ລາຍການ: ເພງກັບສິລະປິນ
(ໂຄສົກ: ນ້ອຍ & ລູ່ ອອກອາກາດທຸກວັນ ເວລາ20:00-21:00ໂມງ)
Westlife ວົງດັງຈາກປະເທດໄອແລນ
ນ: ເຂົ້າມາໄລຍະນີ້ພວກເຮົາກໍ່ມີປະຫວັດຂອງກຸ່ມສິລະປິນWestlife ມາແນະນຳຕາມຄວາມຮຽກຮ້ອງຂອງມິດລາຍການທີ່ຊື່ວ່າກິ່ງແກ້ວທີ່ເພິ່ນໂທເຂົ້າມາມື້ວານນີ້ ! ສຳລັບກຸ່ມສິລະປິນWestlife ເກືອບວ່າບໍ່ມີໃຜທີ່ບໍ່ຮູ້ຈັກວົງດັງວົງນີ້ ທີ່ມາຈາກນະຄອນ ຫລວງດັບລິນ ປະເທດໄອແລນ ກໍ່ຕັ້ງຂື້ນໃນປີ1998 ! ໂດຍໃນອາດີດວົງນີ້ແມ່ນມີສະມາຊິກທັງໝົດ5ໜຸ່ມຄື: Kian Egan, Mark Feehily, Shane Filan, Nicky Byrne ແລະBrian McFadden ! ແຕ່ພາຍຫລັງມາຮອດປີ2004 ໜຶ່ງໃນສະມາຊິກກໍ່ຄື: Brian McFadden ໄດ້ຂໍລາອອກໄປ ! ເຮັດໃຫ້ວົງດັ່ງກ່າວເຫລືອພຽງແຕ່4ໜຸ່ມຈົນຮອດປັດຈຸບັນ !
ລ: ວົງ Westlife ມີຜູ້ບໍລິຫານສວ່ນຕົວທີ່ມີປະສົບການສູງຄື: Michael Louis Walsh ຜູ້ບໍລິຫານຊາວໄອແລນ ໃນໄວອາຍຸ60ປີ ທີ່ທັງ4ໜຸ່ມໃຫ້ຄວາມເຄົາລົບຄືກັບພໍ່ຄົນທີ2ຂອງຕົນເອງ ! ຜູ້ບໍລິຫານຄົນນີ້ ມີບົດບາດສຳຄັນໃນການກະຕຸ້ນໃຫ້ວົງດັ່ງກ່າວໄດ້ມີຜົນງານເພງຄຸນນະພາບອອກມາສູ່ຜູ້ຟັງ ລວມໄປເຖິງການກະກຽມງານຄອນເສີດ ທີ່ດຶງດູດສາຍຕາມວນຊົນໃນທົ່ວໂລກຫລາຍພັນຫລາຍໝື່ນຄົນໃນແຕ່ລະຄັ້ງ ! ນອກນັ້ນ Michael Louis ຍັງເປັນໜຶ່ງໃນຄະນະກຳມະການຄຸນນະພາບໃນລາຍການປະກວດຄວາມສາມາດພິເສດ The X Factorຂອງອັງກິດນຳອີກ !
ນ: Westlife ເປັນວົງBoybandທີ່ປະສົບຜົນສຳເລັດສູງໃນໄອແລນ, ອັງກິດ ລວມເຖິງໃນຢູໂຣບ, ອາຟຣິກກາ, ອາຊີ, ອາເມຣິກາລາຕິນ ແລະອົດສະຕາລີ ກັບຍອດຂາຍ36ລ້ານແຜ່ນໃນທົ່ວໂລກ ແລະກາຍເປັນວົງທີ່ມີເພງຂື້ນອັນດັບ1ເຖິງ14ເພງໃນລາດສະອານາຈັກທີ່ມີ4ປະເທດຄື: ອັງກິດ, ເວວ, ສະກອດແລນ ແລະໄອແລນ ! ແລະສ້າງສະຖິຕິຍອດຂາຍສູງອັນດັບທີ3ຮອງຈາກElvis Presley ແລະວົງThe Beatles !
(ເພງ)
ນ: ໃນຫວ່າງບໍ່ດົນປີສອງປີຜ່ານມາ 4ໜຸ່ມWestlifeໄດ້ມີການພັດທະນາວົງຈາກໄວໃສໆ ຫລືວ່າ TeenPop ມາເປັນວົງໜຸ່ມທີ່ເປັນຜູ້ໃຫຍ່ຫລາຍຂື້ນ ກັບແນວເພງທີ່ສຸຂຸມຂື້ນເຊັ່ນກັນ ! ໂດຍ4ໜຸ່ມກ່າວວ່າ ການທີ່ປ່ຽນແປງຮູບແບບວົງໃນຄັ້ງນີ້ ແມ່ນເພື່ອຢາກໃຫ້ແຟນເພງໄດ້ເຫັນເຖິງການພັດທະນາຂອງວົງ ໂດຍຍັງຮັກສາເອກະລັກຂອງWestlifeໄວ້ຄືເກົ່າກັບແນວເພງປ໋ອບ !
ລ: 4ໜຸ່ມWestlife ປະສົບຜົນສຳເລັດສູງກັບເພງທຳອິດທີ່ປ່ອຍອອກມາໃນປີ1999: Swear it again ແລະກາຍເປັນເພງດັງອັນດັບ1ຂອງຫລາຍປະເທດ ໂດຍສະເພາະໃນລາດສະອານາຈັກ ແລະອາເມຣິກາ ! ຈາກນັ້ນກໍ່ໄດ້ຢືນຢັນເຖິງຄວາມສຳເລັດກັບຜົນງານເພງທີ2: If I let you go, ຕາມມາດ້ວຍ Flying Without Wing, Have a Dream, Seasons in the Sun ແລະ Fool Again ທີ່ໄດ້ຮັບຄວາມນິຍົມຫລາຍໃນອາຊີ !
ນ: ປັດຈຸບັນ 4 ໜຸ່ມWestlifeສັງກັດຢູ່ໃນຄ້າຍSony BMG ທີ່ເປັນເຄືອຂ່າຍຂອງຄ້າຍເພງໃຫຍ່ Sony Music Entertainment ! ໂດຍມີສຳນັກງານຕັ້ງຢູ່ນະຄອນ ຫລວງນິວຍອກ ສະຫາລັດອາເມີຣິກາ ! ກັບຜົນງານເພງທັງໝົດທີ່ອອກມາ 12ອະລາບ້ຳເປັນຕົ້ນກໍ່ມີ: Westlife(1999), Coast to Coast(2000), World of Our Own(2001), Turn around(2003), Where We Are(2009), Gravity(2010) ແລະ Greatest Hits(2011)
ລ: ນອກນັ້ນ ກຸ່ມສິລະປິນWestlife ຍັງໄດ້ຮັບລາງວັນຢ່າງຫລວງຫລາຍໃນງານຊິງລາງຂອງGrammy, MTV, British Awards ! ລວມເຖິງການເປັນເຈົ້າຂອງສະຖິຕິການຈັດຄອນເສີດກາງແຈ້ງຫລາຍທີ່ສຸດທີ່ສະໜາມກິລາ "ເວມບຣີມ" ຫລາຍເຖິງ23ຄັ້ງ!
Wu qi long ນັກຮ້ອງທີ່ເຄີຍຢູ່ ໃນກຸ່ມນັກຮ້ອງ Little Tiger Team ຕັ້ງແຕ່ເປັນສະມາຊິກໃນກຸ່ມ ວຽກງານທາງດ້ານວົງການບັນເທີງ ແມ່ນມີການຂະຫຍາຍຕົວ ເປັນຕົ້ນວຽກດ້ານການສະແດງ ແລະ ເປັນທີ່ໂດດເດັ່ນໃນໄຕ້ຫວັນ ແລະ ຮົງກົງ ຂອງຈີນ.
Wu qi long ຫຼື ເປັນນັກຮ້ອງ ແລະ ນັກສະແດງຈາກໄຕ້ຫວັນຂອງຈີນ ເກີດໃນວັນທີ 31 ຕຸລາ ປີ 1970 ອາຍຸ 41ປີ ເປັນລູກຄົນທີ 2 ຂອງຄອບຄົວ ອູ ເຊິ່ງ ມີ ອ້າຍ ແລະ ນ້ອງຊາຍ ເປັນຄອບຄົວ ທີ່ມີອ້າຍນ້ອງຮ່ວມກັນ 3 ຄົນ
Nicky wu ເລີ່ມເຂົ້າສູ່ວົງການບັນເທີງເມື່ອອາຍຸ 17 ປີ ໃນປີ 1988 ເປັນສິລະປິນທີ່ຂັບຮ້ອງໃນແນວເພງ Mandopop ເປັນການຮ້ອງໃນພາສາຈີນກາງ ກັບການເປັນສິລະປິນກຸ່ມຊາຍ Little Tiger Team ເປັນກຸ່ມສິລະປິນຕົ້ນແບບ ທີ່ພາໃຫ້ເກີດນັກຮ້ອງຫຼາຍກຸ່ມໃນໄຕ້ຫວັນຂອງຈີນ
Little Tiger Team ເປັນສິລະປິນກຸ່ມທີ່ສາມາດ ຂາຍແຜ່ນສຽງສູງເຖິງລ້ານແຜ່ນ ແຕ່ຫຼັງຈາກນັ້ນສະມາຊິກໃນກຸ່ມ ໄດ້ເຂົ້າໜ້າທີ່ໃນການເປັນທະຫານພັນທະ ແຕ່ Nicky wu ຍັງສືບຕໍ່ໃນການຮ້ອງເພງ ໂດຍແຍກໂຕອອກມາຮ້ອງເພງດ່ຽວ ທີ່ມີອະລະບ້ຳ ທັງພາສາຈີນກາງ ແລະ ຈີນກວາງຕຸ້ງ ເຊິ່ງ ມີຜົນງານເພງປ່ອຍອອກມາແລະ ໄດ້ຮັບເຊັ່ນ best whishes to you ແລະ waiting day by day ແລະ ໃນປີ 1993 Nicky wuໄດ້ຮັບລາງວັນໃນສາຂາ ນັກຮ້ອງໜ້າໃໝ່ດີເດັ່ນ Best New Artist Award ທີ່ຈັດຂື້ນໃນຮົງກົງຂອງຈີນ
© China Radio International.CRI. All Rights Reserved. 16A Shijingshan Road, Beijing, China. 100040 |