ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພະຈິກນີ້, ທ່ານອິສມາຍ ຊາບຣີ ນາຍົກລັດຖະມົນຕີມາເລເຊຍໄດ້ເດີນທາງໄປຢ້ຽມຢາມສິງກະໂປ. ຖື່າເປັນຄັ້ງທຳອິດທີ່ທ່ານຢ້ຽມຢາມສິງກະໂປ ຫຼັງຈາກທ່ານຂຶ້ນຮັບຕຳແໜ່ງນາຍົກລັດຖະມົນຕີເປັນຕົ້ນມາ.
ທ່ານອິສມາຍ ຊາບຣີ ແລະ ທ່ານຫຼີຊຽນລຸງ ນາຍົກລັດຖະມົນຕີສິງກະໂປ ໄດ້ຮ່ວມກັນຖະແຫຼງຂ່າວ. ທ່ານຫຼີຊຽນລຸງກ່າວວ່າ, ໃນການພົບປະຄັ້ງນີ້, ຝ່າຍມາເລເຊຍໄດ້ສະເໜີວ່າຈະຟື້ນຟູການເຈລະຈາກ່ຽວກັບໂຄງການສ້າງທາງລົດໄຟຄວາມໄວສູງທີ່ເຊື່ອມຈອດກົວລາລຳເປີ ກັບ ສິງກະໂປ. ກ່ຽວກັບເລື່ອງນີ້, ທ່ານຫຼີຊຽນລຸງເຫັນວ່າ, ເຖິງວ່າກ່ອນໜ້ານີ້ມາເລເຊຍໄດ້ຕົກລົງຢຸດຕິແຜນການສ້າງທາງລົດໄຟຄວາມໄວສູງດັ່ງກ່າວແລ້ວ, ແຕ່ສິງກະໂປກໍຍັງມີທ່າທີທີ່ເປີດກວ້າງເພື່ອຟື້ນຟູການເຈລະຈາຄືນໃໝ່. ຜູ້ນຳສອງທ່ານໄດ້ມອບໝາຍໃຫ້ກະຊວງຄົມມະນາຄົມສອງປະເທດດຳເນີນການປຶກສາຫາລືກັນກ່ຽວກັບການຟື້ນຟູການເຈລະຈາກ່ຽວກັບເລື່ອງດັ່ງກ່າວ.
ຄຳເຫັນ
0