນເລີ່ມຕົ້ນຈາກແຂວງຮູນານຂອງຈີນ, ປັດຈຸບັນ, ປະຊາຊົນຢູ່ແຫ່ງນີ້ໄດ້ເຊົາປູກເຂົ້ານາຢູ່ດິນທີ່ປູກຝັງມາເປັນພັນປີ, ໂດຍໄດ້ສ້າງຮົ້ວ, ປັກປ້າຍຫ້າມ, ເພື່ອປົກປັກຮັກສາເຂົ້າເກີດຕາມທຳມະຊາດທີ່ຢູ່ເຂດນີ້.
ເຂົ້າເກີດຕາມທຳມະຊາດທີ່ໃກ້ຈະສູນພັນຈຳນວນ 23 ເຂດທີ່ແຈກຢາຍຢູ່ 7 ແຂວງຂອງຈີນ, ເຊັ່ນ: ແຂວງຈ່ຽງຊີ່, ຮູນານ, ຟູຈ້ຽນ, ກວາງຕຸ້ງ, ເຂດກວາງຊີ, ແຂວງຢູນນານ ແລະແຂວງໄຫຫລຳ ໄດ້ຖືກຈັດເຂົ້າໃນແຜນການປົກປັກຮັກສາຊັບພະຍາກອນຊີວະພາບຈີນ, ເຊິ່ງເປັນຊ່ອງທາງທີ່ພຽງພໍສຳລັບຄົນເຮົາເພື່ອນຳໃຊ້ເຂົ້າເກີດຕາມທຳມະຊາດໃນຄັ້ງໜ້າ.
ຄຳເຫັນ
0