ດາວໂຫຼດ App CRI-FM93 ລະບົບ IOS
ດາວໂຫຼດ App CRI-FM93 ລະບົບ Android
ຫວ່າງມໍ່ໆມານີ້, ທ່ານຮວງລູ້ສີ ຮອງຫົວໜ້າອົງການຄຸ້ມຄອງຢາແລະແພດແຜນຈີນແຫ່ງຊາດຈີນໄດ້ຍື່ນບົດລາຍງານຄົ້ນຄວ້າກ່ຽວກັບການປິ່ນປົວພະຍາດໂຄວິດ-19 ດ້ວຍຢາແລະແພດແຜນຈີນໃຫ້ WHO ຢ່າງເປັນທາງການ.
ທ່ານຮວງລູ້ສີໄດ້ແນະນຳສະພາບການປິ່ນປົວພະຍາດໂຄວິດ-19 ຢູ່ໂຮງໝໍຈິ່ນຢິນຖານນະຄອນອູຮັ້ນປະເທດຈີນໃຫ້ທ່ານເຕໂດຣສ ອັດຮານົມ ເກເບຣເຢຊູສ ຜູ້ອຳນວຍການໃຫຍ່ WHO ໄດ້ຮັບຊາບ ພ້ອມທັງແນະນຳທ່າແຮງພິເສດຂອງຢາແລະແພດແຜນຈີນໃນການປ້ອງກັນ, ຄວບຄຸມ ແລະ ປິ່ນປົວພະຍາດໂຄວິດ-19. ພຶດຕິກຳຕົວຈິງໄດ້ພິສູດໃຫ້ເຫັນວ່າ: ຈີນໄດ້ປິ່ນປົວຜູ້ເປັນພະຍາດໂຄວິດ-19 ທີ່ມີອາການໜັກດ້ວຍຢາແລະແພດແຜນຈີນ ແລະ ໄດ້ປະສົມປະສານກັບຢາຫຼວງ ເຊິ່ງໄດ້ຮັບໝາກຜົນທີ່ດີຢ່າງຈະແຈ້ງ. ຫວັງວ່າ: WHO ຈະປະເມີນຜົນປະສິດທິພາບຂອງຢາ ແລະ ແພດແຜນຈີນ ໃນການປ້ອງກັນແລະຄວບຄຸມການແຜ່ລະບາດຂອງພະຍາດໂຄວິດ-19 ຄັ້ງນີ້ຢ່າງຕັ້ງໜ້າ ແລະ ພາວະວິ.
ໃນເວລາປະກອບຄຳເຫັນ, ທ່ານເຕໂດຣສ ອັດຮານົມ ເກເບຣເຢຊູສໄດ້ຕີລາຄາສູງ ແລະ ສະແດງຄວາມຂອບໃຈລັດຖະບານຈີນ ທີ່ປະສົບຜົນສຳເລັດອັນໃຫຍ່ຫຼວງ ແລະ ໃຫ້ການສະໜັບສະໜູນວຽກງານ WHO ຢ່າງແຂງແຮງ ແລະ ກ່າວວ່າ: ອົງການອະນາໄມໂລກຍິນດີຮ່ວມກັບຝ່າຍຈີນດຳເນີນການປະເມີນຜົນແລະພິສູດປະສິດທິຜົນຂອງຢາແລະແພດແຜນຈີນໃນການປິ່ນປົວພະຍາດໂຄວິດ-19.
ຄຳເຫັນ
0