郑林

ຕາລາງລາຍການ FM93Mhz

ດາວໂຫຼດ App CRI-FM93 ລະບົບ IOS

ດາວໂຫຼດ App CRI-FM93 ລະບົບ Android

FM93

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ

2022-01-12 17:24:49 cri

“ການຫຼຸດພົ້ນອອກຈາກຄວາມທຸກຍາກເປັນບັ້ນຮົບທີ່ຍິ່ງໃຫຍ່, ຂ້າພະເຈົ້າຮູ້ສຶກພາກພູມ ໃຈຫຼາຍ ແລະມີກຽດຫຼາຍທີ່ໄດ້ທຸ່ມເທເຫື່ອແຮງເພື່ອການລຶບລ້າງຄວາມທຸກຍາກດ້ວຍການສຶກ ສາ.” ທ່ານຜູ້ຟັງ ນີ້ແມ່ນຄວາມເວົ້າຂອງທ່ານນາງ ຈື່ເຢວ້ຢີ່ງ ທີ່ກ່າວໃນເວລາກ່າວລາຍງານ ໃນກອງປະຊຸມຍ້ອງຍໍບຸກຄົນ ແລະ ໜ່ວຍງານເພື່ອການແກ້ຂອດຫຍຸ້ງຍາກໃນການລຶບລ້າງ ຄວາມທຸກຍາກທົ່ວປະເທດປີ 2020.

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ_fororder_支月英

ທ່ານນາງ ຈື່ເຢວ້ຢີ່ງ ເປັນຜູ້ຮັບຜິດຊອບໂຮງຮຽນປະຖົມປາຍຢາງ ຂອງຕາແສງຈາວເຊ້ຍ, ເມືອງເຟີ້ງຊິ່ນ, ແຂວງຈ່ຽງຊີ່. ນາງ​ໄດ້​ເດີນ​ທາງໄປໃນ​ເຂດ​ພູດອຍ​ຫຼາຍໆບ່ອນ ແລະໄດ້​ພົບ​ຄວາມ​ຫຍຸ້ງ​ຍາກຢ່າງຫຼວງ​ຫຼາຍ ເພື່ອໃຫ້ການສິດສອນ ແລະຊ່ວຍເຫຼືອແກ່​ເດັກ​ນ້ອຍໃນເຂດ ພູດອຍ. ໃນນັ້ນ ເພິ່ນໄດ້ເຮັດໃຫ້ເດັກນ້ອຍ 1100 ກວ່າຄົນ ຫຼຸດພົ້ນອອກຈາກເຂດພູດອຍ ແຕ່ເພິ່ນເອງພັດໄດ້ເຝົ້າຮັກສາຢູ່ເຂດພູດອຍມາໂດຍຕະຫຼອດ ແລະບໍ່ເຄີຍອອກຈາກເຂດ ພູດອຍຈັກເທື່ອ​.

ປີ 1980, ທ່ານ​ນາງ ຈື່ເຢວ້ຢີ່ງ ຫາກໍມີອາ​ຍຸ​ພຽງແຕ່ 19 ປີເທົ່ານັ້ນ, ທ່ານໄດ້ໄປເປັນຄູສອນ​ຢູ່​ໂຮງ​ຮຽນ​ປະ​ຖົມ​ນີ​ຢາງ ​ທີ່​ຢູ່​ເຂດພູດອຍ ແລະຫ່າງໄກສອກຫຼີກ ໂດຍບໍ່​ເອົາ​ຫົວ​ຊາ​ຕໍ່​ການ​ຄັດ​ຄ້ານ​ຢ່າງຮຸນ​ແຮງ​ຈາກພໍ່ແມ່ພີ່ນ້ອງ. ຕໍ່​ມາ​ ກໍໄດ້ໄປເປັນຄູສອນຢູ່ໂຮງຮຽນປະຖົມ​ປາຍ​ຢາງ ​ທີ່​ຫ່າງ​ໄກ​ສອກ​ຫຼີກກວ່າເກົ່າ. ນັບແຕ່ນັ້ນ​ມາ ເພິ່ນກໍໄດ້ເຮັດ​ວຽກຢູ່ຫັ້ນເປັນເວລາ 41 ປີ. ຈາກ ການຫາບຫາມ​ອຸປະກອນການຮຽນ-ການ​ສອນ​ຍ່າງຕາມເສັ້ນທາງເທິງພູ 10 ກວ່າກິ​ໂລ​ແມັດ, ການຂີ່ລົດ​ຈັກ​ໄປສອນ ຈົນ​ວ່າ​ລົດຈັກໄດ້ເພ​ໄປ​ແລ້ວ 6 ຄັນ, ເພິ່ນບໍ່ເຄີຍຫົວຊາວ່າ ຕົນໂຕ ຈະຕິດຂີ້ຕົມ ແລະ​ລົດຈັກລົ້ມໃນທ່າມກາງສາຍຝົນເທົ່າໃດເທື່ອແລ້ວ. ແຕ່​ເພື່ອ​ພວກ​ເດັກ​ນ້ອຍ ເພິ່ນ​ບໍ່​ເຄີຍກິນ​ແໜງແຄງ​ໃຈຈັກເທື່ອ. ເພິ່ນມັກ​ເວົ້າ​ເລື້ອຍ​ໆ​ວ່າ: “ບໍ່​ແມ່ນ​ຍ້ອນ​ວ່າ ​ມີ​ຄວາມ​ຫວັງແລ້ວ ຂ້າພະເຈົ້າ​ຈຶ່ງຍອມ​ເຝົ້າຮັກສາ​ຢູ່​ໃນ​ເຂດ​ພູ​ດອຍ ແຕ່ຫາກ​ແມ່ນ​​ຍ້ອນ​ວ່າ ມີແຕ່ຍຶດ​ໝັ້ນ​ເທົ່ານັ້ນ ​​ຈຶ່ງ​ຈະ​ສາມາດມີຄວາມ​ຫວັງໄດ້. ຕະ​ຫຼອດ​ຊີ​ວິດ​ຂອງຂ້າ​ພະ​ເຈົ້າ ​ກໍ​ເພື່ອເຝົ້າ​ຮັກ​ສາ​ຄວາມ​ໄຝ່​ຝັນ​ຂອງ​ພວກ​ເດັກ​ນ້ອຍ.” ພາຍ​ຫຼັງ​ມາ ໄດ້ມີຮູບ​ເງົາ​ເລື່ອງ “ຕະ​ຫຼອດ​ຊີ​ວິດ​ເ​ພື່ອ​ເລື່ອງ​ດຽວ” ທີ່​ເປັນ​ເລື່ອງຈິງຂອງທ່ານ​ນາງ ຈື່ເຢວ້ຢີ່ງ ໄດ້ສາຍຢູ່ຈີນ ແລະມີຜູ້​ຊົນ​​ເປັນ​ພັນ​ເປັນ​ໝື່ນ​ຄົນຮູ້ສຶກຊາບຊຶ້ງເຖິງຈິດໃຈຂອງເພິ່ນ.

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ_fororder_支月英1

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ_fororder_支月英2

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ_fororder_支月英3

“ບໍ່​ໃຫ້​ເດັກ​ນ້ອຍ​ແມ່ນແຕ່ຄົນ​ດຽວເສຍ​ໂອ​ກາດ​ການ​ຮຽນ​ຍ້ອນ​ຄວາມ​ທຸກ​ຍາກ”, ນີ້​ແມ່ນ​ເປົ້າ​ໝາຍ​ທີ່​ເພິ່ນສະ​ແຫວງ​ຫາ​ມາໂດຍຕະ​ຫຼອດ. ມີປີ​ໜຶ່ງ ຫາ​ກໍ​ເປີດ​ສົກ​ຮຽນ​ໃໝ່, ເພິ່ນ​ໄດ້​ພົບ​ເຫັນ​ວ່າ ທ້າວ ລີວ​ຊຽງ ​ບໍ່​ໄດ້​ມາ​ຮຽນ. ເພິ່ນ​ຈຶ່ງ​ຟ້າວ​ໄປ​ຢາມ​ຄອບ​ຄົວ​ຂອງ​ລີວຊຽງ ພໍມາຮອດ​ເຮືອນ​ ກໍ​ເຫັນ​ແມ່​ຂອງ​ລີວຊຽງ ເຮັດຄິ້ວຫຍຸ້ງ, ສ່ວນ​ພໍ່​ນັ່ງຢ່ອງຢໍ້​ສູບ​ຢາ​ຢູ່ບໍ່​ເຊົາ. ເມື່ອ​ເຫັນ​ອາ​ຈານ​ຈື່​ມາ​ຢາມ, ທ້າວ ລີວ​ຊຽງ​ ຈຶ່ງ​ໄຫ້ຂຶ້ນ​ ທັງ​ຮ້ອງວ່າ “​ຢາກ​ໄປຮຽນ”. ແມ່​ຂອງ​ລີວ​ຊຽງທັງໄຫ້ທັງເວົ້າ​ວ່າ: “ຂອບ​ໃຈ​ອາ​ຈານ​ທີ່ມາ​ຢາມ, ແຕ່​ເຮືອນ​ເຮົາ​ບໍ່​ມີ​ເງິນ​ຈ່າຍ​ຄ່າ​ຮຽນ​ຂອງ​ລູກ.​” ທ່ານນາງ ຈື່ເຢວ້ຢີ່ງ ໄດ້ຍິນດັ່ງນັ້ນແລ້ວ ຈຶ່ງ​ຈົກ​ເອົາ​ເງິນ​ເດືອນ​ທີ່​ຫາ​ກໍ່​ໄດ້ຮັບ​ນັ້ນ​ອອກມາຈາກ​ຖົງເສື້ອ ແລະ ຍື່ນ​ໃຫ້​ແມ່​ຂອງ​ລີວ​ຊຽງ​ວ່າ: “​ເອົາ​ໄປ​ໃຊ້​ສາ ຖ້າ​ບໍ່ໃຫ້​ລູກ​ຮຽນ​ ແມ່ນບໍ່ໄດ້ເດັດຂາດ.” ພໍ່​ຂອງ​ລີວ​ຊຽງ​ ​ນ້ຳ​ຕາໄຫຼ​ເຕັມເບົ້າ ທັງ​ຮັບ​ເອົາ​ເງິນ​ ແລະ​ ກົ້ມ​ຫົວ​ລົງ​ໃສ່​ອ​າ​ຈານ​ດ້ວຍ​ຄວາມ​ເຄົາ​ລົບ​ ແລະ​ຮູ້ບຸນຄຸນ. ເລື່ອງ​ແບບນີ້ ທ່ານນາງ ຈື່ເຢວ້ຢີ່ງ ໄດ້​ເຮັດມາບໍ່ຈັກວ່າເທົ່າໃດ​ເທື່ອ​ແລ້​ວ​.

ນອກ​ຈາກ​ຊ່ວຍ​ເຫຼືອ​ນັກ​ຮຽນ​ຜູ້​ທຸກ​ຍາກ​ໃນ​ທ້ອງ​ຖິ່ນຕົນ​ແລ້ວ, ທ່ານນາງ ຈື່ເຢວ້ຢີ່ງ ຍັງ​ໄດ້ຊ່ວຍ​ເຫຼືອ​ນັກ​ຮຽນ​ຜູ້​ທຸກ​ຍາກ​ຂອງ​ທ້ອງຖິ່ນອື່ນໆເລື້ອຍໆມາ ເພື່ອ​ຊຸກຍູ້​ນັກ​ຮຽນໃຫ້ໄດ້ຮຽນ ຫຼາຍຍິ່ງ​ຂຶ້ນ. ໃນ​ວັນ​ບຸນ​ວັນ​ພັກ​ຜ່ອນ, ເພິ່ນມັກໄປ​ນຳພວກ​ຜູ້​ຊາຍ​ທີ່ແຂງ​ແຮງ ທີ່ໄປລາກແກ່​ໄມ້ທ່ອນ ແລະ​ໄມ້​ໄພ່ຢູ່​ໃນ​ເຂດ​ພູ​ດອຍ. ມີ​ເທື່ອ​ໜຶ່ງ ​ລົດ​ຂົນ​ສົ່ງ​ທີ່ເພິ່ນຂີ່ນັ້ນ​ເກີດ​ອຸ​ບັດ​ເຫດ ຈົນ ເຮັດໃຫ້ເພິ່ນສະ​ຫຼົບ​ໄປ​ດົນ​ເຕີບ​ຈຶ່ງຟື້ນ​ຄືນ​ມາ. ຢ້ານ​ວ່າ​ກະ​ທົບ​ເຖິງ​ການ​ສອນ ເພິ່ນ​ຈຶ່ງ​ບໍ່​ໄດ້​ລົງ​ໄປ​ປິ່ນ​ປົວ​ຢ່າງທັນການ ຈົນພາດ​ໂອ​ກາດການ​ປິ່ນ​ປົວ​ທີ່​ດີ ເລີຍ​ເຮັດ​ໃຫ້​ຫູ​ເບື້ອງ​ຂວາຂອງ ເພິ່ນ ສູນ​ເສຍ​ຄວາມສາມາດໃນການ​ຮັບຟັງ​ ແລະ​ ຕາ​ເບື້ອງ​ຂວາກໍສູນ​ເສຍຄວາມສາມາດ​ໃນການ​ເບິ່ງເຫັນ.

   ໃນ​ຫຼາຍ​ປີ​ຜ່ານ​ມາ, ມີ​ເດັກ​ນ້ອຍ​ນັບ​ມື້​ນັບ​ຫຼາຍ​ຂຶ້ນ ທີ່ໄປ​ນຳ​ພໍ່​ແມ່​ທີ່​ໄປ​ເຮັດ​ວຽກ​ໃນ​ຕົວເມືອງ  ນັ້ນ ​ໄປ​ຮຽນ​ຢູ່​ໃນ​ເມືອງ, ສ່ວນ​ຢູ່ໂຮງ​ຮຽນ​ປະ​ຖົມ​ນີ​ຢາງ​ ຈຶ່ງ​ເຫຼືອ​ແຕ່​ອາ​ຈານ ຈື່ເຢວ້ຢີ່ງຄົນ​ດຽວ. ພາຍ​ຫຼັງ​ມາ ໂຮງ​ຮຽນ​ປະ​ຖົມ​ນີ​ຢາ​ງ​ຖືກຍຸບ​, ຄອບ​ຄົວ​ຂອງເພິ່ນຈຶ່ງ​ຄຶດ​ວ່າ ຈະ​ລົງຈາກພູດອຍ ກັບໄປຕັ້ງເຮືອນໃນເຂດຊຸມຊົນ. ແຕ່​ບໍ່ນຶກບໍ່ຝັນວ່າ ໂຮງຮຽນປະຖົມ​​ປາຍ​ຢາງ ​ທີ່ມີຄວາມຫຍຸ້ງ ຍາກ ແລະຢູ່​​ຫ່າງ​ໄກສອກ​ຫຼີກກວ່າ​ໂຮງ​ຮຽນ​ນີ​ຢາງ​ນັ້ນ ພັດຍັງຕ້ອງ​ການ​ອາ​ຈານອີກ, ຊາວ​ບ້ານທັງຫຼາຍ ຈຶ່ງ​ພ້ອມ​ກັນ​ເຊີນ​ເພິ່ນ​ໄປ​ເປັນ​ອາ​ຈານ​ຢູ່​ແຫ່ງນັ້ນ. “ຖ້າ​ວ່າ ​ທຸກຄົນ​ລ້ວນ​ແຕ່​ໜີ ອອກຈາກດິນແດນ​ແຫ່ງນີ້​ ຊິມີ​ໃຜ​ມາ​ສອນເດັກ​ນ້ອຍ​ໃນ​ເຂດ​ພູ​ດອຍ​?”. ເວ​ລານັ້ນ ທ່ານນາງ ຈື່ເຢວ້ຢີ່ງ​ ມີ​ອາ​ຍຸໄດ້ 51 ປີແລ້ວ, ເປັນອີກ​ຄັ້ງໜຶ່ງ ທີ່​ເພິ່ນໄດ້​ເລືອກ​ໄປ​ເປັນຄູສອນ​ເດັກ​ນ້ອຍຫຼາຍ​ສິບ​ຄົນ​ ໃນ​ບ້ານ​ທີ່​ພໍ່​ແມ່​ໄປ​ເຮັດ​ວຽກ​ຢູ່ນອກ​ ທັງ​ເປັນ​ອາ​ຈານ​ທີ່​ສອນໝົດທຸກ​ວິ​ຊາ​ ແລະທັງ​ເປັນ​ແມ່​ຂອງ​ພວກ​ເຂົາ.

ທ່ານນາງ ຈື່ເຢວ້ຢີ່ງ ຄູຜູ້ຍຶດໝັ້ນໃນອະນາຄົດຂອງເດັກນ້ອຍທີ່ຢູ່ເຂດພູດອຍ_fororder_支月英4

   ຕະຫຼອດເວລາແຫ່ງການສິດສອນມານີ້, ທ່ານນາງ ຈື່ເຢວ້ຢີ່ງ ໄດ້​ສອນ​ເດັກ​ນ້ອຍ​ຢູ່​ເຂດ​ພູ​ດອຍ ລວມທັງໝົດ 1000 ​ກວ່າ​ຄົນ; ໃນ​ນັ້ນ ​ມີ 52 ຄົນ​ໄດ້​ເສັງ​ເຂົ້າ​ມະ​ຫາ​ວິ​ທະ​ຍາ​ໄລ​. ປີ 2018, ເພິ່ນໄດ້​ຮັບ​ເລືອກ​ຕັ້ງເປັນ​ຜູ້​ແທນ​ສະ​ພາ​ປະ​ຊາ​ຊົນ​ແຫ່ງ​ຊາດ​ຈີນ​, ຫຼັງຈາກນັ້ນ, ທ່ານນາງ ຈື່ເຢວ້ຢີ່ງ ໄດ້​ຮຽກ​ຮ້ອງ​ໃຫ້​ເອົາ​ໃຈ​ໃສ່​ການ​ສຶ​ກ​ສາ​ຢູ່​ຊົນ​ນະ​ບົດໃນກໍລະນີຕ່າງໆ ເພື່ອ​ຮັບ​ປະ​ກັນ​ສິດ​​ທິໃນການເຂົ້າເຖິງ​ການ​ສຶກ​ສາຂອງ​ເດັກ​ນ້ອຍ​ຜູ້​ຢູ່​ເຂດ​ພູ​ດອຍ.

ກາ​ໝາຍ​ໂຮງ​ຮຽນ​ປາຍ​ຢາງ ແມ່ນອອກແບບໂດຍທ່ານ​ນາງ ຈື່ເຢວ້ຢີ່ງ, ມັນ​ປະ​ກອບ​ດ້ວຍ​ຕົ້​ນ​ໄມ້ 3 ຕົ້ນ​ ແລະ​ນົກ​ກາງ​ແກ​ສີ​ຂາວ​ໂຕ​ໜຶ່ງ; ຕົ້ນ​ໄມ້ 3 ຕົ້ນ​ນີ້​ ເປັນສັນຍະລັກຂອງ​ພູ​ດອຍ, ນົກ​ກາງ​ແກ​ແມ່ນໝາຍເຖິງ​ຄວາມມຸ່ງຫວັງ​ຂອງເພິ່ນ ທີ່ຕ້ອງການໃຫ້​ພວກ​ເດັກ​ນ້ອຍ​​ບິນ​ອອກຈາກ​ເຂດ​ພູ​ດອຍໄປສູ່ການສຶກສາທີ່ດີ. “ຕະ​ຫຼອດ​ຊີ​ວິດ​ເຮັດ​ແຕ່​ເລື່ອງ​ດຽວ, ຖ້າ​ວ່າຂ້າພະເຈົ້າມີ​ສຸ​ຂະ​ພາບ​ດີ, ຂ້າພະເຈົ້າ​ຈະເປັນຄູ​ສອນ​ຕະ​ຫຼອດ​ໄປ”. ປັດ​ຈຸ​ບັນ, ທ່ານ​ນາງ ຈື່ເຢວ້ຢີ່ງ​ ມີ​ອາ​ຍຸ​ເກືອບ 60 ປີ​ແລ້ວ ແຕ່​ເພິ່ນກໍ​ຍັງບໍ່ໄດ້ປ່ຽນແປງອຸດົມການທີ່ຕັ້ງໄວ້ໃນເບື້ອງຕົ້ນ.

ຄຳ​ເຫັນ

0