ວັນທີ 2 ມັງກອນນີ້ຕາມເວລາທ້ອງຖິ່ນ,ນັກວິຊາການດ້ານພະຍາດຕິດແປດ ທີ່ມີຊື່ສຽງຂອງອາເມຣິກາໄດ້ກ່າວວ່າ,ຄຽງຄູ່ກັບເຊື້ອພະຍາດໂອມິຄຣອນໄດ້ແຜ່ ລະບາດຢູ່ອາເມຣິກາຢ່າງວ່ອງໄວ,ຈຳນວນຜູ້ເປັນພະຍາດໂຄວິດ-19ຢູ່ອາເມຣິກາໄດ້ເພີ່ມຂຶ້ນຢ່າງຫຼວງຫຼາຍ,ລະບົບການແພດຈະໄດ້ຮັບຄວາມກົດດັນອັນໃຫຍ່ ຫຼວງ.

ສິ່ງທີ່ຕ່າງກັບກະແສສູງຂອງສະພາບການແຜ່ລະບາດຂອງພະຍາດໂຄວິດ-19 ຢູ່ອາເມຣິກາຫຼາຍຄັ້ງກ່ອນນັ້ນແມ່ນ,ປັດຈຸບັນ,ລະບົບການແພດຢູ່ອາເມຣິກາຂາດແຄນກຳລັງຄົນ,ຢ່າງໜ້ອຍໄດ້ສູນເສຍພະນັກງານການແພດ20%,ຜູ້ເປັນພະ ຍາດໂຄວິດ-19ທີ່ຫຼັ່ງໄຫຼເຂົ້າໂຮງໝໍຢ່າງບໍ່ຢຸດຢັ້ງອາດຈະປະເຊີນກັບສະພາບທີ່ບໍ່ມີຄົນເບິ່ງແຍງ.

ໃນເວລາໃຫ້ສຳພາດຕໍ່ສື່ມວນຊົນອາເມຣິກາໃນວັນທີ 2 ມັງກອນນີ້ຕາມເວລາ ທ້ອງຖ່ິນ,ນັກວິຊາການດ້ານພະຍາດຕິດແປດທີ່ມີຊື່ສຽງຂອງອາເມຣິກາໄດ້ຊີ້ອອກວ່າ:ເຊື່ອພະຍາດໂອມິຄຣອນພວມແຜ່ລະບາດຢູ່ທົ່ວປະເທດອາເມຣິກາ.ຫວ່າງມໍ່ໆມານີ້,ເສັ້ນໂຄ້ງສະພາບພະຍາດຂອງອາເມຣິກາເກືອບຕັ້ງຊື່ຂຶ້ນ.ທ່ານກ່າວວ່າ,ເຖິງວ່າຜູ້ຕິເຊື້ອພະຍາດໂອມິຄຣອນມີອາການອ່າວເບົາກໍ່ຕາມ,ແຕ່ໃນເວລາປາກົດມີ

ສະພາບທີ່ຈຳນວນຜູ້ຕິດເຊື້ິອເພີ່ມຂຶ້ນເປັນເທົ່າ,ຍັງຄົງມີຄົນຈຳນວນຫຼາຍຫຼັ່ງໄຫຼ ເຂົ້າໂຮງໝໍ,ຜູ້ເປັນພະຍາດທີ່ເພີ່ມຂຶ້ນຢ່າງວ່ອງໄວຈະສ້າງຄວາມກົດດັນຢ່າງຫຼວງຫຼາຍໃຫ້ແກ່ລະບົບການແພດຂອງອາເມຣິກາ.