ປີມັງກອນຈີນ
(GMT+08:00) 2012-02-09 15:01:30 cri
ເພງປີໃໝ່
ສະບາຍດີປີໃໝ່ທ່ານຜູ້ຟັງທີ່ເປັນຄົນຈີນ, ຄົນຈີນຕ່າງດ້າວຫຼືຄົນລາວເຊື້ອສາຍຈີນທຸກທ່ານ ! ຄືນນີ້ນີ້ໜຸ່ມໃຫຍ່ສາມາດເວົ້າພາສາຈີນກາງຄຳວ່າ: " ຊິ່ນໜຽນໄຄວເລີ " ກຸ່ງສີຝ່າສາຍ ແລະ ເສິ່ນຖີຈ້ຽນຄ່າງ ! ໄດ້ເຕັມປາກເຕັມສົບແລ້ວ ! ເພາະວ່າມື້ນີ້ເປັນມື້ືທຳອິດຂອງປີໃໝ່ຈີນ ປີມັງກອນແລ້ວ ! ມື້ນີ້ແມ່ນວັນຈັນ, ທີ 23 ມັງກອນ 2012 ແມ່ນມື້ຂື້ນ 1ຄ່ຳ ເດືອນອ້າຍຕາມປະຕິທິນຂອງຈີນແມ່ນມື້ສຳຄັນທີ່ສຸດຂອງຈີນໃນຮອບປີໜື່ງ ບໍ່ວ່າຈະຢູ່ຈີນແຜ່ນດິນໃຫຍ່, ຮົງກົງ, ມາເກົາ, ໃຕ້ຫັວນ ຫຼືຢູ່ປະເທດໃດກໍແລ້ວແຕ່ທີ່ຄົນຈີນໄປອາໄສຢູ່, ໄປເຮັດທຸລະກິດ, ໄປເຮັດວຽກ ຫຼື ໄປຮ່ຳຮຽນ ມື້ນີ້ແລະຄືນຜ່ານມານີ້ແມ່ນມື້ແຫ່ງການເຕົ້າໂຮມຄອບຄົວ ມື້ແຫ່ງຄວາມຮັກຄວາມອົບອຸ່ນໃນຄອບຄົວແທ້ໆທີ່ຄົນຈີນຖືຫຼາຍມື້ນີ້ສະມາຊິກໃນຄອບຄົວບໍ່ມີໃຜໄປໃສເທື່ອດັອກ ແມ່ນມື້ກິນເຂົ້າກິນນ້ຳພົບປະໂອ້ລົມສັງສັນກັນຂອງຄົນໃນຄອບຄົວ ໂດຍສະເພາະບໍ່ມີຄອບຄົວອື່ນ ບໍ່ມີໝູ່ຄູ່ມາຫາເທື່ອລະກະບໍ່ໄປຫາເທື່ອ, ມື້ນີ້ແນ່ນອນລະວ່າຄົນຈີນທຸກຄົນບໍ່ວ່າຈະເປັນເຖົ້າແກ່ໜຸ່ມນ້ອຍຍິງ-ຊາຍລ້ວນແຕ່ນຸ່ງເຄື່ອງງາມໆຂະໜາດລະ ໂດຍສະເພາະເນັ້ນສີແດງເພື່ອເປັນສິຣິມຸງຄຸນ ໃບໜ້າຜູ້ໃດກໍຍິ້ມແຍ້ມແຈ່ມໃສອີ່ມເອີບໄປດ້ວຍຄວາມສຸກແລ້ວມື້ນີ້ນະ ! ເອົາ, ໜຸ່ມໃຫຍ່ຂໍຕາງໜ້າໃຫ້ພະນັກງານຂອງ CRI ທຸກຄົນອວຍພອນໃຫ້ທຸກທ່ານຈົ່ງ ກຸ່ງສີຟ້າສ່າຍ ແລະ ເສີ່ນຖີຈ່ຽນຄ່າງຕະຫຼອດປີມັງກອນນີ້ເດີ້ ! ເອົາ, ມື້ນີ້ແມ່ນມື້ເລີ່ມຕົ້ນຂອງປີມັງກອນຂອງຄົນຈີນ ສະນັ້ນມື້ນີ້ໜຸ່ມໃຫຍ່……….ກໍຈະເອົາເລື່ອງກ່ຽວກັບມັງກອນຫຼືໃນພາສາຈີນກາງເອີ້ນວ່າ: ຫຼົງ ມາເວົ້າສູ່ທ່ານຜູ້ຟັງລາວຟັງນຳກັນວ່າມັງກອນມີຄວາມສຳຄັນຕໍ່ຄົນຈີນຕໍ່ວັດທະນະທຳຈີນແນວໃດ ? ຟັງເພງກ່ອນແລ້ວຈະກັບມາເວົ້າໃຫ້ຟັງ
ເພງ
ເພງຈີນມ່ວນໆຈາກລາຍການເບິ່ງເມືອງຈີນຂອງ CRI ທີ່ໜຸ່ມໃຫຍ່ອາລົມດີເປັນຜູ່້ຈັດລາຍການສູ່ຟັງທຸກຄືນແຕ່ 19ໂມງຈົນຮອດ 19:50 ! ບັດນີ້ກັບເຂົ້າມາສູ່ເລື່ອງທີ່ໜຸ່ມໃຫຍ່ຈະເລົ່າສູ່ຟັງໃນຄືນນີ້ທີ່ເປັນມື້ທຳອິດຂອງປີໃໝ່ຈີນ ! ຫຼາຍທ່ານກໍຄົງຈະຮູ້ແລ້ວວ່າຄົນຈີນແມ່ນນັບຖືມັງກອນຫຼາຍເປັນສັດປະຈຳຊາດ ປານວ່າຊ້າງເປັນສັດປະຈຳຊາດຂອງລາວຫັນລະເນາະ ! ປີໃໝ່ບຸນກຸດຈີນປີນີ້ຊ້ຳພັດແມ່ນປີມະໂລງ ແມ່ນປີມັງກອນອີກເພາະຖືວ່າເປັນປີແຫ່ງສິຣິມຸງຄຸນເດ ! ຈັ່ງຊັ້ນລະເພື່ອໃຫ້ເຂົ້າກັບບັນຍາກາດໃນມື້ນີ້ໜຸ່ມໃຫຍ່…..ກໍຂໍເອົາເລື່ອງກ່ຽວກັບມັງກອນສຳຄັນແນວໃດ ? ຫຼາຍໜ້ອຍສ່ຳໃດຕໍ່ຄົນຈີນຕໍ່ວັດທະນະທຳຈີນມາເວົ້າສູ່ຟັງ ! ມັງກອນຫຼືພາສາຈີນກາງເອີ້ນວ່າ ຫຼົງ ເປັນໜື່ງໃນສັດເທບພະເຈົ້າຂອງຈີນ ເປັນຕົວແທນແຫ່ງຄວາມເປັນສິຣິມຸງຄຸນ, ຄວາມຍິ່ງໃຫຍ່, ພະລັງອຳນາດ, ຄວາມເຂັ້ມແຂງກ້າຫານ ແລະ ຄຸນນະທຳຄວາມດີທັງປວງ ນີ້ຄືການສັນລະເສີນ, ສັດທາ, ຄວາມເຊື່ອຂອງຄົນຈີນທີ່ມີຕໍ່ມັງກອນ ! ຄົນຈີນໃນສະໄໝບູຮານຍັງເຊື່ອວ່າມັງກອນສາມາດບິນຂື້ນໄປສະຫວັນ ລອຍມຸດລົງມະຫາສະໝຸດ ທັງຍັງສາມາດບັນດານໃຫ້ຝົນຕົກໄດ້ອີກ ສະນັ້ນລະແຕ່ກ່ອນຊາວກະສິກອນຈີນຈື່ງມີປະເພນີສັກກາລະເທບພະເຈົ້າມັງກອນເພື່ອໃຫ້ຝົນຕົກຖືກຕ້ອງຕາມລະດູການ, ປານຄົນລາວສະໄໝກ່ອນແຫ່ນາງແມວຂໍຟ້າຂໍຝົນຫັນລະເນາະ ! ຍ້ອນຄວາມເຊື່ອໃນອິດທິລິດຂອງມັງກອນຄືເວົ້າມານິລະ ບໍ່ວ່າເຮົາຈະເດີນທາງໄປໃສໃນປະເທດຈີນກໍຈະເຫັນຮູບພາບມັງກອນຢູ່ຄູ່ກັບຄອບຄົວຄົນຈີນໂລດ ບໍ່ແມ່ນແບບໃດກໍແບບໜື່ງໂລດ ! ປີໃໝ່ປີນີ້ແຫ່ງເປັນປີມັງກອນອີກເບິ່ງໂລດເສື້ອແດງທີ່ຄົນຈີນນຸ່ງເຫຼື້ອມໆ ໃໝ່ໆ ງາມໆຫັ້ນຕ້ອງມີຮູບມັງກອນໂລດ ! ມັງກອນທີ່ເຮົາເຫັນທຸກມື້ທີ່ຄົນຈີນນັບຖືຫຼາຍນີ້ມີຕົວຕົນແທ້ບໍ່ ຫຼືວ່າເປັນພຽງການຈິນຕະນາການຂື້ນມາຂອງບັນພະບູລຸດຈີນໃນສະໄໝບູຮານຂື້ນມາຊື່ໆ ! ຟັງເພງກ່ອນແລ້ວຈະກັບມາບອກຕໍ່ !
ເພງ
ເອົາ, ຟັງລາຍການຕ່າງໆຂອງ CRI ແລ້ວກໍຢ່າລືມມີຄຳຄິດເຫັນຕໍ່ພວກເຮົາແດ່ ເພື່ອຈະໄດ້ປັບປຸງລາຍການໃຫ້ຖືກໃຈທ່ານຕື່ມໃນປີໃໝ່ນີ້ ! ໂທ 711477 ຂໍ້ຄວາມສັ້ນກະແມ່ນ 9300 ບັດນີ້ຈະເວົ້າເລື່ອງທີ່ວ່າ ມັງກອນທີ່ຄົນຈີນເຊື່ອຖືຫຼາຍມີຕົວຕົນແທ້ບໍ່ ? ຫຼືເປັນພຽງການຈິນຕະນາການຄົ້ນຄິດປະດິດສ້າງຂື້ນມາຂອງຄົນຈີນໃນສະໄໝບູຮານຊື່ໆ ? ຄຳຕອບກໍຄືມັງກອນບໍ່ແມ່ນສັດທີ່ມີແທ້ໃນໂລກນີ້ດັອກ, ບາງຄົນເຊື່ອວ່າມັງກອນເປັນສັດທີ່ຈິນຕະນາການຂື້ນມາຈາກແຂ້ກໍມີ, ຈາກງູກໍມີ ຫຼື ຈາກໝູກໍມີ, ແລະບາງຄົນກໍຍັງເຊື່ອວ່າມັງກອນໃນຍຸກທຳອິດນັ້ນ ກໍຄືສາຍຟ້າທີ່ແມບເຫຼື້ອມລົງມາໃນຍາມຝົນຟ້າຄະນອງນັ້ນເອງ. ແຕ່ວ່າຕາມຄວາມເຫັນຂອງຜູ້ຊ່ຽວຊານນັກປາດອາຈານຈີນໃນປະຈຸບັນເຊື່ອວ່າ: ມັງກອນເປັນສັດແຫ່ງເທບທີ່ປະສົມປະສານສ່ວນຕ່າງໆຂອງສັດຫຼາຍປະເພດເຂົ້າກັນໂດຍມີຮ່າງກາຍຂອງງູເປັນຫຼັກ ຄືລຳໂຕຂອງມັງກອນມາຈາກງູ ຫົວມາຈາກໝູ ເຂົາມາຈາກກວາງ ຫູມາຈາກງົວ ໜວດມາຈາກແບ້ ເລັບທີ່ແຫຼມຄົມເປັນຕາຢ້ານນັ້ນມາຈາກນົກອິນຊີ ແລະເກັດມາຈາກປາ. ຟັງເບິ່ງການສັນນິຖານຂອງບັນດາຜູ້ຊ່ຽວຊານນັກປາດອາຈານຈີນຄືເວົ້າມາຫັ້ນ ຟັງເບິ່ງແລ້ວກໍຄືກັບການຕື່ມຊ່ອງວ່າງທີ່ຂາດຫາຍໄປຂອງປະຫວັດສາດສັງຄົມບູຮານຈີນໃຫ້ເຕັມ ໃຫ້ສົມບູນຍິ່ງຂື້ນ; ມີການເຊື່ອກັນວ່າໃນຍຸກບູຮານນັ້ນຊົນເຜົ່າ " ຫົວເຊ່ຍ" ທີ່ເປັນຊື່ຂອງປະເທດຈີນໃນສະໄໝບູຮານທີ່ອາໄສຕາມແຄມແມ່ນ້ຳເຫຼືອງຖືວ່າງູເປັນສັດປະຈຳເຜົ່າແລະຫຼັງຈາກ "ຫົວເຊ່ຍ" ລວມເອົາເຜົ່າອື່ນໆເຂົ້າມາຢູ່ນຳແລ້ວກໍຈື່ງຮັບເອົາສັດປະຈຳເຜົ່າອື່ນໆເຂົ້າມາປະສົມປະສານກັນຈົນເກີດເປັນ " ພະຍາມັງກອນ " ຂື້ນມາດັ່ງທີ່ເຫັນໃນປະຈຸບັນນິລະ ! ຟັງເພງກ່ອນເນາະແລ້ວຈະເວົ້າສູ່ຟັງວ່າມັງກອນຢູ່ຄູ່ກັບຄົນຈີນມາດົນປານໃດແລ້ວ ?
ເພງ
ຂະນະນີ້………. ມື້ນີ້ແມ່ນມື້ືທຳອິດຂອງປີໃໝ່ປີມັງກອນຂອງຊາວຈີນ ຂໍອວຍພອນໃຫ້ທຸກຄົນຈົ່ງລ້ຳລວຍຊື້ໄດ້ຂາຍໝານ ສຸຂະພາບແຂງແຮງ ຫາຍໂລຄາພະຍາດ ຂໍໃຫ້ມີແຕ່ຄວາມສຸກຕະຫຼອດປີມັງກອນເດີ້ ! ກັບເຂົ້າມາລົມກັນຕໍ່ວ່າມັງກອນຢູ່ຄູ່ກັບຄົນຈີນ ວັດທະນະທຳຈີນມາດົນປານໃດແລ້ວ ! ໃນປີ 1987 ໄດ້ມີການຂຸດພົບສຸສານໃຫຍ່ທີ່ມີອາຍຸ 6ພັນປີກ່ອນຢູ່ເມືອງຜູ່ຍ່າງ ແຂວງ ເຫີໝານ ຢູ່ຂ້າງໆກະດູກຂອງຊາຍຄົນໜຶ່ງທີ່ເປັນເຈົ້າຂອງສຸສານນັ້ນພົບເປືອກຫອຍລຽນກັນເປັນຮູບມັງກອນ ອັນນັ້ນກໍຄື " ມັງກອນໂຕທຳອິດ " ໃນປະຫວັດສາດຈີນທີ່ປະກົດຕໍ່ສາຍຕາຂອງປະຊາຊົນ. ໃນປີ 1971 ກໍຂຸດພົບມັງກອນທີ່ເຮັດດ້ວຍຍົກທີ່ເປັນຮູບໂຄ້ງຄືໂຕ C ບ່ອນທີ່ເປັນຫົວມັງກອນຄ້າຍໆກັບໝູ ເພິ່ນຂຸດພົບຢູ່ເຂດມົງໂກນໃນພາກເໜືອຂອງຈີນ ທີ່ຄາດວ່າມີອາຍຸເກົ່າແກ່ປະມານ 5ພັນກ່ວາປີ. ຈົນມາຮອດສະໄໝລາຊະວົງ ສາງ ເມື່ອ 3ພັນປີກ່ອນ ເລີ່ມປະກົດຫຼັກຖານຮູບມັງກອນຫຼາຍຂື້ນທີ່ເຮັດຈາກກະດູກກໍມີ ເຮັດຈາກທອງສຳເລັດກໍມີ ແລະ ຍັງພົບວ່າໃນສະໄໝ ສາງ ເຊິ່ງເປັນຍຸກທີ່ເລີ່ມມີຕົວອັກສອນຄັວດໃສ່ກະດູກສັດນັ້ນໄດ້ມີການປະດິດອັກສອນຄຳວ່າ " ມັງກອນ " ຫຼື……..ແລ້ວ !ຕໍ່ມາໃນຍຸກ ຈັ້ນກົ໋ວ ເລີ່ມມີການແຕ້ມຮູບມັງກອນທີ່ງາມສະງ່າມີຊີວິດຊີວາຫຼາຍຂື້ນ ຫຼັງຈາກມີການເສີມແຕ່ງມາຫຼາຍຍຸກ ຮູບລັກສະນະຂອງມັງກອນໄດ້ພັດທະນາມາຈົນກາຍເປັນມັງກອນທີ່ເບິ່ງມີພະລັງ ແລະ ໜ້າຢ້ານກົວຫຼາຍຂື້ນ ຈົນມາຮອດລາຊະວົງ ຮ້ານ ຮູບມັງກອນຈຶ່ງເປັນຄືເຮົາເຫັນທຸກມື້ນິລະ ! ໃນສະໄໝສັກດີນາຂອງຈີນມັງກອນນອກຈາກເປັນສັນຍາລັກຂອງຄວາມເປັນສິຣິມຸງຄຸນແລ້ວ ຍັງເປັນສັນຍາລັກຂອງຈັກະພັດທີ່ຍືນຍົງອີກໄດ໋ທ່ານຜູ້ຟັງ, ມັນເປັນສັນຍາລັກອຳນາດແຫ່ງກະສັດຈີນ, ຕາມທີ່ເລົ່າກັນມາວ່າໃນສະໄໝທີ່ ຮັ່ນເກົ່າຈູ່ ຫຼື ບາງຄົນເອີ້ນວ່າ: ຫຼິວປັງ ທີ່ເປັນກະສັດອົງທຳອິດຂອງລາຊະວົງ ຮັ້ນ ຕາເວັນຕົກຂື້ນຄອງລາດ, ເພື່ອສ້າງຄວາມສະຫງົບໝັ້ນຄົງໃຫ້ແກ່ບັນລັງຂອງຕົນ ພະອົງໄດ້ແຕ່ງເລື່ອງຂື້ນມາວ່າ: " ພະມານດາຂອງພະອົງຝັນວ່າໄດ້ມີຄວາມສຳພັນກັບມັງກອນ ຫຼັງຈາກນັ້ນກໍເກີດພະອົງຂື້ນມາ, ຕໍ່ມາຊາວບ້ານກໍເລົ່າລືກັນອີກວ່າ: ເມື່ອເວລາ ຫຼິວປັງ ດື່ມເຫຼົ້າຈົນເມົາ ຫົວຂອງພະອົງກໍຈະກາຍເປັນຫົວຂອງມັງກອນ " ນັບແຕ່ນັ້ນມາ ຮັ່ນເກົາຈູ່ ຈຶ່ງຖືກຜູ້ຄົນເຊື່ອວ່າ ເປັນລູກຂອງມັງກອນ ດັ່ງນັ້ນຮົງເຕ້ອົງຕໍ່ໆມາລວມທັງຄົນທີ່ຄິດການໃຫຍ່ຢາກເປັນຮົ່ງເຕ້ຈຶ່ງຢືມເອົານາດຂອງມັງກອນມາສ້າງບາລະມີໃຫ້ແກ່ຕົນເອງໂດຍກ່າວວ່າ: ຕົນເອງເປັນລູກຊາຍຂອງມັງກອນ ທີ່ເປັນກົນອຸບາຍທີ່ເສິກແລບ ເພື່ອໃຫ້ບ່າວໄຜ່ລາຊະດອນເຄົາລົບຢຳເກງ ເຊື່ອຖືສັດທາຕົນ ສະນັ້ນລະນັບແຕ່ລາຊະວົງຮັ້ນເປັນຕົ້ນມາມັງກອນຈຶ່ງກາຍເປັນສັນຍາລັກຂອງຮ່ອງເຕ້ ຮ່າງກາຍຮ່ອງເຕ້ເອີ້ນວ່າ: ໂຕມັງກອນ ຊຸດນຸ່ງກໍເອີ້ນວ່າ: ຊຸດມັງກອນ ບັນລັງທີ່ຮ່ອງເຕ້ນັ່ງກໍເອີ້ນວ່າ ບັນລັງມັງກອນ ! ລູກຫຼານຂອງຮ່ອງເຕ້ກໍເອີ້ນວ່າ ລູກຫຼານຂອງມັງກອນ. ມາຮອດລາຊະວົງ ຢວນໝິງຊິງ ກໍກຳນົດໃຫ້ມັງກອນຂອງຮ່ອງເຕ້ມີ 5 ເລັບ ສ່ວນມັງກອນຂອງຄົນທົ່ວໄປຈະມີ 4 ຫຼື 3 ເລັບເທົ່ານັ້ນ ຖ້າໃຜເອົາຮູບມັງກອນ 5ເລັບໄປແຕ້ມໃສ່ເຄື່ຶອງນຸ່ງກໍຈະຖືກປະຫານຊີວິດ ຖືວ່າບໍ່ເຄົາລົບຮ່ອງເຕ້ ບໍ່ຮູ້ຟ້າສູງ ດິນຕ່ຳຊັ້ນໄດ ! ສະໄໝສັກດີນາມັນກໍເປັນຈັ່ງຊີ້ລະເນາະທ່ານຜູ້ຟັງ ! ຫຼືວ່າມີໃຜທີ່ຢາກຟື້ນຮູບແບບສັກດີນາທີ່ຈຳແນກຊົນຊັ້ນຂື້ນມາຢູ່ເບາະ ? ແຕ່ວ່າຄຳເວົ້າບາງຄຳເລີ່ມໄດ້ຍິນຄືນມາລະເກາະ ! ຕຸນັ້ນ ມັອມນິ ເຈົ້ານັ້ນ ເຈົ້ານີ້ ຍາປ້າ ຍາລຸງ ເລີ່ມໄດ້ຍິນລະເກາະ ຜູ້ຖືກເອີ້ນກໍໜ້າບານຂື້ນຊັ້ນໄດ໋ ! ເອົາ, ຟັງເພງກ່ອນເນາະແລ້ວໜຸ່ມໃຫຍ່ຈະເວົ້າສູ່ຟັງວ່າລູກມັງກອນ 9 ໂຕທີ່ຄົນຈີນບູຮານນັບຖືນັ້ນມີຫຍັງແດ່ ?
ເພງ
ຄັນມິດລາຍການທ່ານໃດໄດ້ມີໂອກາດໄປທ່ຽວເມືອງຈີນ ໄປທ່ຽວຊົມສະຖາປັດຕະຍະກຳບູຮານທີ່ສຳຄັນຂອງຈີນບໍ່ວ່າຈະເປັນລາຊະວັງ, ວັດ, ຕຳນັກ, ຫໍ, ສາລາ ຫຼືອື່ນໆ ກໍ່ຈະເຫັນຮູບປັ້ນທີ່ປະຫຼາດຢູ່ຕາມຂອບແຈຂອງອາຄານ, ຢູ່ຕາມຫຼັງຄາ, ຊາຍຄາ, ບານປະຕູ, ຂົວ, ລະຄັງ ແລະອື່ນໆ. ຄັນໄປທ່ຽວພະລາຊະວັງຫວງຫ້າມຢູ່ປັກກິ່ງກໍຈະເຫັນວ່າຢູ່ສັນຫຼັງຄາມີຮູບປັ້ນ9ໂຕລຽນກັນຢູ່ນັ້ນກໍຄືລູກຂອງມັງກອນທັງ9 ຈາກຕຳນານເທບພະເຈົ້າສະໄໝບູຮານຂອງຈີນ, ແຕ່ລະໂຕມີຊື່ແນວນີ້: ໂຕທີ1ຊື່ວ່າ ປີ້ຊີ່ ເປັນຮູບເຕົ່າແຕ່ມີແຂ້ວເປັນຕົວແທນຂອງພະລະກຳລັງມະຫາສານໃຜໄດ້ຈັບຕ້ອງກໍຈະນຳພາໂຊກລາບມາໃຫ້ ເອົານີ້ເປັນຄວາມເຊື່ອບູຮານຂອງຈີນຊື່ໆເດີທ່ານຜູ້ຟັງບໍ່ແມ່ນໜຸ່ມໃຫຍ່ພາງົມງວາຍໄດ໋ ! ໂຕທີ2ແມ່ນ ປີ້ອ້ານ ຫຼື ຊ່ຽນຈ່າງ ເປັນຮູບເສືອເປັນຕາຢ້ານສ່ວນຫຼາຍຈະເຫັນຢູ່ຕາມວັດວາອາຮາມ ຕາມຖານຂອງສີລາຈາລຶກຫຼືຕາມບານປະຕູຄຸກ ເພາະວ່າເສືອເປັນສັດທີ່ຊົງອຳນາດ ເອົາໄວ້ຂົ່ມຂູ່ພວກບໍ່ດີ ພວກນັກໂທດ ໃຫ້ເຄົາລົບລະບຽບເຄົາລົບສະຖານທີ່. ໂຕທີ3ແມ່ນ ເທົາເທ່ຍ ເປັນຮູບຄ້າຍຄືໝາປ່າ ມີນິໄສໂລບມາກໂລພາມັກກິນ ສະນັ້ນສ່ວນຫຼາຍຈະແກະສະຫຼັກຢູ່ຕາມພາຊະນະໃສ່ອາຫານເພື່ອໄຫວ້ເທບພະເຈົ້າ, ຍ້ອນເທົ່າເທ່ຍເປັນສັດຮ້າຍແລະມັກກິນຫຼາຍຕ່າງໝູ່ບາງຄົນກໍເອົາໄປປຽບທຽບກັບຄົນເຫັນແກ່ກິນແລະໂລບມາກໂລພາວ່າເປັນລູກນ້ອງຂອງເທົ່າເທ່ຍ ! ໂຕທີ4ແມ່ນຜູເຫຼົາ ຄືມັງກອນນ້ອຍມັກຮ້ອງສຽງດັງຢ້ານປາວານຫຼາຍເມື່ອປາວານອອກທຳຮ້າຍ ຜູເຫຼົາກໍຈະຮ້ອງບໍ່ເຊົາ ສະນັ້ນຈຶ່ງແກະສະຫຼັກໄວ້ລະຄັງເພື່ອໃຫ້ສຽງດັງດີ. ສ່ວນໄມ້ຕີລະຄັງກໍແມ່ນຮູບປາວານ. ໂຕທີ5ແມ່ນ ສິວໝິວ ຮູບມັງກອນໂຕນ້ອຍສີເຫຼືອງທີ່ມີເຂົາຂອງກິເລນ ມັກດົນຕີຈຶ່ງແກະສະຫຼັກໃສ່ຊໍ. ໂຕທີ6 ຈຽວຖູ ມີຮູບຄືກົ້ນຫອຍມັກປິດປາກຕະຫຼອດ ທຳມະຊາດຂອງຫອຍເມື່ອຖືກໂຈມຕີຈະງັບປາກແໜ້ນໂລດ ຈຶ່ງມັກແກະສະຫຼັກໃສ່ບານປະຕູເຮືອນເພື່ອຄວາມປອດໄພ. ໂຕທີ7 ແມ່ນສື່ເຫວີ່ນ ມີຮູບຄືມັງກອນແຕ່ບໍ່ມີສັນຫຼັງ ປາກອ້າກ້ວາງ ມັກພະຈົນໄພ ມັກກິນໄຟ ເຊື່ອວ່າສາມາດປ້ອງກັນສິ່ງບໍ່ດີ ແລະ ອັກຄີໄພໄດ້ ຫາງກໍຈະຂົດມ້ວນເຂົ້າ, ແກະສະຫຼັກໄວ້ຕາມສັນຫຼັງຄາ. ໂຕທີ8 ແມ່ນ ຊວນໝີ ແມ່ນສິງມັກໄຟແລະມັກນັ່ງໜ້າຢ້ານກົວ ມັກແກະສະຫຼັກໃສ່ໃນແທ່ນພະພຸດທະຮູບ ກະຖັງຮູບ ໂຕສຸດທ້າຍໂຕທີ9 ແມ່ນ ຫຍາຈື້ ຄືໝາໄນ, ມັກສັງຫານມັກລ່າ ມັກແກະສະຫຼັກໃສ່ດ້າມມີດດ້າມພ້າດ້າມດາບ !
ເພງ
ຈົບ
ສະບາຍດີປີໃໝ່ທ່ານຜູ້ຟັງທີ່ເປັນຄົນຈີນ, ຄົນຈີນຕ່າງດ້າວຫຼືຄົນລາວເຊື້ອສາຍຈີນທຸກທ່ານ ! ຄືນນີ້ນີ້ໜຸ່ມໃຫຍ່ສາມາດເວົ້າພາສາຈີນກາງຄຳວ່າ: " ຊິ່ນໜຽນໄຄວເລີ " ກຸ່ງສີຝ່າສາຍ ແລະ ເສິ່ນຖີຈ້ຽນຄ່າງ ! ໄດ້ເຕັມປາກເຕັມສົບແລ້ວ ! ເພາະວ່າມື້ນີ້ເປັນມື້ືທຳອິດຂອງປີໃໝ່ຈີນ ປີມັງກອນແລ້ວ ! ມື້ນີ້ແມ່ນວັນຈັນ, ທີ 23 ມັງກອນ 2012 ແມ່ນມື້ຂື້ນ 1ຄ່ຳ ເດືອນອ້າຍຕາມປະຕິທິນຂອງຈີນແມ່ນມື້ສຳຄັນທີ່ສຸດຂອງຈີນໃນຮອບປີໜື່ງ ບໍ່ວ່າຈະຢູ່ຈີນແຜ່ນດິນໃຫຍ່, ຮົງກົງ, ມາເກົາ, ໃຕ້ຫັວນ ຫຼືຢູ່ປະເທດໃດກໍແລ້ວແຕ່ທີ່ຄົນຈີນໄປອາໄສຢູ່, ໄປເຮັດທຸລະກິດ, ໄປເຮັດວຽກ ຫຼື ໄປຮ່ຳຮຽນ ມື້ນີ້ແລະຄືນຜ່ານມານີ້ແມ່ນມື້ແຫ່ງການເຕົ້າໂຮມຄອບຄົວ ມື້ແຫ່ງຄວາມຮັກຄວາມອົບອຸ່ນໃນຄອບຄົວແທ້ໆທີ່ຄົນຈີນຖືຫຼາຍມື້ນີ້ສະມາຊິກໃນຄອບຄົວບໍ່ມີໃຜໄປໃສເທື່ອດັອກ ແມ່ນມື້ກິນເຂົ້າກິນນ້ຳພົບປະໂອ້ລົມສັງສັນກັນຂອງຄົນໃນຄອບຄົວ ໂດຍສະເພາະບໍ່ມີຄອບຄົວອື່ນ ບໍ່ມີໝູ່ຄູ່ມາຫາເທື່ອລະກະບໍ່ໄປຫາເທື່ອ, ມື້ນີ້ແນ່ນອນລະວ່າຄົນຈີນທຸກຄົນບໍ່ວ່າຈະເປັນເຖົ້າແກ່ໜຸ່ມນ້ອຍຍິງ-ຊາຍລ້ວນແຕ່ນຸ່ງເຄື່ອງງາມໆຂະໜາດລະ ໂດຍສະເພາະເນັ້ນສີແດງເພື່ອເປັນສິຣິມຸງຄຸນ ໃບໜ້າຜູ້ໃດກໍຍິ້ມແຍ້ມແຈ່ມໃສອີ່ມເອີບໄປດ້ວຍຄວາມສຸກແລ້ວມື້ນີ້ນະ ! ເອົາ, ໜຸ່ມໃຫຍ່ຂໍຕາງໜ້າໃຫ້ພະນັກງານຂອງ CRI ທຸກຄົນອວຍພອນໃຫ້ທຸກທ່ານຈົ່ງ ກຸ່ງສີຟ້າສ່າຍ ແລະ ເສີ່ນຖີຈ່ຽນຄ່າງຕະຫຼອດປີມັງກອນນີ້ເດີ້ ! ເອົາ, ມື້ນີ້ແມ່ນມື້ເລີ່ມຕົ້ນຂອງປີມັງກອນຂອງຄົນຈີນ ສະນັ້ນມື້ນີ້ໜຸ່ມໃຫຍ່……….ກໍຈະເອົາເລື່ອງກ່ຽວກັບມັງກອນຫຼືໃນພາສາຈີນກາງເອີ້ນວ່າ: ຫຼົງ ມາເວົ້າສູ່ທ່ານຜູ້ຟັງລາວຟັງນຳກັນວ່າມັງກອນມີຄວາມສຳຄັນຕໍ່ຄົນຈີນຕໍ່ວັດທະນະທຳຈີນແນວໃດ ? ຟັງເພງກ່ອນແລ້ວຈະກັບມາເວົ້າໃຫ້ຟັງ
ເພງ
ເພງຈີນມ່ວນໆຈາກລາຍການເບິ່ງເມືອງຈີນຂອງ CRI ທີ່ໜຸ່ມໃຫຍ່ອາລົມດີເປັນຜູ່້ຈັດລາຍການສູ່ຟັງທຸກຄືນແຕ່ 19ໂມງຈົນຮອດ 19:50 ! ບັດນີ້ກັບເຂົ້າມາສູ່ເລື່ອງທີ່ໜຸ່ມໃຫຍ່ຈະເລົ່າສູ່ຟັງໃນຄືນນີ້ທີ່ເປັນມື້ທຳອິດຂອງປີໃໝ່ຈີນ ! ຫຼາຍທ່ານກໍຄົງຈະຮູ້ແລ້ວວ່າຄົນຈີນແມ່ນນັບຖືມັງກອນຫຼາຍເປັນສັດປະຈຳຊາດ ປານວ່າຊ້າງເປັນສັດປະຈຳຊາດຂອງລາວຫັນລະເນາະ ! ປີໃໝ່ບຸນກຸດຈີນປີນີ້ຊ້ຳພັດແມ່ນປີມະໂລງ ແມ່ນປີມັງກອນອີກເພາະຖືວ່າເປັນປີແຫ່ງສິຣິມຸງຄຸນເດ ! ຈັ່ງຊັ້ນລະເພື່ອໃຫ້ເຂົ້າກັບບັນຍາກາດໃນມື້ນີ້ໜຸ່ມໃຫຍ່…..ກໍຂໍເອົາເລື່ອງກ່ຽວກັບມັງກອນສຳຄັນແນວໃດ ? ຫຼາຍໜ້ອຍສ່ຳໃດຕໍ່ຄົນຈີນຕໍ່ວັດທະນະທຳຈີນມາເວົ້າສູ່ຟັງ ! ມັງກອນຫຼືພາສາຈີນກາງເອີ້ນວ່າ ຫຼົງ ເປັນໜື່ງໃນສັດເທບພະເຈົ້າຂອງຈີນ ເປັນຕົວແທນແຫ່ງຄວາມເປັນສິຣິມຸງຄຸນ, ຄວາມຍິ່ງໃຫຍ່, ພະລັງອຳນາດ, ຄວາມເຂັ້ມແຂງກ້າຫານ ແລະ ຄຸນນະທຳຄວາມດີທັງປວງ ນີ້ຄືການສັນລະເສີນ, ສັດທາ, ຄວາມເຊື່ອຂອງຄົນຈີນທີ່ມີຕໍ່ມັງກອນ ! ຄົນຈີນໃນສະໄໝບູຮານຍັງເຊື່ອວ່າມັງກອນສາມາດບິນຂື້ນໄປສະຫວັນ ລອຍມຸດລົງມະຫາສະໝຸດ ທັງຍັງສາມາດບັນດານໃຫ້ຝົນຕົກໄດ້ອີກ ສະນັ້ນລະແຕ່ກ່ອນຊາວກະສິກອນຈີນຈື່ງມີປະເພນີສັກກາລະເທບພະເຈົ້າມັງກອນເພື່ອໃຫ້ຝົນຕົກຖືກຕ້ອງຕາມລະດູການ, ປານຄົນລາວສະໄໝກ່ອນແຫ່ນາງແມວຂໍຟ້າຂໍຝົນຫັນລະເນາະ ! ຍ້ອນຄວາມເຊື່ອໃນອິດທິລິດຂອງມັງກອນຄືເວົ້າມານິລະ ບໍ່ວ່າເຮົາຈະເດີນທາງໄປໃສໃນປະເທດຈີນກໍຈະເຫັນຮູບພາບມັງກອນຢູ່ຄູ່ກັບຄອບຄົວຄົນຈີນໂລດ ບໍ່ແມ່ນແບບໃດກໍແບບໜື່ງໂລດ ! ປີໃໝ່ປີນີ້ແຫ່ງເປັນປີມັງກອນອີກເບິ່ງໂລດເສື້ອແດງທີ່ຄົນຈີນນຸ່ງເຫຼື້ອມໆ ໃໝ່ໆ ງາມໆຫັ້ນຕ້ອງມີຮູບມັງກອນໂລດ ! ມັງກອນທີ່ເຮົາເຫັນທຸກມື້ທີ່ຄົນຈີນນັບຖືຫຼາຍນີ້ມີຕົວຕົນແທ້ບໍ່ ຫຼືວ່າເປັນພຽງການຈິນຕະນາການຂື້ນມາຂອງບັນພະບູລຸດຈີນໃນສະໄໝບູຮານຂື້ນມາຊື່ໆ ! ຟັງເພງກ່ອນແລ້ວຈະກັບມາບອກຕໍ່ !
ເພງ
ເອົາ, ຟັງລາຍການຕ່າງໆຂອງ CRI ແລ້ວກໍຢ່າລືມມີຄຳຄິດເຫັນຕໍ່ພວກເຮົາແດ່ ເພື່ອຈະໄດ້ປັບປຸງລາຍການໃຫ້ຖືກໃຈທ່ານຕື່ມໃນປີໃໝ່ນີ້ ! ໂທ 711477 ຂໍ້ຄວາມສັ້ນກະແມ່ນ 9300 ບັດນີ້ຈະເວົ້າເລື່ອງທີ່ວ່າ ມັງກອນທີ່ຄົນຈີນເຊື່ອຖືຫຼາຍມີຕົວຕົນແທ້ບໍ່ ? ຫຼືເປັນພຽງການຈິນຕະນາການຄົ້ນຄິດປະດິດສ້າງຂື້ນມາຂອງຄົນຈີນໃນສະໄໝບູຮານຊື່ໆ ? ຄຳຕອບກໍຄືມັງກອນບໍ່ແມ່ນສັດທີ່ມີແທ້ໃນໂລກນີ້ດັອກ, ບາງຄົນເຊື່ອວ່າມັງກອນເປັນສັດທີ່ຈິນຕະນາການຂື້ນມາຈາກແຂ້ກໍມີ, ຈາກງູກໍມີ ຫຼື ຈາກໝູກໍມີ, ແລະບາງຄົນກໍຍັງເຊື່ອວ່າມັງກອນໃນຍຸກທຳອິດນັ້ນ ກໍຄືສາຍຟ້າທີ່ແມບເຫຼື້ອມລົງມາໃນຍາມຝົນຟ້າຄະນອງນັ້ນເອງ. ແຕ່ວ່າຕາມຄວາມເຫັນຂອງຜູ້ຊ່ຽວຊານນັກປາດອາຈານຈີນໃນປະຈຸບັນເຊື່ອວ່າ: ມັງກອນເປັນສັດແຫ່ງເທບທີ່ປະສົມປະສານສ່ວນຕ່າງໆຂອງສັດຫຼາຍປະເພດເຂົ້າກັນໂດຍມີຮ່າງກາຍຂອງງູເປັນຫຼັກ ຄືລຳໂຕຂອງມັງກອນມາຈາກງູ ຫົວມາຈາກໝູ ເຂົາມາຈາກກວາງ ຫູມາຈາກງົວ ໜວດມາຈາກແບ້ ເລັບທີ່ແຫຼມຄົມເປັນຕາຢ້ານນັ້ນມາຈາກນົກອິນຊີ ແລະເກັດມາຈາກປາ. ຟັງເບິ່ງການສັນນິຖານຂອງບັນດາຜູ້ຊ່ຽວຊານນັກປາດອາຈານຈີນຄືເວົ້າມາຫັ້ນ ຟັງເບິ່ງແລ້ວກໍຄືກັບການຕື່ມຊ່ອງວ່າງທີ່ຂາດຫາຍໄປຂອງປະຫວັດສາດສັງຄົມບູຮານຈີນໃຫ້ເຕັມ ໃຫ້ສົມບູນຍິ່ງຂື້ນ; ມີການເຊື່ອກັນວ່າໃນຍຸກບູຮານນັ້ນຊົນເຜົ່າ " ຫົວເຊ່ຍ" ທີ່ເປັນຊື່ຂອງປະເທດຈີນໃນສະໄໝບູຮານທີ່ອາໄສຕາມແຄມແມ່ນ້ຳເຫຼືອງຖືວ່າງູເປັນສັດປະຈຳເຜົ່າແລະຫຼັງຈາກ "ຫົວເຊ່ຍ" ລວມເອົາເຜົ່າອື່ນໆເຂົ້າມາຢູ່ນຳແລ້ວກໍຈື່ງຮັບເອົາສັດປະຈຳເຜົ່າອື່ນໆເຂົ້າມາປະສົມປະສານກັນຈົນເກີດເປັນ " ພະຍາມັງກອນ " ຂື້ນມາດັ່ງທີ່ເຫັນໃນປະຈຸບັນນິລະ ! ຟັງເພງກ່ອນເນາະແລ້ວຈະເວົ້າສູ່ຟັງວ່າມັງກອນຢູ່ຄູ່ກັບຄົນຈີນມາດົນປານໃດແລ້ວ ?
ເພງ
ຂະນະນີ້………. ມື້ນີ້ແມ່ນມື້ືທຳອິດຂອງປີໃໝ່ປີມັງກອນຂອງຊາວຈີນ ຂໍອວຍພອນໃຫ້ທຸກຄົນຈົ່ງລ້ຳລວຍຊື້ໄດ້ຂາຍໝານ ສຸຂະພາບແຂງແຮງ ຫາຍໂລຄາພະຍາດ ຂໍໃຫ້ມີແຕ່ຄວາມສຸກຕະຫຼອດປີມັງກອນເດີ້ ! ກັບເຂົ້າມາລົມກັນຕໍ່ວ່າມັງກອນຢູ່ຄູ່ກັບຄົນຈີນ ວັດທະນະທຳຈີນມາດົນປານໃດແລ້ວ ! ໃນປີ 1987 ໄດ້ມີການຂຸດພົບສຸສານໃຫຍ່ທີ່ມີອາຍຸ 6ພັນປີກ່ອນຢູ່ເມືອງຜູ່ຍ່າງ ແຂວງ ເຫີໝານ ຢູ່ຂ້າງໆກະດູກຂອງຊາຍຄົນໜຶ່ງທີ່ເປັນເຈົ້າຂອງສຸສານນັ້ນພົບເປືອກຫອຍລຽນກັນເປັນຮູບມັງກອນ ອັນນັ້ນກໍຄື " ມັງກອນໂຕທຳອິດ " ໃນປະຫວັດສາດຈີນທີ່ປະກົດຕໍ່ສາຍຕາຂອງປະຊາຊົນ. ໃນປີ 1971 ກໍຂຸດພົບມັງກອນທີ່ເຮັດດ້ວຍຍົກທີ່ເປັນຮູບໂຄ້ງຄືໂຕ C ບ່ອນທີ່ເປັນຫົວມັງກອນຄ້າຍໆກັບໝູ ເພິ່ນຂຸດພົບຢູ່ເຂດມົງໂກນໃນພາກເໜືອຂອງຈີນ ທີ່ຄາດວ່າມີອາຍຸເກົ່າແກ່ປະມານ 5ພັນກ່ວາປີ. ຈົນມາຮອດສະໄໝລາຊະວົງ ສາງ ເມື່ອ 3ພັນປີກ່ອນ ເລີ່ມປະກົດຫຼັກຖານຮູບມັງກອນຫຼາຍຂື້ນທີ່ເຮັດຈາກກະດູກກໍມີ ເຮັດຈາກທອງສຳເລັດກໍມີ ແລະ ຍັງພົບວ່າໃນສະໄໝ ສາງ ເຊິ່ງເປັນຍຸກທີ່ເລີ່ມມີຕົວອັກສອນຄັວດໃສ່ກະດູກສັດນັ້ນໄດ້ມີການປະດິດອັກສອນຄຳວ່າ " ມັງກອນ " ຫຼື……..ແລ້ວ !ຕໍ່ມາໃນຍຸກ ຈັ້ນກົ໋ວ ເລີ່ມມີການແຕ້ມຮູບມັງກອນທີ່ງາມສະງ່າມີຊີວິດຊີວາຫຼາຍຂື້ນ ຫຼັງຈາກມີການເສີມແຕ່ງມາຫຼາຍຍຸກ ຮູບລັກສະນະຂອງມັງກອນໄດ້ພັດທະນາມາຈົນກາຍເປັນມັງກອນທີ່ເບິ່ງມີພະລັງ ແລະ ໜ້າຢ້ານກົວຫຼາຍຂື້ນ ຈົນມາຮອດລາຊະວົງ ຮ້ານ ຮູບມັງກອນຈຶ່ງເປັນຄືເຮົາເຫັນທຸກມື້ນິລະ ! ໃນສະໄໝສັກດີນາຂອງຈີນມັງກອນນອກຈາກເປັນສັນຍາລັກຂອງຄວາມເປັນສິຣິມຸງຄຸນແລ້ວ ຍັງເປັນສັນຍາລັກຂອງຈັກະພັດທີ່ຍືນຍົງອີກໄດ໋ທ່ານຜູ້ຟັງ, ມັນເປັນສັນຍາລັກອຳນາດແຫ່ງກະສັດຈີນ, ຕາມທີ່ເລົ່າກັນມາວ່າໃນສະໄໝທີ່ ຮັ່ນເກົ່າຈູ່ ຫຼື ບາງຄົນເອີ້ນວ່າ: ຫຼິວປັງ ທີ່ເປັນກະສັດອົງທຳອິດຂອງລາຊະວົງ ຮັ້ນ ຕາເວັນຕົກຂື້ນຄອງລາດ, ເພື່ອສ້າງຄວາມສະຫງົບໝັ້ນຄົງໃຫ້ແກ່ບັນລັງຂອງຕົນ ພະອົງໄດ້ແຕ່ງເລື່ອງຂື້ນມາວ່າ: " ພະມານດາຂອງພະອົງຝັນວ່າໄດ້ມີຄວາມສຳພັນກັບມັງກອນ ຫຼັງຈາກນັ້ນກໍເກີດພະອົງຂື້ນມາ, ຕໍ່ມາຊາວບ້ານກໍເລົ່າລືກັນອີກວ່າ: ເມື່ອເວລາ ຫຼິວປັງ ດື່ມເຫຼົ້າຈົນເມົາ ຫົວຂອງພະອົງກໍຈະກາຍເປັນຫົວຂອງມັງກອນ " ນັບແຕ່ນັ້ນມາ ຮັ່ນເກົາຈູ່ ຈຶ່ງຖືກຜູ້ຄົນເຊື່ອວ່າ ເປັນລູກຂອງມັງກອນ ດັ່ງນັ້ນຮົງເຕ້ອົງຕໍ່ໆມາລວມທັງຄົນທີ່ຄິດການໃຫຍ່ຢາກເປັນຮົ່ງເຕ້ຈຶ່ງຢືມເອົານາດຂອງມັງກອນມາສ້າງບາລະມີໃຫ້ແກ່ຕົນເອງໂດຍກ່າວວ່າ: ຕົນເອງເປັນລູກຊາຍຂອງມັງກອນ ທີ່ເປັນກົນອຸບາຍທີ່ເສິກແລບ ເພື່ອໃຫ້ບ່າວໄຜ່ລາຊະດອນເຄົາລົບຢຳເກງ ເຊື່ອຖືສັດທາຕົນ ສະນັ້ນລະນັບແຕ່ລາຊະວົງຮັ້ນເປັນຕົ້ນມາມັງກອນຈຶ່ງກາຍເປັນສັນຍາລັກຂອງຮ່ອງເຕ້ ຮ່າງກາຍຮ່ອງເຕ້ເອີ້ນວ່າ: ໂຕມັງກອນ ຊຸດນຸ່ງກໍເອີ້ນວ່າ: ຊຸດມັງກອນ ບັນລັງທີ່ຮ່ອງເຕ້ນັ່ງກໍເອີ້ນວ່າ ບັນລັງມັງກອນ ! ລູກຫຼານຂອງຮ່ອງເຕ້ກໍເອີ້ນວ່າ ລູກຫຼານຂອງມັງກອນ. ມາຮອດລາຊະວົງ ຢວນໝິງຊິງ ກໍກຳນົດໃຫ້ມັງກອນຂອງຮ່ອງເຕ້ມີ 5 ເລັບ ສ່ວນມັງກອນຂອງຄົນທົ່ວໄປຈະມີ 4 ຫຼື 3 ເລັບເທົ່ານັ້ນ ຖ້າໃຜເອົາຮູບມັງກອນ 5ເລັບໄປແຕ້ມໃສ່ເຄື່ຶອງນຸ່ງກໍຈະຖືກປະຫານຊີວິດ ຖືວ່າບໍ່ເຄົາລົບຮ່ອງເຕ້ ບໍ່ຮູ້ຟ້າສູງ ດິນຕ່ຳຊັ້ນໄດ ! ສະໄໝສັກດີນາມັນກໍເປັນຈັ່ງຊີ້ລະເນາະທ່ານຜູ້ຟັງ ! ຫຼືວ່າມີໃຜທີ່ຢາກຟື້ນຮູບແບບສັກດີນາທີ່ຈຳແນກຊົນຊັ້ນຂື້ນມາຢູ່ເບາະ ? ແຕ່ວ່າຄຳເວົ້າບາງຄຳເລີ່ມໄດ້ຍິນຄືນມາລະເກາະ ! ຕຸນັ້ນ ມັອມນິ ເຈົ້ານັ້ນ ເຈົ້ານີ້ ຍາປ້າ ຍາລຸງ ເລີ່ມໄດ້ຍິນລະເກາະ ຜູ້ຖືກເອີ້ນກໍໜ້າບານຂື້ນຊັ້ນໄດ໋ ! ເອົາ, ຟັງເພງກ່ອນເນາະແລ້ວໜຸ່ມໃຫຍ່ຈະເວົ້າສູ່ຟັງວ່າລູກມັງກອນ 9 ໂຕທີ່ຄົນຈີນບູຮານນັບຖືນັ້ນມີຫຍັງແດ່ ?
ເພງ
ຄັນມິດລາຍການທ່ານໃດໄດ້ມີໂອກາດໄປທ່ຽວເມືອງຈີນ ໄປທ່ຽວຊົມສະຖາປັດຕະຍະກຳບູຮານທີ່ສຳຄັນຂອງຈີນບໍ່ວ່າຈະເປັນລາຊະວັງ, ວັດ, ຕຳນັກ, ຫໍ, ສາລາ ຫຼືອື່ນໆ ກໍ່ຈະເຫັນຮູບປັ້ນທີ່ປະຫຼາດຢູ່ຕາມຂອບແຈຂອງອາຄານ, ຢູ່ຕາມຫຼັງຄາ, ຊາຍຄາ, ບານປະຕູ, ຂົວ, ລະຄັງ ແລະອື່ນໆ. ຄັນໄປທ່ຽວພະລາຊະວັງຫວງຫ້າມຢູ່ປັກກິ່ງກໍຈະເຫັນວ່າຢູ່ສັນຫຼັງຄາມີຮູບປັ້ນ9ໂຕລຽນກັນຢູ່ນັ້ນກໍຄືລູກຂອງມັງກອນທັງ9 ຈາກຕຳນານເທບພະເຈົ້າສະໄໝບູຮານຂອງຈີນ, ແຕ່ລະໂຕມີຊື່ແນວນີ້: ໂຕທີ1ຊື່ວ່າ ປີ້ຊີ່ ເປັນຮູບເຕົ່າແຕ່ມີແຂ້ວເປັນຕົວແທນຂອງພະລະກຳລັງມະຫາສານໃຜໄດ້ຈັບຕ້ອງກໍຈະນຳພາໂຊກລາບມາໃຫ້ ເອົານີ້ເປັນຄວາມເຊື່ອບູຮານຂອງຈີນຊື່ໆເດີທ່ານຜູ້ຟັງບໍ່ແມ່ນໜຸ່ມໃຫຍ່ພາງົມງວາຍໄດ໋ ! ໂຕທີ2ແມ່ນ ປີ້ອ້ານ ຫຼື ຊ່ຽນຈ່າງ ເປັນຮູບເສືອເປັນຕາຢ້ານສ່ວນຫຼາຍຈະເຫັນຢູ່ຕາມວັດວາອາຮາມ ຕາມຖານຂອງສີລາຈາລຶກຫຼືຕາມບານປະຕູຄຸກ ເພາະວ່າເສືອເປັນສັດທີ່ຊົງອຳນາດ ເອົາໄວ້ຂົ່ມຂູ່ພວກບໍ່ດີ ພວກນັກໂທດ ໃຫ້ເຄົາລົບລະບຽບເຄົາລົບສະຖານທີ່. ໂຕທີ3ແມ່ນ ເທົາເທ່ຍ ເປັນຮູບຄ້າຍຄືໝາປ່າ ມີນິໄສໂລບມາກໂລພາມັກກິນ ສະນັ້ນສ່ວນຫຼາຍຈະແກະສະຫຼັກຢູ່ຕາມພາຊະນະໃສ່ອາຫານເພື່ອໄຫວ້ເທບພະເຈົ້າ, ຍ້ອນເທົ່າເທ່ຍເປັນສັດຮ້າຍແລະມັກກິນຫຼາຍຕ່າງໝູ່ບາງຄົນກໍເອົາໄປປຽບທຽບກັບຄົນເຫັນແກ່ກິນແລະໂລບມາກໂລພາວ່າເປັນລູກນ້ອງຂອງເທົ່າເທ່ຍ ! ໂຕທີ4ແມ່ນຜູເຫຼົາ ຄືມັງກອນນ້ອຍມັກຮ້ອງສຽງດັງຢ້ານປາວານຫຼາຍເມື່ອປາວານອອກທຳຮ້າຍ ຜູເຫຼົາກໍຈະຮ້ອງບໍ່ເຊົາ ສະນັ້ນຈຶ່ງແກະສະຫຼັກໄວ້ລະຄັງເພື່ອໃຫ້ສຽງດັງດີ. ສ່ວນໄມ້ຕີລະຄັງກໍແມ່ນຮູບປາວານ. ໂຕທີ5ແມ່ນ ສິວໝິວ ຮູບມັງກອນໂຕນ້ອຍສີເຫຼືອງທີ່ມີເຂົາຂອງກິເລນ ມັກດົນຕີຈຶ່ງແກະສະຫຼັກໃສ່ຊໍ. ໂຕທີ6 ຈຽວຖູ ມີຮູບຄືກົ້ນຫອຍມັກປິດປາກຕະຫຼອດ ທຳມະຊາດຂອງຫອຍເມື່ອຖືກໂຈມຕີຈະງັບປາກແໜ້ນໂລດ ຈຶ່ງມັກແກະສະຫຼັກໃສ່ບານປະຕູເຮືອນເພື່ອຄວາມປອດໄພ. ໂຕທີ7 ແມ່ນສື່ເຫວີ່ນ ມີຮູບຄືມັງກອນແຕ່ບໍ່ມີສັນຫຼັງ ປາກອ້າກ້ວາງ ມັກພະຈົນໄພ ມັກກິນໄຟ ເຊື່ອວ່າສາມາດປ້ອງກັນສິ່ງບໍ່ດີ ແລະ ອັກຄີໄພໄດ້ ຫາງກໍຈະຂົດມ້ວນເຂົ້າ, ແກະສະຫຼັກໄວ້ຕາມສັນຫຼັງຄາ. ໂຕທີ8 ແມ່ນ ຊວນໝີ ແມ່ນສິງມັກໄຟແລະມັກນັ່ງໜ້າຢ້ານກົວ ມັກແກະສະຫຼັກໃສ່ໃນແທ່ນພະພຸດທະຮູບ ກະຖັງຮູບ ໂຕສຸດທ້າຍໂຕທີ9 ແມ່ນ ຫຍາຈື້ ຄືໝາໄນ, ມັກສັງຫານມັກລ່າ ມັກແກະສະຫຼັກໃສ່ດ້າມມີດດ້າມພ້າດ້າມດາບ !
ເພງ
ຈົບ
