ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ວັນທີ 29 ພະຈິກນີ້, ທ່ານຫວ່າງເວີນປິ່ນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຖະແຫລງຂ່າວວ່າ: ປີນີ້ເປັນປີທີ່ສົງຄາມເຢັນສິ້ນສຸດລົງຄົບຮອບ 30 ປີ. ອາເມຣິກາໄດ້ຈັດກອງປະຊຸມສຸດຍອດ “ປະຊາທິປະໄຕ”ເຊິ່ງແມ່ນການກະທຳທີ່ເປັນອັນຕະລາຍທີ່ຢາກຮື້ຟື້ນແນວຄິດສົງຄາມເຢັນຄືນໃໝ່, ເຮັດໃຫ້ປະຊາຄົມໂລກມີຄວາມເປັນຫ່ວງເປັນໃຍຢ່າງສູງ. ພວກເຮົາຮຽກຮ້ອງໃຫ້ບຸກຄົນທີ່ມີວິໄສທັດເບິ່ງກວ້າງມອງໄກໃນວົງການຕ່າງໆຮ່ວມກັນຕໍ່ຕ້ານການກະທຳທີ່ຕ້ານກັບປະຊາທິປະໄຕ ແລະປະຊາທິປະໄຕແບບຈອມປອມ, ຮ່ວມກັນປົກປັກຮັກສາຄວາມສາມັກຄີ ແລະການຮ່ວມມືສາກົນ, ຮ່ວມກັນຊຸກຍູ້ສັນຕິພາບ ແລະການພັດທະນາຂອງໂລກ.
ຕາມຂ່າວລາຍງານວ່າ: ວັນທີ 25 ພະຈິກນີ້, ທ່ານຊີຈາໂຕ ປີເຕີ ລັດຖະມົນຕີກະຊວງການຕ່າງປະເທດຮົງກາຣີໄດ້ຕຳໜິກອງປະຊຸມສຸດຍອດ“ປະຊາທິປະໄຕ”ທີ່ຈັດໂດຍອາເມຣິກາໂດຍກ່າວວ່າ: ກອງປະຊຸມດັ່ງກ່າວມີລັກສະນະພິເສດສຳລັບການເມືອງພາຍໃນອາເມຣິກາ.
ສຳລັບເລື່ອງນີ້, ທ່ານຫວ່າງເວີນປິ່ນກ່າວວ່າ: ສະພາບການປະຊາທິປະໄຕຂອງອາເມຣິກາມີຂໍ້ບົກຜ່ອງຢ່າງຫລວງຫລາຍ ແລະໜັກໜ່ວງ. ການຢັ່ງຫາສຽງທີ່ກ່ຽວຂ້ອງສະແດງໃຫ້ເຫັນວ່າ: ປະຊາຊົນທົ່ວໂລກ 44% ເຫັນວ່າອາເມຣິກາເປັນໄພຂົ່ມຂູ່ອັນໃຫຍ່ຫລວງຕໍ່ປະຊາທິປະໄຕຂອງໂລກ, ປະຊາຊົນອາເມຣິກາ 81%ເຫັນວ່າປະຊາທິປະໄຕໃນອາເມຣິກາໄດ້ຜະເຊີນກັບໄພຂົ່ມຂູ່ອັນໜັກໜ່ວງຈາກພາຍໃນປະເທດຕົນເອງ. ອາເມຣິກາຍັງສືບຕໍ່ແຊກແຊງວຽກງານພາຍໃນຂອງປະເທດອື່ນ ແລະລ່ວງລະເມີດອະທິປະໄຕຂອງປະເທດອື່ນດ້ວຍຂໍ້ອ້າງປະຊາທິປະໄຕ, ເຊິ່ງໄດ້ຝ່າຝືນຫລັກການພື້ນຖານຂອງກົດໝາຍສາກົນ ແລະຫລັກການພື້ນຖານຂອງການພົວພັນສາກົນ.
ຄຳເຫັນ
0