ປະຊາກອນ​ໂລກຈະ​ມີ 9 ຕື້ 150 ລ້ານ​ຄົນ​ໃນ​ປີ 2050

(GMT+08:00) 2010-10-21 17:54:58     cri
ຕາມ​ຂ່າວສານ​ຊີ​ນຮວາ:ວັນ​ທີ 20 ຕຸລາ​ນີ້,ກອງ​ທຶນ​ປະຊາກອນ​ສະຫະ​ປະຊາ​ຊາດ​ໄດ້​ເຜີ​ຍ​​ແຜ່《ບົດ​ລາຍ​ງານ​ສະພາບ​ປະຊາກອນ​ໂລກ​ປີ 2010》​ໂດຍ​ຄາດ​ຄະ​ເນ​ວ່າ,​ເມື່ອ​ຮອດ​ປີ 2050,ປະຊາກອນ​ໂລກ​ຈະມີ​ຫຼາຍ​ກວ່າ 9 ຕື້​ຄົນ,ປະ​ເທດ​ທີ່​ມີ​ປະຊາກອນ​ຫຼາຍ​ກວ່າ​ 1 ຮ້ອຍ​ລ້ານ​ຄົນຈະ​ເພີ່ມ​ຂຶ້ນ​​​ເປັນ 17 ປະ​ເທດ.ປະຊາກອນ​ອິນ​ເດຍຈະ​ເພີ່ມ​ຂຶ້ນ​​ເຖິງ 1 ຕື້ 614 ລ້ານ​ຄົນ,ກາຍ​ເປັນ​ປະ​ເທດ​ທີ່​ມີ​ປະຊາກອນ​ຫຼາຍ​ທີ່​ສຸດໃນ​ໂລກ,ປະຊາກອນ​ຈີນ​ຈະ​ເພີ່ມ​ຂຶ້ນ​​ເຖິງ 1 ຕື້ 417 ລ້ານ​ຄົນ,​ເປັນ​ອັນ​ດັບ​ທີ 2 ​ໃນ​ໂລກ.

ບົດ​ລາຍ​ງານ​ຄາດ​ຄະ​ເນ​ວ່າ,​ເມື່ອ​ຮອດ​ປີ 2050,ປະຊາກອນທະວີບ​ອາ​ຟຼິກາ​ຈະ​ເພີ່ມຈາກ 1 ຕື້ 33 ລ້ານ​ຄົນ​ໃນ​ປະຈຸ​ບັນ​ຂຶ້ນ​ເປັນ 1 ຕື້ 985 ລ້ານ​ຄົນ,​ເພີ່ມ​ຂຶ້ນ​ຫຼາຍ​ທີ່​ສຸດ;ທະວີບອາຊີ​ຈະ​ເພີ່ມ​ຈາກ 4 ຕື້ 167 ລ້ານ​ຄົນ​ໃນ​ປະຈຸ​ບັນ​ຂຶ້ນ​ເປັນ 5 ຕື້ 232 ລ້ານ​ຄົນ;ທະວີບ​ເອີຣົບຈະ​​​ເປັນພຽງ​ທະວີ​ບດຽວທີ່​ມີ​ປະຊາກອນ​ຫຼຸດ​ໜ້ອຍ​ລົງ,ຫຼຸດ​ຈາກ 733 ລ້ານຄົນ​ໃນ​ປະຈຸ​ບັນ​ລົງ​ເປັນ 691 ລ້ານ​ຄົນ.

ບົດ​ລາຍ​ງານ​ຄາດ​ຄະ​ເນ​ວ່າ,​​ເມື່ອ​ຮອດ​ປີ 2050,ຟີ​ລິບ​ປິນ​ແລະ​ຫວຽດນາມ​ຈະ​ມີ​ປະຊາກອນ​ຫຼາຍ​ກວ່າ 1 ຮ້ອຍ​ລ້ານ​ຄົນ.

ປະຈຸ​ບັນ,ຈຳນວນປະຊາກອນ​ໂລກມີ 6 ຕື້ 909 ລ້ານ​ຄົນ,ປະຊາກອນ​ຂອງ 11 ປະ​ເທດຫຼາຍ​ກວ່າ 1 ຮ້ອຍ​ລ້ານ​ຄົນ.
ຂ່າວ-ບົດທີ່ກ່ຽວຂ້ອງ
ຄຳເຫັນ
Webradio
ລາຍການ FM
ລາຍການຫຼ້າສຸດ ຂອງພວກເຮົາ
ຮຽນພາສາຈີນ