ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ຕຸລານີ້, ທ່ານສີຈິ້ນຜິງ ປະທານປະເທດຈີນໄດ້ເຂົ້າຮ່ວມພິທີລະນຶກການຟື້ນຟູທີ່ນັ່ງຂອງ ສປຈີນ ທີ່ຖືກຕ້ອງຕາມກົດໝາຍຢູ່ອົງການສະຫະປະຊາຊາດຄົບຮອບ 50 ປີ ທັງໄດ້ກ່າວຄຳປາໄສທີ່ສຳຄັນ.
ທ່ານສີຈິ້ນຜິງກ່າວເນັ້ນວ່າ: ປະຊາຊົນຈີນໄດ້ສາມັກຄີແລະຮ່ວມມືກັບປະຊາຊົນບັນດາປະເທດໃນໂລກຢ່າງສະເໝີຕົ້ນສະເໝີປາຍ, ໄດ້ປົກປ້ອງຄວາມຍຸດຕິທຳແລະຄວາມເປັນທຳສາກົນ ໂດຍໄດ້ປະກອບສ່ວນອັນໃຫຍ່ຫຼວງແລະສຳຄັນເຂົ້າໃນສັນຕິພາບແລະການພັດທະນາຂອງໂລກ. ປະຊາຊົນຈີນຮັກຫອມສັນຕິພາບ, ຮູ້ຢ່າງເລິກເຊິ່ງວ່າ: ສັນຕິພາບແລະຄວາມສະຫງົບເປັນສິ່ງລ້ຳຄ່າທີ່ສຸດ, ຈີນໄດ້ປະຕິບັດນະໂຍບາຍການຕ່າງປະເທດທີ່ເປັນເອກະລາດ, ເປັນເຈົ້າຕົ້ນເອງ ແລະສັນຕິພາບ, ມີຈຸດຍືນແລະສົ່ງເສີມຄວາມເປັນທຳ, ເດັດດ່ຽວຄັດຄ້ານລັດທິເຈົ້າອຳນາດແລະການເມືອງມະຫາອຳນາດ. ປະຊາຊົນຈີນເດັດດ່ຽວສະໜັບສະໜູນການຕໍ່ສູ້ທີ່ເປັນທຳຂອງປະເທດພວມພັດທະນາທັງຫຼາຍ ເພື່ອຮັກສາອະທິປະໄຕ, ຄວາມໝັ້ນຄົງ, ຜົນປະໂຫຍດແຫ່ງການພັດທະນາຂອງຕົນ. ປະຊາຊົນໄດ້ອອກແຮງຊຸກຍູ້ການພັດທະນາຮ່ວມກັນ ເຊິ່ງເລີ່ມຈາກ “ທາງລົດໄຟຕັງຊານີ-ຊຳບີ” ຕະຫຼອດຮອດ “ໜຶ່ງແລວໜຶ່ງເສັ້ນທາງ”, ຈີນໄດ້ຊ່ວຍເຫຼືອປະເທດພວມພັດທະນາຕາມຄວາມສາມາດຂອງຕົນ, ໄດ້ສ້າງໂອກາດໃໝ່ໃຫ້ທົ່ວໂລກດ້ວຍການພັດ
ທະນາຂອງຈີນ.
ຄຳເຫັນ
0