ລົມສະບາຍ 93
ລາຍລາຍລົມສະບາຍ 93 ແມ່ນລາຍການໜຶ່ງທີ່ເລີ່ມອອກອາກາດໃນມື້ທຳອິດຂອງການຈັດລາຍການສົດຢູ່ນະຄອນຫຼວງວຽງຈັນທາງຄື້ນຄວາມຖີ່ FM 93.0 MHz, ເຊິ່ງອອກອາກາດທຸກໆວັນເວລາ 17:00 – 18:00, ດຳເນີນລາຍການໂດຍ: ສົມຫວັງ ພອນວິໄລແລະລັດຕະນະພອນ ອິນທະລັງສີ.
ລັກສະນະແລະຮູບແບບຂອງລາຍການ: ແມ່ນລາຍການທີ່ນຳເອົາຂ່າວສານຕ່າງໆເຊັ່ນ: ເລື່ອງລາວກ່ຽວກັບເຫດການຕ່າງໆທີ່ເກີດຂື້ນ, ປະກາດແຈ້ງການຂອງໜ່ວຍງານລັດຫຼືຂ່າວບຸນຂ່າວກຸສົນ..........., ສາລະໜ້າຮູ້ທີ່ມີເນື້ອຫຼາຍຮູບແບບເຊັ່ນ: ສຸຂະພາບ, ສີລະປະວັດທະນາທຳ, ການສຶກສາ, ເສດຖະກິດສັງຄົມແລະອື່ນໆ. ນຳເອົາມາລົມກັນແບບສະບາຍໆ, ໃຊ້ຄຳສັບງ່າຍໆເພື່ອໃຫ້ຜູ້ຟັງເຂົ້າໃຈແລະໄດ້ເນື້ອຫາສາລະຕ່າງໆປະສົມປະສານກັບສຽງເພງ, ສຽງຂັບສຽງລຳທີ່ຫຼາກຫຼາຍຮູບແບບແລະມາຈາກຫຼາຍທ້ອງຖິ່ນໃນລາວເພື່ອໃຫ້ມິດລາຍການໄດ້ເບີກບານມ່ວນຊື່ນກັບສຽງເພງໃນຍາມຄ້າຍຄ່ຳລົງແລງ.
ໃນຍາມຄ້າຍຄ່ຳລົງແລງບັນຍາກາດແສງຕາເວັນໃກ້ຈະລັບຂອບຟ້າ, ທ່ານອາດຈະຮູ້ສຶກເມື່ອຍຈາກການເຮັດວຽກງານມາໝົດມື້, ຢ່າລືມລາຍການລົມສະບາຍ 93 ຂໍເປັນສ່ວນໜຶ່ງໃນການພັກຜ່ອນຂອງທ່ານ ເພາະຄວາມສຸກຂອງທ່ານຄືການບໍລິການຂອງພວກເຮົາ.
