ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 25 ຕຸລານີ້, ທ່ານ ໂມຮຳມັດ ບາກເຮຣີ ຮອງລັດຖະມົນຕີກະຊວງການຕ່າງປະເທດອີຣານໄດ້ກ່າວວ່າ: ຕົນຈະສືບຕໍ່ດຳເນີນການປຶກສາຫາລືກັບຜູ້ຕາງໜ້າສະຫະພາບເອີຣົບກ່ຽວກັບການເຈລະຈາວ່າດ້ວຍບັນຫານິວເຄລຍອີຣານຢູ່ນະຄອນຫຼວງບລຸກແຊນປະເທດແບນຊິກໃນວັນທີ 27 ຕຸລານີ້ໂດຍຖືເອົາຜົນການເຈລະຈາເປັນຫຼັກ.
ໃນມື້ດັ່ງກ່າວ, ທ່ານ ບາກເຮຣີ ໄດ້ສະແດງຄວາມຄິດເຫັນຜ່ານສື່ສັງຄົມອອນລາຍວ່າ: ອີຣານໄດ້ຕັດສິນໃຈຈະສືບຕໍ່ເຂົ້າຮ່ວມການເຈລະຈາກ່ຽວກັບບັນຫານິວເຄລຍອີຣານ,ແຕ່ການເຈລະຈາຄວນມຸ່ງເນັ້ນຍົກເລີກການຂວ້ຳບາດອີຣານທີ່ຜິດກົດໝາຍຢ່າງຮອບດ້ານແລະມີປະສິດທິຜົນກ່ອນ, ເພື່ອຮັບປະກັນໃຫ້ການພົວພັນດ້ານເສດຖະກິດແລະການຄ້າກັບຕ່າງປະເທດຂອງອີຣານຫັນເປັນປົກກະຕິ,ພ້ອມທັງໃຫ້ການຮັບປະກັນຄວາມໜ້າເຊື່ອຖືວ່າຈະບໍ່ປະຕິບັດການໃດໆທີ່ຈະລະເມີດຄຳໝັ້ນສັນຍາອີກ. ທ່ານກ່າວວ່າ: ບັນຫາໃນປັດຈຸບັນແມ່ນຄູ່ເຈລະຈາໄດ້ກຽມພ້ອມເປັນຢ່າງດີແລ້ວຫຼືບໍ່ທີ່ຈະປະຕິບັດຕາມຄຳໝັ້ນສັນຍາຂອງຕົນ,ລວມທັງຮຽກຮ້ອງໃຫ້ອາເມຣິກາປະຖິ້ມນະໂຍບາຍທີ່ມີເຈດຕະນາຮ້າຍໃນໄລຍະຜ່ານມາ.
ການເຈລະຈາລະຫວ່າງປະເທດທີ່ກ່ຽວຂ້ອງກັບສັນຍາວ່າດ້ວຍບັນຫານິວເຄລຍຂອງອີຣານໄດ້ຈັດຂຶ້ນຢູ່ນະຄອນຫຼວງວຽນປະເທດໂອຕຣິສ໌ແຕ່ເດືອນເມສາປີນີ້ເປັນຕົ້ນມາ, ເພື່ອປຶກສາຫາລືກ່ຽວກັບບັນຫາການຟື້ນຟູການປະຕິບັດສັນຍາລະຫວ່າງອາເມຣິກາ-ອີຣານ,ຈົນມາຮອດປັດຈຸບັນນີ້ໄດ້ຈັດຂຶ້ນແລ້ວ 6 ຮອບ. ເນື່ອງຈາກຄວາມຂັດແຍ້ງກັນລະຫວ່າງອາເມຣິກາ-ອີຣານມີຄວາມຮ້າຍແຮງ,ກໍຄືການປ່ຽນຜູ້ນຳໃນລັດຖະບານຊຸດໃໝ່ຂອງອີຣານ,ຈຶ່ງເຮັດໃຫ້ການເຈລະຈາຮອບໃໝ່ບໍ່ໄດ້ຈັດຂຶ້ນຕາມເວລາທີ່ກຳນົດໄວ້.
ຄຳເຫັນ
0