ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ຕຸລານີ້, ອົງການຄຸ້ມຄອງທີ່ດິນແຫ່ງຊາດອິສຣາແອນໄດ້ປະກາດວ່າ: ຈະສ້າງໂຄງການເຮືອນໃໝ່ 1.355 ຊຸດຢູ່ແຄມຝັ່ງແມ່ນ້ຳຈໍແດນແລະໄດ້ເລີ່ມການປະມູນແລ້ວ. ທ່ານ ໂມຊີ ຣັສ ສະມາຊິກສະພາຈາກພັກເມຣິດສ໌ທີ່ເປັນພັກການເມືອງຝ່າຍຊ້າຍຂອງອິສຣາແອນກ່າວວ່າ: ການສ້າງຈຸດຕັ້ງຖິ່ນຖານແຫ່ງໃໝ່ຢູ່ນອກດິນແດນຂອງປະເທດຕົນຈະເປັນການທຳລາຍປະເທດຕົນ.
ບັນຫາຈຸດຕັ້ງຖິ່ນຖານຂອງຊາວອີວແມ່ນໜຶ່ງໃນອຸປະສັກທີ່ສຳຄັນໃນການເຈລະຈາສັນຕິພາບລະຫວ່າງປາແລັສຕິນກັບອິສຣາແອນ. ປາແລັສຕິນໄດ້ຍຶດໝັ້ນວ່າ: ມີແຕ່ຝ່າຍອິສຣາແອນຢຸດຕິການສ້າງຈຸດຕັ້ງຖິ່ນຖານຊາວຢີວຢ່າງເຖິງຖອງເທົ່ານັ້ນ,ຖ້າບໍ່ດັ່ງນັ້ນການຟື້ນຟູການເຈລະຈາສັນຕິພາບຈະຖືກປະຕິເສດ.
ນອກນີ້,ສື່ມວນຊົນອິສຣາແອນຍັງໄດ້ລາຍງານວ່າ: ຄະນະກຳມະການສູງສຸດເພື່ອວາງແຜນແລະກໍ່ສ້າງດ້ານປະຊາສົງເຄາະຈະຈັດກອງປະຊຸມໃນອີກບໍ່ດົນນີ້, ຄາດວ່າຈະອະນຸມັດໂຄງການສ້າງເຮືອນອີກ 3.144 ຊຸດຢູ່ແຄມຝັ່ງຕາເວັນຕົກຂອງແມ່ນ້ຳຈໍແດນແລະເຢລູຊາເລັມຕາເວັນອອກ.
ຄຳເຫັນ
0