ຂໍໃຫ້ທ່ານຫ່າງໄກຈາກຜົນຮ້າຍຂອງຄອມພິວເຕີ
(GMT+08:00) 2012-02-14 15:43:02 cri
ຫວ່າງມໍ່ໆນີ້ ຊອຟແວທີ່ປ້ອງກັນບໍ່ໃຫ້ມົວເມົານຳຄອມພິວເຕີຊຸດໜຶ່ງພວມທົດລອງໃຊ້ຢູ່ຫລາຍເວບໄຊເກມ,ເພື່ອບັງຄັບໃຫ້ຜູ້ທີ່ຫລິ້ນເກມຈົນບໍ່ຫຼັບບໍ່ນອນເຫລົ່ານັ້ນພັກຜ່ອນ. ນອກຈາກຜູ້ຫລິ້ນເກມແລ້ວ,ທີ່ຈິງແລ້ວ,ພວກເຮົາສ່ວນຫລາຍກໍໃຊ້ຄອມພິວເຕີມາຊອກຮູ້ຂ່າວຄາວ,ຊອກຫາຂໍ້ມູນແລະລົມກັນ,ມັກຈະນັ່ງຢູ່ໜ້າຄອມພິວເຕີຫລາຍຊົ່ວໂມງບໍ່ລຸກ. ແຕ່ທ່ານຮູ້ບໍ່ວ່າ,ການໃຊ້ຄອມພິວເຕີຢ່າງບໍ່ຈຳກັດເວລາຈະທຳລາຍຮ່າງກາຍຄົນເຮົາຢ່າງບໍ່ຮູ້ສຶກຕົວ,ປະໝາດບໍ່ໄດ້ເດັດຂາດ.
ປັດຈຸບັນ,ໃນສາລະບານພະຍາດອາຊີບອາດຈະຕ້ອງເພີ່ມພະຍາດຢ່າງໜຶ່ງຄື"ພະຍາດຄອມພິວເຕີ". ຫລັກຖານນັບມື້ນັບຫລາຍສະແດງໃຫ້ເຫັນວ່າ,ຄອມພິວເຕີຈະທຳລາຍສຸຂະພາບຂອງຄົນ,ສັບໃໝ່ຕ່າງໆເຊັ່ນພະຍາດຄອມພິວເຕີ,ພະຍາດຂໍ້ມືແລະພະຍາດບ້າຄອມພິວເຕີເປັນຕົ້ນກໍໄດ້ເຂົ້າສູ່ສາຍຕາພວກເຮົາເລື້ອຍໆ. ເຈັບຕາປວດຕາ,ບ່າໄຫລ່ແຂງກະດ້າງເປັນຕົ້ນຍິ່ງແມ່ນອາການພົ້ນເດັ່ນກວ່າໝູ່ຂອງພະຍາດຄອມພິວເຕີ.
ຈະຫລີກເວັ້ນພະຍາດຄອມພິວເຕີແນວໃດ? ຢູ່ທີ່ນີ້,ພວກເຮົາຂໍສະເໜີວິທີຫັດກາຍ 333. ໝາຍຄວາມວ່າ,ໃນເວລາໃຊ້ຄອມພິວເຕີນັ້ນ,ແຕ່ລະສາມສິບນາທີໃດໃຫ້ລຸກຫັດກາຍເທື່ອໜຶ່ງ,ແຕ່ລະເທື່ອ 3 ນາທີ,ຢ່າງໜ້ອຍເໜັງຕີງຂໍ້ກະດູກສາມບ່ອນ. ການນັ່ງທ່າດຽວບໍ່ປ່ຽນແປງເປັນເວລາດົນນານຈະເຮັດໃຫ້ເລືອດເດີນບໍ່ສະດວກ. ຕັ້ງໂມງໄວ້,ເມື່ອຮອດເວລາກໍລຸກຂຶ້ນຫັດກາຍບາດໜຶ່ງ,ສາມາດຜ່ອນຄາຍຄວາມອິດເໝື່ອຍຂອງກ້າມເນື້ອຢ່າງບັງເກີດຜົນ,ແລະຮັກສາສະໝອງປອດໂປ່ງ.
ທີ່ຈິງແລ້ວ,ໃນເວລາໃຊ້ຄອມພິວເຕີນັ້ນ ຈະຕ້ອງໃຊ້ເຖິງກ້າມເນື້ອທີ່ກ່ຽວຂ້ອງເຊັ່ນກ້ານຄໍ,ຫລັງ,ລຳຄີງ,ແຂນຈົນຮອດຂາ. ສະນັ້ນ,ຈຶ່ງສະເໜີໃຫ້ຫັດກາຍໝົດຄີງຢ່າງເໝາະສົມໃນເວລາທຳມະດາ,ເຮັດແນວນີ້ ບໍ່ພຽງແຕ່ສາມາດຮັກສາໃຫ້ເລືອດໝູນວຽນເປັນຢ່າງດີທໍ່ນັ້ນ,ຍັງສາມາດເພີ່ມຄວາມຫົດຍືດຂອງກ້າມເນື້ອນຳອີກ. ຕົວຢ່າງຄືລົງລົດກ່ອນຈະຮອດຫ້ອງການແລ້ວຍ່າງປະມານ 5 ນາທີ,ຖ້າບ່ອນຢູ່ຫ່າງຈາກຫ້ອງການບໍ່ໄກ,ຍ່າງໄປເຂົ້າການກໍເປັນການຫັດແຮງຢ່າງໜຶ່ງ. ການຍ່າງໄວໃນເວລາຕື່ນເຊົ້າ,ຍ່າງຊ້າແບບພັກຜ່ອນຢ່ອນອາລົມຫລັງຈາກເລີກການ,ຫລືຍ່າງໄວຫລືແລ່ນຊ້າໃນເວລາພັກຕອນທ່ຽງ,ທັງໝົດເຫລົ່ານີ້ລ້ວນແຕ່ແມ່ນວິທີຫັດກາຍທີ່ດີ.
ເມື່ອເຮັດວຽກຫລືຫລິ້ນເກມຢູ່ຕໍ່ໜ້າຄອມພິວເຕີ,ຮ່າງກາຍຄົນເຮົາສ່ວນຫຼາຍຈະຢູ່ໃນສະພາວະຂົດໂຕຢູ່ເຄິ່ງໜຶ່ງ,ສະນັ້ນຈຶ່ງຕ້ອງລຸກຢືດແຂ່ງຢຽດຂາ,ເພື່ອຫລີກເວັ້ນບໍ່ໃຫ້ກ້າມເນື້ອເຄັ່ງຕຶງຍ້ອນນັ່ງດົນແລະຍ້ອນດີດຄີບອດຫຼາຍ.
ກ່ອນອື່ນ,ເວລານັ່ງຫຼັງຕ້ອງຊື່,ຕ້ອງຮັກສາເສັ້ນຄົດຂອງກະດູກແອວ. ສອງມືຄ້ຳແອບ,ເດ່ແຂນແລະມືໄປທາງໜ້າ,ຮ່າງກາຍເປັນຮູບກົ່ງ,ແລ້ວຟື້ນຟູທ່າເກົ່າໃນທັນທີ,ເຮັດແບບນີ້ 5 ເທື່ອ.
ສອງ,ຍົກສອງແຂນຂຶ້ນໄປທາງໜ້າສຸດຢຽດ,ແລ້ວຄ່ອຍໆຢ່ອນສອງມືລົງເຖິງຫົວເຂົ່າ,ພ້ອມທັງໂຍະຍານກ້າມເນື້ອກ້ານຄໍ,ເຮັດແບບນີ້ 5 ເທື່ອ.
ສາມ,ເດ່ແຂນສອງເບື້ອງໄປໜ້າໃຫ້ພຽງກັນ,ຂວ້ຳຝ່າມືລົງ,ຈ່າງນິ້ວມືທັງຫ້າສຸດຢຽດ 5 ເທື່ອ,ແລ້ວຍານມື,ເຮັດ 5 ເທື່ອ.
ສີ່,ປ່ຽນກັນຫັກນິ້ວມືໃຫ້ແອນຈັກຫຼາຍໆເທື່ອ.
ຫ້າ,ນັ່ງລົງໃຫ້ບ່າໄຫລ່ທ່ຽງ,ຍົກແຂນທັງສອງເບື້ອງໄປທາງໜ້າໃຫ້ພຽງກັບໜ້າດິນ,ແລ້ວແກວ່ງແຂນເປັນຮູບມົນ,ປ່ຽນແຂນເຮັດຄືກັນຫຼາຍເທື່ອ.
ເມື່ອໃຊ້ຄອມພິວເຕີດົນແລ້ວ,ຕາກໍຈະຮູ້ສຶກເມື່ອຍ,ແຫ້ງ. ໂດຍສະເພາະແມ່ນຜູ້ທີ່ມັກຫລິ້ນເກມ,ຕາບໍ່ໜີຈາກໜ້າຈໍຕະຫລອດ,ສະນັ້ນ,ຕາກໍແຮ່ງເມື່ອຍ. ຕໍ່ໄປຈະສອນວິທີງ່າຍໆຫລາຍຢ່າງເພື່ອຮັກສາຕາ,ບາ 30 ນາທີກໍໃຫ້ຕາພັກຜ່ອນຈັກບາດ.
ໜຶ່ງແມ່ນວິທີຫັດໜ່ວຍຕາ: ໃຫ້ເບິ່ງທາງໜ້າ,ຢ່າປິ່ນຫົວ,ຄ່ອຍໆໝູນໜ່ວຍຕາໄປຕາມທິດເຂັມໂມງຮອບໜຶ່ງ,ແລ້ວເຫຼືອດກັບຄືນຮອບໜຶ່ງ,ເຮັດ 5 ເທື່ອ.
ສອງແມ່ນວິທີພັບຕາ: ແງນຄໍຂຶ້ນແລະພັບຕາເລື້ອຍໆ,ເຮັດໃຫ້ເລືອດໝູນວຽນລຸລ່ວງ. ຖ້າຕາຮູ້ສຶກເມື່ອຍໜ້ອຍໜຶ່ງ,ໃຫ້ພັບຕາສອງສາມເທື່ອກໍໄດ້ແລ້ວ.ສາມແມ່ນວິທີເບິ່ງໃກ້ກັບເບິ່ງໄກປ່ຽນກັນ: ໃຫ້ເບິ່ງທາງໄກ 3 ນາທີ,ແລ້ວເບິ່ງຝ່າມື 1 ຮອດ 2 ນາທີ,ເຮັດແນວນີ້ຫລາຍເທື່ອສາມາດບັ່ນເທົາຄວາມອິດເມື່ອຍຂອງຕາຢ່າງໄດ້ຜົນ
ປັດຈຸບັນ,ໃນສາລະບານພະຍາດອາຊີບອາດຈະຕ້ອງເພີ່ມພະຍາດຢ່າງໜຶ່ງຄື"ພະຍາດຄອມພິວເຕີ". ຫລັກຖານນັບມື້ນັບຫລາຍສະແດງໃຫ້ເຫັນວ່າ,ຄອມພິວເຕີຈະທຳລາຍສຸຂະພາບຂອງຄົນ,ສັບໃໝ່ຕ່າງໆເຊັ່ນພະຍາດຄອມພິວເຕີ,ພະຍາດຂໍ້ມືແລະພະຍາດບ້າຄອມພິວເຕີເປັນຕົ້ນກໍໄດ້ເຂົ້າສູ່ສາຍຕາພວກເຮົາເລື້ອຍໆ. ເຈັບຕາປວດຕາ,ບ່າໄຫລ່ແຂງກະດ້າງເປັນຕົ້ນຍິ່ງແມ່ນອາການພົ້ນເດັ່ນກວ່າໝູ່ຂອງພະຍາດຄອມພິວເຕີ.
ຈະຫລີກເວັ້ນພະຍາດຄອມພິວເຕີແນວໃດ? ຢູ່ທີ່ນີ້,ພວກເຮົາຂໍສະເໜີວິທີຫັດກາຍ 333. ໝາຍຄວາມວ່າ,ໃນເວລາໃຊ້ຄອມພິວເຕີນັ້ນ,ແຕ່ລະສາມສິບນາທີໃດໃຫ້ລຸກຫັດກາຍເທື່ອໜຶ່ງ,ແຕ່ລະເທື່ອ 3 ນາທີ,ຢ່າງໜ້ອຍເໜັງຕີງຂໍ້ກະດູກສາມບ່ອນ. ການນັ່ງທ່າດຽວບໍ່ປ່ຽນແປງເປັນເວລາດົນນານຈະເຮັດໃຫ້ເລືອດເດີນບໍ່ສະດວກ. ຕັ້ງໂມງໄວ້,ເມື່ອຮອດເວລາກໍລຸກຂຶ້ນຫັດກາຍບາດໜຶ່ງ,ສາມາດຜ່ອນຄາຍຄວາມອິດເໝື່ອຍຂອງກ້າມເນື້ອຢ່າງບັງເກີດຜົນ,ແລະຮັກສາສະໝອງປອດໂປ່ງ.
ທີ່ຈິງແລ້ວ,ໃນເວລາໃຊ້ຄອມພິວເຕີນັ້ນ ຈະຕ້ອງໃຊ້ເຖິງກ້າມເນື້ອທີ່ກ່ຽວຂ້ອງເຊັ່ນກ້ານຄໍ,ຫລັງ,ລຳຄີງ,ແຂນຈົນຮອດຂາ. ສະນັ້ນ,ຈຶ່ງສະເໜີໃຫ້ຫັດກາຍໝົດຄີງຢ່າງເໝາະສົມໃນເວລາທຳມະດາ,ເຮັດແນວນີ້ ບໍ່ພຽງແຕ່ສາມາດຮັກສາໃຫ້ເລືອດໝູນວຽນເປັນຢ່າງດີທໍ່ນັ້ນ,ຍັງສາມາດເພີ່ມຄວາມຫົດຍືດຂອງກ້າມເນື້ອນຳອີກ. ຕົວຢ່າງຄືລົງລົດກ່ອນຈະຮອດຫ້ອງການແລ້ວຍ່າງປະມານ 5 ນາທີ,ຖ້າບ່ອນຢູ່ຫ່າງຈາກຫ້ອງການບໍ່ໄກ,ຍ່າງໄປເຂົ້າການກໍເປັນການຫັດແຮງຢ່າງໜຶ່ງ. ການຍ່າງໄວໃນເວລາຕື່ນເຊົ້າ,ຍ່າງຊ້າແບບພັກຜ່ອນຢ່ອນອາລົມຫລັງຈາກເລີກການ,ຫລືຍ່າງໄວຫລືແລ່ນຊ້າໃນເວລາພັກຕອນທ່ຽງ,ທັງໝົດເຫລົ່ານີ້ລ້ວນແຕ່ແມ່ນວິທີຫັດກາຍທີ່ດີ.
ເມື່ອເຮັດວຽກຫລືຫລິ້ນເກມຢູ່ຕໍ່ໜ້າຄອມພິວເຕີ,ຮ່າງກາຍຄົນເຮົາສ່ວນຫຼາຍຈະຢູ່ໃນສະພາວະຂົດໂຕຢູ່ເຄິ່ງໜຶ່ງ,ສະນັ້ນຈຶ່ງຕ້ອງລຸກຢືດແຂ່ງຢຽດຂາ,ເພື່ອຫລີກເວັ້ນບໍ່ໃຫ້ກ້າມເນື້ອເຄັ່ງຕຶງຍ້ອນນັ່ງດົນແລະຍ້ອນດີດຄີບອດຫຼາຍ.
ກ່ອນອື່ນ,ເວລານັ່ງຫຼັງຕ້ອງຊື່,ຕ້ອງຮັກສາເສັ້ນຄົດຂອງກະດູກແອວ. ສອງມືຄ້ຳແອບ,ເດ່ແຂນແລະມືໄປທາງໜ້າ,ຮ່າງກາຍເປັນຮູບກົ່ງ,ແລ້ວຟື້ນຟູທ່າເກົ່າໃນທັນທີ,ເຮັດແບບນີ້ 5 ເທື່ອ.
ສອງ,ຍົກສອງແຂນຂຶ້ນໄປທາງໜ້າສຸດຢຽດ,ແລ້ວຄ່ອຍໆຢ່ອນສອງມືລົງເຖິງຫົວເຂົ່າ,ພ້ອມທັງໂຍະຍານກ້າມເນື້ອກ້ານຄໍ,ເຮັດແບບນີ້ 5 ເທື່ອ.
ສາມ,ເດ່ແຂນສອງເບື້ອງໄປໜ້າໃຫ້ພຽງກັນ,ຂວ້ຳຝ່າມືລົງ,ຈ່າງນິ້ວມືທັງຫ້າສຸດຢຽດ 5 ເທື່ອ,ແລ້ວຍານມື,ເຮັດ 5 ເທື່ອ.
ສີ່,ປ່ຽນກັນຫັກນິ້ວມືໃຫ້ແອນຈັກຫຼາຍໆເທື່ອ.
ຫ້າ,ນັ່ງລົງໃຫ້ບ່າໄຫລ່ທ່ຽງ,ຍົກແຂນທັງສອງເບື້ອງໄປທາງໜ້າໃຫ້ພຽງກັບໜ້າດິນ,ແລ້ວແກວ່ງແຂນເປັນຮູບມົນ,ປ່ຽນແຂນເຮັດຄືກັນຫຼາຍເທື່ອ.
ເມື່ອໃຊ້ຄອມພິວເຕີດົນແລ້ວ,ຕາກໍຈະຮູ້ສຶກເມື່ອຍ,ແຫ້ງ. ໂດຍສະເພາະແມ່ນຜູ້ທີ່ມັກຫລິ້ນເກມ,ຕາບໍ່ໜີຈາກໜ້າຈໍຕະຫລອດ,ສະນັ້ນ,ຕາກໍແຮ່ງເມື່ອຍ. ຕໍ່ໄປຈະສອນວິທີງ່າຍໆຫລາຍຢ່າງເພື່ອຮັກສາຕາ,ບາ 30 ນາທີກໍໃຫ້ຕາພັກຜ່ອນຈັກບາດ.
ໜຶ່ງແມ່ນວິທີຫັດໜ່ວຍຕາ: ໃຫ້ເບິ່ງທາງໜ້າ,ຢ່າປິ່ນຫົວ,ຄ່ອຍໆໝູນໜ່ວຍຕາໄປຕາມທິດເຂັມໂມງຮອບໜຶ່ງ,ແລ້ວເຫຼືອດກັບຄືນຮອບໜຶ່ງ,ເຮັດ 5 ເທື່ອ.
ສອງແມ່ນວິທີພັບຕາ: ແງນຄໍຂຶ້ນແລະພັບຕາເລື້ອຍໆ,ເຮັດໃຫ້ເລືອດໝູນວຽນລຸລ່ວງ. ຖ້າຕາຮູ້ສຶກເມື່ອຍໜ້ອຍໜຶ່ງ,ໃຫ້ພັບຕາສອງສາມເທື່ອກໍໄດ້ແລ້ວ.ສາມແມ່ນວິທີເບິ່ງໃກ້ກັບເບິ່ງໄກປ່ຽນກັນ: ໃຫ້ເບິ່ງທາງໄກ 3 ນາທີ,ແລ້ວເບິ່ງຝ່າມື 1 ຮອດ 2 ນາທີ,ເຮັດແນວນີ້ຫລາຍເທື່ອສາມາດບັ່ນເທົາຄວາມອິດເມື່ອຍຂອງຕາຢ່າງໄດ້ຜົນ
