ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 24 ຕຸລານີ້ຕາມເວລາທ້ອງຖິ່ນ, ທ່ານນາງ ແນນຊີ ເປໂລຊີ ປະທານສະພາຕ່ຳອາເມຣິກາໄດ້ກ່າວໃນເວລາເຂົ້າຮ່ວມໃນລາຍການເວັບໄຊຂ່າວ CNN ຂອງອາເມຣິກາວ່າ: ພັກດີໂມເກຣດຈະບັນລຸສັນຍາກ່ຽວກັບຍັດຕິວ່າດ້ວຍການໃຫ້ເງິນອຸດໜູນໃນອາທິດນີ້.
ຍັດຕິດັ່ງກ່າວມີຈຸດປະສົງເພື່ອສະໜັບສະໜູນຄອບຄົວທີ່ມີຊົນຊັ້ນກາງຂອງອາເມຣິກາໂດຍຜ່ານໂຄງການຝຶກອົບຮົມແບບບໍ່ເສຍຄ່າຂອງມະຫາວິທະຍາໄລເຂດຊຸມຊົນ,ການເຜີຍແຜ່ການສຶກສາກ່ອນໄວຮຽນ,ເລື່ອນການຍົກເວັ້ນພາສີເພື່ອລ້ຽງດູເດັກນ້ອຍແລະການລົງທຶນດ້ານພະລັງງານສະອາດ. ຈຳນວນເງິນຕາມຍັດຕິທີ່ທ່ານ ໂຈ ໄບເດັນ ສະເໜີໃນເບື້ອງຕົ້ນແມ່ນ 3.500 ຕື້ໂດລາສະຫະລັດ, ປັດຈຸບັນໄດ້ຫຼຸດລົງເປັນ 1.750 ຕື້ໂດລາສະຫະລັດ.
ທ່ານນາງ ແນນຊີ ໂປໂລຊີ ກ່າວວ່າ: ປັດຈຸບັນ, ສະມາຊິກພັກດີໂມເກຣດເຫັນດີ 90% ຕໍ່ເນື້ອໃນຍັດຕິດັ່ງກ່າວ. ທ່ານນາງ ແນນຊີ ເປໂລຊີ ຍັງກ່າວຕື່ມວ່າ: ເຖິງວ່າຈຳນວນເງິນໃນຍັດຕິໄດ້ຫຼຸດລົງເຄິ່ງໜຶ່ງແລ້ວກໍຕາມ,ແຕ່ເວລາການປ່ອນບັດກ່ຽວກັບຍັດຕິດັ່ງກ່າວຂອງສະພາຕ່ຳອາເມຣິກາຍັງຈະກຳນົດໃຫ້ຈັດຂຶ້ນໃນວັນທີ 31 ຕຸລານີ້ຕາມກຳນົດເດີມ.
ຄຳເຫັນ
0