ສະພາບການດື່ມເຫຼົ້າຂອງຄົນຈີນ
(GMT+08:00) 2012-01-20 16:34:10 cri
ສະບາຍດີມິດລາຍການເບິ່ງເມືອງຈີນທີ່ຄິດຮອດ ແລະ ຄິດເຖິງ! ຮອດເວລານີ້ປັບ 19ໂມງ ຄັນທ່ານພວມຟັງ CRI FM 93Mhz ຢູ່ກໍ່ແມ່ນໄດ້ຍິນສຽງໜຸ່ມໃຫຍ່ອາລົມດີໂລດ, ບໍ່ວ່າຈະເປັນມື້ືທຳມະດາ ຫຼື ມື້ວັນເສົາ ອາທິດ ໜຸ່ມໃຫຍ່ກໍຈະມາຢູ່ເປັນໝູ່ທ່ານຈົນຮອດ 19:50 ນາທີພຸ້ນລະ ຢາກຮູ້ເລຶ່ອງລາວຕ່າງໆກ່ຽວກັບເມືອງຈີນຕິດຕໍ່ຫາໜຸ່ມໃຫຍ່ເດີ້ທ່ານຜູ້ຟັງ ຄັນໂທລະສັບກໍແມ່ນ 711477 ຄັນຂໍ້ຄວາມສັ້ນກໍ່ແມ່ນ 9300 ຄືນນີ້ໜຸ່ມໃຫຍ່ຂໍນຳເອົາຄຳຖາມຂອງມິດລາຍການທີ່ຊື່ວ່າ ວັນດີ ທີ່ເຮັດວຽກຢູ່ກະຊວງ ອຸດສະຫະກຳມາຕອບ ເພິ່ນວ່າຟັງCRI ເລື້ອຍໆ ຢູ່ເຮືອນກໍມີວິທະຍຸ ຂັບລົດກໍ່ໄດ້ຟັງ ມືຖືກໍຟັງວິທະຍຸໄດ້ແລ້ວສະບາຍວ່າຊັ້ນ ເພິ່ນວ່າມັກຟັງ CRI FM 93Mhz ຍ້ອນວ່າຕິດຕາມຟັງຂ່າວຈີນ ຂ່າວໂລກ ຂ່າວລາວກໍຫຼາຍດຽວນີ້ ລາຍການອື່ນກໍມີສາລະຄວາມຮູ້ດີ ໂຄສົກກໍເປັນກັນເອງດີ ແຕ່ບໍ່ອໍ້ແອ້ກັນຫຼາຍຈົນໄຮ້ສາລະຄືເດັກນ້ອຍ ການຮັກສາພາສາລາວກໍດີກ່ວາຫຼາຍລາຍການ ຫຼາຍສະຖານີ ບໍ່ມີໂຄສະນາສິນຄ້າໃຫ້ຄານຫູອີກວ່າຊັ້ນ ໂອ້ ຂອບໃຈເດີມິດລາຍການທີ່ຊື່ ວັນດີ ທີ່ມີຄວາມເຫັນມາ ເພິ່ນວ່າ ຟັງລາຍການເບິ່ງເມືອງຈີນທີ່ໜຸ່ມໃຫຍ່ຈັດເກືອບທຸກແລງເລີຍວ່າຊັ້ນ ເພາະວ່າພໍດີຖືກໂມງພວມຢູ່ເຮືອນກິນເຂົ້າກິນນ້ຳກັບຄອບຄົວ ໄລຍະນີ້ບາງມື້ກໍບໍ່ໄດ້ຟັງ ເພາະວ່າງານດອງ ມັດຂໍ່ຕໍ່ແຂນ ຂື້ນເຮືອນໃໝ່ ບຸນສິນກິນທານຫຼາຍວ່າຊັ້ນ ເພິ່ນວ່າຟັງລາຍການນີ້ ຮູ້ປະເທດຈີນ ຮູ້ສັງຄົມຈີນຫຼາຍອີ່ຫຼີ ມີທັງອັນດີທີ່ເປັນແບບຢ່າງ ມີທັງອັນບໍ່ດີທີ່ຄວນປັບປຸງແກ້ໄຂ ເພິ່ນວ່າປະເທດໃດກໍຄືກັນ ຄົນກໍຄືກັນ ບໍ່ມີຄົນປະເທດໃດ ເຊື້ອຊາດໃດ ດີໝົດດັອກ! ເອີ,ກໍແມ່ນຄວາມເພິ່ນໄດເນາະທ່ານຜູ້ຟັງ ເພິ່ນວ່າຢູ່ລາວມາສັງເກດເບິ່ງແລ້ວ ຄົນດື່ມເຫຼົ້າ ດື່ມວິສກີ້ ດື່ມເບຍ ຫຼາຍອີ່ຫຼີ ໂດຍສະເພາະຜູ້ຊາຍນີ້ແມ່ນຫຼີກຍາກ! ເພິ່ນເລີຍຢາກໃຫ້ໜຸ່ມໃຫຍ່ເວົ້າສູ່ຟັງແດ່ດຸ ເລື່ອງການດື່ມເຫຼົ້າດື່ມເບຍຢູ່ສັງຄົມຈີນດຽວນີ້ເປັນແນວໃດ? ໜັກຄືກັນບໍ່ ຫຼື ແນວໃດ? ເອີ! ຄິດວ່າຄຳຖາມຂອງທ່ານ ວັນດີ ຢູ່ກະຊວງອຸດສະຫະກຳນິ ມິດລາຍການທ່ານອື່ນໆກໍຄືຊິຢາກຮູ້ຄືກັນເນາະ! ເອົາ!ເອົາ ຈັ່ງຊີ້ຟັງເພງຊຸດໜື່ງກ່ອນແລ້ວຊິມາຕອບຄຳຖາມທາງໂທລະສັບຂອງທ່ານ ວັນດີ!
(ເພງ)
ຟັງເພງຈີນມ່ວນໆຜ່ານໄປ 2ເພງປ່ຽນບັນຍາກາດການເວົ້າລົມກັນໃນລາຍການເບິ່ງເມືອງຈີນຜ່ານໄປແລ້ວ ບັດນີ້ໜຸ່ມໃຫຍ່ຊິຕອບໂທລະສັບຂອງທ່ານວັນດີຢູ່ກະຊວງອຸດສະຫະກຳທີ່ຖາມເຖິງສະພາບການດື່ມເຫຼົ້າຢູ່ໃນສັງຄົມຈີນເປັນແນວໃດ? ເວົ້າເລື່ອງນີ້ແລ້ວຢູ່ສັງຄົມລາວກໍເປັນແນວນີ້ ຢູ່ໃນສັງຄົມຈີນກໍຫຼີກຍາກຄືກັນ ໂດຍສະເພາະຜູ້ຊາຍຄືໄທເຮົາ,ເຈົ້າ ຂ້ອຍນິລະ! ຄັນວ່າເຂົ້າສັງຄົມ ພົບປະສັງສັນກັບໝູ່ຄູ່ແລ້ວ ບໍ່ໄດ້ດື່ມຫຼາຍກໍດື່ມໜ້ອຍລະ ຄັນບໍ່ວ່າຜູ້ເປັນພະຍາດທີ່ດື່ມບໍ່ໄດ້ແທ້ໆເດີ້! ຈີນແຫ່ງເປັນປະເທດທີ່ມີວັດທະນະທຳການດື່ມເຫຼົ້າທີ່ຍາວນານມາແລ້ວ, ໃນສາຍຕາຂອງຄົນຈີນນິນະ ເຫຼົ້າບໍ່ພຽງແຕ່ເປັນເຄື່ອງດື່ມທີ່ເຮັດໃຫ້ມ່ວນຊື່ນເທົ່ານັ້ນໄດທ່ານຜູ້ຟັງ ແຕ່ຍັງເປັນເຄື່ອງດື່ມທີ່ຮັດແໜ້ນຄວາມຮັກແພງສະໜິດສະໜົມ ລື້ງເຄີຍອີກ ແຕ່ວ່າໜຸ່ມໃຫຍ່ຕອບເລື່ອງເຫຼົ້າຄືນນີ້ ຢ່າເຂົ້າໃຈຜິດກັນເດີທ່ານຜູ້ຟັງ, ບໍ່ແມ່ນໜຸ່ມໃຫຍ່ສະໜັບສະໜຸນການດື່ມເຫຼົ້າສູບຢາໄດ, ແຕ່ເພິ່ນຖາມມາເຮົາກໍ່ຕອບເພື່ອໃຫ້ຮູ້ສະພາບການດື່ມເຫຼົ້າໃນສັງຄົມຈີນເປັນແນວໃດ? ໃຜກໍຮູ້ແລ້ວເດວ່າຄວາມອັນຕະລາຍຂອງເຫຼົ້າຂອງເບຍຕໍ່ສຸຂະພາບນັ້ນມີຫຼາຍ ທັງກໍ່ໃຫ້ເກີດບັນຫາສັງຄົມຫຼາຍອັນຕາມມາອີກ ປານນັ້ນຄົນກໍຍັງດື່ມກັນອຶກກະທຶກຢູ່ ອັນນີໃຜຜ່ອນໄດ້ກໍຜ່ອນແດ່ ເຊົາໄດ້ແຫ່ງດີ ໜຸ່ມໃຫຍ່ຊົມເຊີຍສະໜັບສະໜຸນເຕັມທີ່ເລື່ອງເຊົາເຫຼົ້າ ເຊົາຢາສູບນິ ! ແຕ່ວ່າສູ່ມື້ນີ້ຍ້ອນສະພາບສັງຄົມກໍເຊົາຍາກອີ່ຫຼີ ໂດຍສະເພາະເລື່ອງເຫຼົ້າ ເລື່ອງເບຍນິ ຈົນເປັນພະຍາດໜັກພຸ້ນລະຈົນແພດສັ່ງເດັດຂາດ ຕາຍກັບເຊົາກິນເຫຼົ້າສູບຢຊິເອົາອັນໃດເລືອກເອົາພຸ້ນລະບາງຄົນເພິ່ນຈື່ງເຊົາຫັນນະເນາະ! ຟັງເພງອີກຊຸດໜຶ່ງກ່ອນເນາະແລ້ວໜຸ່ມໃຫຍ່ຈະກັບມາເວົ້າເຖິງສະພາບການດື່ມເຫຼົ້າໃນສັງຄົມຈີນສູ່ຟັງຕໍ່
(ເພງ)
ຕອນນີ້ມິດລາຍການພວມຟັງລາຍການເບິ່ງເມືອງຈີນທີ່ໜຸ່ມໃຫຍ່ອາລົມດີພວມຈັດສູ່ຟັງຢູ່ ນີ້ຄືຄື້ນ CRI FM 93Mhz ຄືນນີ້ພວມລົມສະພາບການດື່ມເຫຼົ້າຢູ່ໃນສັງຄົມຈີນຕາມຄຳຂໍຂອງມິດລາຍການສູ່ຟັງຢູ່ ! ຫຼາຍປີມານິນະທ່ານຜູ້ຟັງຈຳນວນຜູ້ດື່ມເຫຼົ້າໃນປະເທດຈີນເພີ່ມຂື້ນຕະຫຼອດ, ທ່ານຮູ້ບໍ່ວ່າໃນຈຳນວນຂອງພົນລະເມືອງຈີນທັງໝົດ 1ຕື້ 3ຮ້ອຍລ້ານກ່ວາຄົນນັ້ນມີຄົນດື່ມເຫຼົ້າປົກະຕິຫຼາຍຊ່ຳໃດ? ຫຼາຍກ່ວາ 6ລ້ານຄົນ ! ໃນນັ້ນປະມານ 40% ດື່ມຫຼາຍກ່ວາ 1ຄັ້ງຕໍ່ວັນ ທົ່ວປະເທດຈີນປີໜື່ງໆຄົນຈີນບໍລິໂພກເຫຼົ້າປະເພດຕ່າງໆ 30ຕື້ກິໂລກລາມ ! ອົງການອະນາໄມໂລກຈັດໃຫ້ປະເທດຈີນເປັນປະເທດທີ່ໄດ້ຮັບຜົນຮ້າຍຈາກ ແອລກໍຮໍຢ່າງຮຸນແຮງມາແຕ່ປີ 2006 ພຸ້ນໄດ ! ປະຈຸບັນນີ້ແຕ່ລະປີມີຜູ້ເສຍຊີວິດຍ້ອນພະຍາດໂລຄາຊະນິດຕ່າງໆທີ່ມີສາເຫດຈາກການດື່ມເຫຼົ້າຕັ້ງວ່າ 110,000ຄົນ ກາຍເປັນຄົນພິການອີກ 2ລ້ານ 7ແສນກ່ວາຄົນ. ຄົນຕາຍຈາກການກິນເຫຼົ້າຍັງຫຼາຍກ່ວາສູບຢາອີກຊ້ຳສຳລັບຢູ່ຈີນ! ອັນນີ້ບໍ່ໄດ້ບອກວ່າສູບຢາດີກ່ວາກິນເຫຼົ້າ ຫຼື ກິນເຫຼົ້າດີກ່ວາສູບຢາເດີທ່ານຜູ້ຟັງ! ບໍ່ດີທັງສອງ ອັນຕະລາຍຕໍ່ສຸຂະພາບ ເຜົາຜານເງິນຄຳທັງສອງ ໂດຍສະເພາະສູບຢາ ເຜົາປອດໂຕເອງແລ້ວຍັງບໍ່ພໍ ຍັງສົ່ງຄວນຢາໄປເຜົາປອດຄົນອອ້ມຂ້າງອີກ ດັ່ງນັ້ນໃຜສູບກໍຮູ້ກາລະເທສະ ສູບບໍ່ຖືກບ່ອນຖືກທີ່ ລະວັງກາຍເປັນຄົນທີ່ສັງຄົມລັງກຽດເດີ ! ມາເວົ້າເລື່ອງເຫຼົ້າຢູ່ຈີນຕໍ່, ສະມາຄົມຄົນຮັກສາສຸຂະພາບຂອງຈີນກັບສະຫະພັນແພດສາດແຫ່ງຊາດຈີນເພິ່ນໄດ້ຮ່ວມກັນເຜີຍແຜ່ບົດລາຍງານຜົນສຳຫຼວດສະພາບການດື່ມເຫຼົ້າຂອງຄົນຈີນໃນປີ 2008 ພົບວ່າ: ຜູ້ຊາຍຈີນ 81,4%ດື່ມ ແລະ ຜູ້ຍິງ 29,3%ດື່ມ ! ທີ່ໜ້າເປັນຫ່ວງຫັນແມ່ນໃນກຸ່ມຄົນທີ່ດື່ມເຫຼົ້ານັ້ນມີບັນຫາສຸຂະພາບຫຼາຍກ່ວາ 65,4% ແລະຜູ້ທີ່ບໍ່ສົນໃຈຕໍ່ຜົນຮ້າຍແຮງຂອງເຫຼົ້າ ແລະ ບໍ່ສົນໃຈຄວບຄຸມປະລິມານເຫຼົ້າທີ່ດື່ມເຂົ້າໄປມີຫຼາຍກ່ວາ 30% ສະເລ່ຍແລ້ວຄົນຈີນດື່ມເຫຼົ້າເທື່ອໜື່ງປະມານ 135ກລາມຕາມມາດຕະຖານການຄິດໄລ່ແລ້ວໃນເຫຼົ້າ 100ກລາມຈະມີທາດແອລກໍຮໍຢູ່ 38% ກໍ່ເທົ່າກັບວ່າຮ່າງກາຍຕ້ອງຮັບແອລກໍຮໍ 41,04ກລາມທຸກເທື່ອທີ່ດື່ມ ຊື່ງມັນສູງກ່ວາອັດຕາຄວາມປອດໄພການຮັບຮອງແອລກໍຮໍຂອງຮ່າງກາຍທີ່ອົງການອະນະໄມໂລກກຳນົດໄວ້ຫຼາຍ, ຄືເພິ່ນກຳນົດໄວ້ຢ່າງຈະແຈ້ງວ່າ: ຜູ້ຊາຍມື້ໜື່ງຮັບແອລກໍຮໍບໍ່ຄວນກາຍ 20ກລາມ, ຜູ້ຍິງບໍ່ໃຫ້ກາຍ 10ກລາມ ! ບາດຄົນຈີນທີ່ດື່ມເຫຼົ້າເທື່ອດຽວສະເລ່ຍຮັບແອລກໍຮໍເຂົ້າໄປແລ້ວ 41ກລາມປາຍເທື່ອດຽວໃນມື້ດຽວໄດນິ, ຄັນມື້ໜື່ງດື່ມ 2-3ເທື່ອເດຊິຫຼາຍຊ່ຳໃດ ? ເອົາ,ຟັງເພງອີກກ່ອນເນາະແລ້ວຈື່ງມາລົມກັນຕໍ່
(ເພງ)
ບັນຍາກາດຂອງລາຍການເບິ່ງເມືອງຈີນທີ່ໜຸ່ມໃຫຍ່ຈັດກໍສະບາຍໆແນວນີ້ລະທ່ານຜູ້ຟັງ ລົມເລື່ອງເມືອງຈີນໄປນຳຟັງເພງຈີນມ່ວນໆໄປພ້ອມ ເກົ່າ-ໃໝ່-ໄວ-ຊ້າ ມີໝົດສຳລັບລາຍການນີ້ ແຕ່ບໍ່ໄດ້ເນັ້ນການຂໍຟັງເພງ ຈັດເພງໃຫ້ມິດລາຍການປານໃດ ເພາະຈຸດປະສົງຕົ້ນຕໍຂອງລາຍການນີ້ກໍເພື່ອໃຫ້ມິດລາຍການລາວຮູ້ປະເທດຈີນຫຼາຍຂື້ນ ! ແຕ່ຄັນທ່ານໃດຂໍເພງຈີນມາພວກເຮົາກໍພະຍາຍາມຊອກຈັດໃຫ້ຢູ່ ຄັນບໍ່ທັນຄືນນີ້ກໍມື້ໜ້າ! ເອົາ, ບັດນີ້ຊິເວົ້າເຖິງການຜະລິດ ແລະ ຈຳໜ່າຍເຫຼົ້າຢູ່ຈີນສູ່ຟັງ ! ເຕີບໃຫຍ່ຂະຫຍາຍຕົວໄວອີ່ຫຼີ ອັນນີ້ມັນກໍສະທ້ອນໃຫ້ເຫັນໂດຍກົງໂລດວ່າຈຳນວນຜູ້ດື່ມກໍຫຼາຍຂື້ນ. ສະຫະພັນອຸດສະຫະກຳການຜະລິດນ້ຳເມົາຂອງຈີນບອກວ່າ: ການຜະລິດເຫຼົ້າຢູ່ຈີນດຽວນີ້ປ່ຽນແປງຈາກແຕ່ກ່ອນແລ້ວ, ຄືແຕ່ກ່ອນມີແຕ່ເຫຼົ້າຂາວເຕີບໂຕເປັນສ່ວນໃຫຍ່ ແຕ່ດຽວນີ້ຈັກເຫຼົ້າຂາວ,ຈັກເບຍ ຈັກເຫຼົ້າແວງຂະຫຍາຍໂຕໄປພ້ອມໆກັນ. ສະເພາະເບຍໃນປີ 1995 ປີໜື່ງຈີນຜະລິດມີແຕ່ບໍ່ຮອດ 8ພັນໂຕນ ແຕ່ດຽວນີ້ 41ລ້ານໂຕນຕໍ່ປີ, ຄົນລະເລື່ອງເລີຍເນາະທ່ານຜູ້ຟັງ. ເຫຼົ້າຂາວການຜະລິດກໍ່ເພີ່ມຂື້ນບໍ່ເຄີຍຫຼຸດ 20% ຢ່າງຕໍ່ເນື່ອງມາເປັນເວລາ20ປີແລ້ວ. ສ່ວນເຫຼົ້າແວງຈະດື່ມໜ້ອຍກ່ວາ ເຫຼົ້າຂາວກັບເບຍ ແຕ່ສະເພາະປີ 2008 ຄົນຈີນກໍດື່ມເຫຼົ້າແວງໄປ 900ລ້ານແກ້ວ ຂາຍນ້ຳເມົານິຈັ່ງແມ່ນລວຍໄວເນາະ ! ຄົນຈີນໂດຍທົ່ວໄປບໍ່ມັກດື່ມວິສກີຕ່າງປະເທດໄດທ່ານຜູ້ຟັງ ! ຄັນບໍ່ເຊື່ມໜຸ່ມໃຫຍ່ໄປເມືອງຈີນສັງເກດເບິ່ງເດີ ຮ້ານໃຫຍ່ ກາງ ນ້ອຍຄືກັນ ຊອກເບິ່ງແກ້ວວິສກີຢູ່ໂຕະອາຫານຄົນຈີນຍາກຂະໜາດລະ ! ເອົາ,ຄືນນີ້ກໍລົມສະພາບການດື່ມເຫຼົ້າຂອງຄົນຈີນສູ່ຟັງຕາມຄຳຂໍຂອງທ່ານ ວັນດີ ຢູ່ກະຊວງອຸດສະຫະກຳ. ຜູ້ຟັງທ່ານອື່ນຢາກຮູ້ເລື່ອງໃດກ່ຽວກັບເມືອງຈີນກໍບອກໜຸ່ມໃຫຍ່ເດີ້ ໂທ 711477 ຂໍ້ຄວາມສັ້ນ 9300 ແລ້ວຊິໄປຊອກມາເວົ້າສູ່ຟັງ ! ຈັ່ງໃດກໍຕາມແຕ່ເດີທ່ານຜູ້ຟັງຂື້ນຊື່ວ່າສຸລາເຫຼົ້າມັນຊິເປັນຍີ່ຫໍ້ໃດ ຖືກ ແພງ ໄຮໂຊຊ່ຳໃດມັນກໍ່ບໍ່ດີຕໍ່ສຸຂະພາບ ຖົງເງິນ ນິໄສ ໃຈຄໍ ມາລະຍາດເສຍ ຂາດຄວາມນັບຖືກໍຍ້ອນເຫຼົ້າ ຂາດສະຕິສຳປະສັນຍະກໍຍ້ອນເຫຼົ້າ ຫຼຸດໄດ້ ເຊົາໄດ້ແມ່ນດີ
(ເພງ)
ຈົບ
(ເພງ)
ຟັງເພງຈີນມ່ວນໆຜ່ານໄປ 2ເພງປ່ຽນບັນຍາກາດການເວົ້າລົມກັນໃນລາຍການເບິ່ງເມືອງຈີນຜ່ານໄປແລ້ວ ບັດນີ້ໜຸ່ມໃຫຍ່ຊິຕອບໂທລະສັບຂອງທ່ານວັນດີຢູ່ກະຊວງອຸດສະຫະກຳທີ່ຖາມເຖິງສະພາບການດື່ມເຫຼົ້າຢູ່ໃນສັງຄົມຈີນເປັນແນວໃດ? ເວົ້າເລື່ອງນີ້ແລ້ວຢູ່ສັງຄົມລາວກໍເປັນແນວນີ້ ຢູ່ໃນສັງຄົມຈີນກໍຫຼີກຍາກຄືກັນ ໂດຍສະເພາະຜູ້ຊາຍຄືໄທເຮົາ,ເຈົ້າ ຂ້ອຍນິລະ! ຄັນວ່າເຂົ້າສັງຄົມ ພົບປະສັງສັນກັບໝູ່ຄູ່ແລ້ວ ບໍ່ໄດ້ດື່ມຫຼາຍກໍດື່ມໜ້ອຍລະ ຄັນບໍ່ວ່າຜູ້ເປັນພະຍາດທີ່ດື່ມບໍ່ໄດ້ແທ້ໆເດີ້! ຈີນແຫ່ງເປັນປະເທດທີ່ມີວັດທະນະທຳການດື່ມເຫຼົ້າທີ່ຍາວນານມາແລ້ວ, ໃນສາຍຕາຂອງຄົນຈີນນິນະ ເຫຼົ້າບໍ່ພຽງແຕ່ເປັນເຄື່ອງດື່ມທີ່ເຮັດໃຫ້ມ່ວນຊື່ນເທົ່ານັ້ນໄດທ່ານຜູ້ຟັງ ແຕ່ຍັງເປັນເຄື່ອງດື່ມທີ່ຮັດແໜ້ນຄວາມຮັກແພງສະໜິດສະໜົມ ລື້ງເຄີຍອີກ ແຕ່ວ່າໜຸ່ມໃຫຍ່ຕອບເລື່ອງເຫຼົ້າຄືນນີ້ ຢ່າເຂົ້າໃຈຜິດກັນເດີທ່ານຜູ້ຟັງ, ບໍ່ແມ່ນໜຸ່ມໃຫຍ່ສະໜັບສະໜຸນການດື່ມເຫຼົ້າສູບຢາໄດ, ແຕ່ເພິ່ນຖາມມາເຮົາກໍ່ຕອບເພື່ອໃຫ້ຮູ້ສະພາບການດື່ມເຫຼົ້າໃນສັງຄົມຈີນເປັນແນວໃດ? ໃຜກໍຮູ້ແລ້ວເດວ່າຄວາມອັນຕະລາຍຂອງເຫຼົ້າຂອງເບຍຕໍ່ສຸຂະພາບນັ້ນມີຫຼາຍ ທັງກໍ່ໃຫ້ເກີດບັນຫາສັງຄົມຫຼາຍອັນຕາມມາອີກ ປານນັ້ນຄົນກໍຍັງດື່ມກັນອຶກກະທຶກຢູ່ ອັນນີໃຜຜ່ອນໄດ້ກໍຜ່ອນແດ່ ເຊົາໄດ້ແຫ່ງດີ ໜຸ່ມໃຫຍ່ຊົມເຊີຍສະໜັບສະໜຸນເຕັມທີ່ເລື່ອງເຊົາເຫຼົ້າ ເຊົາຢາສູບນິ ! ແຕ່ວ່າສູ່ມື້ນີ້ຍ້ອນສະພາບສັງຄົມກໍເຊົາຍາກອີ່ຫຼີ ໂດຍສະເພາະເລື່ອງເຫຼົ້າ ເລື່ອງເບຍນິ ຈົນເປັນພະຍາດໜັກພຸ້ນລະຈົນແພດສັ່ງເດັດຂາດ ຕາຍກັບເຊົາກິນເຫຼົ້າສູບຢຊິເອົາອັນໃດເລືອກເອົາພຸ້ນລະບາງຄົນເພິ່ນຈື່ງເຊົາຫັນນະເນາະ! ຟັງເພງອີກຊຸດໜຶ່ງກ່ອນເນາະແລ້ວໜຸ່ມໃຫຍ່ຈະກັບມາເວົ້າເຖິງສະພາບການດື່ມເຫຼົ້າໃນສັງຄົມຈີນສູ່ຟັງຕໍ່
(ເພງ)
ຕອນນີ້ມິດລາຍການພວມຟັງລາຍການເບິ່ງເມືອງຈີນທີ່ໜຸ່ມໃຫຍ່ອາລົມດີພວມຈັດສູ່ຟັງຢູ່ ນີ້ຄືຄື້ນ CRI FM 93Mhz ຄືນນີ້ພວມລົມສະພາບການດື່ມເຫຼົ້າຢູ່ໃນສັງຄົມຈີນຕາມຄຳຂໍຂອງມິດລາຍການສູ່ຟັງຢູ່ ! ຫຼາຍປີມານິນະທ່ານຜູ້ຟັງຈຳນວນຜູ້ດື່ມເຫຼົ້າໃນປະເທດຈີນເພີ່ມຂື້ນຕະຫຼອດ, ທ່ານຮູ້ບໍ່ວ່າໃນຈຳນວນຂອງພົນລະເມືອງຈີນທັງໝົດ 1ຕື້ 3ຮ້ອຍລ້ານກ່ວາຄົນນັ້ນມີຄົນດື່ມເຫຼົ້າປົກະຕິຫຼາຍຊ່ຳໃດ? ຫຼາຍກ່ວາ 6ລ້ານຄົນ ! ໃນນັ້ນປະມານ 40% ດື່ມຫຼາຍກ່ວາ 1ຄັ້ງຕໍ່ວັນ ທົ່ວປະເທດຈີນປີໜື່ງໆຄົນຈີນບໍລິໂພກເຫຼົ້າປະເພດຕ່າງໆ 30ຕື້ກິໂລກລາມ ! ອົງການອະນາໄມໂລກຈັດໃຫ້ປະເທດຈີນເປັນປະເທດທີ່ໄດ້ຮັບຜົນຮ້າຍຈາກ ແອລກໍຮໍຢ່າງຮຸນແຮງມາແຕ່ປີ 2006 ພຸ້ນໄດ ! ປະຈຸບັນນີ້ແຕ່ລະປີມີຜູ້ເສຍຊີວິດຍ້ອນພະຍາດໂລຄາຊະນິດຕ່າງໆທີ່ມີສາເຫດຈາກການດື່ມເຫຼົ້າຕັ້ງວ່າ 110,000ຄົນ ກາຍເປັນຄົນພິການອີກ 2ລ້ານ 7ແສນກ່ວາຄົນ. ຄົນຕາຍຈາກການກິນເຫຼົ້າຍັງຫຼາຍກ່ວາສູບຢາອີກຊ້ຳສຳລັບຢູ່ຈີນ! ອັນນີ້ບໍ່ໄດ້ບອກວ່າສູບຢາດີກ່ວາກິນເຫຼົ້າ ຫຼື ກິນເຫຼົ້າດີກ່ວາສູບຢາເດີທ່ານຜູ້ຟັງ! ບໍ່ດີທັງສອງ ອັນຕະລາຍຕໍ່ສຸຂະພາບ ເຜົາຜານເງິນຄຳທັງສອງ ໂດຍສະເພາະສູບຢາ ເຜົາປອດໂຕເອງແລ້ວຍັງບໍ່ພໍ ຍັງສົ່ງຄວນຢາໄປເຜົາປອດຄົນອອ້ມຂ້າງອີກ ດັ່ງນັ້ນໃຜສູບກໍຮູ້ກາລະເທສະ ສູບບໍ່ຖືກບ່ອນຖືກທີ່ ລະວັງກາຍເປັນຄົນທີ່ສັງຄົມລັງກຽດເດີ ! ມາເວົ້າເລື່ອງເຫຼົ້າຢູ່ຈີນຕໍ່, ສະມາຄົມຄົນຮັກສາສຸຂະພາບຂອງຈີນກັບສະຫະພັນແພດສາດແຫ່ງຊາດຈີນເພິ່ນໄດ້ຮ່ວມກັນເຜີຍແຜ່ບົດລາຍງານຜົນສຳຫຼວດສະພາບການດື່ມເຫຼົ້າຂອງຄົນຈີນໃນປີ 2008 ພົບວ່າ: ຜູ້ຊາຍຈີນ 81,4%ດື່ມ ແລະ ຜູ້ຍິງ 29,3%ດື່ມ ! ທີ່ໜ້າເປັນຫ່ວງຫັນແມ່ນໃນກຸ່ມຄົນທີ່ດື່ມເຫຼົ້ານັ້ນມີບັນຫາສຸຂະພາບຫຼາຍກ່ວາ 65,4% ແລະຜູ້ທີ່ບໍ່ສົນໃຈຕໍ່ຜົນຮ້າຍແຮງຂອງເຫຼົ້າ ແລະ ບໍ່ສົນໃຈຄວບຄຸມປະລິມານເຫຼົ້າທີ່ດື່ມເຂົ້າໄປມີຫຼາຍກ່ວາ 30% ສະເລ່ຍແລ້ວຄົນຈີນດື່ມເຫຼົ້າເທື່ອໜື່ງປະມານ 135ກລາມຕາມມາດຕະຖານການຄິດໄລ່ແລ້ວໃນເຫຼົ້າ 100ກລາມຈະມີທາດແອລກໍຮໍຢູ່ 38% ກໍ່ເທົ່າກັບວ່າຮ່າງກາຍຕ້ອງຮັບແອລກໍຮໍ 41,04ກລາມທຸກເທື່ອທີ່ດື່ມ ຊື່ງມັນສູງກ່ວາອັດຕາຄວາມປອດໄພການຮັບຮອງແອລກໍຮໍຂອງຮ່າງກາຍທີ່ອົງການອະນະໄມໂລກກຳນົດໄວ້ຫຼາຍ, ຄືເພິ່ນກຳນົດໄວ້ຢ່າງຈະແຈ້ງວ່າ: ຜູ້ຊາຍມື້ໜື່ງຮັບແອລກໍຮໍບໍ່ຄວນກາຍ 20ກລາມ, ຜູ້ຍິງບໍ່ໃຫ້ກາຍ 10ກລາມ ! ບາດຄົນຈີນທີ່ດື່ມເຫຼົ້າເທື່ອດຽວສະເລ່ຍຮັບແອລກໍຮໍເຂົ້າໄປແລ້ວ 41ກລາມປາຍເທື່ອດຽວໃນມື້ດຽວໄດນິ, ຄັນມື້ໜື່ງດື່ມ 2-3ເທື່ອເດຊິຫຼາຍຊ່ຳໃດ ? ເອົາ,ຟັງເພງອີກກ່ອນເນາະແລ້ວຈື່ງມາລົມກັນຕໍ່
(ເພງ)
ບັນຍາກາດຂອງລາຍການເບິ່ງເມືອງຈີນທີ່ໜຸ່ມໃຫຍ່ຈັດກໍສະບາຍໆແນວນີ້ລະທ່ານຜູ້ຟັງ ລົມເລື່ອງເມືອງຈີນໄປນຳຟັງເພງຈີນມ່ວນໆໄປພ້ອມ ເກົ່າ-ໃໝ່-ໄວ-ຊ້າ ມີໝົດສຳລັບລາຍການນີ້ ແຕ່ບໍ່ໄດ້ເນັ້ນການຂໍຟັງເພງ ຈັດເພງໃຫ້ມິດລາຍການປານໃດ ເພາະຈຸດປະສົງຕົ້ນຕໍຂອງລາຍການນີ້ກໍເພື່ອໃຫ້ມິດລາຍການລາວຮູ້ປະເທດຈີນຫຼາຍຂື້ນ ! ແຕ່ຄັນທ່ານໃດຂໍເພງຈີນມາພວກເຮົາກໍພະຍາຍາມຊອກຈັດໃຫ້ຢູ່ ຄັນບໍ່ທັນຄືນນີ້ກໍມື້ໜ້າ! ເອົາ, ບັດນີ້ຊິເວົ້າເຖິງການຜະລິດ ແລະ ຈຳໜ່າຍເຫຼົ້າຢູ່ຈີນສູ່ຟັງ ! ເຕີບໃຫຍ່ຂະຫຍາຍຕົວໄວອີ່ຫຼີ ອັນນີ້ມັນກໍສະທ້ອນໃຫ້ເຫັນໂດຍກົງໂລດວ່າຈຳນວນຜູ້ດື່ມກໍຫຼາຍຂື້ນ. ສະຫະພັນອຸດສະຫະກຳການຜະລິດນ້ຳເມົາຂອງຈີນບອກວ່າ: ການຜະລິດເຫຼົ້າຢູ່ຈີນດຽວນີ້ປ່ຽນແປງຈາກແຕ່ກ່ອນແລ້ວ, ຄືແຕ່ກ່ອນມີແຕ່ເຫຼົ້າຂາວເຕີບໂຕເປັນສ່ວນໃຫຍ່ ແຕ່ດຽວນີ້ຈັກເຫຼົ້າຂາວ,ຈັກເບຍ ຈັກເຫຼົ້າແວງຂະຫຍາຍໂຕໄປພ້ອມໆກັນ. ສະເພາະເບຍໃນປີ 1995 ປີໜື່ງຈີນຜະລິດມີແຕ່ບໍ່ຮອດ 8ພັນໂຕນ ແຕ່ດຽວນີ້ 41ລ້ານໂຕນຕໍ່ປີ, ຄົນລະເລື່ອງເລີຍເນາະທ່ານຜູ້ຟັງ. ເຫຼົ້າຂາວການຜະລິດກໍ່ເພີ່ມຂື້ນບໍ່ເຄີຍຫຼຸດ 20% ຢ່າງຕໍ່ເນື່ອງມາເປັນເວລາ20ປີແລ້ວ. ສ່ວນເຫຼົ້າແວງຈະດື່ມໜ້ອຍກ່ວາ ເຫຼົ້າຂາວກັບເບຍ ແຕ່ສະເພາະປີ 2008 ຄົນຈີນກໍດື່ມເຫຼົ້າແວງໄປ 900ລ້ານແກ້ວ ຂາຍນ້ຳເມົານິຈັ່ງແມ່ນລວຍໄວເນາະ ! ຄົນຈີນໂດຍທົ່ວໄປບໍ່ມັກດື່ມວິສກີຕ່າງປະເທດໄດທ່ານຜູ້ຟັງ ! ຄັນບໍ່ເຊື່ມໜຸ່ມໃຫຍ່ໄປເມືອງຈີນສັງເກດເບິ່ງເດີ ຮ້ານໃຫຍ່ ກາງ ນ້ອຍຄືກັນ ຊອກເບິ່ງແກ້ວວິສກີຢູ່ໂຕະອາຫານຄົນຈີນຍາກຂະໜາດລະ ! ເອົາ,ຄືນນີ້ກໍລົມສະພາບການດື່ມເຫຼົ້າຂອງຄົນຈີນສູ່ຟັງຕາມຄຳຂໍຂອງທ່ານ ວັນດີ ຢູ່ກະຊວງອຸດສະຫະກຳ. ຜູ້ຟັງທ່ານອື່ນຢາກຮູ້ເລື່ອງໃດກ່ຽວກັບເມືອງຈີນກໍບອກໜຸ່ມໃຫຍ່ເດີ້ ໂທ 711477 ຂໍ້ຄວາມສັ້ນ 9300 ແລ້ວຊິໄປຊອກມາເວົ້າສູ່ຟັງ ! ຈັ່ງໃດກໍຕາມແຕ່ເດີທ່ານຜູ້ຟັງຂື້ນຊື່ວ່າສຸລາເຫຼົ້າມັນຊິເປັນຍີ່ຫໍ້ໃດ ຖືກ ແພງ ໄຮໂຊຊ່ຳໃດມັນກໍ່ບໍ່ດີຕໍ່ສຸຂະພາບ ຖົງເງິນ ນິໄສ ໃຈຄໍ ມາລະຍາດເສຍ ຂາດຄວາມນັບຖືກໍຍ້ອນເຫຼົ້າ ຂາດສະຕິສຳປະສັນຍະກໍຍ້ອນເຫຼົ້າ ຫຼຸດໄດ້ ເຊົາໄດ້ແມ່ນດີ
(ເພງ)
ຈົບ
