ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີລະນຶກການຟື້ນຟູທີ່ນັ່ງຂອງ ສປຈີນ ທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດຄົບຮອບ 50 ປີ ທັງໄດ້ກ່າວຄຳປາໄສທີ່ສຳຄັນ.
ທ່ານສີຈິ້ນຜິງກ່າວວ່າ: ປະຊາຊົນຈີນໄດ້ປົກປ້ອງຄວາມສັກສິດແລະຖານະຂອງອົງການ ສປຊ, ປະຕິບັດຕາມລັດທິຫຼາຍຝ່າຍຢ່າງສະເໝີຕົ້ນສະເໝີປາຍ, ການຮ່ວມມືລະຫວ່າງຈີນກັບອົງການ ສປຊ ກໍ່ນັບມື້ນັບເຂົ້າສູ່ລວງເລິກ. ຈີນປະຕິບັດໜ້າທີ່ແລະພາລະກຳຂອງປະເທດສະມາຊິກຖາວອນຂອງສະພາຄວາມໝັ້ນຄົງ ອົງການ ສປຊ ຢ່າງຈິງໃຈ, ຮັກສາຈຸດປະສົງແລະຫຼັກການຕາມກົດບັດ ສປຊ, ຮັກສາບົດບາດທີ່ເປັນແກນກາງໃນວຽກງານສາກົນຂອງອົງການ ສປຊ. ຈີນໄດ້ລິເລີ່ມແກ້ໄຂຄວາມຂັດແຍ່ງດ້ວຍວິທີການເມືອງໂດຍສັນຕິຢ່າງຕັ້ງໜ້າ, ໄດ້ສົ່ງທະຫານ 50.000 ກວ່າຄົນເຂົ້າຮ່ວມການເຄື່ອນໄຫວຮັກສາສັນຕິພາບຂອງອົງການ ສປຊ, ແມ່ນປະເທດໃຫຍ່ອັນດັບທີສອງທີ່ໄດ້ຈ່າຍເງິນພັນທະໃນຖານະເປັນປະເທດສະມາຊິກອົງການ ສປຊ ທັງເປັນປະເທດໃຫຍ່ອັນດັບທີສອງທີ່ໄດ້ຈ່າຍເງິນອຸດໜູນຕາມສ່ວນແບ່ງເພື່ອຮັກສາສັນຕິພາບ.
ຄຳເຫັນ
0