ການເຮັດກ້ຽວ
(GMT+08:00) 2012-02-09 14:52:23 cri
ສະບາຍດີມິດລາຍການທີ່ຮັກແພງທຸກທ່ານ ! ເຖິງເວລານີ້ພົບກັບໜຸ່ມໃຫຍ່ອາລົມດີອີກແລ້ວ. 19ໂມງທຸກຄືນ ! ມື້ນີ້ກໍແມ່ນວັນພະຫັດ,ທີ 26 ມັງກອນແລ້ວ ! ສັງເກດເບີ່ງແລ້ວມາຮອດມື້ທີ 4 ຂອງປີໃໝ່ກຸດຈີນ ການສະຫຼອງຂອງຄົນຈີນຫຼືຄົນລາວເຊື້ອສາຍຈີນກໍອ່າວເບົາໆລົງລະເນາະທ່ານຜູ້ຟັງ! ຈະໃຫ້ຄືຢູ່ປະເທດຈີນແທ້ກະບໍ່ຄືດັອກເນາະ ! ແຕ່ວ່າການໄປມາຫາສູ່ຢື້ຢາມຖາມຂ່າວກິນເຂົ້າຮ່ວມກັນຢູ່ເຮືອນນັ້ນ ຮ້ານນີ້ລະຫວ່າງຍາດພີ່ນ້ອງໝູ່ຄູ່ກໍຍັງມີຢູ່, ບຸນກຸດຈີນກໍຖືວ່າເປັນປະເພນີອັນດີຫຼາຍຂອງວັດທະນະທຳຈີນຫັ້ນລະເນາະ ເພາະວ່າເປັນບຸນທີ່ຖືຄອບຄົວ ພໍ່-ແມ່ ຜູ້ອາວຸໂສຍາດພີ່ນ້ອງສຳຄັນຫຼາຍ ສາມັກຄີຮັກແພງກັນອົບອຸ່ນດີຫຼາຍ ! ນິລະວັດທະນະທຳຕາເວັນອອກມັນບໍ່ຄືວັດທະນະທຳຕາເວັນຕົກຈັກດີ້ ! ຢູ່ອາຊີເລື່ອງການຮັກແພງ ຜູກພັນກັນລະຫວ່າງຄົນໃນຄອບຄົວ ພໍ່ແມ່ ອ້າຍເອື້ອຍນ້ອງສຳຄັນຫຼາຍຕັດຫຍັງຕັດໄດ້ ຕັດສາຍສຳພັນ ຍາດພີ່ນ້ອງ ຕັດສາຍເລືອດນີ້ເປັນໄປໄດ້ຍາກ ລະຫວ່າງຄົນອາຊີ, ບາງຄົນເຖິງຈະເກເລຊ່ຳໃດແຕ່ຄວາມເຄົາລົບນັບຖືພໍ່ແມ່ ລຸງປ້າ ຜູ້ອາວຸໂສກໍຍັງມີຢູ່ບໍ່ຫຼາຍກໍ່ໜ້ອຍ ຄຳຮຽກເອີ້ນກັນກໍ່ພໍ່-ແມ່ ລຸງປ້ານ້າອາ ອ້າຍເອື້ອຍນ້ອງໂລດແລ້ວປະເພນີອາຊີ ບາດຕາເວັນຕົກພໍ່-ແມ່ ກະຢ່າ You and I ໂລດແລ້ວ ! 17-18ປີປັບ ບໍ່ສົນກັບຄວາມຮູ້ສຶກຂອງຜູ້ປົກຄອງດັອກໄວລຸ້ນຕາເວັນຕົກນະ ມີອິດສະຫຼະເຕັມທີ່ໂລດລະ ! ສະນັ້ນຄວາມຜູກພັນທາງດ້ານຈິດໃຈຈຶ່ງມີໜ້ອຍອີ່ຫຼີ ! ແຕ່ວ່າເວົ້າແນວນີ້ບໍ່ໄດ້ໝາຍຄວາມວ່າວັດທະນະທຳຂອງຕາເວັນຕົກບໍ່ດີໝົດໄດເນາະ ! ອັນໃດມັນກໍມີດ້ານບວກ ດ້ານລົບຄືກັນໝົດຫັ້ນລະ ມີແຕ່ວ່າເຮົາຈະເລືອກເອົາອັນໃດໃຫ້ມັນເໝາະສົມກັບສະພາບຕົວຈິງຂອງສັງຄົມເຮົາ ຂອງຄອບຄົວເຮົາ ! ຄັນໄປກັອບປີ້ເອົາໝົດຄືໄວລຸ້ນບາງຄົນບາງກຸ່ມນິອັນຕະລາຍໂລດລະ ! ເວົ້າເລື່ອງນີ້ກໍ່ໜ້າເປັນຫ່ວງໄດ໋ດຽວນີ້ໂດຍສະເພາະຜູ້ແສ້ຜູ້ສາວ ຫຼື ແມ່ຢ້າວແມ່ເຮືອນບາງຄົນກໍຍັງບໍ່ເປັນແບບຢ່າງທີ່ດີໃຫ້ລູກໃຫ້ຫຼານເລີຍ ນຸ່ງໂສ້ງສັ້ນໆ ກິ້ນໆ ບາງເທື່ອກໍສະເກິດ ກະໂປ່ງສັ້ນໆ ຂີ່ລົດໄປທ່ຽວອອ້ມບ້ານອອ້ມເມືອງເຕັມດຽວນີ້, ລະວັງແດ່ເດີມື້ໃດມື້ໜຶ່ງມັນອາດຈະອັນຕະລາຍແກ່ໂຕເອງໂດຍສະເພາະໃນຍາມຄ່ຳຍາມຄືນແນວນີ້ຢ່າລໍ້ໃຈເສືອຫິວຫຼາຍເດີ້ນ້ອງນຸ່ງຜູ້ແສ້ຜູ້ສາວທັງຫຼາຍເອີຍ ! ຄັນເປັນມາແລ້ວມັນເອົາຄືນບໍ່ໄດ້ໄດ໋ ມີຂອງດີກໍປົກປິດໄວ້ແດ່, ເອົາໄວ້ໃຫ້ຄູ່ຊີວິດເຊີຍຊົມດີກ່ວາມີຄ່າກ່ວາ ! ເອົາ, ເຕືອນດ້ວຍຄວາມຫວັງດີເດີ້ໃຜບໍ່ເຫັນດີກໍ່ສຸດແລ້ວແຕ່ໃຈລະເນາະ ! ນາໆຈິດຕັງຕ່າງຄົນຕ່າງຄິດ ບໍ່ຄືກັນມັກໃຜມັກມັນ ! ດຽວນີ້ກໍຍັງຢູ່ໃນໄລຍະກຸດຈີນຢູ່ ອາຫານຊະນິດໜຶ່ງທີ່ຄົນຈີນມັກກິນເພື່ອຄວາມເປັນສິຣິມຸງຄຸນທີ່ເກືອບວ່າຂາດບໍ່ໄດ້ກໍແມ່ນຂະໜົມກ້ຽວນິລະທ່ານຜູ້ຟັງ !ຫຼາຍມື້ຜ່ານມາໜຸ່ມໃຫຍ່ກໍເວົ້າສູ່ຟັງໜ້ອຍໜຶ່ງແລ້ວ ! ແຕ່ຄືນນີ້ຈະລົງເລິກວັດທະນະທຳຂອງຄົນຈີນສູ່ຟັງ
ເພງ
ຜ່ານໄປ2ເພງມ່ວນໆຈາກລາຍການເບິ່ງເມືອງຈີນ ! ໂທຂໍເພງກໍ່ແມ່ນ 711477 ຂໍ້ຄວາມສັ້ນ 9300 ຕູ້ ປນ 6484 ກໍຄືເວົ້າກ່ອນເປີດເພງຫັນລະວ່າຂະໜົມກ້ຽວຄົນຈີນຖືວ່າເປັນສ່ວນສຳຄັນຂອງວັດທະນະທຳຈີນເລີຍລະເພາະວ່າມັນເປັນອາຫານດັ້ງເດີມພື້ນບ້ານພື້ນເມືອງແທ້ໆຂອງຈີນມາແຕ່ບູຮານພຸ້ນລະ ! ປີໃໝ່ຈີນຈັ່ງຊີ້ໂດຍສະເພາະຄືນວັນອາທິດຜ່ານມານີ້ທີີ່ເປັນຄືນສົ່ງທ້າຍປີເກົ່າຕ້ອນຮັບປີໃໝ່ທຸກຄົນໃນຄອບຄົວນັ່ງອອ້ມວົງກິນເຂົ້າໜົມກ້ຽວຮ່ວມກັນມັນໝາຍເຖິງການຢູ່ພ້ອມໜ້າ ພ້ອມຕາກັນ, ຄັນເຮັດເຂົ້າໜົມກ້ຽວຕອນຮັບແຂກມັນກໍມີຄວາມໝາຍວ່າຍິນດີຕ້ອນຮັບແຂກຜູ້ນັ້ນ, ຄັນຄົນຕ່າງປະເທດເດີນທາງໄປຈີນແລ້ວບໍ່ໄດ້ຊິມຂະໜົມກ້ຽວຈັກກ້ອນ ລະວັງເວລາກັບປະເທດໝູ່ຊິເຍີ້ຍວ່າໄປບໍ່ເຖິງເມືອງຈີນແລ້ວ ລັກສະນະຂອງຂະໜົມກ້ຽວເປັນແນວນີ້ທ່ານຜູ້ຟັງ ! ອັນນີ້ເວົ້າໃຫ້ຄົນລາວຟັງເດີ້, ຄົນຈີນເພິ່ນຮູ້ດີແລ້ວ ບາງຄົນກໍຄືຊິເຄີຍເຫັນ ເຄີຍກິນມາແລ້ວຄືກັນ ! ເປືອກນອກມັນເປັນແປ້ງສາລີ ສີຂຸ້ນໜ້ອຍໜຶ່ງ ອອ່ນນຸ້ມ ທາງໃນກໍມີໄສ້, ໃນສະໄໝບູຮານຂະໜົມກ້ຽວເພິ່ນຈະກິນແຕ່ໃນງານບຸນສຳຄັນທາງປະເພນີທໍ່ນັ້ນລະໂດຍສະເພາະໃນຄືນສົ່ງທ້າຍປີເກົ່າຕ້ອນຮັບປີໃໝ່ກຸດຈີນຄືເວົ້າມາຫັ້ນລະ ! ເອົາ, ຈັກໜ້ອຍຈະເວົ້າເຖິງວິທີການເຮັດຂະໜົມກ້ຽວທີ່ພິຖີພິຖັນຂອງຈີນສູ່ຟັງ !
ເພງ
ຂະນະນີ້............. ບັດນີ້ຈະມາເວົ້າເຖິງວິທີການເຮັດເຂົ້າໜົມກ້ຽວສູ່ຟັງ ! ທຳອິດຈະເວົ້າວິທີເຮັດໄສ້ມັນກ່ອນ ໄສ້ຂອງຂະໜົມກ້ຽວມີທັງໄສ້ຂອງພວກກິນເຈ ບໍ່ມີຊີ້ນວ່າຊັ້ນສາ ລະກະປະເພດທົ່ວໄປທີ່ມີຊີ້ນນຳ ແຕ່ໂດຍທົ່ວໄປແລ້ວໄສ້ກ້ຽວຈະປະສົມກັນລະຫວ່າງຊີ້ນກັບຜັກ ! ຄວາມພິຖີພິຖັນໃນການເຮັດໄສ້ກ້ຽວຕາມຄົນຈີນເຊື່ອຖືກັນມາແຕ່ບູຮານມັນບໍ່ແມ່ນທຳມະດາໄດທ່ານຜູ້ຟັງ !ມັນມີຄວາມໝາຍຄັກແນ່ໄດ໋ ! ການຟັກຊີ້ນຟັກຜັກໃຫ້ລະອຽດເປັນຂັ້ນຕອນທີ່ພິຖີພິຖັນຫຼາຍ ຄືຄົນຈີນແຕ່ກ່ອນຈະເອົາຊີ້ນຜັກເຄື່ອງປຸງຕ່າງໆຊາວໃສ່ກັນແລ້ວກໍເອົາມາໃສ່ຂຽງແລ້ວກໍໃຊ້ມີດຫຼືພ້າຟັກໃຫ້ມຸ່ນລະອຽດ, ເວລາຟັກນັ້ນມີດພ້າກະທົບກັບຂຽງໄມ້ມີສຽງດັງແຮງ ການຟັກການສັບກໍມີການປ່ຽນໄດ໋ມີບາດຄ່ອຍບາດແຮງ ບາດໄວບາດຊ້າຊັນໄດສະໄໝກ່ອນນະ ! ເປັນຈັງຫວະດົນຕີທີ່ມ່ວນໄປເລີຍ, ຄົນຈີນແຕ່ກ່ອນເຊື່ອວ່າສຽງສັບໄສ້ຂະໜົມກ້ຽວຍິ່ງດົນຍິ່ງດັງກໍໝາຍເຖິງການຈະມີຊັບສິນເງິນຄຳເຫຼືອຢູ່ເຫຼືອກິນເປັນເວລາເຫີງນານຊັ້ນໄດ໋ ! ເພາະວ່າການອອກສຽງໃນພາສາຈີນຂອງຄຳວ່າຊີ້ນແລະຜັກລວມກັນຈະອອກສຽງຄ້າຍຄືກັບວ່າ ມີຊັບສິນ ! ຄັນຟັກໄສ້ກ້ຽວດົນເທົ່າໃດກໍຍັງໝາຍເຖິງວ່າເຮືອນຂອງຜູ້ນັ້ນເຮັດຂະໜົມກ້ຽວຫຼາຍທີ່ເປັນສັນຍາລັກວ່າຄອບຄົວນັ້ນມີຊີວິດທີ່ຮັ່ງມີລ້ຳລວຍຊັ້ນໄດຄວາມແຕ່ກ່ອນນະ ! ຫຼັງຈາກຟັກໄສ້ແລ້ວຮູບລັກສະນະຂອງຂະໜົມກ້ຽວກໍ່ພິຖີພິຖັນອີກ, ຂະໜົມກ້ຽວໃນທ້ອງຖິ່ນຕ່າງໆຂອງຈີນກໍບໍ່ຄືກັນໄດ໋ ແຕ່ກ່ອນສ່ວນຫຼາຍຈະມັກເຮັດເປັນຮູບເດືອນໂຄ້ງທີ່ມີຄວາມໝາຍວ່າຈັບເອົາກາລະໂອກາດແຫ່ງຄວາມຈະເລີນຜາສຸກຫຼືວ່າມີຊັບສິນເຕັມບ້ານເຕັມເຮືອນ, ຢູ່ຊົນນະບົດບາງບ່ອນຂອງຈີນເພິ່ນເຮັດກ້ຽວເປັນຄືຮວງສາລີນິລະ ! ທີ່ໝາຍເຖິງປີໃໝ່ມານີ້ການເກັບກ່ຽວຜົນຜະລິດຈະອຸດົມສົມບູນກ່ວາເກົ່າ ! ເອົາ, ຟັງເພງກ່ອນເນາະແລ້ວໜຸ່ມໃຫຍ່ຈະກັບມາແນະນຳວິທີຕົ້ມກ້ຽວເພາະວ່າຄົນລາວບາງຄົນອາດຈະໄປຕະຫຼາດຊັ່ງຈ່ຽງຫຼືຕະຫຼາດຈີນແຫ່ງອື່ນໆຢູ່ວຽງຈັນໄປຊື້ຂະໜົມກ້ຽວສຳເລັດຮູບທີ່ບັນຈຸໃສ່ໃນຖົງແຊ່ໄວ້ຕູນ້ຳກ້ອນ ບາດເອົາມາຕົ້ມຄັນຕົ້ມບໍ່ເປັນທັງແຕກທັງເປືອຍຖິ້ມບໍ່ໄດ້ກິນຂອງແຊບຊ້ຳຄັນຕົ້ມບໍ່ເປັນ !
ເພງ
ຂໍຂອບໃຈ.................... ວິທີຕົ້ມຂະໜົມກ້ຽວໃຫ້ເຮັດແນວນີ້ທ່ານຜູ້ຟັງ ! ອັນນີ້ບໍ່ແມ່ນເວົ້າຕາມອ່ານມາເດີ້, ຕອນໜຸ່ມໃຫຍ່ຢູ່ປັກກິ່ງມີຜູ້ເຖົ້າຈີນແນະນຳວິທີຕົ້ມໃຫ້ຄັກແນ່ໄດ໋ ແລ້ວໜຸ່ມໃຫຍ່ກໍ່ມັກຕົ້ມເຂົ້າໜົມກ້ຽວທຳອິດເອົານ້ຳໃສ່ໝໍ້ຕົ້ມໃຫ້ຟົດກ່ອນແລ້ວກໍເອົາກ້ຽວລົງໄປເທື່ອລະກ້ອນແລ້ວຂ້ຽວເອົາຈອງຄົນຄ່ອຍໆເພື່ອບໍ່ໃຫ້ຂະໜົມກ້ຽວຕິດໝໍ້ຫຼືຕິດກັນ, ໃນເວລາຕົ້ມຢູ່ຫັ້ນກໍເອົານ້ຳເຢັນຕື່ມລົງໄປ 3ເທື່ອ ເວັ້ນໄລຍະຫ່າງໜ້ອຍໜຶ່ງ. ການເຮັດແບບນີ້ພາສາຈີນອອກສຽງວ່າ " ຝັນຝູ " ແປວ່າ ໃຫ້ຄວາມສຸກກັບຄືນມາໃຊ້ເວລາຕົ້ມ 10-20ນາທີກ້ຽວກໍ່ສຸກມີກິ່ນຫອມເອົາອອກມາກິນໄດ້ແລ້ວ ! ການກິນກໍກິນຕາມປະເພນີອີກໄດຄືຂະໜົມກ້ຽວຈານທຳອິດເພິ່ນໃຊ້ບູຊາບັນພະບູລຸດ, ເພື່ອສະແດງຄວາມເຄົາລົບແລະໄວ້ອາໄລບັນພະບູລຸດທີ່ລ່ວງລັບໄປແລ້ວ, ຈານທີ2 ໃຊ້ບູຊາກາບໄຫວ້ເທບພະເຈົ້າທີ່ຄົນຈີນນັບຖື. ຂະໜົມກ້ຽວຈານທີ3 ຈັ່ງແມ່ນສຳລັບຄົນໃນຄອບຄົວກິນຮ່ວມກັນຈຳນວນກ້ອນກ້ຽວທີ່ກິນກໍ່ຄວນຈະເປັນເລກຄູ່ເພື່ອຄວາມເປັນສິຣິມຸງຄຸນຜູ້ເຖົ້າຈີນບາງຄົນເວລາກິນກ້ຽວເພິ່ນກໍຍັງເວົ້າຄ່ອຍໆ " ໄສ້ໂຕໄສ້ໂຕ "ໄປພ້ອມທີ່ແປວ່າມີຊັບສິນຫຼາຍໆຫຼັງຈາກກິນຂະໜົມກ້ຽວແລ້ວ ຈານ ຊາມ ໝໍ້ ທີ່ໃຊ້ຕົ້ມຫຼືໃສ່ກ້ຽວບໍ່ຕ້ອງຟ້າວລ້າງເທື່ອປະໄວ້ກ່ອນເພາະມັນໝາຍເຖິງເຫຼືອກິນເຫຼືອໃຊ້ໃນທຸກປີ ອັນນີ້ກໍຄືປະເພນີຄວາມເຊື່ອຂອງຄົນຈີນສະໄໝກ່ອນແຕ່ວ່າດຽວນີ້ກໍມີຫຼາຍອັນປ່ຽນແປງໄປແລ້ວ ຂະໜົມກ້ຽວກໍຄືກັນ ແຕ່ກ່ອນກິນແຕ່ໃນຍາມບຸນປະເພນີສຳຄັນ ແລະຄົນໃນຄອບຄົວພາກັນເຮັດເອງຫໍ່ເອງ, ແຕ່ດຽວນີ້ຕາມຮ້ານຄ້າຕາມຕະຫຼາດມີເຕັມໄສ້ຫຍັງກໍມີໝົດຊື້ມາຕົ້ມກິນໄດ້ທຸກຍາມເປັນອາຫານປົກກະຕິໄປເລີຍໂດຍສະເພາະເຂົ້າເຊົ້ານິລະ ! ເອົາ, ຟັງເພງກ່ອນເນາະແລ້ວຈຶ່ງມາລົມກັນຕໍ່ຈັກໜ້ອຍ
ເພງ
ຂະນະນີ້..................ຄືນນີ້ໜຸ່ມໃຫຍ່ອາລົມດີກໍເອົາເລື່ອງປະເພນີການກິນຂະໜົມກ້ຽວຫຼືຈຽວຈືຂອງຄົນຈີນມາເວົ້າສູ່ຟັງທັງຄວາມໝາຍທັງຄວາມເຊື່ອຖືແລະການປ່ຽນແປງໄປໃນສະໄໝກ່ອນກັບປະຈຸບັນແຕ່ເຖິງແມ່ນວ່າການເວລາຈະໝູນວຽນປ່ຽນໄປແນວໃດກໍຕາມຂະໜົມກ້ຽວກໍຈະຢູ່ຄູ່ກັບຄົນຈີນ ວັດທະນະທຳຈີນຢູ່ຄືເກົ່າທັງມີຄວາມໝາຍທາງວັດທະນະທຳຮີດຄອງປະເພນີ ທັງແຊບທັງມີຄຸນຄ່າທາງອາຫານ ດີຕໍ່ສຸຂະພາບຮ່າງກາຍອີກ ! ໄລຍະສະຫຼອງບຸນກຸດຈີນແນວນີ້ແຮ່ງຊິໄດ້ກິນກ້ຽວດຸລະເນາະ !ໂດຍສະເພາະຄອບຄົວຄົນຈີນ ຫຼື ຄົນລາວເຊື້ອສາຍຈີນ ! ເອົາ, ປີໃໝ່ຂໍອວຍພອນໃຫ້ທຸກຄົນມີແຕ່ຄວາມສຸກຄວາມຈະເລີນ ກຸ້ງສີຝ່າສາຍ ເສີນຖີຈ້ຽນຄ້າງເດີ້ ! ສະຫຼອງໃຫ້ມ່ວນສະຫຼອງຢ່າງມີສະຕິ ສະຫຼອງຢ່າງປະຢັດມັດທະຍັດ ເພື່ອປີໃໝ່ຈະໄດ້ລ້ຳໄດ້ລວຍຮັ່ງມີກ່ວາເກົ່າ ! ການຈູບທູບຈູດທຽນບູຊາບັນທະບຸຸລຸດ ບູຊາເທບພະເຈົ້າກໍ່ລະວັງດີໆ ! ເຫັນເບາະຂ່າວໃຫຍ່ຢູ່ຈັງຫວັດສຸພັນບຸລີຂອງປະເທດໄທທີ່ຈູດດອກໄມ້ໄຟຍິ່ງໃຫຍ່ເກີນໄປຈົນເກີດອັກຄີໄພ ຈົນມີຄົນຕາຍຄົນເຈັບຫຼາຍສົມຄວນ ນັ້ນຄືຂ່າວທີ່ເປັນອຸທາຫອນສອນໃຈໄດ້ດີແທ້ໆ ເຮັດຫຍັງ ສະຫຼອງຫຍັງ ຢູ່ໃນຄວາມພໍດີພໍງາມ ບໍ່ໂລດໂຜນບໍ່ຢາກອວດຢາກອົ່ງເກີນໄປແລະທ່ານຈະມີຄວາມສຸກປອດໄພ
ເພງ
ເພງ
ຜ່ານໄປ2ເພງມ່ວນໆຈາກລາຍການເບິ່ງເມືອງຈີນ ! ໂທຂໍເພງກໍ່ແມ່ນ 711477 ຂໍ້ຄວາມສັ້ນ 9300 ຕູ້ ປນ 6484 ກໍຄືເວົ້າກ່ອນເປີດເພງຫັນລະວ່າຂະໜົມກ້ຽວຄົນຈີນຖືວ່າເປັນສ່ວນສຳຄັນຂອງວັດທະນະທຳຈີນເລີຍລະເພາະວ່າມັນເປັນອາຫານດັ້ງເດີມພື້ນບ້ານພື້ນເມືອງແທ້ໆຂອງຈີນມາແຕ່ບູຮານພຸ້ນລະ ! ປີໃໝ່ຈີນຈັ່ງຊີ້ໂດຍສະເພາະຄືນວັນອາທິດຜ່ານມານີ້ທີີ່ເປັນຄືນສົ່ງທ້າຍປີເກົ່າຕ້ອນຮັບປີໃໝ່ທຸກຄົນໃນຄອບຄົວນັ່ງອອ້ມວົງກິນເຂົ້າໜົມກ້ຽວຮ່ວມກັນມັນໝາຍເຖິງການຢູ່ພ້ອມໜ້າ ພ້ອມຕາກັນ, ຄັນເຮັດເຂົ້າໜົມກ້ຽວຕອນຮັບແຂກມັນກໍມີຄວາມໝາຍວ່າຍິນດີຕ້ອນຮັບແຂກຜູ້ນັ້ນ, ຄັນຄົນຕ່າງປະເທດເດີນທາງໄປຈີນແລ້ວບໍ່ໄດ້ຊິມຂະໜົມກ້ຽວຈັກກ້ອນ ລະວັງເວລາກັບປະເທດໝູ່ຊິເຍີ້ຍວ່າໄປບໍ່ເຖິງເມືອງຈີນແລ້ວ ລັກສະນະຂອງຂະໜົມກ້ຽວເປັນແນວນີ້ທ່ານຜູ້ຟັງ ! ອັນນີ້ເວົ້າໃຫ້ຄົນລາວຟັງເດີ້, ຄົນຈີນເພິ່ນຮູ້ດີແລ້ວ ບາງຄົນກໍຄືຊິເຄີຍເຫັນ ເຄີຍກິນມາແລ້ວຄືກັນ ! ເປືອກນອກມັນເປັນແປ້ງສາລີ ສີຂຸ້ນໜ້ອຍໜຶ່ງ ອອ່ນນຸ້ມ ທາງໃນກໍມີໄສ້, ໃນສະໄໝບູຮານຂະໜົມກ້ຽວເພິ່ນຈະກິນແຕ່ໃນງານບຸນສຳຄັນທາງປະເພນີທໍ່ນັ້ນລະໂດຍສະເພາະໃນຄືນສົ່ງທ້າຍປີເກົ່າຕ້ອນຮັບປີໃໝ່ກຸດຈີນຄືເວົ້າມາຫັ້ນລະ ! ເອົາ, ຈັກໜ້ອຍຈະເວົ້າເຖິງວິທີການເຮັດຂະໜົມກ້ຽວທີ່ພິຖີພິຖັນຂອງຈີນສູ່ຟັງ !
ເພງ
ຂະນະນີ້............. ບັດນີ້ຈະມາເວົ້າເຖິງວິທີການເຮັດເຂົ້າໜົມກ້ຽວສູ່ຟັງ ! ທຳອິດຈະເວົ້າວິທີເຮັດໄສ້ມັນກ່ອນ ໄສ້ຂອງຂະໜົມກ້ຽວມີທັງໄສ້ຂອງພວກກິນເຈ ບໍ່ມີຊີ້ນວ່າຊັ້ນສາ ລະກະປະເພດທົ່ວໄປທີ່ມີຊີ້ນນຳ ແຕ່ໂດຍທົ່ວໄປແລ້ວໄສ້ກ້ຽວຈະປະສົມກັນລະຫວ່າງຊີ້ນກັບຜັກ ! ຄວາມພິຖີພິຖັນໃນການເຮັດໄສ້ກ້ຽວຕາມຄົນຈີນເຊື່ອຖືກັນມາແຕ່ບູຮານມັນບໍ່ແມ່ນທຳມະດາໄດທ່ານຜູ້ຟັງ !ມັນມີຄວາມໝາຍຄັກແນ່ໄດ໋ ! ການຟັກຊີ້ນຟັກຜັກໃຫ້ລະອຽດເປັນຂັ້ນຕອນທີ່ພິຖີພິຖັນຫຼາຍ ຄືຄົນຈີນແຕ່ກ່ອນຈະເອົາຊີ້ນຜັກເຄື່ອງປຸງຕ່າງໆຊາວໃສ່ກັນແລ້ວກໍເອົາມາໃສ່ຂຽງແລ້ວກໍໃຊ້ມີດຫຼືພ້າຟັກໃຫ້ມຸ່ນລະອຽດ, ເວລາຟັກນັ້ນມີດພ້າກະທົບກັບຂຽງໄມ້ມີສຽງດັງແຮງ ການຟັກການສັບກໍມີການປ່ຽນໄດ໋ມີບາດຄ່ອຍບາດແຮງ ບາດໄວບາດຊ້າຊັນໄດສະໄໝກ່ອນນະ ! ເປັນຈັງຫວະດົນຕີທີ່ມ່ວນໄປເລີຍ, ຄົນຈີນແຕ່ກ່ອນເຊື່ອວ່າສຽງສັບໄສ້ຂະໜົມກ້ຽວຍິ່ງດົນຍິ່ງດັງກໍໝາຍເຖິງການຈະມີຊັບສິນເງິນຄຳເຫຼືອຢູ່ເຫຼືອກິນເປັນເວລາເຫີງນານຊັ້ນໄດ໋ ! ເພາະວ່າການອອກສຽງໃນພາສາຈີນຂອງຄຳວ່າຊີ້ນແລະຜັກລວມກັນຈະອອກສຽງຄ້າຍຄືກັບວ່າ ມີຊັບສິນ ! ຄັນຟັກໄສ້ກ້ຽວດົນເທົ່າໃດກໍຍັງໝາຍເຖິງວ່າເຮືອນຂອງຜູ້ນັ້ນເຮັດຂະໜົມກ້ຽວຫຼາຍທີ່ເປັນສັນຍາລັກວ່າຄອບຄົວນັ້ນມີຊີວິດທີ່ຮັ່ງມີລ້ຳລວຍຊັ້ນໄດຄວາມແຕ່ກ່ອນນະ ! ຫຼັງຈາກຟັກໄສ້ແລ້ວຮູບລັກສະນະຂອງຂະໜົມກ້ຽວກໍ່ພິຖີພິຖັນອີກ, ຂະໜົມກ້ຽວໃນທ້ອງຖິ່ນຕ່າງໆຂອງຈີນກໍບໍ່ຄືກັນໄດ໋ ແຕ່ກ່ອນສ່ວນຫຼາຍຈະມັກເຮັດເປັນຮູບເດືອນໂຄ້ງທີ່ມີຄວາມໝາຍວ່າຈັບເອົາກາລະໂອກາດແຫ່ງຄວາມຈະເລີນຜາສຸກຫຼືວ່າມີຊັບສິນເຕັມບ້ານເຕັມເຮືອນ, ຢູ່ຊົນນະບົດບາງບ່ອນຂອງຈີນເພິ່ນເຮັດກ້ຽວເປັນຄືຮວງສາລີນິລະ ! ທີ່ໝາຍເຖິງປີໃໝ່ມານີ້ການເກັບກ່ຽວຜົນຜະລິດຈະອຸດົມສົມບູນກ່ວາເກົ່າ ! ເອົາ, ຟັງເພງກ່ອນເນາະແລ້ວໜຸ່ມໃຫຍ່ຈະກັບມາແນະນຳວິທີຕົ້ມກ້ຽວເພາະວ່າຄົນລາວບາງຄົນອາດຈະໄປຕະຫຼາດຊັ່ງຈ່ຽງຫຼືຕະຫຼາດຈີນແຫ່ງອື່ນໆຢູ່ວຽງຈັນໄປຊື້ຂະໜົມກ້ຽວສຳເລັດຮູບທີ່ບັນຈຸໃສ່ໃນຖົງແຊ່ໄວ້ຕູນ້ຳກ້ອນ ບາດເອົາມາຕົ້ມຄັນຕົ້ມບໍ່ເປັນທັງແຕກທັງເປືອຍຖິ້ມບໍ່ໄດ້ກິນຂອງແຊບຊ້ຳຄັນຕົ້ມບໍ່ເປັນ !
ເພງ
ຂໍຂອບໃຈ.................... ວິທີຕົ້ມຂະໜົມກ້ຽວໃຫ້ເຮັດແນວນີ້ທ່ານຜູ້ຟັງ ! ອັນນີ້ບໍ່ແມ່ນເວົ້າຕາມອ່ານມາເດີ້, ຕອນໜຸ່ມໃຫຍ່ຢູ່ປັກກິ່ງມີຜູ້ເຖົ້າຈີນແນະນຳວິທີຕົ້ມໃຫ້ຄັກແນ່ໄດ໋ ແລ້ວໜຸ່ມໃຫຍ່ກໍ່ມັກຕົ້ມເຂົ້າໜົມກ້ຽວທຳອິດເອົານ້ຳໃສ່ໝໍ້ຕົ້ມໃຫ້ຟົດກ່ອນແລ້ວກໍເອົາກ້ຽວລົງໄປເທື່ອລະກ້ອນແລ້ວຂ້ຽວເອົາຈອງຄົນຄ່ອຍໆເພື່ອບໍ່ໃຫ້ຂະໜົມກ້ຽວຕິດໝໍ້ຫຼືຕິດກັນ, ໃນເວລາຕົ້ມຢູ່ຫັ້ນກໍເອົານ້ຳເຢັນຕື່ມລົງໄປ 3ເທື່ອ ເວັ້ນໄລຍະຫ່າງໜ້ອຍໜຶ່ງ. ການເຮັດແບບນີ້ພາສາຈີນອອກສຽງວ່າ " ຝັນຝູ " ແປວ່າ ໃຫ້ຄວາມສຸກກັບຄືນມາໃຊ້ເວລາຕົ້ມ 10-20ນາທີກ້ຽວກໍ່ສຸກມີກິ່ນຫອມເອົາອອກມາກິນໄດ້ແລ້ວ ! ການກິນກໍກິນຕາມປະເພນີອີກໄດຄືຂະໜົມກ້ຽວຈານທຳອິດເພິ່ນໃຊ້ບູຊາບັນພະບູລຸດ, ເພື່ອສະແດງຄວາມເຄົາລົບແລະໄວ້ອາໄລບັນພະບູລຸດທີ່ລ່ວງລັບໄປແລ້ວ, ຈານທີ2 ໃຊ້ບູຊາກາບໄຫວ້ເທບພະເຈົ້າທີ່ຄົນຈີນນັບຖື. ຂະໜົມກ້ຽວຈານທີ3 ຈັ່ງແມ່ນສຳລັບຄົນໃນຄອບຄົວກິນຮ່ວມກັນຈຳນວນກ້ອນກ້ຽວທີ່ກິນກໍ່ຄວນຈະເປັນເລກຄູ່ເພື່ອຄວາມເປັນສິຣິມຸງຄຸນຜູ້ເຖົ້າຈີນບາງຄົນເວລາກິນກ້ຽວເພິ່ນກໍຍັງເວົ້າຄ່ອຍໆ " ໄສ້ໂຕໄສ້ໂຕ "ໄປພ້ອມທີ່ແປວ່າມີຊັບສິນຫຼາຍໆຫຼັງຈາກກິນຂະໜົມກ້ຽວແລ້ວ ຈານ ຊາມ ໝໍ້ ທີ່ໃຊ້ຕົ້ມຫຼືໃສ່ກ້ຽວບໍ່ຕ້ອງຟ້າວລ້າງເທື່ອປະໄວ້ກ່ອນເພາະມັນໝາຍເຖິງເຫຼືອກິນເຫຼືອໃຊ້ໃນທຸກປີ ອັນນີ້ກໍຄືປະເພນີຄວາມເຊື່ອຂອງຄົນຈີນສະໄໝກ່ອນແຕ່ວ່າດຽວນີ້ກໍມີຫຼາຍອັນປ່ຽນແປງໄປແລ້ວ ຂະໜົມກ້ຽວກໍຄືກັນ ແຕ່ກ່ອນກິນແຕ່ໃນຍາມບຸນປະເພນີສຳຄັນ ແລະຄົນໃນຄອບຄົວພາກັນເຮັດເອງຫໍ່ເອງ, ແຕ່ດຽວນີ້ຕາມຮ້ານຄ້າຕາມຕະຫຼາດມີເຕັມໄສ້ຫຍັງກໍມີໝົດຊື້ມາຕົ້ມກິນໄດ້ທຸກຍາມເປັນອາຫານປົກກະຕິໄປເລີຍໂດຍສະເພາະເຂົ້າເຊົ້ານິລະ ! ເອົາ, ຟັງເພງກ່ອນເນາະແລ້ວຈຶ່ງມາລົມກັນຕໍ່ຈັກໜ້ອຍ
ເພງ
ຂະນະນີ້..................ຄືນນີ້ໜຸ່ມໃຫຍ່ອາລົມດີກໍເອົາເລື່ອງປະເພນີການກິນຂະໜົມກ້ຽວຫຼືຈຽວຈືຂອງຄົນຈີນມາເວົ້າສູ່ຟັງທັງຄວາມໝາຍທັງຄວາມເຊື່ອຖືແລະການປ່ຽນແປງໄປໃນສະໄໝກ່ອນກັບປະຈຸບັນແຕ່ເຖິງແມ່ນວ່າການເວລາຈະໝູນວຽນປ່ຽນໄປແນວໃດກໍຕາມຂະໜົມກ້ຽວກໍຈະຢູ່ຄູ່ກັບຄົນຈີນ ວັດທະນະທຳຈີນຢູ່ຄືເກົ່າທັງມີຄວາມໝາຍທາງວັດທະນະທຳຮີດຄອງປະເພນີ ທັງແຊບທັງມີຄຸນຄ່າທາງອາຫານ ດີຕໍ່ສຸຂະພາບຮ່າງກາຍອີກ ! ໄລຍະສະຫຼອງບຸນກຸດຈີນແນວນີ້ແຮ່ງຊິໄດ້ກິນກ້ຽວດຸລະເນາະ !ໂດຍສະເພາະຄອບຄົວຄົນຈີນ ຫຼື ຄົນລາວເຊື້ອສາຍຈີນ ! ເອົາ, ປີໃໝ່ຂໍອວຍພອນໃຫ້ທຸກຄົນມີແຕ່ຄວາມສຸກຄວາມຈະເລີນ ກຸ້ງສີຝ່າສາຍ ເສີນຖີຈ້ຽນຄ້າງເດີ້ ! ສະຫຼອງໃຫ້ມ່ວນສະຫຼອງຢ່າງມີສະຕິ ສະຫຼອງຢ່າງປະຢັດມັດທະຍັດ ເພື່ອປີໃໝ່ຈະໄດ້ລ້ຳໄດ້ລວຍຮັ່ງມີກ່ວາເກົ່າ ! ການຈູບທູບຈູດທຽນບູຊາບັນທະບຸຸລຸດ ບູຊາເທບພະເຈົ້າກໍ່ລະວັງດີໆ ! ເຫັນເບາະຂ່າວໃຫຍ່ຢູ່ຈັງຫວັດສຸພັນບຸລີຂອງປະເທດໄທທີ່ຈູດດອກໄມ້ໄຟຍິ່ງໃຫຍ່ເກີນໄປຈົນເກີດອັກຄີໄພ ຈົນມີຄົນຕາຍຄົນເຈັບຫຼາຍສົມຄວນ ນັ້ນຄືຂ່າວທີ່ເປັນອຸທາຫອນສອນໃຈໄດ້ດີແທ້ໆ ເຮັດຫຍັງ ສະຫຼອງຫຍັງ ຢູ່ໃນຄວາມພໍດີພໍງາມ ບໍ່ໂລດໂຜນບໍ່ຢາກອວດຢາກອົ່ງເກີນໄປແລະທ່ານຈະມີຄວາມສຸກປອດໄພ
ເພງ
