ໃຫ້ຂອງຂວັນ
(GMT+08:00) 2012-02-09 14:50:17 cri
ສະບາຍດີທ່ານຜູ້ຟັງທີ່ຮັກແພງທຸກໆທ່ານ! ຮອດເວລານີ້ 19 ໂມງຂອງທຸກຄືນໜຸ່ມໃຫຍ່ກໍນຳເອົາລາຍການເບິ່ງເມືອງຈີນກັບມາພົບກັບມິດລາຍການອີກແລ້ວເປັນປະຈຳທຸກຄືນບໍ່ໄດ້ຂາດ! ເວົ້າເລື່ອງດິນຟ້າອາກາດແລ້ວໃນເດືອນມັງກອນນີ້ກໍຖືວ່າເປັນເດືອນທີ່ໜາວທີ່ສຸດລະ ບໍ່ວ່າຈະຢູ່ຈີນຢູ່ລາວກໍຄືກັນເຫັນວ່າຢູ່ວຽງຈັນມື້ນີ້ອາກາດໜາວແຮງ ໜາວຄ່ອຍ ມື້ເຢັນ ມື້ອຸ່ນ ປ່ຽນໄປປ່ຽນມາແນວນີ້ລອງຂື້ນໄປຜົ້ງສາລີ ຊຽງຂວາງ ຫົວພັນລອງເບິ່ງຄັນໝອກບໍ່ກົ້ວໂລດ! ຊຳເໜືອ ຊຽງຂວາງ ບາງຄືນ ບາງເຊົ້າ ບາງແລງອຸນຫະພູມລົງເກືອບຮອດ 0ອົງສາພຸ້ນໄດ! ຢູ່ຈີນໃນເດືອນມັງກອນນີ້ຂື້ນໄປເໜືອທໍ່ໃດແຮ່ງໜາວຂື້ນໜາວຂື້ນລະ! ນະຄອນຫຼວງປັກກິ່ງກໍຕັ້ງຢູ່ພາກເໜືອຂອງຈີນແລ້ວໄດທ່ານຜູ້ຟັງ ໄລຍະເດືອນນີ້ອາກາດໜາວແຮງອຸນຫະພູມລົງຕ່ຳຮອດ -10 ອົງສາກໍ່ມີໄດ໋ ບາງເທື່ອຫິມະກໍຕົກອີກ ຄັນໄດ້ຕົກແຮງເທື່ອໜື່ງແລ້ວເປັນ 1-2ອາທິດພຸ້ນລະມັນຈັ່ງເປື່ອຍຈັ່ງລະລາຍໝົດ ໂດຍສະເພາະບ່ອນຫົ່ມບ່ອນບໍ່ຖືກແສງແດດແຮ່ງນານເປື່ອຍ ຫຼືວ່າຢາກໄປທ້າທາຍຄວາມໜາວກ່ວານີ້ກໍຂື້ນໄປຮ່າປິ່ນພຸ້ນແລ້ວແດນຫິມະແດນນ້ຳກ້ອນ ເມືອງທ່ອງທ່ຽວລະດູໜາວທີ່ລືຊື່ຂອງຈີນ ຄວາມໜາວ -20ຫາ-30 ກໍ່ມີ! ເອົາ, ຈະໄປໃສ? ພາກເໜືອຂອງລາວ ຫຼື ຈະໄປຈີນຍາມນີ້ເດືອນມັງກອນນີ້ກໍຢ່າລືມກຽມເຄື່ອງກັນໜາວໄປເຕັມອັດຕາໂລດລະເນາະ! ແຕ່ວ່າສຳລັບເລື່ອງທີ່ຈະເວົ້າສູ່ຟັງແທ້ໆສຳລັບຄືນນີ້ໜຸ່ມໃຫຍ່ຈະເວົ້າເຖິງຂອງຂັວນການໃຫ້ຂອງຂັວນໃນໂອກາດສຳຄັນຕ່າງໆຂອງຄົນຈີນເຂົາເຈົ້າຖືແນວໃດ? ຄວນໃຫ້ຫຍັງ? ບໍ່ຄວນໃຫ້ຫຍັງ ?ແຕ່ວ່າມາຟັງເພງຊຸດທຳອິດຂອງລາຍການກ່ອນເນາະແລ້ວຈະກັບມາເວົ້າໃຫ້ຟັງ!
ເພງ
2ເພງທຳອິດຈາກລາຍການຜ່ານໄປແລ້ວ! 711477 / 9300 ຄຳເຫັນ ຢາກຮູ້ເລື່ອງເມືອງຈີນ….......! ເອົາ, ບັດນີ້ໜຸ່ມໃຫຍ່ກໍຈະເວົ້າເຖິງຄວາມເຊື່ອໃນການມອບການໃຫ້ຂອງຂັວນແກ່ກັນຂອງຄົນຈີນສູ່ຟັງ! ເວົ້າເລື່ອງຂອງຂັວນນິບໍ່ຈຳເປັນຕ້ອງແມ່ນເຄື່ອງຂອງແພງໆສະເໝີໄປດັອກ! ສຳຄັນແມ່ນຄວາມຈິງໃຈການຊ່າງເລືອກສິ່ງຂອງທີ່ເໝາະສົມກັບຄົນຮັບ ເໝາະກັບກາລະເທສະຕ່າງຫາກແມ່ນບໍ່ທ່ານຜູ້ຟັງ! ຂໍ້ຄວນລະວັງອັນໜຶ່ງທີ່ຄົນຈີນເຂົາຖືກັນ ທີ່ທ່ານອາດຫວັງດີແຕ່ກາຍເປັນທາງລົບແມ່ນຫຍັງ? ຄືທ່ານບໍ່ຄວນມອບຂອງຂັວນແພງໆໃຫ້ໝູ່ເພື່ອນທຳມະດາທົ່ວໄປ ຫຼື ໃຜກໍຕາມທີ່ທ່ານໃຫ້ກໍ່ໄປຢາມເທື່ອທຳອິດແລ້ວຂອງຂັວນແພງໆມີຄຸນຄ່າລາຄາສູງໆໄປມອບໃຫ້ເພາະວ່າຜູ້ໄດ້ຮັບອາດຄິດວ່າທ່ານກຳລັງໃຫ້ສິນບົນແກ່ເຂົາເຈົ້າຫຼືຕ້ອງການຊ່ວຍເຫຼືອຈາກເຂົາເຈົ້າ! ຄົນຈີນຖືແນວນັ້ນໄດ! ບັດນີ້ເວລາທີ່ທ່ານໄປຫຼິ້ນໄປທ່ຽວໃສມາໄປທ່ຽວບ່ອນໄກໆພຸ້ນລະ ເຄື່ອງຕ້ອນຂອງຝາກທີ່ຄົນຈີນມັກຊື້ມາຝາກກັນກໍແມ່ນຂະໜົມໝາກໄມ້ແຫ້ງ ຊາ ເຫຼົ້າແວງ ຫຼືຜະລິດຕະພັນທີ່ເປັນຂອງພື້ນບ້ານພື້ນເມືອງ! ຄົນລາວກໍຄືກັນເນາະທ່ານຜູ້ຟັງໄປຕ່າງແຂວງກັບວຽງກໍມັກມີອັນຕິດໄມ້ຕິດມືມາຝາກມາຕ້ອນຊູ້ຕ້ອນແຟນ ລູກເມຍຜົວ ໝູ່ຄູ່ ຍາດພີ່ນ້ອງຢູ່ວຽງຄືກັນ! ຄັນໄປຊຽງຂວາງກໍແມ່ນນົກແອ່ນຕຸ້ງຫຼືວ່າແຈ່ວປາແດກຊຽງຂວາງຍັດໄສ້ໝາກເຜັດໃຫຍ່ບໍ່?ຄັນໄປຊຳເໜືອກໍແຈ່ວປາບ້ຳບໍ່? ໄປໄຊຍະກໍໜັງຍຳໜຸ້ມໆບໍ່? ໄປຫຼວງພະບາງແຫ່ງຫຼາຍອັນເນາະ ຈັກເຂົ້າໜົມຂີ້ໜູ ຈັກແຈ່ວບອງ ໄຄແຜ່ນ ສະຄ່ານໄປແນວນັ້ນກໍ໋ ຄັນໜຸ່ມໃຫຍ່ຂື້ນເມືອເໜືອບໍ່ວ່າຈະເປັນຫຼວງພະບາງ ອຸດົມໄຊ ບໍ່ແກ້ວ ຫຼວງນ້ຳທາ ອັນທີ່ຂາດບໍ່ໄດ້ຕ້ອງຊອກກິນເຂົ້າຊອຍຮ້ານແຊບໆໂລດລະ ຄັນຂື້ນຫຼວງພະບາງກໍຕ້ອງກິນເອາະຫຼາມ ສີມືຄົນພື້ນເມືອງແທ້ໆ ໂອ່! ສຸດຍອດ ບາງຄົນລົງປາກເຊມັກຕິດມືມາກໍແມ່ນປາແຫ້ງໂລດລະເນາະ! ຄັນໄປສະຫວັນນະເຂດກໍຄືສິແມ່ນຊີ້ນສະຫວັນ ຫຼື ສົ້ມໝ້ຳທັງແຫ້ງທັງຊຸ່ມໂລດລະເນາະ! ຄັນກັບມາແຕ່ສາລະວັນກໍແມ່ນເຫຼົ້າຂາວເມືອງຄົງບໍ່? ໂອ່, ເວົ້າໄປເວົ້າມາໜຸ່ມໃຫຍ່ເຈີດອອກຈາກເລື່ອງຫຼັກຂອງລາຍການມື້ນີ້ຫຼາຍລະໄດເນາະ! ເອົາ, ຟັງເພງກ່ອນແລ້ວຊິກັບມາເວົ້າສູ່ຟັງຕໍ່ວ່າໃຫ້ຂອງຂັວນຄົນຈີນຄວນໃຫ້ຫຍັງແລະບໍ່ຄວນໃຫ້ຫຍັງ
ເພງ
2ເພງຈົບໄປແລ້ວບັດນີ້ໜຸ່ມໃຫຍ່ຈະເວົ້າໃຫ້ຟັງກ່ຽວກັບວັດຖຸສິ່ງຂອງບາງອັນທີ່ບໍ່ຄວນເອົາໃຫ້ເປັນຂອງຂັວນແກ່ຄົນຈີນ. ອັນທຳອິດແມ່ນແພສາລີ່ ທີ່ບາງໆ ງາມໆ ອ່ອນໆ ໜຸ້ມໆຫັ້ນນະບໍ່ຄວນຊື້ໄປຕອ້ນຄົນເຈັບຄົນໂຊເດີ້ທ່ານຜູ້ຟັງ, ເພາະຄຳວ່າ ສາລີ່ ໃນພາສາຈີນມັນອອກສຽງວ່າ ຫຼີ ສຽງນີ້ຊ້ຳພັດໄປອອກສຽງທີ່ໃກ້ຄຽງກັບຄຳວ່າ ຫຼີ ທີ່ແປວ່າພັດພາກຈາກກັນ. ສຳລັບດອກເບນຈະມາດ ຢ່າເອົາມອບໃຫ້ຄົນຈີນເປັນຂອງຂັວນເດັດຂາດ ເພາະມັນເປັນດອກໄມ້ສຳລັບປົງສົບຂອງຄົນຈີນ. ບັດນີ້ຄັນໄປພິທີແຕ່ງງານ ຢ່າເອົາໂມງຊິເປັນໂມງໃສ່ແຂນຫຼືໂມງແຂວນຝາຫ້ອຍຝາກໍ່ຢ່າລະ ຢ່າເອົາໄປເປັນຂອງຂັວນໃຫ້ຄູ່ບ່າວ-ສາວຄົນຈີນເດີ້, ເພາະວ່າໂມງໃນພາສາຈີນມັນອອກສຽງວ່າ ຊົ່ງຈົງ ທີ່ໄປຄ້າຍກັບຄຳວ່າ ຊົ່ງຈົງ ທີ່ແປວ່າ ເບິ່ງໃຈເປັນຄັ້ງສຸດທ້າຍຫຼືເວົ້າງ່າຍໆກໍແມ່ນຊອມໃຈຫັ້ນລະ! ແລ້ວຍາມບຸນກຸດຈີນບຸນປີໃໝ່ຂອງຄົນຈີນເດຊັ້ນເວລາໄປຢາມເຮືອນຂະເຈົ້າຄວນເອົາຫຍັງຕິດໄມ້ຕິດມືໄປດີ? ກະຕ່າຂອງຂັວນທຳມະດາທີ່ມີຫຼາຍອັນຢູ່ໃນຫັ້ນກໍພໍແລ້ວ! ອັນໜຶ່ງທີ່ຄົນຈີນມັກເອົາໄປຕ້ອນໄປຝາກກັນແມ່ນເຄື່ອງກິນເຄື່ອງດື່ມທີ່ດີຕໍ່ສຸຂະພາບ ຫຼືຂະໜົມ, ຊາ, ກາເຟນິກໍໄດ້ແລ້ວ! ສິ່ງໜຶ່ງທີ່ຊອກຊື້ໄດ້ລະກະບໍ່ແພງຫຼາຍດັອກ ໃນໂອກາດກຸດຈີນຄົນຈີນມັກກິນຫຼາຍທີ່ສຸດແມ່ນຫຍັງ ? ກໍໝາກກ້ຽງນ້ອຍ ກ້ຽງໃຫຍ່ທີ່ສີເຫຼືອງໆນິລະ! ຄັນໄດ້ເຕົ້າຫຼືໂຖຕົ້ນໝາກກ້ຽງໃບຂຽວໆມີໝາກກ້ຽງເຫຼືອງນ້ອຍຫ້ອຍຢູ່ຫັ້ນ 4-5 ໜ່ວຍພ້ອມ ປັດໂທ! ຄົນຈີນແຮ່ງດີໃຈເພາະຖືເປັນສິຣິມຸງຄຸນຖືເປັນໂຊກເປັນລາບໄດ໋!
ແຕ່ກ່ອນຄົນຈີນເວລາເອົາຂອງຂັວນໃຫ້ຜູ້ໃຫຍ່ຜູ້ອາວຸໂສທີ່ເຄົາລົບນັບຖືມັກຊື້ຢາສູບຍີ່ຫໍ້ແພງໆໃຫ້ກັນແຕ່ວ່າຕອນນີ້ກໍມີຫາງສຽງຕໍ່ຕ້ານບໍ່ເຫັນດີນຳໂດຍສະເພາະຢາສູບຫັນລະມັນບໍ່ດີຕໍ່ສຸຂະພາບ! ບໍ່ແມ່ນບໍ່ດີລ້າໆລະ ມັນທຳລາຍສຸຂະພາບຂອງຜູ້ຮັບອີ່ຫຼີນິລະ! ຕອນໜຸ່ມໃຫຍ່ເຮັດວຽກຢູ່ປັກກິ່ງ 4ຫາ5 ປີໄດ້ມາຢາມວຽງຈັນປີລະເທື່ອຂອງຕ້ອນລາວທີ່ພະນັກງານຈີນໃຫ້ພະແນກພາສາລາວ 20 ກ່ວາຄົນບອກຊື້ໄປຝາກເຂົາເຈົ້າຢູ່ປັກກິ່ງແມ່ນຫຍັງຮູ້ບໍ່? ກະແມ່ນກາເຟລາວກາເຟດາວນິລະມັກຫຼາຍທັງຫອມທັງລົດຊາດດີຂະເຈົ້າວ່າ!ບາງຄົນຊ້ຳພັດມັກແຈ່ວບອງຫຼວງພະບາງແທ້ໆ!ບາດດວງມະນີຜູ້ເວົ້າລາຍການສອນພາສາຈີນໃນຊີວິດປະຈຳວັນຮ່ວມກັບສັງຂານຫັນທີ່ເພິ່ນມັກແທ້ມັກວ່າຊ້ຳພັດແມ່ນຈືນກ້ວຍແຫ້ງຈາກວຽງຈັນມັກສຸດໃຈ!ເນ່,ເຫັນບໍ່ຄວາມມັກຂອງຄົນເຮົາມັນບໍ່ຄືກັນຖ້າທ່ານຮູ້ໃຈຜູ້ຮັບດີລາງເທື່ອຂອງຂັວນລາຄາຖືກໆກໍເຮັດໃຫ້ເຂົາເຈົ້າທັງດີໃຈທັງມີຄວາມສຸກທັງພໍໃຈຮັບຫຼາຍກ່ວາຂອງຂັວນຂອງຕ້ອນລາຄາແພງໆຫັ້ນອີກຊ້ຳ! ເອົາ,ຟັງເພງອີກກ່ອນເນາະແລ້ວຈັ່ງມາລົມກັນຕໍ່ຈັກໜ້ອຍ
ເພງ
ຂະນະນີ້.................ພວມຟັງລາຍການເບິ່ງເມືອງຈີນຄືນນີ້ໜຸ່ມໃຫຍ່ພວມເວົ້າເຖິງການໃຫ້ແລະຮັບຂອງຂັວນ ຂອງຕ້ອນ ຂອງຝາກ ໃນໂອກາດຕ່າງໆຕາມຄວາມເຊື່ອຂອງຄົນຈີນຢູ່! ທ່ານຜູ້ຟັງຮູ້ບໍ່ດຽວນີ້ໃນຂະນະທີ່ເສດຖະກິດໂລກເກີດວິກິດການຢູ່ຫຼາຍບ່ອນໂດຍສະເພາະຢູ່ອາເມຣິກາ ຫຼືວ່າຢູ່ເອີຣົບຫຼາຍປະເທດການຊື້ສິນຄ້າຟຸມເຟືອຍກໍຫຼຸດລົງ ຢູ່ເອີຣົບຫຼຸດລົງຕັ້ງວ່າ 20% ພຸ້ນ! ຢູ່ສະຫະລັດອາເມຣິກາກໍຫຼຸດລົງ 25% ພຸ້ນໄດໃນປີຜ່ານມານິ! ບາດຄົນຈີນຍັງພາກັນລຸຍຊື້ສິນຄ້າຟຸມເຟືອຍຍີ່ຫໍ້ດັງໆລະດັບໂລກກັນອຶກກະທຶກຢູ່ເປັນຕົ້ນວ່າພາກັນຊື້ຢົກລາຄາແພງໆ ຊື້ສິນຄ້າດັງຂອງຕ່າງປະເທດຍີ່ຫໍ້ ຫຼຸຍວິກຕັອນ Loui Vitton ຫຼືອື່ນໆ ຍັງພາກັນຊື້ໄປເປັນຂອງຂັວນປີໃໝ່ກັນຫຼາຍຢູ່ ຢູ່ຈີນການຂາຍສິນຄ້າເລົ່ານີ້ປີກາຍນີ້ຫຼຸດລົງພຽງແຕ່ 5% ກໍໝາຍຄວາມວ່າຄົນຈີນມີເງິນຫຼາຍຂື້ນ! ບໍ່ຫຼາຍຈັ່ງໃດທ່ານຜູ້ຟັງດຽວນີ້ຢູ່ຈີນມີເສດຖີຕັ້ງວ່າປະມານ 3 ແສນ ຄົນບວກກັບຄົນລະດັບກາງອີກປະມານ 250ລ້ານຄົນພຸ້ນລະ ກຳລັງຊື້ຊິບໍ່ໃຫ້ເຂັ້ມແຂງຫຼາຍຂື້ນແນວໃດ ? ແຕ່ລະປີຄົນຈີນຊື້ສິນຄ້າຟຸມເຟືອຍລາຄາແພງໆຕົກເປັນເງິນປະມານ 40 ຕື້ຢວນພຸ້ນນະ! ຄັນເປັນເງິນກີບກໍ່ເອົາ1.200ກີບຄູນເຂົ້າໄປໂລດແລ້ວ.ແຕ່ເວົ້າແນວນີ້ຂໍນຳຢ່າໄປເຫີ່ຢ່າໄປເຮັດເກີນຕົວເກີນລາຍຮັບເຮົານຳກຸ່ມຄົນທີ່ເງິນເຫຼືອຖົງເດີ້ທ່ານຜູ້ຟັງ!ພໍໃນພູມໃຈໃນສິ່ງທີ່ເຮົາມີນິລະດີແລ້ວ!ສະບາຍໃຈດີ!ຜູ້ທີ່ຂັບລົດປ້າຍເຫຼືອງລາຄາເປັນແສນເປັນລ້ານໂດລາມີເຮືອນປານພະລາຊະວັງທ່ານແນ່ໃຈແລ້ວບໍ່ວ່າເຂົາເຈົ້າສຸກກາຍສະບາຍໃຈໝົດຫຼືຄອບຄົວອົບອຸ່ນໝົດ!ສະນັ້ນບໍ່ຕ້ອງຄິດຫຍັງຫຼາຍເຂົາເຈົ້າມີເງິນເຫຼືອຖົງຊອກຊື້ຂອງຂັວນປີໃໝ່ຂອງຂັວນແຕ່ງງານລາຄາແພງໆໃຫ້ກັນກໍປ່ອຍເຂົາເຈົ້າໄປກໍຄືເວົ້າມາຫັນລະການທີ່ຈະເຮັດໃຫ້ຜູ້ຮັບຂອງຂັວນຈີນມີຄວາມສຸກມັນບໍ່ຂື້ນກັບຂອງຂັວນລາຄາແພງໆສະເໝີໄປມັນຂື້ນກັບວ່າຊື້ຂອງຂັວນຖືກກັບກາລະເທສະຫຼືບໍ່ພຸ້ນຫຼາຍກ່ວາ! ເອົາ, ມາມ່ວນກັບເພງອີກຊຸດໜຶ່ງກ່ອນເນາະ!
ເພງ
ຂໍຂອບໃຈ……………..ເວລາກໍຍັງບໍ່ຫຼາຍປານໃດ!ຕອນທ້າຍຂອງລາຍການຄືນນີ້ໜຸ່ມໃຫຍ່ກໍຢາກຂໍແນະນຳເລື່ອງເລັກໆໜ້ອຍໆຂອງວັດທະນະທຳໃນການມອບຂອງຂັວນຂອງຄົນຈີນສູ່ຟັງຕື່ມຈັກໜ້ອຍ, ຄືເວລາທ່ານມອບຫຼືເວລາທ່ານຮັບຂອງຂັວນຈາກໃຜ?ໂດຍສະເພາະຜູ້ມອບບໍ່ວ່າຈະເປັນນຂອງຂັວນຫຼືນາມບັດກໍຢ່າຄວນຈັບ2ມືເພື່ອເປັນການສະແດງວ່າທ່ານມອບໃຫ້ດ້ວຍຄວາມຈິງໃຈພູມໃຈແລະຄວາມເຄົາລົບນອບນ້ອມ!ສະໄໝກ່ອນຄົນຈີນແຮ່ງຖືເລື່ອງນີ້ການຈັບຂອງຂັວນຂອງຕ້ອນ2ມືມອບໃຫ້ມັນໝາຍຄວາມວ່າຜູ້ມອບບໍ່ໄດ້ເອົາອາວຸດຕິດໂຕມານຳມາໃນນາມມິດຢ່າງແທ້ຈິງ!ເອົາ,ກໍຫວັງວ່າຟັງລາຍການເບິ່ງເມືອງຈີນທີ່ໜຸ່ມໃຫຍ່ຈັດສູ່ຟັງຢູ່ຄື້ນ CRI FM 93Mhz ໃນຄືນນີ້ແລ້ວຈະເຮັດໃຫ້ທ່ານຜູ້ຟັງລາວໄດ້ຮູ້ວັດທະນະທຳການໃຫ້ແລະຮັບຂອງຂັວນ ຂອງຕ້ອນ ຂອງຝາກໃນໂອກາດສຳຄັນຕ່າງໆຂອງຄົນຈີນດີຂື້ນ ເພື່ອວ່າມີຍາດພີ່ນ້ອງ ໝູ່ຄູ່ ເພື່ອນຝູງຄົນຈີນກໍຈະໄດ້ໃຫ້ຂອງຂັວນທີ່ເໝາະສົມກັບປະເພນີວັດທະນະທຳ ກາລະເທສະ!ເວລາສິໝົດແລ້ວ
ເພງ
ເພງ
2ເພງທຳອິດຈາກລາຍການຜ່ານໄປແລ້ວ! 711477 / 9300 ຄຳເຫັນ ຢາກຮູ້ເລື່ອງເມືອງຈີນ….......! ເອົາ, ບັດນີ້ໜຸ່ມໃຫຍ່ກໍຈະເວົ້າເຖິງຄວາມເຊື່ອໃນການມອບການໃຫ້ຂອງຂັວນແກ່ກັນຂອງຄົນຈີນສູ່ຟັງ! ເວົ້າເລື່ອງຂອງຂັວນນິບໍ່ຈຳເປັນຕ້ອງແມ່ນເຄື່ອງຂອງແພງໆສະເໝີໄປດັອກ! ສຳຄັນແມ່ນຄວາມຈິງໃຈການຊ່າງເລືອກສິ່ງຂອງທີ່ເໝາະສົມກັບຄົນຮັບ ເໝາະກັບກາລະເທສະຕ່າງຫາກແມ່ນບໍ່ທ່ານຜູ້ຟັງ! ຂໍ້ຄວນລະວັງອັນໜຶ່ງທີ່ຄົນຈີນເຂົາຖືກັນ ທີ່ທ່ານອາດຫວັງດີແຕ່ກາຍເປັນທາງລົບແມ່ນຫຍັງ? ຄືທ່ານບໍ່ຄວນມອບຂອງຂັວນແພງໆໃຫ້ໝູ່ເພື່ອນທຳມະດາທົ່ວໄປ ຫຼື ໃຜກໍຕາມທີ່ທ່ານໃຫ້ກໍ່ໄປຢາມເທື່ອທຳອິດແລ້ວຂອງຂັວນແພງໆມີຄຸນຄ່າລາຄາສູງໆໄປມອບໃຫ້ເພາະວ່າຜູ້ໄດ້ຮັບອາດຄິດວ່າທ່ານກຳລັງໃຫ້ສິນບົນແກ່ເຂົາເຈົ້າຫຼືຕ້ອງການຊ່ວຍເຫຼືອຈາກເຂົາເຈົ້າ! ຄົນຈີນຖືແນວນັ້ນໄດ! ບັດນີ້ເວລາທີ່ທ່ານໄປຫຼິ້ນໄປທ່ຽວໃສມາໄປທ່ຽວບ່ອນໄກໆພຸ້ນລະ ເຄື່ອງຕ້ອນຂອງຝາກທີ່ຄົນຈີນມັກຊື້ມາຝາກກັນກໍແມ່ນຂະໜົມໝາກໄມ້ແຫ້ງ ຊາ ເຫຼົ້າແວງ ຫຼືຜະລິດຕະພັນທີ່ເປັນຂອງພື້ນບ້ານພື້ນເມືອງ! ຄົນລາວກໍຄືກັນເນາະທ່ານຜູ້ຟັງໄປຕ່າງແຂວງກັບວຽງກໍມັກມີອັນຕິດໄມ້ຕິດມືມາຝາກມາຕ້ອນຊູ້ຕ້ອນແຟນ ລູກເມຍຜົວ ໝູ່ຄູ່ ຍາດພີ່ນ້ອງຢູ່ວຽງຄືກັນ! ຄັນໄປຊຽງຂວາງກໍແມ່ນນົກແອ່ນຕຸ້ງຫຼືວ່າແຈ່ວປາແດກຊຽງຂວາງຍັດໄສ້ໝາກເຜັດໃຫຍ່ບໍ່?ຄັນໄປຊຳເໜືອກໍແຈ່ວປາບ້ຳບໍ່? ໄປໄຊຍະກໍໜັງຍຳໜຸ້ມໆບໍ່? ໄປຫຼວງພະບາງແຫ່ງຫຼາຍອັນເນາະ ຈັກເຂົ້າໜົມຂີ້ໜູ ຈັກແຈ່ວບອງ ໄຄແຜ່ນ ສະຄ່ານໄປແນວນັ້ນກໍ໋ ຄັນໜຸ່ມໃຫຍ່ຂື້ນເມືອເໜືອບໍ່ວ່າຈະເປັນຫຼວງພະບາງ ອຸດົມໄຊ ບໍ່ແກ້ວ ຫຼວງນ້ຳທາ ອັນທີ່ຂາດບໍ່ໄດ້ຕ້ອງຊອກກິນເຂົ້າຊອຍຮ້ານແຊບໆໂລດລະ ຄັນຂື້ນຫຼວງພະບາງກໍຕ້ອງກິນເອາະຫຼາມ ສີມືຄົນພື້ນເມືອງແທ້ໆ ໂອ່! ສຸດຍອດ ບາງຄົນລົງປາກເຊມັກຕິດມືມາກໍແມ່ນປາແຫ້ງໂລດລະເນາະ! ຄັນໄປສະຫວັນນະເຂດກໍຄືສິແມ່ນຊີ້ນສະຫວັນ ຫຼື ສົ້ມໝ້ຳທັງແຫ້ງທັງຊຸ່ມໂລດລະເນາະ! ຄັນກັບມາແຕ່ສາລະວັນກໍແມ່ນເຫຼົ້າຂາວເມືອງຄົງບໍ່? ໂອ່, ເວົ້າໄປເວົ້າມາໜຸ່ມໃຫຍ່ເຈີດອອກຈາກເລື່ອງຫຼັກຂອງລາຍການມື້ນີ້ຫຼາຍລະໄດເນາະ! ເອົາ, ຟັງເພງກ່ອນແລ້ວຊິກັບມາເວົ້າສູ່ຟັງຕໍ່ວ່າໃຫ້ຂອງຂັວນຄົນຈີນຄວນໃຫ້ຫຍັງແລະບໍ່ຄວນໃຫ້ຫຍັງ
ເພງ
2ເພງຈົບໄປແລ້ວບັດນີ້ໜຸ່ມໃຫຍ່ຈະເວົ້າໃຫ້ຟັງກ່ຽວກັບວັດຖຸສິ່ງຂອງບາງອັນທີ່ບໍ່ຄວນເອົາໃຫ້ເປັນຂອງຂັວນແກ່ຄົນຈີນ. ອັນທຳອິດແມ່ນແພສາລີ່ ທີ່ບາງໆ ງາມໆ ອ່ອນໆ ໜຸ້ມໆຫັ້ນນະບໍ່ຄວນຊື້ໄປຕອ້ນຄົນເຈັບຄົນໂຊເດີ້ທ່ານຜູ້ຟັງ, ເພາະຄຳວ່າ ສາລີ່ ໃນພາສາຈີນມັນອອກສຽງວ່າ ຫຼີ ສຽງນີ້ຊ້ຳພັດໄປອອກສຽງທີ່ໃກ້ຄຽງກັບຄຳວ່າ ຫຼີ ທີ່ແປວ່າພັດພາກຈາກກັນ. ສຳລັບດອກເບນຈະມາດ ຢ່າເອົາມອບໃຫ້ຄົນຈີນເປັນຂອງຂັວນເດັດຂາດ ເພາະມັນເປັນດອກໄມ້ສຳລັບປົງສົບຂອງຄົນຈີນ. ບັດນີ້ຄັນໄປພິທີແຕ່ງງານ ຢ່າເອົາໂມງຊິເປັນໂມງໃສ່ແຂນຫຼືໂມງແຂວນຝາຫ້ອຍຝາກໍ່ຢ່າລະ ຢ່າເອົາໄປເປັນຂອງຂັວນໃຫ້ຄູ່ບ່າວ-ສາວຄົນຈີນເດີ້, ເພາະວ່າໂມງໃນພາສາຈີນມັນອອກສຽງວ່າ ຊົ່ງຈົງ ທີ່ໄປຄ້າຍກັບຄຳວ່າ ຊົ່ງຈົງ ທີ່ແປວ່າ ເບິ່ງໃຈເປັນຄັ້ງສຸດທ້າຍຫຼືເວົ້າງ່າຍໆກໍແມ່ນຊອມໃຈຫັ້ນລະ! ແລ້ວຍາມບຸນກຸດຈີນບຸນປີໃໝ່ຂອງຄົນຈີນເດຊັ້ນເວລາໄປຢາມເຮືອນຂະເຈົ້າຄວນເອົາຫຍັງຕິດໄມ້ຕິດມືໄປດີ? ກະຕ່າຂອງຂັວນທຳມະດາທີ່ມີຫຼາຍອັນຢູ່ໃນຫັ້ນກໍພໍແລ້ວ! ອັນໜຶ່ງທີ່ຄົນຈີນມັກເອົາໄປຕ້ອນໄປຝາກກັນແມ່ນເຄື່ອງກິນເຄື່ອງດື່ມທີ່ດີຕໍ່ສຸຂະພາບ ຫຼືຂະໜົມ, ຊາ, ກາເຟນິກໍໄດ້ແລ້ວ! ສິ່ງໜຶ່ງທີ່ຊອກຊື້ໄດ້ລະກະບໍ່ແພງຫຼາຍດັອກ ໃນໂອກາດກຸດຈີນຄົນຈີນມັກກິນຫຼາຍທີ່ສຸດແມ່ນຫຍັງ ? ກໍໝາກກ້ຽງນ້ອຍ ກ້ຽງໃຫຍ່ທີ່ສີເຫຼືອງໆນິລະ! ຄັນໄດ້ເຕົ້າຫຼືໂຖຕົ້ນໝາກກ້ຽງໃບຂຽວໆມີໝາກກ້ຽງເຫຼືອງນ້ອຍຫ້ອຍຢູ່ຫັ້ນ 4-5 ໜ່ວຍພ້ອມ ປັດໂທ! ຄົນຈີນແຮ່ງດີໃຈເພາະຖືເປັນສິຣິມຸງຄຸນຖືເປັນໂຊກເປັນລາບໄດ໋!
ແຕ່ກ່ອນຄົນຈີນເວລາເອົາຂອງຂັວນໃຫ້ຜູ້ໃຫຍ່ຜູ້ອາວຸໂສທີ່ເຄົາລົບນັບຖືມັກຊື້ຢາສູບຍີ່ຫໍ້ແພງໆໃຫ້ກັນແຕ່ວ່າຕອນນີ້ກໍມີຫາງສຽງຕໍ່ຕ້ານບໍ່ເຫັນດີນຳໂດຍສະເພາະຢາສູບຫັນລະມັນບໍ່ດີຕໍ່ສຸຂະພາບ! ບໍ່ແມ່ນບໍ່ດີລ້າໆລະ ມັນທຳລາຍສຸຂະພາບຂອງຜູ້ຮັບອີ່ຫຼີນິລະ! ຕອນໜຸ່ມໃຫຍ່ເຮັດວຽກຢູ່ປັກກິ່ງ 4ຫາ5 ປີໄດ້ມາຢາມວຽງຈັນປີລະເທື່ອຂອງຕ້ອນລາວທີ່ພະນັກງານຈີນໃຫ້ພະແນກພາສາລາວ 20 ກ່ວາຄົນບອກຊື້ໄປຝາກເຂົາເຈົ້າຢູ່ປັກກິ່ງແມ່ນຫຍັງຮູ້ບໍ່? ກະແມ່ນກາເຟລາວກາເຟດາວນິລະມັກຫຼາຍທັງຫອມທັງລົດຊາດດີຂະເຈົ້າວ່າ!ບາງຄົນຊ້ຳພັດມັກແຈ່ວບອງຫຼວງພະບາງແທ້ໆ!ບາດດວງມະນີຜູ້ເວົ້າລາຍການສອນພາສາຈີນໃນຊີວິດປະຈຳວັນຮ່ວມກັບສັງຂານຫັນທີ່ເພິ່ນມັກແທ້ມັກວ່າຊ້ຳພັດແມ່ນຈືນກ້ວຍແຫ້ງຈາກວຽງຈັນມັກສຸດໃຈ!ເນ່,ເຫັນບໍ່ຄວາມມັກຂອງຄົນເຮົາມັນບໍ່ຄືກັນຖ້າທ່ານຮູ້ໃຈຜູ້ຮັບດີລາງເທື່ອຂອງຂັວນລາຄາຖືກໆກໍເຮັດໃຫ້ເຂົາເຈົ້າທັງດີໃຈທັງມີຄວາມສຸກທັງພໍໃຈຮັບຫຼາຍກ່ວາຂອງຂັວນຂອງຕ້ອນລາຄາແພງໆຫັ້ນອີກຊ້ຳ! ເອົາ,ຟັງເພງອີກກ່ອນເນາະແລ້ວຈັ່ງມາລົມກັນຕໍ່ຈັກໜ້ອຍ
ເພງ
ຂະນະນີ້.................ພວມຟັງລາຍການເບິ່ງເມືອງຈີນຄືນນີ້ໜຸ່ມໃຫຍ່ພວມເວົ້າເຖິງການໃຫ້ແລະຮັບຂອງຂັວນ ຂອງຕ້ອນ ຂອງຝາກ ໃນໂອກາດຕ່າງໆຕາມຄວາມເຊື່ອຂອງຄົນຈີນຢູ່! ທ່ານຜູ້ຟັງຮູ້ບໍ່ດຽວນີ້ໃນຂະນະທີ່ເສດຖະກິດໂລກເກີດວິກິດການຢູ່ຫຼາຍບ່ອນໂດຍສະເພາະຢູ່ອາເມຣິກາ ຫຼືວ່າຢູ່ເອີຣົບຫຼາຍປະເທດການຊື້ສິນຄ້າຟຸມເຟືອຍກໍຫຼຸດລົງ ຢູ່ເອີຣົບຫຼຸດລົງຕັ້ງວ່າ 20% ພຸ້ນ! ຢູ່ສະຫະລັດອາເມຣິກາກໍຫຼຸດລົງ 25% ພຸ້ນໄດໃນປີຜ່ານມານິ! ບາດຄົນຈີນຍັງພາກັນລຸຍຊື້ສິນຄ້າຟຸມເຟືອຍຍີ່ຫໍ້ດັງໆລະດັບໂລກກັນອຶກກະທຶກຢູ່ເປັນຕົ້ນວ່າພາກັນຊື້ຢົກລາຄາແພງໆ ຊື້ສິນຄ້າດັງຂອງຕ່າງປະເທດຍີ່ຫໍ້ ຫຼຸຍວິກຕັອນ Loui Vitton ຫຼືອື່ນໆ ຍັງພາກັນຊື້ໄປເປັນຂອງຂັວນປີໃໝ່ກັນຫຼາຍຢູ່ ຢູ່ຈີນການຂາຍສິນຄ້າເລົ່ານີ້ປີກາຍນີ້ຫຼຸດລົງພຽງແຕ່ 5% ກໍໝາຍຄວາມວ່າຄົນຈີນມີເງິນຫຼາຍຂື້ນ! ບໍ່ຫຼາຍຈັ່ງໃດທ່ານຜູ້ຟັງດຽວນີ້ຢູ່ຈີນມີເສດຖີຕັ້ງວ່າປະມານ 3 ແສນ ຄົນບວກກັບຄົນລະດັບກາງອີກປະມານ 250ລ້ານຄົນພຸ້ນລະ ກຳລັງຊື້ຊິບໍ່ໃຫ້ເຂັ້ມແຂງຫຼາຍຂື້ນແນວໃດ ? ແຕ່ລະປີຄົນຈີນຊື້ສິນຄ້າຟຸມເຟືອຍລາຄາແພງໆຕົກເປັນເງິນປະມານ 40 ຕື້ຢວນພຸ້ນນະ! ຄັນເປັນເງິນກີບກໍ່ເອົາ1.200ກີບຄູນເຂົ້າໄປໂລດແລ້ວ.ແຕ່ເວົ້າແນວນີ້ຂໍນຳຢ່າໄປເຫີ່ຢ່າໄປເຮັດເກີນຕົວເກີນລາຍຮັບເຮົານຳກຸ່ມຄົນທີ່ເງິນເຫຼືອຖົງເດີ້ທ່ານຜູ້ຟັງ!ພໍໃນພູມໃຈໃນສິ່ງທີ່ເຮົາມີນິລະດີແລ້ວ!ສະບາຍໃຈດີ!ຜູ້ທີ່ຂັບລົດປ້າຍເຫຼືອງລາຄາເປັນແສນເປັນລ້ານໂດລາມີເຮືອນປານພະລາຊະວັງທ່ານແນ່ໃຈແລ້ວບໍ່ວ່າເຂົາເຈົ້າສຸກກາຍສະບາຍໃຈໝົດຫຼືຄອບຄົວອົບອຸ່ນໝົດ!ສະນັ້ນບໍ່ຕ້ອງຄິດຫຍັງຫຼາຍເຂົາເຈົ້າມີເງິນເຫຼືອຖົງຊອກຊື້ຂອງຂັວນປີໃໝ່ຂອງຂັວນແຕ່ງງານລາຄາແພງໆໃຫ້ກັນກໍປ່ອຍເຂົາເຈົ້າໄປກໍຄືເວົ້າມາຫັນລະການທີ່ຈະເຮັດໃຫ້ຜູ້ຮັບຂອງຂັວນຈີນມີຄວາມສຸກມັນບໍ່ຂື້ນກັບຂອງຂັວນລາຄາແພງໆສະເໝີໄປມັນຂື້ນກັບວ່າຊື້ຂອງຂັວນຖືກກັບກາລະເທສະຫຼືບໍ່ພຸ້ນຫຼາຍກ່ວາ! ເອົາ, ມາມ່ວນກັບເພງອີກຊຸດໜຶ່ງກ່ອນເນາະ!
ເພງ
ຂໍຂອບໃຈ……………..ເວລາກໍຍັງບໍ່ຫຼາຍປານໃດ!ຕອນທ້າຍຂອງລາຍການຄືນນີ້ໜຸ່ມໃຫຍ່ກໍຢາກຂໍແນະນຳເລື່ອງເລັກໆໜ້ອຍໆຂອງວັດທະນະທຳໃນການມອບຂອງຂັວນຂອງຄົນຈີນສູ່ຟັງຕື່ມຈັກໜ້ອຍ, ຄືເວລາທ່ານມອບຫຼືເວລາທ່ານຮັບຂອງຂັວນຈາກໃຜ?ໂດຍສະເພາະຜູ້ມອບບໍ່ວ່າຈະເປັນນຂອງຂັວນຫຼືນາມບັດກໍຢ່າຄວນຈັບ2ມືເພື່ອເປັນການສະແດງວ່າທ່ານມອບໃຫ້ດ້ວຍຄວາມຈິງໃຈພູມໃຈແລະຄວາມເຄົາລົບນອບນ້ອມ!ສະໄໝກ່ອນຄົນຈີນແຮ່ງຖືເລື່ອງນີ້ການຈັບຂອງຂັວນຂອງຕ້ອນ2ມືມອບໃຫ້ມັນໝາຍຄວາມວ່າຜູ້ມອບບໍ່ໄດ້ເອົາອາວຸດຕິດໂຕມານຳມາໃນນາມມິດຢ່າງແທ້ຈິງ!ເອົາ,ກໍຫວັງວ່າຟັງລາຍການເບິ່ງເມືອງຈີນທີ່ໜຸ່ມໃຫຍ່ຈັດສູ່ຟັງຢູ່ຄື້ນ CRI FM 93Mhz ໃນຄືນນີ້ແລ້ວຈະເຮັດໃຫ້ທ່ານຜູ້ຟັງລາວໄດ້ຮູ້ວັດທະນະທຳການໃຫ້ແລະຮັບຂອງຂັວນ ຂອງຕ້ອນ ຂອງຝາກໃນໂອກາດສຳຄັນຕ່າງໆຂອງຄົນຈີນດີຂື້ນ ເພື່ອວ່າມີຍາດພີ່ນ້ອງ ໝູ່ຄູ່ ເພື່ອນຝູງຄົນຈີນກໍຈະໄດ້ໃຫ້ຂອງຂັວນທີ່ເໝາະສົມກັບປະເພນີວັດທະນະທຳ ກາລະເທສະ!ເວລາສິໝົດແລ້ວ
ເພງ
