ການທ່ອງທ່ຽວແບບອະນຸຮັກ ແມ່ນຫຍັງ?
ອົງການທ່ອງທ່ຽວໂລກ (UNWTO) ໄດ້ໃຫ້ຄຳນິຍາມກ່ຽວກັບການທ່ອງທ່ຽວແບບອະນຸຮັກວ່າ ແມ່ນການທ່ອງທ່ຽວທີ່ເນັ້ນໃສ່ທຳມະຊາດເຊິ່ງມີຄວາມສົນໃຈໃນການສັງເກດການ ແລະ ການນິຍົມຊົມຊອບທາງດ້ານທຳມະຊາດແລະວັດທະນະທຳ, ຮີດຄອງປະເພນີໃນພື້ນທີ່ທຳມະຊາດ, ປະກອບມີການສຶກສາ ແລະ ສິ່ງອະທິບາຍກ່ຽວກັບຄວາມຫມາຍຂອງແຫລ່ງທ່ອງທ່ຽວ. ໂດຍທົ່ວໄປແລ້ວກິດຈະກຳການທ່ອງ ທ່ຽວແບບອະນຸຮັກ ແມ່ນຈັດເປັນກຸ່ມບໍ່ຫລາຍ ເຊິ່ງຈັດໂດຍຜູ້ທີ່ມີຄວາມຮູ້ພື້ນຖານດ້ານການທ່ອງທ່ຽວແບບອະນຸຮັກແລະເປັນເຈົ້າຂອງໂດຍນັກທຸລະ ກິດທ້ອງຖິ່ນ ເພື່ອຫລຸດຜ່ອນຜົນກະທົບທາງດ້ານລົບໃນຂົງເຂດທຳມະຊາດ, ວັດທະນະທຳ ແລະ ສິ່ງແວດລ້ອມໃນການສະຫນັບສະຫນູນການປົກປັກຮັກສາທຳມະຊາດໂດຍສ້າງໃຫ້ມີຜົນ ປະໂຫຍດທາງດ້ານເສດຖະກິດໃຫ້ປະຊາຊົນທ່ອງຖິ່ນ. ປູກຈິດສຳນຶກໃຫ້ປະຊາຊົນທ້ອງຖິ່ນແລະນັກທ່ອງທ່ຽວກ່ຽວກັບຄວາມຈຳເປັນໃນການປົກປັກຮັກສາຊັບສົມບັດທາງທຳມະຊາດ ແລະ ວັດທະນະທຳ.
ອົງການທ່ອງທ່ຽວອະນຸຮັກສາກົນ (TIES) ບອກວ່າການທ່ອງທ່ຽວອະນຸຮັກແມ່ນການທ່ອງທ່ຽວທີ່ມີຄວາມຮັບຜິດຊອບຕໍ່ຂົງເຂດທຳມະຊາດ, ສົ່ງເສີມການອະນຸຮັກສິ່ງແວດລ້ອມ ແລະສົ່ງເສີມຊີວິດການເປັນຢູ່ຂອງປະຊາຊົນທ້ອງຖິ່ນໃຫ້ດີຂຶ້ນ.
ອົງການອະນຸຮັກທຳມະຊາດ (IUCN): ການທ່ອງທ່ຽວອະນຸຮັກແມ່ນການທ່ອງທ່ຽວທີ່ມີຄວາມຮັບຜິດຊອບຕໍ່ສິ່ງແວດລ້ອມບໍ່ລົບການ, ທຳລາຍທຳມະຊາດ, ທ່ອງທ່ຽວເພື່ອການຊື່ນ ຊົມ ແລະ ຮຽນຮູ້ຄຸນຄ່າຂອງທຳມະຊາດ ວັດທະນະທຳ (ທັງໃນອະດີດ ແລະ ປະຈຸບັນ) ສົ່ງເສີມການການອະນຸຮັກ, ຫລຸດຜ່ອນຜົນກະທົບທາງລົບໃຫ້ມີຫນ້ອຍທີ່ສຸດພ້ອມທັງສະຫນອງຜົນ ປະໂຫຍດທາງດ້ານເສດຖະກິດ-ສັງຄົມໃຫ້ແກ່ປະຊາຊົນທ້ອງຖິ່ນ.
ສະຫະພັນອະນຸຮັກໂລກ (World Conservation Unionຫລື WCU) ການທ່ອງທ່ຽວອະນຸຮັກແມ່ນການທ່ອງທ່ຽວທີ່ສົ່ງຜົນກະທົບທາງດ້ານລົບນ້ອຍທີ່ສຸດ ແລະ ແມ່ນການນຳ ທ່ຽວທີ່ນຳຜົນປະໂຫຍດທາງດ້ານບວກໃຫ້ແກ່ການພັດທະນາເສດຖະກິດ-ສັງຄົມໃນທ້ອງຖິ່ນ (Sustainable Tourism, 2010)
ອົງການທ່ອງທ່ຽວອະນຸຮັກສາກົນ (International Ecotourism Society) IES: ແມ່ນການທ່ອງທ່ຽວທີ່ມີຄວາມຮັບຜິດຊອບຕໍ່ທຳມະເພື່ອອະນຸລັກຮັກສາສິ່ງແວດລ້ອມເຮັດໃຫ້ຊີວິດ ການເປັນຢູ່ຂອງປະຊາຊົນທ້ອງຖິ່ນດີຂຶ້ນ (Sustainable Tourism, 2010)
ອົງການທ່ອງທ່ຽວແຫ່ງຊາດລາວ: ແມ່ນເປັນກິດຈະກຳການທ່ອງທ່ຽວໃນເຂດຊົນນະບົດເພື່ອແນໃສ່ສົ່ງເສີມອະນຸຮັກຊັບພະຍາກອນທຳມະຊາດ ແລະ ວັດທະນະທຳໂດຍສະເພາະແມ່ນ ຢູ່ພາຍໃນ ແລະ ບໍລິເວນໃກ້ຄຽງປ່າສະຫງວນແຫ່ງຊາດ ແລະ ເຂດປ່າສະຫງວນຂອງແຂວງ; ສົ່ງເສີມການພັດທະນາເສດຖະກິດ-ສັງຄົມຂອງທ້ອງຖິ່ນແລະເຮັດໃຫ້ນັກທ່ອງທ່ຽວຜູ້ມາຢ້ຽມ ຢາມມີຄວາມຮັບຮູ້ເຂົ້າໃຈ ແລະ ຢາກກັບມາຢ້ຽມຢາມສະຖານທີ່ດັ່ງກ່າວ ອີກເທື່ອໃຫມ່.
ສະຫລຸບລວມແລ້ວ ການທ່ອງທ່ຽວແບບອະນຸຮັກແມ່ນການທ່ອງທ່ຽວທີ່ມີຄວາມຮັບຜິດຊອບຕໍ່ທຳມະຊາດ, ເປັນຮູບແບບການທ່ອງທ່ຽວທີ່ຊ່ວຍສົ່ງເສີມການອະນຸຮັກທຳມະຊາດ ແລະ ວັດທະນະທຳ; ຊ່ວຍໃຫ້ພາກສ່ວນຕ່າງໆເຫັນຄຸນຄ່າຂອງທຳມະຊາດເພີ່ມຂຶ້ນ ແລະ ມີວິທີການທີ່ລະອຽດອ່ອນ ນຳໃຊ້ຊັບພະຍາກອນດັ່ງກ່າວມາຊ່ວຍປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ. ດັ່ງນັ້ນ ການທ່ອງທ່ຽວແບບອະນຸຮັກຈິ່ງມີຄວາມສຳຄັນ ແລະ ເປັນປະໂຫຍດໃຫຍ່ຫລວງຕໍ່ການພັດທະນາເສດຖະກິດ-ສັງຄົມຂອງປະເທດ
