ຟ້າວເດີນທາງກັບບ້ານກຸດຈີນ
(GMT+08:00) 2012-02-09 15:04:15 cri
ສະບາຍດີມິດລາຍການເບິ່ງເມືອງຈີນຂອງ CRI FM 93Mhz ທຸກທ່ານ! ພໍຮອດ 19 ໂມງໜຸ່ມໃຫຍ່ມາພົບກັບມິດລາຍການອີກແລ້ວບໍ່ຂາດຈັກມື້ !ກຸດຈີນໃກ້ຊິມາຮອດແລ້ວຄືນວັນທີ 22 ຕໍ່ໃສ່ວັນທີ 23 ເດືອນນີ້ກໍແມ່ນຄືນສົ່ງທ້າຍປີເກົ່າຕ້ອນຮັບປີໃໝ່ຂອງຄົນຈີນກໍຄືຄົນເຊື້ອສາຍຈີນຢູ່ປະເທດຕ່າງໆໃນທົ່ວໂລກລວມທັງລາວນິລະ! ເອົາ, ໜຸ່ມໃຫຍ່ກໍພະຍາຍາມເຕືອນກັນໄວ້ແຕ່ໄກໆຫຼາຍເລື່ອງ! ຄືນນີ້ກໍຢາກເຕືອນເລື່ອງຟືນເລື່ອງໄຟນິລະ! ຄົນຈີນຄົນຫວຽດມັກຈູດທູບໄຕ້ທຽນບູຊາພະເຈົ້າກາບໄຫວ້ບັນພະບູລຸດຫັ້ນນ່າ! ໃຫ້ມີສະຕິລະວັງຕົວແທ້ໆເດີ້ ຍາມນີ້ແຫ່ງອາກາດແຫ້ງແລ້ງ ຄວາມສ່ຽງດ້ານອັກຄີໄພມີຫຼາຍໄດ໋! ຢ່າປະໝາດແທ້ໆໄຕ້ທູບໄຕ້ທຽນກໍເອົາພາຊະນະທີ່ມັນບໍ່ຕິດໄຟມາຮອງ, ບູຊາແລ້ວກໍມອດບໍ່ວ່າຈະຢູ່ເຮືອນ ຢູ່ຮ້ານ ຫຼື ຢູ່ຕະຫຼາດຕະລີກໍຄືກັນຫັນລະຄັນມີສະຕິລະວັງຕົວດີປີໃໝ່ກໍຈະໂຊກດີມີຄວາມສຸກ ມີສຽງຫົວມີຮອຍຍິ້ມ! ແຕ່ຖ້າປະໝາດເລີ້ນເລີເລື່ອງຟືນເລື່ອງໄຟອາດຈະເຫຼືອແຕ່ໂຕກັບນ້ຳຕາແລະສຽງຮ້ອງໄຫ້ເດີ້! ບໍ່ຢາກໃຫ້ເກີດກັບໃຜຄອບຄົວໃດແທ້ໆາ! ເລື່ອງໝາກກະໂພກຫຼືດອກໄມ້ໄຟຢ່າພາກັນຫ້າວຫຼິ້ນຫຼາຍຄວາມສ່ຽງມັນມີສູງໄດ໋! ເອົາ, ຝາກມັນດ້ວຍຄວາມຫ່ວງໄຍຈາກ CRI ເດີ້! ສຳລັບເລື່ອງທີ່ຈະເອົາມາເວົ້າສູ່ຟັງຄືນນີ້ກໍຊິເວົ້າເຖິງບຸນກຸດຈີນຫຼືບຸນປີໃໝ່ທີ່ຈະມາເຖິງນິລະ! ຢູ່ປະເທດຈີນຄື້ນມະນຸດທີ່ເດີນທາງກັບບ້ານເກີດເມືອງນອນເພື່ອໄປເຕົ້າໂຮມກັບຄອບຄົວຍາດຕິພີ່ນ້ອງສະຫຼອງປີໃໝ່ເລີ່ມໃນມື້ວານນິລະໄດທ່ານຜູ້ຟັງ! ເອົາ, ຟັງເພງກ່ອນແລ້ວຈະມາເວົ້າບັນຍາກາດລະອຽດສູ່ຟັງ
ເພງ
2ເພງຈາກລາຍການຜ່ານໄປຖ້າຢາກຂໍເພງຫຼືມີຄຳຄິດຄຳເຫັນກໍໂທມາເບີ 711477 ຂໍ້ຄວາມສັ້ນກໍແມ່ນ 9300 ເດີ້ທ່ານຜູ້ຟັງ! ບັດນີ້ໜຸ່ມໃຫຍ່ຈະເອົາເລື່ອງເດີນທາງກັບບ້ານທີ່ໃຫຍ່ທີ່ສຸດໃນໂລກມາເວົ້າສູ່ຟັງ! ເພາະວ່າຄົນຈີນຕາມຕ່າງແຂວງກໍ່ຫຼຸຫຼັ່ງທັ່ງເທກັນເຂົ້າມາຕົວເມືອງຂະໜາດໃຫຍ່ຂະໜາດກາງເພື່ອເຮັດວຽກຫຼືຮ່ຳຮຽນ ບາດໃກ້ປີໃໝ່ກຸດຈີນແນວນີ້ຄື້ນມະນຸດກໍຈະໄຫຼກັບບ້ານເກີດແລ້ວບາດນີ້, ໃນຈຳນວນພົນລະເມືອງຈີນ 1 ຕື້ກັບ 370 ລ້ານກ່ວາຄົນຫັ້ນເພິ່ນຄາດວ່າແຕ່ລະຄົນຈະມີການເດີນທາງໄປມາຢ່າງໜ້ອຍ 2 ເທື່ອໃນໄລຍະນັບແຕ່ນີ້ໄປເປັນເວລາ 40 ວັນ, ຄືຈົນໄປຮອດວັນທີ 16 ກຸມພາເດືອນໜ້າພຸ້ນແລ້ວ, ພາກສ່ວນກ່ຽວຂ້ອງຂອງຈີນຄາດວ່າຈະມີຄົນເດີນທາງໄປມາໃນໄລຍະນີ້ປະມານເກືອບ 3ຕື້200ລ້ານຖ້ຽວ! ຮອດຕອນນີ້ແລ້ວຜູ້ໃດກໍເລີ່ມໃຈຈົດໃຈຈໍ່ຢາກເດີນທາງເມືອເຕົ້າໂຮມຄອບຄົວໃນໂອກາດປີໃໝ່ແລ້ວ! ນັບແຕ່ມື້ນີ້ໄປກໍເຫຼືອແຕ່ 14 ມື້ ກໍຈະຮອດບຸນກຸດຈີນລະເດທ່ານຜູ້ຟັງ! ສະນັ້ນຂະບວນຄື້ນມະນຸດເດີນທາງກັບບ້ານເກີດເມືອງນອນຢູ່ຈີນເລີ່ມຂື້ນມື້ວານນີ້ແລ້ວ! ໃຜໄປຈີນຍາມນີ້ຕາມສະຖານີລົດເມ ລົດໄຟຊິເຫັນຄົນເປ້ຖົງ ຫິ້ວເຄື່ອງມະລຸ່ງຕຸ່ງນິ່ງເຕັມລະ! ຈັກຜູ້ໜຸ່ມຈັກຜູ້ເຖົ້າ ຈັກຜູ້ຍິງ ຈັກຜູ້ຊາຍແລ້ວ! ຕາມການຖະແຫຼງຂ່າວຮ່ວມກັນມື້ວານນີ້ຂອງລະບົບການຂົນສົ່ງສາທາລະນະຂອງຈີນ ກໍຄືສາຍການບິນຈີນວານນີ້ເພີ່ນວ່າປີນີ້ກໍຄືປີໃໝ່ຜ່ານມາ ຄົນຈີນຈະເດີນທາງກັບບ້ານດ້ວຍລົດເມທາງໄກຫຼາຍທີ່ສຸດ ຄືຈະມີປະມານ 2ຕື້800ລ້ານຄົນທັງໄປແລະກັບເດ໋! ສະນັ້ນທາງບໍລິສັດລົດເມທາງໄກກໍກຽມແຜນຮອງຮັບໄວ້ດົນແລ້ວເພື່ອຮັບຄື້ນຜູ້ໂດຍສານນັ້ນ, ຄືກຽມລົດເມໄວ້ຮັບໃຊ້ໃນປະເທດຈີນເຖິງ 8ແສນ4ໝື່ນຄັນເພື່ອຮັບຮອງຜູ້ໂດຍສານທີ່ຄາດວ່າແຕ່ລະມື້ຈະມີຫຼາຍກ່ວາ 2ລ້ານ6ແສນຄົນ. ປັດໂທ! ພິລຶກອີ່ຫຼີຄົນຈີນນິ ຫຼາຍກະເດ້ຍກະດໍ້! ນອກຈາກກກຽມຈຳນວນລົດແລ້ວກໍກຽມຮັກສາຄວາມປອດໄພໃນການເດີນລົດອີກ ເພາະວ່າຄົນຫຼວງຫຼາຍແນວນີ້ກໍອ່າວສັບສົນຢ້ານເກີດອຸບັດຕິເຫດ ເພິ່ນກໍ່ແຈ້ງການເຕືອນໃຫ້ຜູ້ຂັບລົດເມມີສະຕິລະວັງຕົວໃນການຂັບຂີ່ຂື້ນຫຼາຍກ່ວາເກົ່າເລື່ອງຄວາມໄວ ເລື່ອງດິນຟ້າອາກາດ ເພາະວ່າຢູ່ຈີນຍາມໃກ້ກຸດຈີນແນວນີ້ອາກາດມັນໜາວຫຼາຍ ບາງມື້ກໍມີຫິມະຕົກ ນ້ຳກ້າມຖະໜົນຫົນທາງໝື່ນກໍມີໄດ! ຂັ້ນວ່າມື້ວານນີ້ແມ່ນມື້ເລີ່ມຕົ້ນຂອງການເດີນທາງຊື່ໆ ຢູ່ສະຖານີລົດເມ ຫຼິວລີ້ຈຽວຫຼົງຂອງນະຄອນຫຼວງປັກກິ່ງກໍຍັງມີຜູ້ອອກເດີນທາງກັບບ້ານຕັ້ງວ່າ 1 ໝື່ນຄົນແລ້ວແລະຄາດວ່າແຕ່ນີ້ໄປແຕ່ລະມື້ຈະມີຜູ້ໂດຍສານຫຼາຍກ່ວາ 2 ໝື່ນຄົນ! ໃກ້ປີໃໝ່ເທົ່າໃດຍິ່ງຈະເພີ່ມຂື້ນລະ! ເອົາ, ຈັກນ່ອຍຈະເວົ້າສູ່ຟັງວ່າຜູ້ໂດຍສານທາງລົດໄຟເດຄາດວ່າປີນີ້ຈະມີຫຼາຍປານໃດ?
ເພງ
ຟັງເພງມ່ວນໆສະບາຍໆໄປແລ້ວມາລົມກັນຕໍ່ກັບຄື້ນມະນຸດຄົນຈີນເດີນທາງກັບບ້ານເກີດເມືອງນອນເພື່ອເຕົ້າໂຮມຄອບຄົວສະຫຼອງປີໃໝ່! ເວົ້າເລື່ອງຄວາມຮັກຄອບຄົວ ເຄົາລົບພໍ່-ແມ່ ລຸງປ້ານ້າອາ ຜູ້ອາວຸໂສແລ້ວຖືວ່າເປັນມູນເຊື້ອປະເພນີທີ່ສຳຄັນຂອງຄົນຈີນເລີຍລະ! ໂດຍສະເພາະບຸນກຸດຈີນທີ່ຈະມາເຖິງນີ້ໃນວັນທີ 22-23 ນີ້ແຫ່ງເປັນບຸນປະເພນີທີ່ສຳຄັນທີ່ສຸດຂອງຄົນຈີນເລີຍລະ! ໃຜມາຫາຄອບຄົວພໍ່ແມ່ບໍ່ໄດ້ຍ້ອນຄວາມຈຳເປັນບາງອັນກໍເຮັດຄໍເຕື່ອຍໜ້າງໍໄປພຸ້ນລະ! ມື້ກີ້ກ່ອນເປີດເພງກໍເວົ້າເຖິງການເດີນທາງດ້ວຍລົດເມ; ບັດນີ້ຊິເວົ້າເຖິງການເດີນທາງດ້ວຍລົດໄຟ ກໍເປັນທາງເລືອກທີ່ດີທີ່ສຸດຂອງຜູ້ທີ່ມີລາຍຮັບລະດັບກາງແລະຕ່ຳ ທັງເປ້ເຄື່ອງເປ້ຂອງໄປຕ້ອນພໍ່ແມ່ ລູກເມຍ ຍາດພີ່ນ້ອງໄດ້ຫຼາຍອີກ! ປີນີ້ຄາດວ່າຈະມີຜູ້ໂດຍສານທາງໃນໄລຍະ 40 ມື້ແຕ່ມື້ນນີ້ມື້ວານເປັນຕົ້ນໄປຈະມີປະມານ 235 ລ້ານຖ້ຽວ ເພີ່ມຂື້ນຈາກປີກາຍ 6.1% ພຸ້ນລະ! ມື້ໜຶ່ງຄາດວ່າຈະມີຜູ້ໂດຍສານເກືອບ 6 ລ້ານຄົນ, ມື້ໜຶ່ງໄດທ່ານຜູ້ຟັງ! ຊ່ຳກັບພົນລະເມືອງລາວໝົດປະເທດໄດເນາະ! ເພື່ອຮັກສາຄວາມປອດໄພໃນການເດີນທາງຫັ້ນພາກສ່ວນກ່ຽວຂ້ອງກໍເຂັ້ມງວດກວດກາທາງລົດໄຟ ທັງລາງລົດໄຟເຂັ້ມງວດຂື້ນຕື່ມ ເພື່ອປ້ອງກັນບໍ່ໃຫ້ເກີດອຸບັດຕິເຫດ ຫຼື ອາດມີອາກາດປ່ຽນແປງຂື້ນກໍເປັນໄດ້ !ທຸກໆຄືນຈະມີການກວດກາທັງລົດໄຟທຳມະດາ ທັງລົດໄຟຄວາມໄວສູງ ທັງລາງມັນເປັນປົກກະຕິ ດ້ານໜຶ່ງກໍພະຍາຍາມຕອບສະໜອງຜູ້ໂດຍສານທີ່ມີຫຼວງຫຼາຍໃຫ້ໄດ້ ແຕ່ສຳຄັນທີ່ສຸດຄວາມປອດໄພຕ້ອງມາກ່ອນ! ກະຊວງຂົນສົ່ງຂອງຈີນເພິ່ນກໍໄດ້ສົ່ງ 5 ທີມກວດກາຄວາມປອດໄພລົງໄປ 20 ເຂດແຂວງທີ່ສຳຄັນເພື່ອກວດກາຢ່າງເຂັ້ມງວດ. ຢູ່ລະດັບທ້ອງຖິ່ນກໍກຽມແຜນຮັບມືກັບເຫດການສຸກເສີນທີ່ບໍ່ຄາດຄິດຕັ້ງວ່າເກືອບ 1300 ແຜນທັງໜ່ວຍກູ້ໄພທັງມືອາຊີບແລະອາສາສະໝັກກຽມໄວ້ຮຽບຮ້ອຍ ທາງອົງການຄວາມປອດໄພແຫ່ງລັດກໍໄດ້ສັ່ງໃຫ້ກວດກາເຂັ້ມງວດຜູ້ໂດຍສານທີ່ຈະຖືສິ່ງຂອງຫຼືສິນຄ້າທີ່ອັນຕະລາຍຂື້ນລົດໄຟ ເຊັ່ນວ່າ: ໝາກກະໂພກ, ດອກໄມ້ໄຟ ຫຼື ສານພິດເຄມີຕ່າງໆແມ່ນຫ້າມເດັດຂາດ. ເອົາ, ຟັງເພງອີກກ່ອນແລ້ວຈະມາເວົ້າສູ່ຟັງເລື່ອງການເດີນທາງອາກາດວ່າຈະເປັນແນວໃດໃນປີໃໝ່ທີ່ຈະມາຮອດນີ້
ເພງ
ຂໍຂອບໃຈ…………………ເວົ້າເຖິງການເດີນທາງກັບບ້ານຂອງຄົນຈີນທາງລົດເມ, ລົດໄຟໄປແລ້ວ, ບັດນີ້ກໍຈະລົມການເດີນທາງຍົນສູ່ຟັງ! ປີນີ້ການບິນຈີນຄາດວ່າຈະມີຜູ້ໂດຍສານໃຊ້ຍົນເດີນທາງກັບບ້ານເກືອຍ 25 ລ້ານຖ້ຽວພຸ້ນລະ ສະນັ້ນແລະທາງພາກສ່ວນກ່ຽວຂ້ອງຈຶ່ງກຽມຍົນເພີ່ມໄວ້ບໍລິການສະເພາະສາຍການບິນພາຍໃນປະເທດຕັ້ງວ່າ 14.000 ຖ້ຽວ ເລີ່ມແຕ່ວານນີ້ໄປ ທຸກມື້ມີເກືອບ 8ພັນຖ້ຽວບິນ ທີ່ສາມາດຮັບຮອງຜູ້ໂດຍສານໄດ້ປະມານ 1 ລ້ານຄົນຕໍ່ມື້. ເພື່ອໃຫ້ຄົນໃຕ້ຫວັນທີ່ມາເຮັດທຸລະກິດ, ເຮັດວຽກຄ້າຂາຍ ຫຼື ມາຮຽນຢູ່ແຜ່ນດິນໃຫຍ່ເດີນທາງກັບເກາະໃຕ້ຫວັນສະດວກ ກໍໄດ້ກຽມຍົນພິເສດເພີ່ມໄວ້ເຖິງ 412 ຖ້ຽວຕໍ່ອາທິດ. ທັງການບິນຈີນກໍຍັງໄດ້ປະສານງານກັບພາກສ່ວນຕ່າງໆເພື່ອເຮັດໃຫ້ການເດີນທາງທາງອາກາດມີຄວາມສະດວກປອດໄພ ແລະກຽມແຜນຮັບຮອງໄວ້ແລ້ວໃນກໍລະນີທີ່ອາກາດໜາວຈັດ ໝອກຫຼືຫິມະລົງແຮງ! ຕອນໜຸ່ມໃຫຍ່ຢູ່ປັກກິ່ງແຕ່ປີ 2006 ຈົນຮອດຕົ້ນປີກາຍນີ້ ໂອ່ຍ! ບັນຍາກາດການເດີນທາງກັບບ້ານເກີດຂອງຄົນຈີນກໍພິລຶກອີ່ຫຼີໄດທ່ານຜູ້ຟັງ !ໃກ້ຮອດມື້ບຸນແທ້ທໍ່ໃດຕາມສະຖານີລົດໄຟ ລົດເມ ຄົນແຫ່ງຄັບແຄແອອັດແຍ້ກັນ ບາງຄົນກໍນອນນຳພື້ນສະຖານີລົດໄຟ ລົດເມເປັນ 2-3 ຄືນກໍມີເພື່ອລໍຖ້າຂື້ນລົດ ປີ້ນັ່ງບໍ່ໄດ້ກໍເອົາປີ້ຢືນກະຢ່າ ຂໍແຕ່ໄດ້ເມືອ ຂື້ນທາງປະຕູໄຟບໍ່ທັນ ຢ້ານລົດອອກກ່ອນກໍຍາດກັນຂື້ນທາງປ່ອງຢ້ຽມກໍມີ ສັບພະປິ! ປີ 2007 ໜຸ່ມໃຫຍ່ກໍໄດ້ພັກຍາວ 7 ມື້ວ່າຊິໄປທ່ຽວຊີອ່ານໄປເບິ່ງຮູບປັ້ນທະຫານມາຮັກສາປ້ອງກັນຮ່ອງເຕ້ 6-7ພັນໂຕພຸ້ນ ສຸດທ້າຍຈອງປີ້ລົດໄຟລ່ວງໜ້າເປັນເດືອນຍັງບໍ່ໄດ້ ບາດຢູ່ໄປຫຼາຍປີແລ້ວຈຶ່ງຮູ້ວ່າບໍ່ໄປຍາມບຸນກຸດຈີນຫັ້ນດີແລ້ວ ຄົນຫຼາຍໂພດວຸ້ນວາຍສັບສົນ! ເອົາ, ເວົ້າເລື່ອງຄົນຈີນເລີ່ມເດີນທາງກັບບ້ານເກີດເພື່ອສະຫຼອງປີໃໝ່ຈີນກໍທໍ່ນີ້ກ່ອນ! ແຕ່ວ່ານັບແຕ່ມື້ນີ້ໄປຈົນຮອດບຸນກຸດຈີນໜຸ່ມໃຫຍ່ກໍຈະພະຍາຍາມຊອກເອົາເລື່ອງຕ່າງໆທີ່ກ່ຽວຂ້ອງກັບບຸນກຸດຈີນມາເວົ້າສູ່ຟັງ! ເອົາ, ຟັງເພງຊະນໍບາດນີ້
ເພງ
ຂະນະນີ້…………….. ເອົາ, ການໄປການມາຕອນຫົວຄ່ຳແນວນີ້ລົດຫຼາຍຖະໜົນແຄບຄ່ອຍໄປຄ່ອຍມາເນາະທ່ານຜູ້ຟັງ ບໍ່ວ່າຊິເປັນລົດໃຫຍ່, ລົດຈັກ, ລົດຖີບ ຫຼື ຄົນຍ່າງກໍຢ່າລະ ມີສະຕິລະມັດລະວັງຊ່ວຍກັນແລ້ວທ່ານຈະຫຼີກຈາກອຸບັດຕິເຫດໄດ້! ກ່ອນມາຈັດລາຍການໜຸ່ມໃຫຍ່ຂັບລົດຂື້ນຄ້ອຍໂພນຕ້ອງມານິເຫັນພຶດຕິກຳຂອງໄວລຸ້ນໄວຄະນອງບາງຄົນແລ້ວໂອ່ !ເປັນຕາຢ້ານຫຼາຍ ນຸ່ງເສື້ອນັກຮຽນປະມານ 6-7 ຄົນນິລະ ລົດຄົນລະຄັນຜູ້ຊາຍໝົດ ລົດທີ່ພໍ່ແມ່ຊື້ໃຫ້ທຽວຮຽນກໍໄປດັດສຽງດັດທໍ່ໃຫ້ມັນດັງແຮງຂື້ນ! 6ໂມງປາຍລົດຫຼາຍແທ້ໆຢູ້ຄ້າຍໂພນຕ້ອງໂດຍສະເພາະໜ້າຕະຫຼາດໂພນຕ້ອງສະຫວາດນີແຫ່ງເຕັກ ຈັກລົດໃຫຍ່ຈັກລົດຈັກຕິດກັນປານເສັ້ນເຂົ້າປຸ້ນ ແຕ່ປານນັ້ນໄວລຸ້ນນັກຮຽນມໍປາຍກຸ່ມນີ້ຍັງຂັບແບບບໍ່ຢ້ານຕາຍ ເລັ່ງປືດໆປາດໆ ໝົ້ນພຸ້ນແຊງພີ້ ເຫັນພຶດຕິກຳແລ້ວໜ້າເປັນຫ່ວງ! ເອົາ, ຈັ່ງໃດພໍ່ແມ່ຜູ້ປົກຄອງກໍ່ພະຍາຍາມເບິ່ງແຍງຕິດຕາມພຶດຕິກຳຂອງລູກຕົນເອງຢູ່ນອກເຮືອນແດ່ເດີ ບາງຄົນຢູ່ເຮືອນສຸພາບແພພັບໄວ້ນິເກາະ ເວົ້າໂດຍໆ! ບາດຫວິດປະຕູເຮືອນກາຍເປັນຄົນລະຄົນກໍມີໄດ !ແຕ່ວ່າພໍ່ແມ່ບາງຄົນຊ້ຳພັດຮັກລູກໂພດຕາມໃຈລູກໂພດຈົນບໍ່ຮູ້ບອກກ່າວຕັກເຕືອນລູກວ່າອັນໃດຖືກອັນໃດຜິດອັນໃດເໝາະອັນໃດບໍ່ເໝາະ ຍ້ອນຢ້ານລູກຄຽດ ເຮັດແນວນີ້ທ່ານຮູ້ບໍ່ວ່າພວມຝຶກແອບລູກໄປໃນທາງທີ່ບໍ່ຖືກຕ້ອງແລະພວມເຮັດໃຫ້ລູກຫຍ້າມ! ບໍ່ໄວກໍ່ຊ້າ ມື້ໃດມື້ໜຶ່ງທ່ານຈະຄິດກິນແໜງໃຈຍ້ອນໂຕເອງລ້ຽງລູກດ້ວຍເງິນ ແລະ ຮັກລູກໂພດຈົນແອບໃຫ້ລູກກາຍເປັນພໍ່ເປັນແມ່ໄປເລີຍ ຕິດໝູ່ເຫຼົ້າໝູ່ຢາ ມົ້ວສຸມສັງຄົມບໍ່ດີ ຈັບກຸ່ມຕີກັນຂີ່ລົດ ຍາດຊູ້ຍາດແຟນກັນ ແລ່ນນຳກະແສຕົວຢ່າງຂອງນິຍາຍນ້ຳເນົ່າ ຫຼື ມິວສິກວີດີໂດ! ເອົາ, ເຕືອນມາດ້ວຍຄວາມຫ່ວງໄຍ!
ເພງ
ເພງ
2ເພງຈາກລາຍການຜ່ານໄປຖ້າຢາກຂໍເພງຫຼືມີຄຳຄິດຄຳເຫັນກໍໂທມາເບີ 711477 ຂໍ້ຄວາມສັ້ນກໍແມ່ນ 9300 ເດີ້ທ່ານຜູ້ຟັງ! ບັດນີ້ໜຸ່ມໃຫຍ່ຈະເອົາເລື່ອງເດີນທາງກັບບ້ານທີ່ໃຫຍ່ທີ່ສຸດໃນໂລກມາເວົ້າສູ່ຟັງ! ເພາະວ່າຄົນຈີນຕາມຕ່າງແຂວງກໍ່ຫຼຸຫຼັ່ງທັ່ງເທກັນເຂົ້າມາຕົວເມືອງຂະໜາດໃຫຍ່ຂະໜາດກາງເພື່ອເຮັດວຽກຫຼືຮ່ຳຮຽນ ບາດໃກ້ປີໃໝ່ກຸດຈີນແນວນີ້ຄື້ນມະນຸດກໍຈະໄຫຼກັບບ້ານເກີດແລ້ວບາດນີ້, ໃນຈຳນວນພົນລະເມືອງຈີນ 1 ຕື້ກັບ 370 ລ້ານກ່ວາຄົນຫັ້ນເພິ່ນຄາດວ່າແຕ່ລະຄົນຈະມີການເດີນທາງໄປມາຢ່າງໜ້ອຍ 2 ເທື່ອໃນໄລຍະນັບແຕ່ນີ້ໄປເປັນເວລາ 40 ວັນ, ຄືຈົນໄປຮອດວັນທີ 16 ກຸມພາເດືອນໜ້າພຸ້ນແລ້ວ, ພາກສ່ວນກ່ຽວຂ້ອງຂອງຈີນຄາດວ່າຈະມີຄົນເດີນທາງໄປມາໃນໄລຍະນີ້ປະມານເກືອບ 3ຕື້200ລ້ານຖ້ຽວ! ຮອດຕອນນີ້ແລ້ວຜູ້ໃດກໍເລີ່ມໃຈຈົດໃຈຈໍ່ຢາກເດີນທາງເມືອເຕົ້າໂຮມຄອບຄົວໃນໂອກາດປີໃໝ່ແລ້ວ! ນັບແຕ່ມື້ນີ້ໄປກໍເຫຼືອແຕ່ 14 ມື້ ກໍຈະຮອດບຸນກຸດຈີນລະເດທ່ານຜູ້ຟັງ! ສະນັ້ນຂະບວນຄື້ນມະນຸດເດີນທາງກັບບ້ານເກີດເມືອງນອນຢູ່ຈີນເລີ່ມຂື້ນມື້ວານນີ້ແລ້ວ! ໃຜໄປຈີນຍາມນີ້ຕາມສະຖານີລົດເມ ລົດໄຟຊິເຫັນຄົນເປ້ຖົງ ຫິ້ວເຄື່ອງມະລຸ່ງຕຸ່ງນິ່ງເຕັມລະ! ຈັກຜູ້ໜຸ່ມຈັກຜູ້ເຖົ້າ ຈັກຜູ້ຍິງ ຈັກຜູ້ຊາຍແລ້ວ! ຕາມການຖະແຫຼງຂ່າວຮ່ວມກັນມື້ວານນີ້ຂອງລະບົບການຂົນສົ່ງສາທາລະນະຂອງຈີນ ກໍຄືສາຍການບິນຈີນວານນີ້ເພີ່ນວ່າປີນີ້ກໍຄືປີໃໝ່ຜ່ານມາ ຄົນຈີນຈະເດີນທາງກັບບ້ານດ້ວຍລົດເມທາງໄກຫຼາຍທີ່ສຸດ ຄືຈະມີປະມານ 2ຕື້800ລ້ານຄົນທັງໄປແລະກັບເດ໋! ສະນັ້ນທາງບໍລິສັດລົດເມທາງໄກກໍກຽມແຜນຮອງຮັບໄວ້ດົນແລ້ວເພື່ອຮັບຄື້ນຜູ້ໂດຍສານນັ້ນ, ຄືກຽມລົດເມໄວ້ຮັບໃຊ້ໃນປະເທດຈີນເຖິງ 8ແສນ4ໝື່ນຄັນເພື່ອຮັບຮອງຜູ້ໂດຍສານທີ່ຄາດວ່າແຕ່ລະມື້ຈະມີຫຼາຍກ່ວາ 2ລ້ານ6ແສນຄົນ. ປັດໂທ! ພິລຶກອີ່ຫຼີຄົນຈີນນິ ຫຼາຍກະເດ້ຍກະດໍ້! ນອກຈາກກກຽມຈຳນວນລົດແລ້ວກໍກຽມຮັກສາຄວາມປອດໄພໃນການເດີນລົດອີກ ເພາະວ່າຄົນຫຼວງຫຼາຍແນວນີ້ກໍອ່າວສັບສົນຢ້ານເກີດອຸບັດຕິເຫດ ເພິ່ນກໍ່ແຈ້ງການເຕືອນໃຫ້ຜູ້ຂັບລົດເມມີສະຕິລະວັງຕົວໃນການຂັບຂີ່ຂື້ນຫຼາຍກ່ວາເກົ່າເລື່ອງຄວາມໄວ ເລື່ອງດິນຟ້າອາກາດ ເພາະວ່າຢູ່ຈີນຍາມໃກ້ກຸດຈີນແນວນີ້ອາກາດມັນໜາວຫຼາຍ ບາງມື້ກໍມີຫິມະຕົກ ນ້ຳກ້າມຖະໜົນຫົນທາງໝື່ນກໍມີໄດ! ຂັ້ນວ່າມື້ວານນີ້ແມ່ນມື້ເລີ່ມຕົ້ນຂອງການເດີນທາງຊື່ໆ ຢູ່ສະຖານີລົດເມ ຫຼິວລີ້ຈຽວຫຼົງຂອງນະຄອນຫຼວງປັກກິ່ງກໍຍັງມີຜູ້ອອກເດີນທາງກັບບ້ານຕັ້ງວ່າ 1 ໝື່ນຄົນແລ້ວແລະຄາດວ່າແຕ່ນີ້ໄປແຕ່ລະມື້ຈະມີຜູ້ໂດຍສານຫຼາຍກ່ວາ 2 ໝື່ນຄົນ! ໃກ້ປີໃໝ່ເທົ່າໃດຍິ່ງຈະເພີ່ມຂື້ນລະ! ເອົາ, ຈັກນ່ອຍຈະເວົ້າສູ່ຟັງວ່າຜູ້ໂດຍສານທາງລົດໄຟເດຄາດວ່າປີນີ້ຈະມີຫຼາຍປານໃດ?
ເພງ
ຟັງເພງມ່ວນໆສະບາຍໆໄປແລ້ວມາລົມກັນຕໍ່ກັບຄື້ນມະນຸດຄົນຈີນເດີນທາງກັບບ້ານເກີດເມືອງນອນເພື່ອເຕົ້າໂຮມຄອບຄົວສະຫຼອງປີໃໝ່! ເວົ້າເລື່ອງຄວາມຮັກຄອບຄົວ ເຄົາລົບພໍ່-ແມ່ ລຸງປ້ານ້າອາ ຜູ້ອາວຸໂສແລ້ວຖືວ່າເປັນມູນເຊື້ອປະເພນີທີ່ສຳຄັນຂອງຄົນຈີນເລີຍລະ! ໂດຍສະເພາະບຸນກຸດຈີນທີ່ຈະມາເຖິງນີ້ໃນວັນທີ 22-23 ນີ້ແຫ່ງເປັນບຸນປະເພນີທີ່ສຳຄັນທີ່ສຸດຂອງຄົນຈີນເລີຍລະ! ໃຜມາຫາຄອບຄົວພໍ່ແມ່ບໍ່ໄດ້ຍ້ອນຄວາມຈຳເປັນບາງອັນກໍເຮັດຄໍເຕື່ອຍໜ້າງໍໄປພຸ້ນລະ! ມື້ກີ້ກ່ອນເປີດເພງກໍເວົ້າເຖິງການເດີນທາງດ້ວຍລົດເມ; ບັດນີ້ຊິເວົ້າເຖິງການເດີນທາງດ້ວຍລົດໄຟ ກໍເປັນທາງເລືອກທີ່ດີທີ່ສຸດຂອງຜູ້ທີ່ມີລາຍຮັບລະດັບກາງແລະຕ່ຳ ທັງເປ້ເຄື່ອງເປ້ຂອງໄປຕ້ອນພໍ່ແມ່ ລູກເມຍ ຍາດພີ່ນ້ອງໄດ້ຫຼາຍອີກ! ປີນີ້ຄາດວ່າຈະມີຜູ້ໂດຍສານທາງໃນໄລຍະ 40 ມື້ແຕ່ມື້ນນີ້ມື້ວານເປັນຕົ້ນໄປຈະມີປະມານ 235 ລ້ານຖ້ຽວ ເພີ່ມຂື້ນຈາກປີກາຍ 6.1% ພຸ້ນລະ! ມື້ໜຶ່ງຄາດວ່າຈະມີຜູ້ໂດຍສານເກືອບ 6 ລ້ານຄົນ, ມື້ໜຶ່ງໄດທ່ານຜູ້ຟັງ! ຊ່ຳກັບພົນລະເມືອງລາວໝົດປະເທດໄດເນາະ! ເພື່ອຮັກສາຄວາມປອດໄພໃນການເດີນທາງຫັ້ນພາກສ່ວນກ່ຽວຂ້ອງກໍເຂັ້ມງວດກວດກາທາງລົດໄຟ ທັງລາງລົດໄຟເຂັ້ມງວດຂື້ນຕື່ມ ເພື່ອປ້ອງກັນບໍ່ໃຫ້ເກີດອຸບັດຕິເຫດ ຫຼື ອາດມີອາກາດປ່ຽນແປງຂື້ນກໍເປັນໄດ້ !ທຸກໆຄືນຈະມີການກວດກາທັງລົດໄຟທຳມະດາ ທັງລົດໄຟຄວາມໄວສູງ ທັງລາງມັນເປັນປົກກະຕິ ດ້ານໜຶ່ງກໍພະຍາຍາມຕອບສະໜອງຜູ້ໂດຍສານທີ່ມີຫຼວງຫຼາຍໃຫ້ໄດ້ ແຕ່ສຳຄັນທີ່ສຸດຄວາມປອດໄພຕ້ອງມາກ່ອນ! ກະຊວງຂົນສົ່ງຂອງຈີນເພິ່ນກໍໄດ້ສົ່ງ 5 ທີມກວດກາຄວາມປອດໄພລົງໄປ 20 ເຂດແຂວງທີ່ສຳຄັນເພື່ອກວດກາຢ່າງເຂັ້ມງວດ. ຢູ່ລະດັບທ້ອງຖິ່ນກໍກຽມແຜນຮັບມືກັບເຫດການສຸກເສີນທີ່ບໍ່ຄາດຄິດຕັ້ງວ່າເກືອບ 1300 ແຜນທັງໜ່ວຍກູ້ໄພທັງມືອາຊີບແລະອາສາສະໝັກກຽມໄວ້ຮຽບຮ້ອຍ ທາງອົງການຄວາມປອດໄພແຫ່ງລັດກໍໄດ້ສັ່ງໃຫ້ກວດກາເຂັ້ມງວດຜູ້ໂດຍສານທີ່ຈະຖືສິ່ງຂອງຫຼືສິນຄ້າທີ່ອັນຕະລາຍຂື້ນລົດໄຟ ເຊັ່ນວ່າ: ໝາກກະໂພກ, ດອກໄມ້ໄຟ ຫຼື ສານພິດເຄມີຕ່າງໆແມ່ນຫ້າມເດັດຂາດ. ເອົາ, ຟັງເພງອີກກ່ອນແລ້ວຈະມາເວົ້າສູ່ຟັງເລື່ອງການເດີນທາງອາກາດວ່າຈະເປັນແນວໃດໃນປີໃໝ່ທີ່ຈະມາຮອດນີ້
ເພງ
ຂໍຂອບໃຈ…………………ເວົ້າເຖິງການເດີນທາງກັບບ້ານຂອງຄົນຈີນທາງລົດເມ, ລົດໄຟໄປແລ້ວ, ບັດນີ້ກໍຈະລົມການເດີນທາງຍົນສູ່ຟັງ! ປີນີ້ການບິນຈີນຄາດວ່າຈະມີຜູ້ໂດຍສານໃຊ້ຍົນເດີນທາງກັບບ້ານເກືອຍ 25 ລ້ານຖ້ຽວພຸ້ນລະ ສະນັ້ນແລະທາງພາກສ່ວນກ່ຽວຂ້ອງຈຶ່ງກຽມຍົນເພີ່ມໄວ້ບໍລິການສະເພາະສາຍການບິນພາຍໃນປະເທດຕັ້ງວ່າ 14.000 ຖ້ຽວ ເລີ່ມແຕ່ວານນີ້ໄປ ທຸກມື້ມີເກືອບ 8ພັນຖ້ຽວບິນ ທີ່ສາມາດຮັບຮອງຜູ້ໂດຍສານໄດ້ປະມານ 1 ລ້ານຄົນຕໍ່ມື້. ເພື່ອໃຫ້ຄົນໃຕ້ຫວັນທີ່ມາເຮັດທຸລະກິດ, ເຮັດວຽກຄ້າຂາຍ ຫຼື ມາຮຽນຢູ່ແຜ່ນດິນໃຫຍ່ເດີນທາງກັບເກາະໃຕ້ຫວັນສະດວກ ກໍໄດ້ກຽມຍົນພິເສດເພີ່ມໄວ້ເຖິງ 412 ຖ້ຽວຕໍ່ອາທິດ. ທັງການບິນຈີນກໍຍັງໄດ້ປະສານງານກັບພາກສ່ວນຕ່າງໆເພື່ອເຮັດໃຫ້ການເດີນທາງທາງອາກາດມີຄວາມສະດວກປອດໄພ ແລະກຽມແຜນຮັບຮອງໄວ້ແລ້ວໃນກໍລະນີທີ່ອາກາດໜາວຈັດ ໝອກຫຼືຫິມະລົງແຮງ! ຕອນໜຸ່ມໃຫຍ່ຢູ່ປັກກິ່ງແຕ່ປີ 2006 ຈົນຮອດຕົ້ນປີກາຍນີ້ ໂອ່ຍ! ບັນຍາກາດການເດີນທາງກັບບ້ານເກີດຂອງຄົນຈີນກໍພິລຶກອີ່ຫຼີໄດທ່ານຜູ້ຟັງ !ໃກ້ຮອດມື້ບຸນແທ້ທໍ່ໃດຕາມສະຖານີລົດໄຟ ລົດເມ ຄົນແຫ່ງຄັບແຄແອອັດແຍ້ກັນ ບາງຄົນກໍນອນນຳພື້ນສະຖານີລົດໄຟ ລົດເມເປັນ 2-3 ຄືນກໍມີເພື່ອລໍຖ້າຂື້ນລົດ ປີ້ນັ່ງບໍ່ໄດ້ກໍເອົາປີ້ຢືນກະຢ່າ ຂໍແຕ່ໄດ້ເມືອ ຂື້ນທາງປະຕູໄຟບໍ່ທັນ ຢ້ານລົດອອກກ່ອນກໍຍາດກັນຂື້ນທາງປ່ອງຢ້ຽມກໍມີ ສັບພະປິ! ປີ 2007 ໜຸ່ມໃຫຍ່ກໍໄດ້ພັກຍາວ 7 ມື້ວ່າຊິໄປທ່ຽວຊີອ່ານໄປເບິ່ງຮູບປັ້ນທະຫານມາຮັກສາປ້ອງກັນຮ່ອງເຕ້ 6-7ພັນໂຕພຸ້ນ ສຸດທ້າຍຈອງປີ້ລົດໄຟລ່ວງໜ້າເປັນເດືອນຍັງບໍ່ໄດ້ ບາດຢູ່ໄປຫຼາຍປີແລ້ວຈຶ່ງຮູ້ວ່າບໍ່ໄປຍາມບຸນກຸດຈີນຫັ້ນດີແລ້ວ ຄົນຫຼາຍໂພດວຸ້ນວາຍສັບສົນ! ເອົາ, ເວົ້າເລື່ອງຄົນຈີນເລີ່ມເດີນທາງກັບບ້ານເກີດເພື່ອສະຫຼອງປີໃໝ່ຈີນກໍທໍ່ນີ້ກ່ອນ! ແຕ່ວ່ານັບແຕ່ມື້ນີ້ໄປຈົນຮອດບຸນກຸດຈີນໜຸ່ມໃຫຍ່ກໍຈະພະຍາຍາມຊອກເອົາເລື່ອງຕ່າງໆທີ່ກ່ຽວຂ້ອງກັບບຸນກຸດຈີນມາເວົ້າສູ່ຟັງ! ເອົາ, ຟັງເພງຊະນໍບາດນີ້
ເພງ
ຂະນະນີ້…………….. ເອົາ, ການໄປການມາຕອນຫົວຄ່ຳແນວນີ້ລົດຫຼາຍຖະໜົນແຄບຄ່ອຍໄປຄ່ອຍມາເນາະທ່ານຜູ້ຟັງ ບໍ່ວ່າຊິເປັນລົດໃຫຍ່, ລົດຈັກ, ລົດຖີບ ຫຼື ຄົນຍ່າງກໍຢ່າລະ ມີສະຕິລະມັດລະວັງຊ່ວຍກັນແລ້ວທ່ານຈະຫຼີກຈາກອຸບັດຕິເຫດໄດ້! ກ່ອນມາຈັດລາຍການໜຸ່ມໃຫຍ່ຂັບລົດຂື້ນຄ້ອຍໂພນຕ້ອງມານິເຫັນພຶດຕິກຳຂອງໄວລຸ້ນໄວຄະນອງບາງຄົນແລ້ວໂອ່ !ເປັນຕາຢ້ານຫຼາຍ ນຸ່ງເສື້ອນັກຮຽນປະມານ 6-7 ຄົນນິລະ ລົດຄົນລະຄັນຜູ້ຊາຍໝົດ ລົດທີ່ພໍ່ແມ່ຊື້ໃຫ້ທຽວຮຽນກໍໄປດັດສຽງດັດທໍ່ໃຫ້ມັນດັງແຮງຂື້ນ! 6ໂມງປາຍລົດຫຼາຍແທ້ໆຢູ້ຄ້າຍໂພນຕ້ອງໂດຍສະເພາະໜ້າຕະຫຼາດໂພນຕ້ອງສະຫວາດນີແຫ່ງເຕັກ ຈັກລົດໃຫຍ່ຈັກລົດຈັກຕິດກັນປານເສັ້ນເຂົ້າປຸ້ນ ແຕ່ປານນັ້ນໄວລຸ້ນນັກຮຽນມໍປາຍກຸ່ມນີ້ຍັງຂັບແບບບໍ່ຢ້ານຕາຍ ເລັ່ງປືດໆປາດໆ ໝົ້ນພຸ້ນແຊງພີ້ ເຫັນພຶດຕິກຳແລ້ວໜ້າເປັນຫ່ວງ! ເອົາ, ຈັ່ງໃດພໍ່ແມ່ຜູ້ປົກຄອງກໍ່ພະຍາຍາມເບິ່ງແຍງຕິດຕາມພຶດຕິກຳຂອງລູກຕົນເອງຢູ່ນອກເຮືອນແດ່ເດີ ບາງຄົນຢູ່ເຮືອນສຸພາບແພພັບໄວ້ນິເກາະ ເວົ້າໂດຍໆ! ບາດຫວິດປະຕູເຮືອນກາຍເປັນຄົນລະຄົນກໍມີໄດ !ແຕ່ວ່າພໍ່ແມ່ບາງຄົນຊ້ຳພັດຮັກລູກໂພດຕາມໃຈລູກໂພດຈົນບໍ່ຮູ້ບອກກ່າວຕັກເຕືອນລູກວ່າອັນໃດຖືກອັນໃດຜິດອັນໃດເໝາະອັນໃດບໍ່ເໝາະ ຍ້ອນຢ້ານລູກຄຽດ ເຮັດແນວນີ້ທ່ານຮູ້ບໍ່ວ່າພວມຝຶກແອບລູກໄປໃນທາງທີ່ບໍ່ຖືກຕ້ອງແລະພວມເຮັດໃຫ້ລູກຫຍ້າມ! ບໍ່ໄວກໍ່ຊ້າ ມື້ໃດມື້ໜຶ່ງທ່ານຈະຄິດກິນແໜງໃຈຍ້ອນໂຕເອງລ້ຽງລູກດ້ວຍເງິນ ແລະ ຮັກລູກໂພດຈົນແອບໃຫ້ລູກກາຍເປັນພໍ່ເປັນແມ່ໄປເລີຍ ຕິດໝູ່ເຫຼົ້າໝູ່ຢາ ມົ້ວສຸມສັງຄົມບໍ່ດີ ຈັບກຸ່ມຕີກັນຂີ່ລົດ ຍາດຊູ້ຍາດແຟນກັນ ແລ່ນນຳກະແສຕົວຢ່າງຂອງນິຍາຍນ້ຳເນົ່າ ຫຼື ມິວສິກວີດີໂດ! ເອົາ, ເຕືອນມາດ້ວຍຄວາມຫ່ວງໄຍ!
ເພງ
