ຄວາມຂີ້ຄ້ານຂອງນັກຮຽນປິ່ນປົວໄດ້ໂດຍການສຶກສາອົບຮົມ
ຊາວໜຸ່ມນັກຮຽນຈໍານວນໜື່ງທີ່ບໍ່ເອົາຫັວໃສ່ໃຈຊາຕໍ່ການຮຽນ, ຊໍ້າຍັງປະພຶດຕົນບໍ່ເໝາະສົມເຮັດໃຫ້ສັງຄົມວິພາກວິຈານແລະວິຕົກກັງວົນວ່າ: ລະຫວ່າງສະຖາບັນການສຶກສາແລະພໍ່ແມ່ຜູ້ປົກຄອງພາກສ່ວນໃດສົມຄວນຮັບຜິດຊອບໃນການອົບຮົມສັ່ງສອນລູກຫຼານລາວໃຫ້ເປັນຄົນຮູ້ຜູ້ດີ.
ທ່ານ ລີຝຸງຫົວໜ້າກົມມັດທະຍົມສຶກສາກະຊວງສຶກສາທິການແລະກິລາ ໄດ້ອະທິບາຍກ່ຽວກັບບັນຫານີ້ຢູ່ນະຄອນຫຼວງວຽງຈັນວ່າ: ແຕ່ລະໂຮງຮຽນກໍ່ມີລະບຽບເພື່ອຄຸ້ມຄອງໂຮງຮຽນ, ແຕ່ລະປີກ່ອນຈະເປີດໂຮງຮຽນກໍ່ໄດເຜີຍແຜ່ລະບຽບລັກການຕ່າງໆ.
ເມື່ອເບິ່ງແລ້ວນັກຮຽນທີ່ບໍ່ດີກໍ່ມີສ່ວນໜ້ອຍໜື່ງແລະເຮັດໃຫ້ພາບລວມໝອງ, ຄວາມພະຍາຍາມຂອງໂຮງຮຽນແມ່ນເຮັດແນວໃດໃຫ້ນັກຮຽນຢູ່ໃນຂອບເຂດໂຮງຮຽນເປັນຄົນຮູ້ຜູ້ດີ.
ເຮັດແນວໃດເພື່ອສ້າງໃຫ້ນັກຮຽນເປັນຄົນທີ່ມີຄວາມຮູ້ຮອບດ້ານ, ມີຄຸນສົມັບດ, ມີຄວາມຮູ້ຄວາມສາມາດຮັບໃຊ້ຕົນເອງແລະຮັບໃຊ້ສັງຄົມ.
ແຕ່ຍັງມີຈໍານວນນັກຮຽນໜ້ອຍໜື່ງທີ່ຍັງຖືເບົາບໍ່ທເອົາໃຈໃສ່ບໍ່ເຫັນຄວາມສໍາຄັນຂອງການສຶກສາແລອານາຄົດຂອງຕົນເອງ ຊໍ້າບໍ່ພໍຍັງວາງໂຕເອງໄປຕາມມີຕາມເກີດ.
ປະຈຸບັນນີ້ບໍ່ມີມາດຕະການຄືແຕ່ກ່ອນເຊັ່ນ໊ ໃສ່ລະບຽບໜັກ, ຄຸມຂັງ, ໃຊ້ຄວາມຮຸນແຮງ ປະຈຸບັນນີ້ເອົາການສຶກສາອົບຮົມເປັນການປິ່ນປົວພະຍາດຕ່າງໆບໍ່ວ່າຈະເປັນພະຍາດຂີ້ຄ້ານຫຼືຂີ້ຕົວະ
ຢູ່ສາກົນກໍ່ມີບັນຫາແບບນີ້ຄືກັນ, ຄູຕວນເອົາໃຈໃສ່ບັນຫານີ້ຫຼາຍຂື້ນ ໃຫ້ການໄກ້ຊິດຕິດແທດນັກຮຽນຫຼາຍຂື້ນ
ຖ້າພວກເຂົາມີບັນຫາກໍ່ຄວນກໍາໄດ້ແລະສຶກສາອົບຮົມພວກເຂົາເຈົ້າ ເຊິ່ງອາດມີສາເຫດມາຈາກຄອບຄົວຫຼືວ່າສັງຄົມ, ໝູ່ຄູ່.
ຖ້າມີການຕິດຕາມຢ່າງໄກ້ຊິດຕິດແທດແຕ່ຫົວທີເຊື່ອແນ່ວ່າກໍຈະສາມາດກໍາຈັດແລະແກ້ໄຂໄດ້ທ່ວງທັນ. ຖ້າແກ້ບໍ່ຕົກຄວນສົ່ງຂ່າວຫາພໍ່-ແມ່ແກ້ໄຂຊ່ວຍກັນ.
ເພາະພະຍາດເປັນແຕ່ນ້ອຍປິ່ນປົວໄດ້ ຖ້າໃຫຍ່ແລ້ວສຸມຢາໃສ່ເທົ່າໃດກໍ່ຍິ່ງເພີ່ມຄວາມຮຸນແຮງ ເພາະໃສ່ລະບຽບວິໃນກໍ່ອາດມີທາງລົບແທນທີ່ຈະບວກ.
