Tank ນັກຮ້ອງຊາຍອີກຄົນໜຶ່ງ ຈາກໄຕ້ຫວັນຂອງຈີນ
(GMT+08:00) 2012-01-19 10:19:00 cri
Tank ນັກຮ້ອງຊາຍອີກຄົນໜຶ່ງ ຈາກໄຕ້ຫວັນຂອງຈີນ ທີ່ເຕັມໄປດ້ວຍຄວາມສາມາດໂດຍສະເພາະ ແມ່ນການແຕ່ງເພງ Tank ຫຼື Jian Zhong Lu ເກີດ ໃນໄຕ້ຫວັນຂອງຈີນ ໃນວັນທີ 6 ເດືອນ ກຸມພາ 1982ກ່ອນທີ່ຈະປ່ອຍ ອະລະບ້ຳທຳອິດອອກມານັ້ນ Tank ໄດ້ເຮັດວຽກຢູ່ເບື້ອງຫຼັງ ໂດຍແມ່ນການແຕ່ງເພງ ໃຫ້ກັບສິລະປິນທີ່ໂດ່ງດັງຫຼາຍຄົນ ເຊັ່ນ Zhou Yu Ming Vic ຫຼື F4 ແລະ ກຸ່ມສິລະປິນຍິງ SHE ນອກຈາກນັ້ນຍັງ ແຕ່ງເພງ ໃຫ້ກັບ ອະລະບ້ຳທີ 3 ຂອງ Wilber Pan ໃນຜົນງານເພງ Letting You Go ແລະ ສິລະປິນອື່ນໆ ອີກຫຼາຍຄົນ
ເມື່ອອາຍຸ 21ປີ Tank ໄດ້ມີຜົນງານເພງ ທີ່ແຕ່ງອອກມານັ້ນ ຫຼາຍກ່ວາ 200 ເພງ ແລະ ເປັນທີ່ຍອມຮັບໃນວົງການເພງ ຖັດຈາກ David Taoແລະ Jay Chou
Tankເລີ່ມຕົ້ນໃນການເຊັນ ສັນຍາ ກັບຄ້າຍເພງ Him International Music ແລະ ປ່ອຍອະລະບ້ຳ Fighting, The Law Of Surviving ເຊິ່ງແມ່ນອະລະບ້ຳຊຸດທຳອິດ ອອກມາໃນວັນທີ 23 ກຸມພາ ປີ 2006 ແລະ ໃນປີ ດຽວກັນນີ້ ຫຼັງຈາກມີຜົນງານເພງ ອອກສູ່ບັນດາຜູ້ຟັງ ແລະ ແຟນເພງ ເຮັດໃຫ້ Tank ສາມາດຍາດມາໄດ້ ເຖິງ 2 ລາງວັນ ນັກຮ້ອງນັກແຕ່ງເພງດີເດັ່ນ ແລະ ສິລະປິນຊາຍດີເດັ່ນ ໃນງານປະກາດລາງວັນ Hong Kong TVB8 Award
ຕໍ່ມາໃນປີ 2007 ໄດ້ອອກຜົນງານເພງຮ່ວມກັບ Yoga Lin ທີ່ໃຊ້ປະກອບເຂົ້າໃນລະຄອນເລື່ອງ Bull Fighting ພ້ອມທັງມີ ອະລະບ້ຳຊຸດທີ 2 ທີ່ປ່ອຍອອກມາ ໃນວັນທີ 29 ມັງກອນ ປີ 2007 ແລະ ໃນປີນີ້ ກໍຍັງສາມາດຄ້ວາມາໄດ້ຕື່ມອີກ 2 ລາງວັນ ແລະ 3 ລາງວັນໃນປີ 2008
ສ່ວນອະລະບ້ຳລ່າສຸດ The 3rdRound ເຊິ່ງແມ່ນອະລະບ້ຳ ທີ 3 ນັ້ນ ປ່ອຍອອກມາໃນວັນທີ 31 ພຶດສະພາ ປີ 2009
